Оставить заметку
Комментировать
Скопировать ссылку
Toggle Dropdown
Қазақстан Республикасының Үкіметі ҚАУЛЫ ЕТЕДІ:
Отправить по почте
«Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» қаулы жобасына құжаттама
Қараңыз: Жолдаманы Қараңыз: Қазақстан Республикасы Ұлттық кәсіпкерлер палатасының сараптамалық қорытындысы
ЖОБА
Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
2. Осы қаулы қол қойылған күнінен бастап қолданысқа енгізіледі және ресми жариялануға тиіс.
Қазақстан Республикасының Премьер-Министрі К. Мәсімов
Қазақстан Республикасы Үкіметінің 2016 жылғы « » № қаулысымен бекітілген
Қазақстан Республикасы Үкіметінің кейбір шешімдеріне енгізілетін өзгерістер мен толықтырулар
1. «Мемлекеттік материалдық резервтің материалдық құндылықтарын есептен шығару және кәдеге жарату (жою) қағидаларын бекіту туралы» Қазақстан Республикасы Үкіметінің 2014 жылғы 31 шілдедегі № 859 қаулысында (Қазақстан Республикасының ПҮАЖ-ы, 2014 ж., № 48, 491-құжат):
көрсетілген қаулымен бекітілген Мемлекеттік материалдық резервтің материалдық құндылықтарын есептен шығару және кәдеге жарату (жою) қағидаларында:
2-тармағының 11) тармақшысы мынадай редакцияда жазылсын:
«11) уәкілетті органның мемлекеттік резерв саласындағы ведомствосы (бұдан әрі – ведомство) – мемлекеттік резерв саласындағы іске асыру функцияларын жүзеге асыратын құрылымдық бөлімше.»;
3, 4, 5, 6, 7, 8, 14 және 15-тармақтар мынадай редакцияда жазылсын:
«3. Сақтау пункттері мен ведомстволық бағынысты ұйым жыл сайын, 30 мамырдан кешіктірмейтін мерзімде ведомствоға мемлекеттік резервтің одан әрі қолдануға жарамсыз материалдық құндылықтарының тізбесін ұсынады.
4. Сақтау пункттері мен ведомстволық бағынысты ұйым ұсынған мемлекеттік резервтің одан әрі қолдануға жарамсыз материалдық құндылықтарының тізбесі негізінде 15 (он бес) жұмыс күні ішінде ведомство басшысының бұйрығымен Комиссия (бұдан әрі – Комиссия) құрылады.
Комиссияның құрамына:
1) ведомствоның басшысы немесе оның орынбасары (Комиссия төрағасы);
2) ведомстволық бағынысты ұйымның басшысы немесе оның орынбасары/жұмылдыру тапсырмасын орындайтын немесе жұмылдыру тапсырмасы алынып тасталған мемлекеттік органның өкілі (Комиссия төрағасының орынбасары);
3) мемлекеттік мүлік жөніндегі уәкілетті органның өкілі;
4) ведомствоның бас бухгалтері немесе оның орынбасары;
5) ведомствоның мемлекеттік резервтің материалдық құндылықтарының есебіне жауапты адамдар;
6) сақтау пунктінің басшысы немесе орынбасары;
7) сақтау пунктінің/ведомстволық бағынысты ұйымның бас бухгалтері немесе оның орынбасары;
8) сақтау пунктінің/ведомстволық бағынысты ұйымның бас инженері немесе бас механигі (бар болған жағдайда);
9) сақтау пунктінің/ведомстволық бағынысты ұйымның технологиялық бөлімінің бастығы (бар болған жағдайда);
10) сақтау пунктіндегі/ведомстволық бағынысты ұйымдағы мемлекеттік резервтің материалдық құндылықтарының сақталуына жауапты тұлғалар енгізіледі.
