• Мое избранное
«Пошта операторларының атаулы құрылғыларды қолдану қағидаларын бекіту туралы» бұйрық жобасына құжаттама

Отправить по почте

Toggle Dropdown
  • Комментировать
  • Поставить закладку
  • Оставить заметку
  • Информация new
  • Редакции абзаца

«Пошта операторларының атаулы құрылғыларды қолдану қағидаларын бекіту туралы» бұйрық жобасына құжаттама

Қараңыз: Жолдаманы
Қараңыз: Қазақстан Республикасы Ұлттық кәсіпкерлер палатасының сараптамалық қорытындысы
ЖОБА
Пошта операторларының атаулы құрылғыларды қолдану қағидаларын бекіту туралы
«Пошта туралы» 2016 жылғы 9 сәуірдегі Қазақстан Республикасы Заңының 5-бабы 1-тармағының 15) тармақшасына сәйкес БҰЙЫРАМЫН:
1. Қоса беріліп отырған Пошта операторларының атаулы құрылғыларды қолдану қағидалары бекітілсін.
2. Қазақстан Республикасы Ақпарат және коммуникациялар министрлігі:  
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап бес жұмыс күн ішінде Қазақстан Республикасы нормативтік-құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберуді;
3) осы бұйрықтың Қазақстан Республикасы Ақпарат және коммуникациялар министрлігінің интернет-ресурсында және мемлекеттік органдардың интранет-порталында жариялануын;
4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтердің Қазақстан Республикасы Ақпарат және коммуникациялар министрлігінің Заң департаментіне ұсынылуын қамтамасыз етсін.  
3. Осы бұйрықтың орындалуын бақылау жетекшілік ететін Қазақстан Республикасының Ақпарат және коммуникациялар вице-министріне жүктелсін.
4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының
Ақпарат және коммуникациялар
министрі Д. Абаев
Қазақстан Республикасы Ақпарат
және коммуникациялар министрінің
2016 жылғы «___» __________
№ ___бұйрығымен бекітілген
Пошта операторларының атаулы құрылғыларды қолдану қағидалары
1. Жалпы ережелер
1. Осы Пошта операторларының атаулы құрылғыларды қолдану қағидалары (бұдан әрі - Қағидалар) «Пошта туралы» Қазақстан Республикасының Заңына, Қазақстан Республикасы ратификациялаған Дүниежүзілік пошта одағының актілеріне сәйкес әзірленген және Қазақстан Республикасында пошта операторларының пошта жөнелтілімдерінде атаулы құрылғыларды қолдану тәртібін анықтайды.  
2. Осы Қағидаларда мынадай негізгі ұғымдар пайдаланылады:
1) арнайы белгі соғу – пошта жөнелтілімі қабылданғанын растайтын, пошта төлемінің мемлекеттік белгілеріне пошта штемпелінің бедерін қою; 
2) пошта штемпелінің күні мен уақыты – пошта штемпелінде орнатылатын ағымдағы күнтізбелік күн мен уақыттың белгіленуі.
3) Ұлттық пошта операторы – осы Заңда көзделген міндеттемелер жүктелген, акцияларының бақылау пакеті ұлттық басқарушы холдингке тиесілі акционерлік қоғамның ұйымдық-құқықтық нысанында құрылған, пошта саласындағы уәкілетті орган айқындайтын пошта операторы;
2. Пошта операторларының атаулы құрылғылары  
3. Пошта операторлары өндірістік объектілерді пошта жөнелтілімдерін жіберу процесінде қолданылатын атаулы құрылғылармен қамтамасыз етеді.  
4. Пошта операторларының атаулы құрылғылары осы пошта операторының атауын көрсету арқылы Ұлттық пошта операторының өндірістік объектілері үшін белгіленген атаулы құрылғыларынан айырмашылығы болуы тиіс.
5. Пошта операторларының атаулы құрылғыларды қолдану тәртібі уәкілетті орган бекітетін, пошта операторларының атаулы құрылғыларды қолдану қағидаларымен айқындалады.  
3. Пошта операторларының атаулы құрылғыларды қолдану тәртібі  
6. Пошта операторының өндірістік объектілері өзіндік атаулы құрылғылармен қамтамасыз етіледі.
