Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына 2-қосымша

1. Осы Әлеуметтік жұмыс орындарын ұйымдастыру және қаржыландыру қағидалары (бұдан әрі – Қағидалар) «Халықты жұмыспен қамту туралы» Қазақстан Республикасы Заңының (бұдан әрі – «Халықты жұмыспен қамту туралы» Заң) 7-бабы 6) тармақшасына сәйкес әзірленді және әлеуметтік жұмыс орындарын ұйымдастыру және қаржыландыру тәртібін айқындайды.

2. Осы Қағидаларда мынадай негізгі ұғымдар пайдаланылады:

1) ауыр жұмыстар – жұмыскердің ауыр (он килограмм және одан ауыр) заттарды қолмен тұрақты түрде орнынан қозғалтуға, жылжытуға және тасуға байланысты әрі дене күшін жұмсауды талап ететін (250 ккал/сағаттан астам энергия жұмсалатын) қызметінің түрлері;

2) әлеуметтік-еңбек саласының бірыңғай ақпараттық жүйесі (бұдан әрі – «Еңбек нарығы» ААЖ) – халықты жұмыспен қамту мәселелері жөніндегі уәкілетті органның, халықты жұмыспен қамтудың жергілікті органдарының, халықты жұмыспен қамту орталықтарының қызметін автоматтандыруға және әлеуметтік-еңбек саласында халыққа мемлекеттік қызметтер көрсетуді ұсыну мақсатында ведомствоаралық өзара іс-қимылға арналған аппараттық-бағдарламалық кешен;

2-тармақша жаңа редакцияда жазылды ҚР Еңбек және халықты әлеуметтік қорғау министрінің 26.05.2022 жылғы № 178 Бұйрығына сәйкес (07.02.2022 ж. редакцияны қараңыз)(өзгерту 12.06.2022 жылдан бастап қолданысқа енгізіледі)

3) әлеуметтік жұмыс орны – халықты жұмыспен қамту орталығымен шарт негізінде жұмыссыздарды жұмысқа орналастыру үшiн олардың жалақысын субсидиялау арқылы жұмыс беруші құратын жұмыс орны;

4) бос орын – жұмыс берушідегі бос жұмыс орны (лауазым);

5) жалақыны субсидиялау – халықты жұмыспен қамту орталығының жолдамалары бойынша әлеуметтік жұмыс орындарына жұмысқа орналастырылған жұмыскерлердің еңбегіне жұмыс берушінің ақы төлеуге жұмсаған шығындарының бір бөлігін өтеу;

6) жұмыс беруші – жұмыскер еңбек қатынастарында болатын жеке немесе заңды тұлға;

7) жұмыс орны – еңбек қызметі процесінде жұмыскердің еңбек міндеттерін орындауы кезінде оның тұрақты немесе уақытша болатын орны;

8) жұмысқа орналастыру – халықтың жұмыспен қамтылуын қамтамасыз етуге септігін тигізуге бағытталған ұйымдық, экономикалық және құқықтық іс-шаралар кешені;

9) жұмыспен қамтудың жеке картасы – жеке бас деректері, жұмыспен қамтылу тарихы, ұсынылатын және іске асырылатын іс-шаралар, жұмыспен қамтуға жәрдемдесу мақсаты және олардың орындалуы көрсетілетін құжат;

10) жұмыссыз адам – жұмыс іздеуді жүзеге асыратын және жұмысқа кірісуге дайын жеке тұлға;

11) зиянды еңбек жағдайлары – зиянды өндірістік факторлардың болуымен сипатталатын еңбек жағдайлары;

12) оқу орны –техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру бағдарламаларын іске асыратын білім беру ұйымы;

13) өңірлік комиссия – жергілікті өкілді органдар, жұмыс берушілер, кәсіптік одақтар және облыстардың, республикалық маңызы бар қалалардың және астананың кәсіпкерлер палатасы өкілдерінің қатысуымен облыстың (республикалық маңызы бар қаланың, астананың) жұмыспен қамтуға жәрдемдесу мәселелері жөніндегі жергілікті атқарушы органы жанындағы ведомствоаралық комиссия;