5. Комиссия есептен шығаруға жататын мемлекеттік резервтің материалдық құндылықтарын тікелей қарап шығуды жүзеге асырады, бұл ретте техникалық құжаттамаларды, сондай-ақ бухгалтерлік есеп деректерін пайдаланады және оның қайта қалпына келтіру мен одан әрі пайдалануға жарамсыздығын анықтайды, тендерде сату бойынша қабылданған шаралар, басқа мемлекеттік органдарға теңгеріміне беру, нарыққа реттеушілік ықпал ету мақсатында пайдалану туралы материалдарды қарайды, есептен шығару себептерін анықтайды, материалдық құндылықтарды сақтау кезінде сақтау нормативтерінің сақталуын қамтамасыз етуді, есептен шығарылатын мүліктің жекелеген түзілімдерінің, бөлшектерінің, материалдарының пайдалану мүмкіндігін айқындайды және осы Қағидаларға 1-қосымшаға сәйкес 3 (үш) данада мемлекеттік материалдық резервтің материалдық құндылықтарының техникалық (сапалық) жай-күйінің хаттамасын (бұдан әрі – хаттама) жасайды.
Хаттаманың бір данасы сақтау пунктінде/ведомстволық бағынысты ұйымда қалдырылады, хаттаманың екінші данасы жұмылдыру тапсырмасын орындайтын немесе жұмылдыру тапсырмасы алынып тасталған мемлекеттік органға жолданады, үшінші данасы ведомствоға оған қол қойылған кезден бастап 5 (бес) жұмыс күні ішінде жолданады.
6. Комиссия хаттама негізінде 3 (үш) данада осы Қағидаларға 2-қосымшаға сәйкес мемлекеттік материалдық резервтің материалдық құндылықтарын есептен шығару актісін (бұдан әрі – есептен шығару актісі) жасайды.
Ведомство басшысы есептен шығару актісіне қол қойылған кезден бастап күнтізбелік 15 (он бес) күн ішінде оны бекітеді.
7. Хаттама мен есептен шығару актісі негізінде ведомство заңнамада белгіленген тәртіппен мемлекеттік резервтің материалдық құндылықтарын кәдеге жарату (жою) үшін броннан шығару туралы Қазақстан Республикасы Үкіметі қаулысының жобасын әзірлейді.
Номенклатура өзгерген кезде Қазақстан Республикасы Үкіметі шешімімен бұрын броннан шығарылған материалдық құндылықтар бойынша хаттама мен есептен шығару актісі негізінде ведомство заңнамада белгіленген тәртіппен тиісті Қазақстан Республикасы Үкіметі шешімінен материалдық құндылықтарды алып тастауды және мемлекеттік резервтің материалдық құндылықтарын кәдеге жарату (жою) үшін броннан шығаруды көздейтін Қазақстан Республикасы Үкіметі қаулысының жобасын әзірлейді.
8. Қазақстан Республикасының Үкіметі мемлекеттік материалдық резервтің материалдық құндылықтарын есептен шығару және кәдеге жарату (жою) үшін броннан шығару туралы шешім қабылдағаннан кейін ведомство есептен шығару актісін броннан шығарылған мемлекеттік резервтің материалдық құндылықтарын одан әрі кәдеге жарату (жою) үшін сақтау пунктіне/ведомстволық бағынысты ұйымға жолдайды.»;
«14. Жарамсыз күйге түскен, жалған, жарамдылық мерзімі өтіп кеткен дәрілік заттар, медициналық мақсаттағы бұйымдар мен медициналық техниканы кәдеге жарату (жою) денсаулық сақтау саласындағы уәкілетті орган белгілеген тәртіппен жүзеге асырылады.
15. Есептен шығарылған мемлекеттік резервтің материалдық құндылықтарын кәдеге жаратуды (жоюды) жүргізген сақтау пункттері немесе ведомстволық бағынысты ұйым осы Қағидаларға 3-қосымшаға сәйкес 2 (екі) данада мемлекеттік материалдық резервтің материалдық құндылықтарын кәдеге жарату (жою) туралы актіні жасайды және қол қойылған кезден бастап 3 (үш) жұмыс күні ішінде оның бір данасын ведомствоға жібереді.».