7. Ұлттық пошта операторының атаулы құрылғылары: пошталық штемпельдер, қосымша төлеу штемпельдер және арнайы штемпельдер, «Сақтандыру» мөрі, пломбирлер, айналмалы баспа құрылғылары, құрылымдық бөлімше ойылып жазылған пластиналар, бақылау-аударым мөрлері болып табылады.  
Пошталық штемпелі құжаттар мен пошта жөнелтілімдерiне пошта жөнелтілімiн қабылдауды жүзеге асырған өндiрiстiк объектiнiң атауы, пошта жөнелтілімiнiң жөнелтілу орны, қабылданған күнi мен уақыты, пошта жөнелтілімiн алуды жүзеге асырған өндiрiстiк объектiнiң атауы, межелі жері, алынған күнi мен уақыты, пошта жөнелтілімiн адресатқа жеткiзген және (немесе) табыс еткен өндiрiстiк объектiнiң атауы, жеткiзiлген және (немесе) табыс етілген күнi мен уақыты көрсетілген бедерлерді салуға қолданылады.
Қосымша төлеу штемпелі төленбеген немесе толық емес төленген қарапайым жазбаша хат-хабарларды рәсімдеу үшін қолданылады.
Арнайы пошталық штемпелі маңызды мемлекеттік оқиғаларға, тарихи және естелік орындар мен күндерге, көрмелерге арналған есте қаларлық іс-шаралар өткізу кезінде мемлекеттік пошта төлем белгілерін өтеу үшін қолданылады.
«Сақтандыру» мөрі арнайы қоспамен (сүргіш және т.б.) хаттарды және жарияланған құндылығымен бандерольдарды, жіберілімдерді, қаптарды, тікелей пошталық контейнерлерді, сондай-ақ қоймаларды және басқа құндылықтарды сақтау орындарды мөрлеу үшін пайдаланылады.
Пломбир қаптарды, тікелей пошталық контейнерлерді, пошталық жөнелтімдерді, сондай-ақ құндылықтарды сақтау орындарды пломбалау үшін қолданылады. Әрбір пломбирде бір жағынан әріптік белгілер, ал басқа жағынан – өндірістік объектінің сандық белгілері ойылып жазылады.
Айналмалы баспа құрылғысы жіберілімдерді, құндылығы жарияланған бандерольдарды қаптау кезінде қолданылады. Өндірістік объектінің атауы көрсетілген айналмалы баспа құрылғысының бедерлемесі жөнелтімнің екі жағынан бұрыштан бұрышқа крест тәрізді, сонымен бірге жіберушінің және адресаттың мекенжайларын жаппай қаптамаға жапсырылатын желімнен жасалған қағаз лентасына немесе (скотчқа) түсіріледі. Немесе айналмалы баспа құрылғысының бедерлемесі бедерлеменің бір бөлігі лентада, ал екінші бөлігі жәшіктің қабырғасында болатындай жәшік қырының екі жағынан желімденгін лентаның бойынан түсіріледі.
Құрылымдық бөлімше ойылып жазылған пластина пошталық жөнелтімдерді қабылдау кезінде термопісіретін машиналарда (полиэтиленді пленканы дәнекерлейтін аспап) полиэтиленді пакеттерге өңдеу үшін, сондай-ақ халықаралыө пошта алмасу орындарында бір мезгілде бөлімшенің атауын түсіруімен, кіріс ұсақ пакеттерді өңдеу үшін қолданылады.
Бақылау-аударым мөрі пошталық ақша аударымдарды рәсімдеу үшін арналған. Бақылау-аударым мөріндегі 6 цифрлық нөмірлік белгісі пошталық индексқа сәйкес келеді.
8. Ұлттық пошта операторының әрбір атаулы құрылғысында: мемлекеттің («Қазақстан Республикасы»), облыстың, елді мекеннің, қ пошта операторының, оның өндірістік объектісінің атауы және объектінің нөмірі (бір елді мекенде бірнеше объекті болған жағдайда) ойылып жазылады.  
Облыс орталықтарындағы және Астана, Алматы қалаларындағы өндірістік объектілердің атаулы құрылғыларында облыстың атауы көрсетілмейді.
Бір елді мекенде пошта операторының бірнеше өндірістік объектісі болған жағдайда, ал жұмыс шарттары бойынша біреуден аса атаулы құрылғы болуы қажет болатын, бір өндірістік объектіде атаулы құрылғыларға айырмалық әріп немесе нөмір енгізіледі. Сонымен қатар, пошта штемпелінде бедерді соққан күні болады.  
9. Басқа пошта операторларының атаулы құрылғылары осы оператордың атауын көрсету арқылы Ұлттық пошта операторының өндірістік объектілері үшін айқындалған атаулы құрылғыларынан айырмашылығы болуы тиіс.
10. Пошта штемпелі бедерін басу арқылы пошта жөнелтілімін өңдеудің ағымдағы күнтізбелік күні мен уақытын белгілеу мақсатында: 