14) халықты жұмыспен қамту мәселелері жөніндегі жергілікті орган – өңірлік еңбек нарығындағы ахуалға негіздей отырып, халықты жұмыспен қамтуға жәрдемдесудің бағыттарын айқындайтын ауданның, облыстық маңызы бар қалалардың, облыстың, республикалық маңызы бар қалалардың, астананың жергілікті атқарушы органдарының құрылымдық бөлімшесі;

15) халықты жұмыспен қамту мәселелері жөніндегі уәкілетті орган – Қазақстан Республикасының заңнамасына сәйкес халықты жұмыспен қамту саласындағы басшылықты және салааралық үйлестіруді жүзеге асыратын орталық атқарушы орган;

16) халықты жұмыспен қамту орталығы (бұдан әрі – жұмыспен қамту орталығы) – жұмыспен қамтуға жәрдемдесудің белсенді шараларын іске асыру, жұмыссыздықтан әлеуметтік қорғауды және жұмыспен қамтуға жәрдемдесудің өзге де шараларын ұйымдастыру мақсатында ауданның, облыстық және республикалық маңызы бар қалалардың, астананың жергілікті атқарушы органы құратын заңды тұлға;

17) «Электрондық еңбек биржасы» мемлекеттік ақпараттық порталы (бұдан әрі – Электрондық еңбек биржасы) – еңбек нарығының бірыңғай ақпараттық базасын қамтитын ақпараттық жүйе;

18) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дәйектілігін, оның тиесілілігін және мазмұнының өзгермейтінін растайтын электрондық цифрлық нышандар жиынтығы;

19) NEET санатындағы жастар – әлеуметтік және экономикалық сипаттағы белгілі бір жағдайларға байланысты оқымайтын, жұмыс істемейтін және біліктілігін арттырмайтын жастар.

3. Әлеуметтік жұмыс орындары барлық меншік нысанындағы кәсіпорындар мен ұйымдарда, сондай-ақ үйде ұйымдастырылады, бұл ретте салық және басқа да әлеуметтік аударымдарды ұдайы жүргізетін, жалақы бойынша мерзімі өткен берешегі жоқ және бір жылдан астам қызмет ететін жұмыс берушілер қатысуға жіберіледі.

3-тармақ жаңа редакцияда жазылды ҚР Еңбек және халықты әлеуметтік қорғау министрінің 29.12.2022 жылғы № 535 Бұйрығына сәйкес (28.10.2022 ж. редакцияны қараңыз)(өзгерту 16.01.2023 жылдан бастап қолданысқа енгізіледі)

Әлеуметтік жұмыс орнын жұмыс беруші жұмыссыздардың жалақысын субсидиялаумен оларды жұмысқа орналастыру үшін құрады 50 жастан асқан жұмыссыздардың жалақысын субсидиялаумен оларды жұмысқа орналастыру үшін:

1) Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы № 26 бұйрығымен (Нормативтік құқықтық актілерді мемлекеттік тіркеу тізілімінде № 10370 болып тіркелген) бекітілген Мүгедектігі бар адамды абилитациялаудың және оңалтудың жеке бағдарламасына сәйкес жүріп-тұруы қиын бірінші топтағы мүгедектігі бар адамдар үшін жеке көмекшінің әлеуметтік қызметтерін көрсету қағидаларына сәйкес мүгедектігі бар адамдар үшін жеке көмекшінің;

2) Қазақстан Республикасы Еңбек және халықты әлеуметтік қорғау министрінің 2018 жылғы 29 тамыздағы № 379 бұйрығымен (Нормативтік құқықтық актілерді мемлекеттік тіркеу тізілімінде № 17467 болып тіркелген) бекітілген Арнаулы әлеуметтік қызметтер көрсететін ұйымдар қызметінің қағидаларына сәйкес әлеуметтік жұмыс бойынша кеңесшінің, әлеуметтік қызметкердің жұмыс орындарын ұйымдастыру көзделеді.

Табысы аз және (немесе) көпбалалы отбасылардың еңбекке қабілетті мүшелері, мүгедектігі бар балаларды тәрбиелеуші адамдар үшін сондай-ақ, әлеуметтік жұмыс орындарын құру көзделеді.

