Toggle Dropdown
«Сараптама комиссияларын (сараптама топтарын) құру және кешендi ведомстводан тыс сараптамаға және қала құрылысы сараптамасына қатысу үшiн мамандарды (мамандандырылған институттар мен ұйымдарды) тарту қағидаларын бекіту туралы» Қазақстан Республикасы Ұлттық экономика министрінің 2015 жылғы 2 сәуірдегі № 306 бұйрығына өзгерістер енгізу туралы» бұйрық жобасы
Toggle Dropdown
«Сараптама комиссияларын (сараптама топтарын) құру және кешендi ведомстводан тыс сараптамаға және қала құрылысы сараптамасына қатысу үшiн мамандарды (мамандандырылған институттар мен ұйымдарды) тарту қағидаларын бекіту туралы» Қазақстан Республикасы Ұлттық экономика министрінің 2015 жылғы 2 сәуірдегі № 306 бұйрығына өзгерістер енгізу туралы
Toggle Dropdown
БҰЙЫРАМЫН:
Toggle Dropdown
1. «Әділет» ақпараттық-құқықтық жүйесінде 2015 жылғы 2 сәуірде жарияланған, Нормативтік құқықтық актілерді мемлекеттік тіркеу тізілімінде № 10635 тіркелген «Сараптама комиссияларын (сараптама топтарын) құру және кешендi ведомстводан тыс сараптамаға және қала құрылысы сараптамасына қатысу үшiн мамандарды (мамандандырылған институттар мен ұйымдарды) тарту қағидаларын бекіту туралы» Қазақстан Республикасы Ұлттық экономика министрінің 2015 жылғы 2 сәуірдегі № 306 бұйрығына мынадай өзгеріс енгізілсін:
Toggle Dropdown
Көрсетілген бұйрықпен бекітілген Сараптама комиссияларын (сараптама топтарын) құру және кешендi ведомстводан тыс сараптамаға және қала құрылысы сараптамасына қатысу үшiн мамандарды (мамандандырылған институттар мен ұйымдарды) тарту қағидалары осы бұйрықтың қосымшасына сәйкес редакцияда мазмұндалсын.
Toggle Dropdown
2. Қазақстан Республикасы Ұлттық экономика министрлігінің Құрылыс және тұрғын үй-коммуналдық шаруашылық істері комитеті заңнамамен белгіленген тәртіппен:
Toggle Dropdown
1) осы бұйрықты Қазақстан Республикасы Әділет министрлігінде мемлекеттік тіркеуді;
Toggle Dropdown
2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап бес жұмыс күн ішінде Қазақстан Республикасының нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберуді;
Toggle Dropdown
3) осы бұйрықты Қазақстан Республикасының Ұлттық экономика министрлігінің интернет-ресурсында орналастыруды;
Toggle Dropdown
4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасының Ұлттық экономика министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
Toggle Dropdown
3. Осы бұйрықтың орындалуын бақылау жетекшілік ететін Қазақстан Республикасы Ұлттық экономика вице-министріне жүктелсін.