1) жазбаша хат-хабарларды қабылдау кезінде Қазақстан Республикасының аумағында пошта айналымында жүрген пошта төлемінің мемлекеттік белгілеріне арнайы белгі соғу үшін, сондай-ақ өңделетін пошта жөнелтілімдеріне; 
2) пошта жөнелтілімдерін қабылдау кезінде пайдаланушыға берілген түбіртекті растау үшін; 
3) пошта операторының өндірістік құжаттарын ресімдеу үшін қолданылады. 
  Пошта штемпелінің бедерлері клиенттің өтініші бойынша түрлі филателиялық және басқа материалдарға (конверттер, ашық хаттар, маркалар), жіберілетін пошта жөнелтілімдеріндегі салынымдардың барлық түрлеріне және пошта операторының өндірістік құжаттары болып табылмайтын құжаттарға қойылмайды.   
  11.   Пошта төлемінің мемлекеттік белгілеріне пошта штемпелінің бедерімен қайтадан екінші рет қолданылмайтындай етіп белгі соғылады. Портреттері бар пошта төлемі белгілеріне белгі соғу кезінде пошта штемпелінің бедері бет бейнені ластамауы керек. Төлемге жарамсыз пошта төлемінің белгілеріне (айналымнан алынған, басқа мемлекеттердің пошта төлемі белгілеріне) пошта штемпелімен белгі соғылмайды. 
12. Пошта жәшіктерінен жәшікте көрсетілген алу уақытына дейін жинап алынған жай хаттардағы пошта штемпелінің күні нақты күнтізбелік күнге сәйкес келуі тиіс. 
  Пошта жәшігіне осы жәшікте көрсетілген алу уақытынан кейін салынған жай хаттардағы пошта штемпелінің күні келесі күнтізбелік күнге сәйкес келуі тиіс.   
13. Қызмет пайдаланушысына берілген түбіртектегі пошта штемпелінің күні пошта жөнелтілімінің нақты қабылданған күнтізбелік күніне сәйкес келуі тиіс. Жіберушінің өтініші бойынша да, ағымдағы операциялық күннің жабылуы себебі бойынша да өзге күндерді қоюға жол берілмейді. 
14. Пошта штемпельдеріндегі барлық жазба (өндірістік объектілердің атаулары) мемлекеттік тілде орындалады.
  Халықаралық пошта алмасу орындары мен пункттері үшін пошта штемпельдеріндегі жазбалар латын әріптерімен орындалады.   
  Егер жұмыс шарттары бойынша қажет болса, өндірістік объектілер пошта штемпельдерінің қажетті санын қолдана алады, бұл жағдайда оларға қосымша әріптік литер ойып жазылады.   
15. Қазақстан Республикасы Ұлттық пошта операторының барлық өндірістік объектілерінде пошта жөнелтілімдеріне штемпель соғу кезінде және өндірістік құжаттарда қара (көк) түсті, ал пошта вагондарында – қызыл түсті штемпель бояуы қолданылады.
16. Қазақстан Республикасы Ұлттық пошта операторының пошта штемпелінің күні мен уақытын белгілеу үшін "ККААЖЖСС" форматы пайдаланылады, мұндағы: 
КК – күнтізбелік күннің саны;  
  АА – айы;   
  ЖЖ – жылы;   
СС - сағаты (белдеулік уақыт бойынша ағымдағы сағаттың басталуынан). 
Қазақстан Республикасы Ұлттық пошта операторының пошта трафигінің болмашы көлемін өңдейтін өндірістік объектілерінде (пошта желісінің торапты емес пункттерінде) пошта штемпелінде ағымдағы уақыттың белгісі болмауына жол беріледі.
17. Пошта операторының өндірістік объектілерінде пошта штемпельдерінің жұмыс орындарына берілуін күнделікті есепке алу, сондай-ақ орнатылған күнтізбелік күндердің (уақыттың) сәйкестігіне және штемпельдердің сақталуын қамтамасыз етуге бақылау жүргізіледі.
18.  Пошта штемпельдерін қолдану тәртібінің сақталуын бақылауды белгіленген тәртіппен бекітілген пошта операторының ішкі құжаттарына сәйкес пошта операторының лауазымды тұлғалары және өндірістік объектілерінің (құрылымдық бөлімшелерінің) басшылары жүзеге асырады.
«Пошта операторларының атаулы құрылғыларды қолдану қағидаларын бекіту туралы» Қазақстан Республикасы Ақпарат және коммуникациялар министрінің  2016 жылғы « » маусымдағы № бұйрығына АНЫҚТАМА-НЕГІЗДЕМЕ
 