2. «Мемлекеттік материалдық резервтің материалдық құндылықтарымен операциялар жүргізу қағидаларын бекіту туралы» Қазақстан Республикасы Үкіметінің 2014 жылғы 31 шілдедегі № 860 қаулысында (Қазақстан Республикасының ПҮАЖ-ы, 2014 ж., № 48, 492-құжат):
көрсетілген қаулымен бекітілген Мемлекеттік материалдық резервтің материалдық құндылықтарымен операциялар жүргізу қағидаларында:
2-тармақтың 5) тармақша мынадай редакцияда жазылсын:
«5) уәкілетті органның мемлекеттік резерв саласындағы ведомство (бұдан әрі ведомство) уәкілетті органның мемлекеттік резерв саласындағы іске асыру функцияларын жүзеге асыратын құрылымдық бөлімшесі.»;
6-тармақ мынадай редакцияда жазылсын:
«6. Ведомство мемлекеттік резервке материалдық құндылықтарды жеткізіп беруге тапсырыс беруші ретінде әрекет етеді.»;
16, 23, 27 және 34-тармақтар мынадай редакцияда жазылсын:
«16. Ведомство Операция жүргізу жоспарын бекіту арқылы мемлекеттік резерв жүйесінің материалдық құндылықтарын жаңарту тәртібімен шығару туралы шешім қабылдайды.»;
«23. Мемлекеттік резервтен материалдық құндылықтарды қарызға беру тәртiбiмен шығарған кезде ведомство алушымен тиiстi шарт (келiсiмшарт) жасасады.»;
«27. Мемлекеттік резервтің номенклатурасы өзгерген кезде мемлекеттік резервтен материалдық құндылықтарды броннан шығару тәртібімен шығаруды Қазақстан Республикасы Үкіметінің материалдық құндылықтарды броннан шығару туралы шешімдерінің негізінде ведомство жүзеге асырады.
Төтенше жағдайлар мен олардың салдарының алдын алу және оларды жою жөніндегі шараларды қабылдау кезінде мемлекеттік резервтен материалдық құндылықтарды броннан шығару тәртібімен шығару уәкілетті органмен келісу бойынша азаматтық қорғау саласындағы уәкілетті органның шешімімен жүзеге асырылады.»;
«34. Ведомство мемлекеттiк резервтен материалдық құндылықтарды шығаруды Қазақстан Республикасының Үкiметi шешiмiнiң негiзiнде сауда қызметiнiң субъектiлерiмен шарт жасасу арқылы жүзеге асырады. Нарыққа реттеушiлiк ықпал жасау үшін мемлекеттiк резервтен материалдық құндылықтарды шығарудан түскен ақша бюджет кірісіне аударылады.
Нарыққа реттеушiлiк ықпал ету үшін мемлекеттiк резервтен шығарылған материалдық құндылықтарды сатуды сауда қызметiнiң субъектiлерi бөлшек сауда арқылы жүзеге асырады.».
3. «Мемлекеттік материалдық резервтің материалдық құндылықтарын сақтау пункттеріне шығындарды өтеу, сондай-ақ мемлекеттік материалдық резервтің төтенше жағдайлар мен олардың салдарларының алдын алу және оларды жою, нарыққа реттеушілік ықпал ету, босқындарға көмек көрсету және гуманитарлық көмек көрсету үшін пайдаланылған материалдық құндылықтары үшін шығындарды өтеу қағидаларын бекіту туралы» Қазақстан Республикасы Үкіметінің 2014 жылғы 31 шілдедегі № 865 қаулысында (Қазақстан Республикасының ПҮАЖ-ы, 2014 ж., № 48 497-құжат):
Мемлекеттік материалдық резервтің материалдық құндылықтарын сақтау пункттеріне шығындарды өтеу, сондай-ақ мемлекеттік материалдық резервтің төтенше жағдайлар мен олардың салдарларының алдын алу және оларды жою, нарыққа реттеушілік ықпал ету, босқындарға көмек көрсету және гуманитарлық көмек көрсету үшін пайдаланылған материалдық құндылықтары үшін шығындарды өтеу қағидаларында:
2-тармақтың 2) тармақшасы мынадай редакцияда жазылсын:
«2) уәкілетті органның мемлекеттік материалдық резервтер саласындағы ведомствосы (бұдан әрі – ведомство) – мемлекеттік материалдық резерв саласындағы іске асыру функцияларын жүзеге асыратын уәкілетті органның құрылымдық бөлімшесі.»;
4-тармақ мынадай редакцияда жазылсын:
«4. Ведомстволық бағынысты ұйымдар мен сақтау пункттері мемлекеттік материалдық резервтің материалдық құндылықтарын сақтауды ведомство жасасқан мемлекеттік материалдық резервтің материалдық құндылықтарын сақтау және сақтауға байланысты қызметтер көрсету шарты (бұдан әрі – сақтау шарты) негізінде жүзеге асырады.»;
9-тармақ мынадай редакцияда жазылсын:
«9. Мемлекеттік материалдық резервтің төтенше жағдайлар мен олардың салдарларының алдын алу және оларды жою, нарыққа реттеушілік ықпал ету, босқындарға көмек көрсету және гуманитарлық көмек көрсету үшін пайдаланылған материалдық құндылықтары үшін шығындарды өтеу Қазақстан Республикасы Үкіметінің қаулысымен бекітілген Қазақстан Республикасы Үкіметінің және жергілікті атқарушы органдардың резервтерін пайдалану тәртібіне сәйкес жүргізіледі.»