4. Әлеуметтік жұмыс орындары ауыр жұмыстарда, зиянды және (немесе) қауіпті еңбек жағдайлары бар жұмыстарда және Ұлттық кәсіптер жіктеуішіне сәйкес біліктілігі төмен жұмыскерлердің 9-тобына жататын кәсіптер/қызметтер бойынша құрылмайды.

5. Қазақстан Республикасы Үкіметінің 2021 жылғы 12 қазандағы № 728 қаулысымен  бекітілген 2021 – 2025 жылдарға арналған кәсіпкерлікті дамыту жөніндегі ұлттық жобасына сәйкес, жастар және 50 жастан асқан адамдар үшін әлеуметтік жұмыс орындары «Алғашқы жұмыс орны», «Ұрпақтар келісімшарты» және «Күміс жас» жобасы шеңберінде де құрылады.

5-тармақ жаңа редакцияда жазылды ҚР Еңбек және халықты әлеуметтік қорғау министрінің 29.12.2022 жылғы № 535 Бұйрығына сәйкес (28.10.2022 ж. редакцияны қараңыз)(өзгерту 16.01.2023 жылдан бастап қолданысқа енгізіледі)

Қатысу мерзімі:

- «Алғашқы жұмыс орны» жобасы бойынша 18 айдан;

- «Күміс жас» жобасы бойынша 36 айдан;

- «Ұрпақтар келісімшарты» жобасы бойынша 6 айдан аспайды.

Мыналар:

- жұмыс тәжірибесі жоқ жастар, оның ішінде NEET санатындағы жастар «Алғашқы жұмыс орны» жобасына;

- 2 (екі) жыл ішінде оқуын аяқтаған білім беру ұйымдарының түлектері «Ұрпақтар келісімшарты» жобасына;

- 50 жастан асқан жұмыссыз адамдар «Күміс жас» жобасына қатысушылар болып табылады, олардың арасында «Халықты жұмыспен қамту туралы» Заңның 20-бабы 2-тармағының 2) тармақшасында көрсетілген адамдар басым құқық пайдаланады. 

6. Оқу орындарының түлектері үшін «Алғашқы жұмыс орны» және «Ұрпақтар келісімшарты» жобалары бойынша жұмыс орындары олар алған кәсіп (мамандық) бойынша немесе Ұлттық кәсіптер жіктеуішінде қызметтің осы тобына жататын ұқсас кәсіп (мамандық) бойынша құрылады.

7. Әлеуметтік жұмыс орындарын ұйымдастыру үшін құрылатын уақытша жұмыс орындарының саны шектелмеген.

7-тармақ жаңа редакцияда жазылды ҚР Еңбек және халықты әлеуметтік қорғау министрінің 14.09.2022 жылғы № 367 Бұйрығына сәйкес (26.05.2022 ж. редакцияны қараңыз)(өзгерту 04.10.2022 жылдан бастап қолданысқа енгізіледі)
7-тармақ жаңа редакцияда жазылды ҚР Еңбек және халықты әлеуметтік қорғау министрінің 28.10.2022 жылғы № 442 Бұйрығына сәйкес (14.09.2022 ж. редакцияны қараңыз)(өзгерту 18.11.2022 жылдан бастап қолданысқа енгізіледі)

8. Әлеуметтік жұмыс орындарындағы жұмыс уақытша сипатта болады.

9. Әлеуметтік жұмыс орындары жұмыссыздар үшін арнайы құрылады, олардың арасында «Халықты жұмыспен қамту туралы» Заңның 20-бабы 2-тармағының 1)-9) тармақшаларында көрсетілген адамдар:

1) балалар ауылының тәрбиеленушілері және балалар үйлерінің, жетім балалар мен ата-анасының қамқорлығынсыз қалған он алты жастан жиырма үш жасқа дейінгі балаларға арналған мектеп-интернаттардың түлектері;

2) зейнеталды жастағы (зейнеткерлікке шығуға екі жыл қалған) адамдар;

3) мүгедек адамдар.