Көрсетілуі тиіс мәліметтердің тізбесі

Мемлекеттік органның ақпараты

1.

Нормативтік құқықтық актіні ұсынатын мемлекеттік орган

Қазақстан Республикасы Ақпарат және коммуникациялар министрлігі

2.

Нормативтік құқықтық актінің тиісті нормасына сүйене отырып, нормативтік құқықтық актіні қабылдау қажеттілігі (мемлекеттік органның құзыреті)

«Пошта туралы» 2016 жылғы 9 сәуірдегі Қазақстан Республикасы Заңының 5-бабы 1-тармағының 15) тармағына сәйкес

3.

Нормативтік құқықтық актіні қабылдау қажеттілігінің негізі (нақты мақсаттары, себептері және акт неге байланысты қабылданды)

«Пошта туралы» 2016 жылғы 9 сәуірдегі Қазақстан Республикасының Заңын іске асыру мақсатында

4.

Осы мәселе бойынша бұрын қабылданған нормативтік құқықтық актілер және нормативтік құқықтық актіні қабылдауға байланысты олардың өзгергені және толықтырылғаны немесе күші жойылды деп танылғаны туралы мәліметтер

Жоқ

5.

Қазақстан Республикасы Үкiметiнің 2006 жылғы 17 тамыздағы №778 қаулысымен бекітілген Нормативтiк құқықтық актілерді мемлекеттiк тiркеу қағидаларының 16-тармағының талаптарын ескере отырып, олардың жойылғаны туралы актілердің деректемелерін көрсете отырып, осы мәселе бойынша бұрын қабылданған, мемлекеттік тіркеуден бас тартылған нормативтік құқықтық актілер туралы мәліметтер

Жоқ

6.

Осы нормативтік құқықтық акт республикалық немесе жергілікті бюджет шығыстарының көбеюін немесе түсімдердің қысқаруын көздейме

Осы нормативтік құқықтық актіні қабылдау мемлекеттік немесе жергілікті бюджет шығындарының ұлғаюын және түсімдерінің қысқаруын көздемейді

7.

Нормативтік құқықтық актіні мүдделі мемлекеттік органдармен келісу туралы мәлімет

Жоқ

8.

Ж еке кәсіпкерлік субъектілерінің мүдделерін қозғайтын нормативтік құқықтық актілер жобаларының бұқаралық ақпарат құралдарында, интернет-ресурстарды қоса алғанда, жариялау туралы мәліметтерді

Қазақстан Республикасы Ақпарат және коммуникациялар министрлігінің интернет-ресурсында және мемлекеттік органдардың интранет-порталында

8-1.

Реттеушілік әсерді талдау жүргізу нәтижелері туралы ақпаратты (бар болса)

Жоқ

9.

С араптамалық қорытындыларды ұсынбаған кәсіпкерлердің аккредиттелген бірлестіктерінің тізімін қамтуы тиіс (жеке кәсіпкерлік субъектілерінің мүдделерін қозғайтын актілер үшін).»;

-



Қазақстан Республикасы
Ақпарат және коммуникациялар
министрлігі Заң
департаментінің директоры