4. «Мемлекеттік материалдық резервтің материалдық құндылықтарының бар-жоғы және қозғалысы туралы есептерді дайындау және ұсыну қағидаларын бекіту туралы» Қазақстан Республикасы Үкіметінің 2014 жылғы 24 қазандағы № 1135 қаулысында (Қазақстан Республикасының ПҮАЖ-ы, 2014 ж., № 65, 604-құжат):
көрсетілген қаулымен бекітілген Мемлекеттік материалдық резервтің материалдық құндылықтарының бар-жоғы және қозғалысы туралы есептерді дайындау және ұсыну қағидаларында:
3-тармақтың 2) тармақшасы мынадай редакцияда жазылсын:
«2) мемлекеттік материалдық резерв жүйесін басқаруды жүзеге асыратын уәкілетті органның мемлекеттік материалдық резерв саласындағы ведомствосы (бұдан әрі – ведомство) – мемлекеттік материалдық резерв саласындағы іске асыру функцияларын жүзеге асыратын құрылымдық бөлімшесі;»;
11, 12, 14, 15 және 16-тармақтар мынадай редакцияда жазылсын:
«11. Сақтау пункттері немесе ведомстволық бағынысты ұйым жеткізілген және шығарылған материалдық құндылықтар бойынша деректердің негізінде осы Қағидаларға 2-қосымшаға сәйкес нысан бойынша жұмылдыру резервін қоспағанда, мемлекеттік материалдық резервтің материалдық құндылықтарының бар-жоғы және қозғалысы туралы есептерді ай сайын дайындайды және материалдық құндылықтарды түрлері бойынша бөле отырып, есептік кезеңнен кейінгі айдың 15-күнінен кешіктірмей ведомствоға жыл басынан бастап өсу қорытындысымен ұсынады. Есепке басшы мен бас бухгалтер қол қояды.
Есепке сақтау пункттерінде немесе ведомстволық бағынысты ұйымда сақтауда тұрған мемлекеттік материалдық резервтің материалдық құндылықтарының жай-күйі, қозғалысы, сондай-ақ оларды сақтау мерзімдері туралы ақпарат көрсетілетін түсіндірме жазба қоса беріледі.
12. Ведомство сақтау пункттері және ведомстволық бағынысты ұйым ұсынған есептердің негізінде мемлекеттік материалдық резервтің материалдық құндылықтарының есептік мәліметтеріне талдау мен салыстырып тексеру жүргізеді, осы Қағидаларға 3-қосымшаға сәйкес нысан бойынша жұмылдыру резервін қоспағанда, мемлекеттік материалдық резервтің материалдық құндылықтарының бар-жоғы және қозғалысы туралы жиынтық есеп жасайды, оған сақтау пункттерінде және ведомстволық бағынысты ұйымда сақтауда тұрған мемлекеттік материалдық резервтің материалдық құндылықтарының жай-күйі мен қозғалысы, сондай-ақ оларды сақтау мерзімдері туралы ақпарат көрсетілетін түсіндірме жазба қоса тіркеледі. Жиынтық есепті ведомство есепті кезеңнен кейінгі жылдың 20 ақпанынан кешіктірмей Қазақстан Республикасының мемлекеттік мүлкі саласындағы уәкілетті органға ұсынады.»;
«14. Сақтау пункттері түгендеу тізімдемесінің негізінде жыл сайын осы Қағидаларға 4-қосымшаға сәйкес нысан бойынша жұмылдыру резервінің материалдық құндылықтарының бар-жоғы және қозғалысы туралы 1 қаңтардағы жағдай бойынша есепті 3 (үш) данада жасайды, оның бір данасы сақтау пунктінде қалады, екінші данасы мемлекеттік органға ұсынылады, үшінші данасы 10 қаңтардан кешіктірілмей ведомствоға жіберіледі.