3-тармақша жаңа редакцияда жазылды ҚР Еңбек және халықты әлеуметтік қорғау министрінің 14.09.2022 жылғы № 367 Бұйрығына сәйкес (26.05.2022 ж. редакцияны қараңыз)(өзгерту 04.10.2022 жылдан бастап қолданысқа енгізіледі)

4) бас бостандығынан айыру орындарынан босатылған және (немесе) мәжбүрлеп емдеуден өткен адамдар;

5) пробация қызметінің есебінде тұрған адамдар;

6) кәмелетке толмаған балаларды тәрбиелеп отырған жалғызілікті, көпбалалы ата-аналар;

7) жеті жасқа дейінгі балаларды, мүгедектігі бар баланы, бірінші және екінші топтардағы мүгедектігі бар адамдарды бағып-күтуді жүзеге асыратын адамдар.

7-тармақша жаңа редакцияда жазылды ҚР Еңбек және халықты әлеуметтік қорғау министрінің 14.09.2022 жылғы № 367 Бұйрығына сәйкес (26.05.2022 ж. редакцияны қараңыз)(өзгерту 04.10.2022 жылдан бастап қолданысқа енгізіледі)

8) қандастар;

9) терроризм актісінің нәтижесінде зардап шеккен адамдар және оның жолын кесуге қатысқан адамдар басымдыққа ие.

10. Жұмыс беруші ағымдағы қаржы жылының 1 қарашасына дейінгі мерзімде Электрондық еңбек биржасындағы «жеке кабинет» арқылы жұмыспен қамту орталығына кезекті қаржы жылына әлеуметтік жұмыс орындарын құруға өтінім береді.

11. Жұмыс беруші өтінімде мынадай мәліметтерді: Ұлттық қызметтер жіктеуішіне сәйкес кәсіпті, жұмыс орындарының санын, жұмыстың ұзақтығын, білім деңгейін, кәсіби дағдыларды, жұмыскерлердің нақты санын, бос жұмыс орындарының болуын, қосымша жұмыс орнын құру мүмкіндігін және субсидия сомасын аудару үшін есеп айырысу шотының нөмірін көрсетеді.

12. Жұмыспен қамту орталығы өтінімдерді жинау аяқталған күннен бастап 5 (бес) жұмыс күні ішінде жұмыс берушілердің бірыңғай тізбесін қалыптастырады және бекіту үшін халықты жұмыспен қамту мәселелері жөніндегі жергілікті органға жібереді.

13. Халықты жұмыспен қамту мәселелері жөніндегі жергілікті орган 5 (бес) жұмыс күні ішінде жұмыс орындарының санын, жұмыстың ұзақтығын, кәсіпті және еңбекақының мөлшерін көрсете отырып, кезекті қаржы жылы әлеуметтік жұмыс орындарын ұйымдастыратын жұмыс берушілердің тізбесін бекітеді.

Жұмыс берушілердің тізбесі күнтізбелік жыл ішінде қажеттілігіне қарай жаңартылады.

14. Жұмыспен қамту орталығы жұмыс берушілердің тізбесі бектілгеннен кейін 5 (бес) жұмыс күні ішінде халықты жұмыспен қамту мәсілелері жөніндегі жергілікті органның шешімін әрбір өтінім бойынша «Еңбек нарығы» ААЖ-ға енгізеді.

15. Халықты жұмыспен қамту мәселелері жөніндегі жергілікті орган жұмыс берушінің кезекті қаржы жылына әлеуметтік жұмыс орындарын ұйымдастыруға қатысуынан бас тартуы туралы шешім қабылдаған кезде жұмыс берушінің Электрондық еңбек биржасындағы «жеке кабинетіне» «Еңбек нарығы» ААЖ-дан себептері көрсетілген бас тарту туралы хабарлама түседі.

16. Халықты жұмыспен қамту мәселелері жөніндегі жергілікті органның жұмыс берушінің өтінімдері бойынша оң шешімінің негізінде жұмыспен қамту орталығы «Еңбек нарығы» ААЖ-дан жұмыс берушінің Электрондық еңбек биржасындағы «жеке кабинетіне» осы Қағидаларға 1-қосымшаға сәйкес нысан бойынша Әлеуметтік жұмыс орындарын ұйымдастыруға және қаржыландыруға шартты (бұдан әрі – Шарт) жібереді.

17. Жұмыс беруші Шарт жұмыспен қамту орталығынан түскеннен кейін 10 (он) жұмыс күні ішінде оған Электрондық еңбек биржасында ЭЦҚ-ны пайдаланып қол қояды.