Toggle Dropdown
4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Toggle Dropdown
Қазақстан Республикасының
Ұлттық экономика министрі Қ. Бишімбаев
Toggle Dropdown
Қазақстан Республикасы
Ұлттық экономика министрінің
2016 жылғы « » __________
№ ____ бұйрығына
қосымша
Toggle Dropdown
Қазақстан Республикасы
Ұлттық экономика министрінің
2015 жылғы 2 сәуірдегі
№ 306 бұйрығымен
бекітілген
Toggle Dropdown
Сараптама комиссияларын (сараптама топтарын) құру және Кешенді ведомстводан тыс сараптамаға және қала құрылысы сараптамасына қатысу үшін мамандарды (мамандандырылған институттар мен ұйымдарды) тарту қағидалары
Toggle Dropdown
1. Жалпы ережелер
Toggle Dropdown
1. Осы Сараптама комиссияларын (сараптама топтарын) құру және кешенді ведомстводан тыс сараптамаға және қала құрылысы сараптамасына қатысу үшін мамандарды (мамандандырылған институттар мен ұйымдарды) тарту қағидалары (бұдан әрі - Қағидалар) «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасының Заңына (бұдан әрі - Заң) сәйкес әзірленді және:
Toggle Dropdown
1) жаңа объектілердің құрылысына, сондай-ақ бұрыннан бар ғимараттар мен құрылыстарды, олардың кешендерін, инженерлік және көлік коммуникацияларын өзгертуге (реконструкциялауға, кеңейтуге, жаңғыртуға, техникалық қайта жарақтандыруға, күрделі жөндеуге) арналған жобаларға (техникалық-экономикалық негіздемелерге және жобалау-сметалық құжаттамаларға) кешенді ведомстводан тыс сараптама жүргізу үшін аккредиттелген сараптама ұйымдары мен мемлекеттік сараптама ұйымының сараптама комиссияларын құру;
Toggle Dropdown
2) сәулет, қала құрылысы және құрылыс істері жөніндегі уәкілетті орган ведомствосының Қазақстан Республикасының заңнамасына сәйкес бекітілетін жобалар бойынша кешенді қала құрылысы сараптамасын жүргізу үшін сараптама комиссияларын құру;
Toggle Dropdown
3) Қазақстан Республикасының заңнамасына сәйкес бекітілетін жобалар бойынша жергілікті (облыстардың, республикалық маңызы бар қаланың, астананың, облыстық маңызы бар қалалардың) атқарушы органдарының сараптама топтарын құру;
Toggle Dropdown
4) шығындарды сараптама жүргізу құнына қоса отырып, шарт негізінде арнайы мамандарды (мамандандырылған институттар мен ұйымдар) тарту үшін:
Toggle Dropdown
құрылыс жобаларына кешенді ведомстводан тыс сараптама және (немесе) қала құрылысы жобаларына кешенді қала құрылысы сараптамасын жүргізуге штаттан тыс аттестатталған сарапшы ретінде қатысу;
Toggle Dropdown
мемлекеттік немесе аккредиттелген сарпатама ұйымдарына жобаның тиісті бөлімдеріне (бөліктеріне) не сараптама комиссияларының (сараптама топтарының) сарапшыларына консультант ретінде консультациялық қызметтер көрсету тәртібін белгілейді.
Toggle Dropdown
2. Осы Қағидаларда пайдаланылатын негізгі ұғымдар:
Toggle Dropdown
1) аккредиттелген сараптама ұйымы - сәулет, қала құрылысы және құрылыс істері жөніндегі уәкілетті орган белгілеген тәртіппен аккредиттелген, Қазақстан Республикасының сәулет, қала құрылысы және құрылыс қызметі туралы заңнамасымен мемлекеттік монополияға жатқызылмаған объектілер құрылысының жобаларына (техникалық-экономикалық негіздемелерге және жобалау-сметалық құжаттамаға) кешенді ведомстводан тыс сараптаманы жүзеге асыратын заңды тұлға;
Toggle Dropdown
2) жобалау саласындағы сарапшы - жобалардың белгілі бір бөлімдері (бөліктері) бойынша сараптама жұмыстарын жүзеге асыру үшін Қазақстан Республикасының сәулет, қала құрылысы және құрылыс қызметі туралы заңнамасында белгіленген тәртіппен аттестатталған, сараптама ұйымдарының бірінің штатында тұрған не шарт негізінде сараптама ұйымы штаттан тыс сарапшы ретінде тартылған жеке тұлға;
Toggle Dropdown
3) консультант - құрылыс объектілерін жобалау және/немесе аумақтардың қала құрылысын жоспарлау саласындағы маман:
Toggle Dropdown
құрылыс жобаларына кешенді ведомстводан тыс сараптама жүргізу барысында сарапшыларға;
Toggle Dropdown