Ведомстволық бағынысты ұйым түгендеу тізімдемесінің негізінде жыл сайын осы Қағидаларға 4-қосымшаға сәйкес нысан бойынша 1 қаңтардағы жағдай бойынша жұмылдыру резервінің материалдық құндылықтарының бар-жоғы және қозғалысы туралы есепті 2 (екі) данада жасайды, оның бір данасы ведомстволық бағынысты ұйымда қалады, екінші данасы 10 қаңтардан кешіктірілмей ведомствоға жіберіледі.
Есепке сақтау пункттерінде немесе ведомстволық бағынысты ұйымда сақтауда тұрған жұмылдыру резервінің материалдық құндылықтарының жай-күйі мен қозғалысы туралы ақпарат көрсетілген түсіндірме жазба қоса беріледі.
Есепке басшы, бас бухгалтер және жұмылдыру резервінің материалдық құндылықтарының сақталуына жауапты адам қол қояды.
15. Ведомтво сақтау пункттері және ведомстволық бағынысты ұйым ұсынған есептердің негізінде жұмылдыру резервінің материалдық құндылықтарының есептік деректеріне талдау және салыстырып тексеру жүргізеді, осы Қағидаларға 4-қосымшаға сәйкес нысан бойынша жұмылдыру резервінің материалдық құндылықтарының бар-жоғы және қозғалысы туралы жиынтық есеп жасайды, оған ақшалай түрдегі жұмылдыру резервінің материалдық құндылықтарының бар-жоғы және қозғалысы мен сақтау пунктерінің және ведомстволық бағынысты ұйымның есептілігі туралы мәліметтер бар жиынтық кестелер қоса тіркеледі. Жиынтық есепке жұмылдыру резервінің тұтастай алғанда және жеке салалар бойынша жай-күйін көрсететін түсіндірме жазба, ағымдағы проблемалар мен жұмылдыру резерві саласындағы жұмысты жетілдіру бойынша ұсыныстар қоса беріледі.
16. Ведомство Қазақстан Республикасының мемлекеттік мүлкі саласындағы уәкілетті органға жиынтық есепті 20 ақпаннан кешіктірмей ұсынады.».
4. «Мемлекеттік материалдық резервтің материалдық құндылықтарын есепке алу қағидаларын бекіту туралы» Қазақстан Республикасы Үкіметінің 2015 жылғы 4 наурыздағы № 108 қаулысында (Қазақстан Республикасының ПҮАЖ-ы, 2015 ж., № 12, 60-құжат):
көрсетілген қаулымен бекітілген Мемлекеттік материалдық резервтің материалдық құндылықтарын есепке алу қағидаларында:
2-тармақ мынадай мазмұндағы 5-1) тармақшамен толықтырылсын:
«5-1) мемлекеттік резерв саласындағы уәкілетті органның ведомствосы (бұдан әрі – ведомство) – уәкілетті органның мемлекеттік резерв саласындағы іске асыру және бақылау функцияларын жүзеге асыратын құрылымдық бөлімшесі;»;
4, 5 және 6-тармақтар мынадай редакцияда жазылсын:
«4. Ведомство мемлекеттік резервтің материалдық құндылықтарының бар-жоғын, оларды салуды, шығаруды, есептен шығаруды, орнын ауыстыруды, басқа мемлекеттік органдардың балансына беруді есепке алуды жүзеге асырады.
5. Мемлекеттік резервтің материалдық құндылықтары ведомствоның бухгалтерлік есебінде салу бағасы бойынша көрсетіледі, сондай-ақ бюджетті атқару жөніндегі уәкілетті органмен келісу бойынша мемлекеттік материалдық резерв саласындағы уәкілетті орган бекіткен Мемлекеттік материалдық резервтің бухгалтерлік есебін жүргізу нұсқаулығына сәйкес мемлекеттік резервтің материалдық құндылықтарын жеткізу, шығару, есептен шығару, орнын ауыстыру, басқа мемлекеттік органдардың балансына беру кезінде бухгалтерлік есепке алу жүзеге асырылады және бюджетті атқару жөніндегі уәкілетті орган бекіткен Қаржы есептілігін жасаудың және ұсынудың нысаны мен ережесіне сәйкес бюджетті атқару жөніндегі уәкілетті органға қаржы есептілігі ұсынылады.