18. Жұмыс беруші Шарттың негізінде әлеуметтік жұмыс орындарын ұйымдастыру үшін жұмыс орындарын құрады және 3 (үш) жұмыс күні ішінде әлеуметтік жұмыс орындары бойынша бос орындарды Электрондық еңбек биржасында жариялайды.

19. «Алғашқы жұмыс орны» және «Күміс жас» жобаларын қоспағанда, азаматтардың әлеуметтік жұмыс орындарына қатысу ұзақтығы 12 айдан аспайтын мерзімді құрайды.

19-тармақ жаңа редакцияда жазылды ҚР Еңбек және халықты әлеуметтік қорғау министрінің 28.10.2022 жылғы № 442 Бұйрығына сәйкес (14.09.2022 ж. редакцияны қараңыз)(өзгерту 18.11.2022 жылдан бастап қолданысқа енгізіледі)
19-тармақ жаңа редакцияда жазылды ҚР Еңбек және халықты әлеуметтік қорғау министрінің 29.12.2022 жылғы № 535 Бұйрығына сәйкес (28.10.2022 ж. редакцияны қараңыз)(өзгерту 16.01.2023 жылдан бастап қолданысқа енгізіледі)

20. Осы Қағидалардың 26-27-тармақтарында көзделген жағдайларды қоспағанда, жұмыссыздарды әлеуметтік жұмыс орындарына жұмысқа орналастыру жұмыссыз ретінде тіркелген күніне сәйкес кезектілік тәртібімен күнтізбелік жыл ішінде бір рет жүзеге асырылады.

21. Әлеуметтік жұмыс орындарына жұмысқа орналасу үшін үміткер:

1) жеке басты куәландыратын құжатты;

2) Қазақстан Республикасы Еңбек кодексінің (бұдан әрі – Еңбек кодексі) [35-бабына|662993542]] сәйкес еңбек қызметін растайтын құжаттарды (бар болса);

3) білімі туралы құжатты (бар болса) қоса бере отырып, осы Қағидаларға 2-қосымшаға сәйкес нысан бойынша жұмыспен қамту орталығына өтініш береді.

«Ұрпақтар келісімшарты» жобасына қатысқысы келетін үміткер техникалық және кәсіптік, орта білімнен кейінгі, жоғары, жоғары оқу орнынан кейінгі білімі барын растайтын құжатты қоса береді.

Жеке басты куәландырғаннан және «Еңбек биржасы» ААЖ-ға деректерді енгізгеннен кейін құжаттар үміткерге қайтарылады.

22. Жұмыспен қамту орталығы үміткерге олардың келісімімен осы Қағидаларға 3-қосымшаға сәйкес нысан бойынша әлеуметтік жұмыс орнына жолдама береді. Үміткерлерді әлеуметтік жұмыс орындарына жіберу кезінде жолдама беру сәтінде жіберілетін жұмыссыздар үшін лайықты жұмыстардың болмауы ескеріледі.

23. Үміткер жұмыспен қамту орталығынан жолдама алған күнен бастап 5 (бес) жұмыс күні ішінде жұмыс берушіге жұмысқа орналасу мәселесі бойынша жүгінеді.

Жұмыс берушілер жұмыспен қамту орталығы берген жолдама бойынша жүгінген үміткерлерді әлеуметтік жұмыс орындарына жұмысқа орналастырады.

Жұмыс берушілер Халықты жұмыспен қамту туралы» Заңның 28-бабы 2-тармағының 4) тармақшасына сәйкес 5 (бес) жұмыс күні ішінде жұмыспен қамту орталығын жұмысқа қабылдау немесе одан бас тарту туралы хабардар етеді.

24. Тармақ алынып тасталды (ескертуді қараңыз)

24-тармақ алынып тасталды ҚР Еңбек және халықты әлеуметтік қорғау министрінің 30.03.2023 жылғы № 98 Бұйрығымен (29.12.2022 ж. редакцияны қараңыз) (өзгерту 16.04.2023 жылдан бастап қолданысқа енгізіледі)

25. Жұмыс беруші «Алғашқы жұмыс орны» жобасы шеңберінде жұмысқа орналасқан адамға кәсіби білімдері мен жұмыс тәжірибесін беру үшін тәжірибелі жұмыскерлердің арасынан тәлімгер тағайындайды.