қала құрылысы жобаларына кешенді құрылысы сараптамасын жүргізу барысында сараптама комиссияларына (сараптама топтарына) не консультациялық көмек көрсету үшін тартылған мамандандырылған институттың немесе ұйымның өкілі;
Toggle Dropdown
4) қала құрылысының кешенді сараптамасы - Қазақстан Республикасының заңнамасына сәйкес бекітілетін жобалар бойынша сәулет, қала құрылысы және құрылыс істері жөніндегі уәкілетті органның ведомствосы құратын сараптама комиссиялары, сондай-ақ мәслихаттар бекітетін жобалар бойынша тиісті жергілікті атқарушы органдар құратын сараптама топтары жүзеге асыратын әртүрлі деңгейдегі (Қазақстан Республикасының аумағын ұйымдастырудың бас схемасы, аумақты дамытудың өңіраралық схемалары, өңірлер аумақтарының қала құрылысын жоспарлаудың кешенді схемалары, елді мекендердің бас жоспарлары) қала құрылысы жобаларының міндетті сараптамасы;
Toggle Dropdown
5) мемлекеттік сараптама ұйымы - Қазақстан Республикасы Үкіметінің шешімі бойынша шаруашылық жүргізу құқығындағы республикалық мемлекеттік кәсіпорынның ұйымдық-құқықтық нысанында құрылған және объектілер құрылысы жобалары (техникалық-экономикалық негіздемелер және жобалау-сметалық құжаттама) бойынша мемлекеттік монополияға жатқызылған ведомстводан тыс кешенді сараптаманы жүзеге асыратын заңды тұлға;
Toggle Dropdown
6) объектілер құрылысы жобаларының ведомстводан тыс кешенді сараптамасы - ғимараттар мен құрылыстарды, олардың кешендерін, инженерлік және көлік коммуникацияларын салуға арналған техникалық-экономикалық негіздемелер және жобалау-сметалық құжаттама бойынша «бір терезе» қағидатымен жүргізілетін, салалық және ведомстволық сараптамаларды қамтитын жобалар сараптамасы.
Toggle Dropdown
7) хатшы - сараптама комиссиясының (сараптама тобының) құрамына кіретін, қаралатын жоба бойынша кешенді қала құрылысы сараптамасын ұйымдастыруға және жүргізуге жауап беретін сәулет, қала құрылысы және құрылыс (жергілікті атқарушы орган) істері жөніндегі уәкілетті орган ведомствосының маманы.
Toggle Dropdown
3. Қаралатын жобаларды дайындауға және (немесе) әзірлеуге тікелей немесе жанама түрде қатысқан немесе оларды әзірлеген мамандандырылған институттар мен ұйымдардың өкілдері болып табылатын мамандарды сараптама комиссияларының (сараптама топтарының) құрамына қосуға, сондай-ақ жобалар сараптамасына өзге нысанда қатысу үшін тартуға болмайды.
Toggle Dropdown
2. Жобаларға ведомстводан тыс кешенді сараптама жүргізу үшін сараптама комиссияларын құру тәртібі
Toggle Dropdown
4. Аккредиттелген және мемлекеттік сараптама ұйымдары мына:
Toggle Dropdown
1) бірегей объектілердің;
Toggle Dropdown
2) жобалау практикасында сирек кездесетін функционалдық (технологиялық) маңызы бар немесе құрылыс учаскесінің (алаңдарының, трассаларының, аумақтарының) ерекше жағдайлары бар техникалық және (немесе) технологиялық күрделі объектілердің;
Toggle Dropdown
3) аталған объектіге арнайы техникалық шарттарды (ерекше нормаларды) әзірлеу, келісу және бекіту қажеттігін айқындайтын, жобалау және құрылыс жөніндегі мемлекеттік немесе мемлекетаралық техникалық регламенттер мен нормативтік-техникалық талаптар белгіленбеген өзге де объектілердің құрылысы жобаларын (техникалық-экономикалық негіздемелерін және жобалау-сметалық құжаттамаларын) қарау қажет болған жағдайда алқалық шешім қабылдау үшін сараптама комиссияларын құрайды.
Toggle Dropdown
5. Аккредиттелген сараптама ұйымдары Сараптама ұйымдары палатасының мүшелеріне қабылданған сәттен бастап құрылыс жобаларына кешенді ведомстводан тыс сараптама жүргізеді.
Toggle Dropdown
6. Сараптама комиссиясының (сараптама тобының) құрамына аккредиттелген сараптама және мемлекеттік сараптама ұйымдарының штаттағы аттестатталған сарапшылары, сондай-ақ кешенді ведомстводан тыс сараптамаға қатысу үшін шарт негізінде тартылатын штаттан тыс аттестатталған сарапшылар не консультанттар енгізіледі. Қажет болған жағдайда осындай комиссияның жұмыс отырысына қатысуға қаралып отырған жобаның мүдделі салалық мемлекеттік органдарының өкілдері, тапсырыс берушілер мен әзірлеушілердің уәкілетті өкілдері шақырылады.