6. Ведомство мемлекеттік резервтің материалдық құндылықтарының сапа және сан жағынан сақталуын есепке алуды және бақылауды қамтамасыз етеді.
Сақтау пункттері мен ведомстволық бағыныстағы ұйымдарда материалдық құндылықтардың сақталуына жауапты адамдармен бюджетті атқару жөніндегі уәкілетті орган бекіткен нысан бойынша толық материалдық жауапкершілік туралы жазбаша шарт жасалады.»;
21 және 22-тармақтар мынадай редакцияда жазылсын:
«21. Салу кезінде есепке алынған мемлекеттік резервтің материалдық құндылықтары ведомствоның балансына алынады.
22. Мынадай:
1) шығару (броньнан шығару, жаңарту, қарызға беру, сараптама жүргізу);
2) мұнай және мұнай өнімдері жетіспеушіліктерін табиғи кему нормалары шегінде есептен шығару;
3) дебиторлық берешекті есептен шығару;
4) кәдеге жарату;
5) басқа мемлекеттік органдардың балансына беру жағдайларында есептен шығарылған мемлекеттік резервтің материалдық құндылықтары ведомствоның балансынан шығарылады.»;
көрсетілген Қағидаларға 1, 2 және 7 - қосымшаларда «құрылымдық бөлімшенің» сөздер «ведомствоның» сөзге аустырылсын.
Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 1-қосымша
Мемлекеттік материалдық резервтің материалдық құндылықтарын есепке алу қағидаларына 1-қосымша
__________________ (құпиялық белгісі) № дана
БЕКІТЕМІН
__________________________________________ (мемлекеттік резерв саласындағы ведомствоның
басшысы немесе ол уәкілеттік берген өзге адам) ______________________ (Т.А.Ә., қолы) 20__жылғы «__» _______
Жөнелтілді ___________________________
(ұйымның атауы мен мекенжайы)
Тексерді________________Қолы_________
(ҚР ҰЭМ ММРК өкілі)
_________________________
№...акт
______________________________________________________.тәртібімен (жеткізу, жаңарту, қарызға беру, қайтару, орнын ауыстыру және басқа)
Негіздеме_________________________
(құжаттың атауы, күні, және №)
| есептік позициялар № (шифрі) | Материалдық құндылықтардың атауы (сорты, өлшемі, маркасы) | Өлшем бірлігі | Салынды | Шығарылды | ||||||||
| Саны | бірлігі үшін бағасы | сомасы | МемСТ нөмірі, сериясы, сертификациясы | Мемтіркеу нөмірі, жылы | Саны | бірлігі үшін бағасы | сомасы | Жүргізілген операциядан кейін бар-жоғы | ||||
| теңге | теңге | теңге | теңге | |||||||||
|
|
|
|
|
|
|
|
|
|
|
|
| |
М.О. Ұйым басшысы _______________ (Т.А.Ә., қолы)
Бас бухгалтер _________________ (Т.А.Ә., қолы)
Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 2-қосымша
Мемлекеттік материалдық резервтің материалдық құндылықтарын есепке алу қағидаларына 2-қосымша
Қызмет бабында пайдалану үшін (толтырылуы бойынша) № __ дана
БЕКІТЕМІН
__________________________________________ (мемлекеттік резерв саласындағы құрылымдық бөлімшенің басшысы немесе ол уәкілеттік берген өзге адам) __________________________________________ (Т.А.Ә., қолы) 20__ж. «___» ____________
Жөнелтіледі _____________________________
(алушының атауы мен мекенжайы)
Ұйым ____________________________________
(атауы мен мекенжайы)
Материалдық құндылықтарды қабылдау-беру АКТІСІ
қала (аудан) 20__ж. «___» ____________
Біз, төменде қол қоюшылар, комиссия құрамы ___________________,
комиссия мүшелері __________________________________________________
___________________________________________________________, өнім беруші _________(өнім берушінің атауы) өкілі қатысуымен _____ № ____ шартқа сәйкес мемлекеттік резервтің материалдық құндылықтарының төменде тізбеленген материалдық құндылықтарын қабылдап алуды жүргіздік.
| Р/с | Материалдық құндылықтардың атауы | Өлшем бірлігі | Саны | Бірлігі үшін бағасы | Сомасы | Жасалған күні | Өндіруші | Ескертпе |
|
|
|
|
|
|
|
|
|
|
|
| Жиыны: |
|
|
|
|
|
|
|
______________________________________________________________
(сомасы жазбаша)
Қабылдады: комиссия төрағасы: ________________ (Т.А.Ә., қолы)
(басшы)
М.О. Комиссия мүшелері:______ (Т.А.Ә., қолы)_________ (Т.А.Ә., қолы)
(бас бухгалтер, материалдық жауапты тұлға және басқалар)
М.О. Тапсырды: Өнім берушінің уәкілетті адамы _______ (Т.А.Ә., қолы)
Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 3-қосымш
Мемлекеттік материалдық резервтің материалдық құндылықтарын есепке алу қағидаларына 7-қосымша
Қызмет бабында пайдалану үшін (толтырылуы бойынша) № ___ дана
БЕКІТЕМІН ________________________________ (кәсіпорын басшысының лауазымы) ________________________________ (Т.А.Ә., қолы) 20 __ жылғы «__» _______________
КЕЛІСІЛДІ ________________________________ (мемлекеттік резерв саласындағы ведомствоның басшысы немесе ол уәкілеттік берген өзге адам) ________________________________ (Т.А.Ә., қолы) 20 __ жылғы «__» _______________
Сақтауда тұрған мемлекеттік материалдық резервтің материалдық құндылықтарының табиғи кемуін есептен шығару АКТІСІ
____________ күні
Біз, төменде қол қоюшылар, комиссия құрамы ____________________
_________________________________________________, комиссия мүшелері
__________________________ кезең бойынша ____________________________
материалдық құндылықтар сақталатын жер бойынша климаттық аймақтарды ескере отырып,
20 __ жылғы «__» ________ № ___ ___________________________________
сәйкес мынаны белгіледік. (нормативтік құқықтық актінің атауы)
Сақтау орнын сипаттау және есеп-қисаптар жүргізу: ___________________
____________________________________________________________________
| Р/с | Материалдық құндылықтардың атауы | Өлшем бірлігі | Саны | Бірлігі үшін бағасы | Сомасы | Жол берілетін ағаттық (бар-жоқтан +/- ____) | |
|
|
|
|
|
|
|
| |
|
| ЖИЫНЫ: |
|
|
|
|
| |
Комиссия қорытындысы мен ұсыныстары: _______________________________
____________________________________________________________________
Негіздеме: _________________________________________________________
Акт ____ данада жасалды.
№ 1 дана _________________
№ 2 дана _________________
№ 3 дана _________________
М.О. Комиссия төрағасы: _______________________ (Т.А.Ә., қолы)
Комиссия мүшелері _______________________ (Т.А.Ә., қолы)
_______________________ (Т.А.Ә., қолы)
«Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметінің қаулы жобасына салыстырмалы кесте
Қазақстан Республикасының Ұлттық экономика вице-министрі Т. Жақсылықов
«Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметі қаулысының жобасына ТҮСІНДІРМЕ ЖАЗБА
| Р/с№ | Түсіндірме жазбада көрсетілуге тиіс мәліметтердің тізбесі | Әзірлеуші мемлекеттік органның ақпараты |
| 1. | Жобаны әзірлеуші мемлекеттік орган | Қазақстан Республикасы Ұлттық экономика министрлігі |
| 2. | Жобаны қабылдау қажеттігінің негіздемесі | Мемлекеттік басқару деңгейлері арасында өкілеттіктердің аражігін ажырату, мемлекеттік материалдық резервтің материалдық құндылықтарын жаңарту мерзімдерін реттеу, мемлекеттік материалдық резервтің материалдық құндылықтарының бар-жоғы және қозғалысы туралы есептерді ұсыну мерзімдерін нақтылау мақсатында |