Toggle Dropdown
Қажет болған жағдайда сараптама комиссиясының (сараптама тобының) жұмысына консультанттар тартылуы не мамандандырылған институттар мен ұйымдардың, шетелдіктерді қоса алғанда, консультациялық қызметтері қолданылуы мүмкін.
Toggle Dropdown
3. Қала құрылысы жобаларына кешенді қала құрылысы сараптамасын жүргізу үшін сараптама комиссияларын (сараптама топтарын) құру тәртібі
Toggle Dropdown
7. Аумақтардың қала құрылысын жоспарлау саласындағы жобалардың кешенді қала құрылысы сараптамасын (бұдан әрі - кешенді қала құрылысы сараптамасы) сәулет, қала құрылысы және құрылыс істері жөніндегі уәкілетті органның ведомствосы (бұдан әрі - ведомство) және жергілікті атқарушы органдар құратын сараптама комиссиялары (сараптама топтары) жүргізеді.
Toggle Dropdown
8. Ведомствоның сараптама комиссиясы мынадай қала құрылысы жобалары:
Toggle Dropdown
1) Қазақстан Республикасының аумағын ұйымдастырудың бас схемасы;
Toggle Dropdown
2) аумақты дамытудың өңіраралық схемасы;
Toggle Dropdown
3) республикалық маңызы бар қаланың, астананың, халқының есептік саны жүз мың тұрғыннан асатын облыстық маңызы бар қалалардың бас жоспарлары;
Toggle Dropdown
4) жалпымемлекеттік маңызы бар өзге де қала құрылысы жобалары бойынша кешенді қала құрылысы сараптамасын жүргізеді.
Toggle Dropdown
9. Жергілікті атқарушы органдардың сараптама топтары мынадай қала құрылысы жобалары:
Toggle Dropdown
1) облыстар, аудандар аумақтарының қала құрылысын жоспарлаудың кешенді схемалары;
Toggle Dropdown
2) халқының есептік саны жүз мың тұрғынға дейінгі елді мекендердің бас жоспарлары;
Toggle Dropdown
3) халқының есептік саны бес мың тұрғыннан асатын елді мекендердің бас жоспарлары бойынша кешенді қала құрылысы сараптамасын жүргізеді.
Toggle Dropdown
10. Кешенді қала құрылысы сараптамасын жүргізу үшін ведомство (жергілікті атқарушы орган) әрбір қала құрылысы жобасының сараптамасына жеке сараптама комиссиясын (сараптама тобын) құрады және сараптама комиссиясының (сараптама тобының) құрамынан хатшыны белгілейді.
Toggle Dropdown
11. Төраға (басшы), төрағаның орынбасары (басшының орынбасары), мемлекеттік сараптама ұйымы (оның аумақтық бөлімшелері) немесе штаттағы аттестатталған сарапшылар, оның ішінде аккредиттелген сараптама ұйымдары сарапшыларының арасынан жобалардың тиісті бөлімдері (бөліктері) бойынша аттестатталған сарапшылар сараптама комиссияларының (сараптама топтарының) мүшелері болып табылады.
Toggle Dropdown
Тиісті қызметтер көрсететін консультанттар сараптама комиссиясының (сараптама тобының) құрамына кірмейді.
Toggle Dropdown
Ведомствоның (жергілікті атқарушы органның) бірінші басшысының орынбасарынан төмен емес лауазымды тұлға сараптама комиссияларының (сараптама топтарының) төрағасы (басшысы) болып табылады. Төраға (басшы) болмаған уақытта оның функцияларын оны алмастыратын адам орындайды.
Toggle Dropdown
Сараптама комиссиясы (сараптама тобы) мүшелерiнiң жалпы саны тақ сан болып табылады және кемiнде тоғыз адамды құрайды.