| 3. | Жоба қабылданған жағдайда болжанатын әлеуметтік-экономикалық және/немесе құқықтық салдар | Жобаны қабылдау теріс әлеуметтік-экономикалық және (немесе) құқықтық салдарларға әкеп соқтырмайды |
| 4. | Жобаны іске асыруға байланысты болжанатын қаржылық шығындар | Жобаны қабылдау республикалық бюджеттен қосымша шығындарды талап етпейді |
| 5. | Жобаны қабылдаудың нақты мақсаттары, күтілетін нәтижелердің мерзімі мен болжанатын тиімділігі | Қазақстан Республикасы Үкіметінің кейбір шешімдеріне өзгерістер мен толықтырулар енгізу |
| 6. | Жобада қаралатын мәселелер бойынша Президенттің және/немесе Үкіметтің бұрын қабылданған актілері және олардың іске асырылу нәтижелері туралы мәліметтер | 1 ) «Мемлекеттік материалдық резервтің материалдық құндылықтарын есептен шығару және кәдеге жарату (жою) қағидаларын бекіту туралы» Қазақстан Республикасы Үкіметінің 2014 жылғы 31 шілдедегі № 859 қаулысы; 2) «Мемлекеттік материалдық резервтің материалдық құндылықтарымен операциялар жүргізу қағидаларын бекіту туралы» Қазақстан Республикасы Үкіметінің 2014 жылғы 31 шілдедегі № 860 қаулысы; 3) «Мемлекеттік материалдық резервтің материалдық құндылықтарын сақтау пункттеріне шығындарды өтеу, сондай-ақ мемлекеттік материалдық резервтің төтенше жағдайлар мен олардың салдарларының алдын алу және оларды жою, нарыққа реттеушілік ықпал ету, босқындарға көмек көрсету және гуманитарлық көмек көрсету үшін пайдаланылған материалдық құндылықтары үшін шығындарды өтеу қағидаларын бекіту туралы» Қазақстан Республикасы Үкіметінің 2014 жылғы 31 шілдедегі № 865 қаулысы; 4) «Мемлекеттік материалдық резервтің материалдық құндылықтарының бар-жоғы және қозғалысы туралы есептерді дайындау және ұсыну қағидаларын бекіту туралы» Қазақстан Республикасы Үкіметінің 2014 жылғы 24 қазандағы № 1135 қаулысы; 5) «Мемлекеттік материалдық резервтің материалдық құндылықтарын есепке алу қағидаларын бекіту туралы» Қазақстан Республикасы Үкіметінің 2015 жылғы 4 наурыздағы № 108 қаулысы |
| 7. | Заңнаманы кейін жобаға сәйкес келтіру қажеттігі | Талап етілмейді |
| 8. | Премьер-Министрдің тапсырмасы бойынша басқа ұйымдарда қосымша (құқықтық, лингвистикалық, экономикалық, экологиялық, қаржы және басқа да) сараптама жүргізілген жағдайда оның нәтижелері. | Өткізілмеді |
| 9. | Өзге де мәліметтер | Жоқ |
| 10. | Материалдарды (үзінді көшірмелерді) Үкімет мүшелерінің мобильдік құрылғыларына « Қазақстан Республикасы Үкіметінің мобильдік кеңсесі» ақпараттық жүйесі арқылы беруге рұқсат етіледі | Рұқсат етіледі |
| 11. | Қаулы жобасын мемлекеттік органның интернет-ресурсында (веб-сайтта, интранет-порталда немесе басқа ақпараттық жүйеде) орналастыру туралы ақпарат | Қаулы жобасы ҚР ҰЭМ www . economy . gov . kz веб-сайтында орналастырылды. Файл мемлекеттік және орыс тілдерінде – 322 КБ |
| 12. | Мемлекеттік органның интернет-ресурсында (веб-сайтында) әлеуметтік мәні бар қаулы жобасына баспасөз релизін орналастыру туралы ақпарат (баспасөз релизінің атауы, күні) | Талап етілмейді |
| 13. | Реттеушілік әсерге талдау жүргізу нәтижелері туралы ақпарат (бар болса) | Талап етілмейді |
| 14. | Ұсынылған халықаралық шарттың жобасын кейіннен ратификациялау қажеттілігі туралы ақпарат
| Талап етілмейді |
Қазақстан Республикасының Ұлттық экономика министрі Қ. Бишімбаев
2016 жылғы «___» ___________