Toggle Dropdown
Сараптама комиссиясының (сараптама тобының) құрамына енгізу мүмкін болмаған жағдайда немесе қаралып отырған жобаның арнайы бөлімдері (бөліктері) бойынша қажетті аттестатталған сарапшылар болмаған кезде осы комиссияны (топты) құрған мемлекеттік орган шарт негізінде тиісті профилі мен біліктілік деңгейіне қарап сырттағы мамандарды немесе мамандандырылған интитуттар мен ұйымдардың (оның ішінде шетелдік) өкілдерін сарапшы өкілдігісіз консультант ретінде тарту туралы шешім қабылдайды.
Toggle Dropdown
12. Сараптама комиссиясы (сараптама тобы) оны құру туралы шешім күшіне енген күннен бастап жұмыс істейді және сараптама комиссиясы (сараптама тобы) жиынтық сараптама қорытындысын берген күннен бастап өз қызметін тоқтатады.
Toggle Dropdown
Сараптама комиссиясының (сараптама тобының) жұмысын консультанттардың қызметтері сүйемелдеген жағдайда консультативтік көмек ұзақтығы тиісті шартпен белгіленеді және консультация жиынтық сараптама қорытындысын ресімдеуді бастау мерзімінен кешіктірілмей аяқталады.
Toggle Dropdown
13. Қажет болған жағдайда сараптама комиссиясының (сараптама тобының) жұмыс отырысына қатысуға мүдделі салалық мемлекеттік органдар өкілдері, атқарушы органдардың және орталық атқару органдарының аумақтық бөлімшелерінің мамандары, қаралып отырған жобаның тапсырыс берушісі мен әзірлеушісінің уәкілетті өкілдері шақырылады. Көрсетілген жұмыс отырысына қатысуға сараптама комиссиясының (сараптама тобының) консультанттары да шақырылуы мүмкін.
Toggle Dropdown
4. Жобалардың кешенді ведомстводан тыс сараптамасына және кешенді қала құрылысы сараптамасына қатысу үшін мамандарды (мамандандырылған институттар мен ұйымдарды) тарту тәртібі
Toggle Dropdown
14. Бірегей объектілердің құрылыс жобалары бойынша, сондай-ақ тар көлемді мамандандырылған білім мен тәжірибені талап ететін (шоғырландырылған) инновациялық материалдарды, бұйымдарды, жабдықтар мен технологияларды қолдану бөлігінде кешенді ведомстводан тыс сараптаманы;
Toggle Dropdown
сараптама комиссиясымен (сараптама тобымен) қаралып отырған айрықша реттеу және қала құрылысын регламенттеу объектiлерiнің жобалары болған кезде аумақтардың қала құрылысын жоспарлау кешенді қала құрылысы сараптамасын жүзеге асыратын мамандандырылған ғылыми-зерттеу институттарының немесе жобалау (жобалау-іздестіру, жобалау-жоспарлау) ұйымдарының мамандары аттестатталған сарапшыларға немесе сарапшы комиссияларына (сараптама топтарына) консультант ретінде тартылады.
Toggle Dropdown
15. Консультанттарды (мамандандырылған институттар мен ұйымдар мамандарын) тарту Қазақстан Республикасының заңнамасында белгіленген тәртіппен шарт негізінде тартылады.
Toggle Dropdown
Тиісті шарттарды жасасу кезінде тартылатын институттар мен ұйымдардың мәртебесін, сондай-ақ тиісті қызметке олардың мамандарының біліктілігі мен өкілдігін растайтын құқық белгілейтін құжаттарының болуы қажетті шарты болып табылады.
Toggle Dropdown
16. Құрылыс жобалары бойынша аккредиттелген немесе мемлекеттік сараптама ұйымдары, сондай-ақ қала құрылысы жобалары бойынша сараптама комиссиясы (сараптама топтары) орындайтын жобаларға кешенді ведомстводан тыс немесе кешенді қала құрылысы сараптамасын жүргізуге аттестталған сарапшыларға немесе сараптама комиссияларына (сараптама топтарына) көмекке консультанттар ретінде сырттан (оның ішінде шетелдік) мамандарды тартуға көрсетілген мамандарда олардың кәсіби білімі мен біліктілігін, не тиісті отандық және (немесе) шетелдік мамандандырылған институттардағы және ұйымдардағы практикалық қызметін растайтын құжаттары болған кезде жол беріледі.