«Ұрпақтар келісімшарты» жобасы шеңберінде жұмысқа орналасқан адамға «Қазақстан Республикасында зейнетақымен қамсыздандыру туралы» Қазақстан Республикасы Заңында белгіленген зейнеткерлік жасқа жетуге кемінде 6 (алты) ай қалған тәлімгер тағайындалады.

26. Әлеуметтік жұмыс орындарындағы еңбек қызметін өз еркімен, дәлелсіз себеппен тоқтатқан жұмыссыздар жұмыссыздар ретінде есептен шығарылады және жұмыссыздар ретінде қайта тіркелген күннен бастап үш ай өткен соң ғана жұмыспен қамтуға жәрдемдесудің белсенді шараларына қайта қатысады.

27. Жұмыс беруші таратылған немесе жұмыс беруші әлеуметтік жұмыс орындарын ұйымдастырудың және қаржыландырудың белгіленген тәртібін бұзған жағдайларда әлеуметтік жұмыс орындарындағы еңбек қызметін тоқтатқан адамдар қалған өтелмеген мерзімін басқа жұмыс берушілерде жалғастырады.

28. Әлеуметтік жұмыс орнына жұмысқа орналасқан адамның еңбек қызметінің кезеңі оның еңбек өтіліне есептеледі.

29. Жұмыспен қамту орталығы әлеуметтік жұмыс орынындағы жұмысы аяқталғаннан кейін (мерзімі аяқталғанға дейін) жұмыспен қамтудың жеке картасына адамның әлеуметтік жұмыс орнына жұмысқа орналасқаны және тұрақты жұмысқа орналасуы туралы мәліметті енгізеді.

30. Әлеуметтік жұмыс орындарын қаржыландыруды әлеуметтік жұмыс орындарына жұмысқа орналастырылған жұмыссыздарға еңбекақы төлеуге жұмыс берушінің шығындарының бір бөлігін өтеуге субсидиялар беру арқылы республикалық немесе жергілікті бюджеттер қаражатының есебінен жұмыспен қамту орталығы жүзеге асырады.

Мемлекеттік қолдау шарасын республикалық бюджеттен қаржыландыру халықты жұмыспен қамту мәселелері жөніндегі уәкілетті орган арқылы жүзеге асырылады.

Мемлекеттік қолдау шарасын жергілікті бюджеттен қаржыландыру халықты жұмыспен қамту мәселелері жөніндегі жергілікті орган арқылы жүзеге асырылады.

31. Үкіметтік емес ұйымдар құрған жұмыс орындарына орналасқан мүгедектігі бар адамдарды және «Ұрпақтар келісімшарты», «Алғашқы жұмыс орны» және «Күміс жас» жобалары шеңберінде жұмысқа орналасқан адамдарды қоспағанда, әлеуметтік жұмыс орындарына жұмысқа орналастырылған жұмыссыздардың жалақысына субсидияның ай сайынғы мөлшері экологиялық үстемеақылар бойынша төлемдерді есепке алмағанда, салықтарды, міндетті әлеуметтік аударымдарды және пайдаланылмаған еңбек демалысына өтемақыны ескергенде жалақының белгіленген мөлшерінен 35%-ды құрайды, бірақ 20 (жиырма) айлық есептік көрсеткіштен (бұдан әрі – АЕК) аспайды.

31-тармақ өзгертілді ҚР Еңбек және халықты әлеуметтік қорғау министрінің 14.09.2022 жылғы № 367 Бұйрығымен (26.05.2022 ж. редакцияны қараңыз)(өзгерту 04.10.2022 жылдан бастап қолданысқа енгізіледі)
31-тармақ жаңа редакцияда жазылды ҚР Еңбек және халықты әлеуметтік қорғау министрінің 29.12.2022 жылғы № 535 Бұйрығына сәйкес (28.10.2022 ж. редакцияны қараңыз)(өзгерту 16.01.2023 жылдан бастап қолданысқа енгізіледі)

«Күміс жас» жобасы шеңберінде жұмысқа орналасқан адамдар үшін субсидияның ай сайынғы мөлшері экологиялық үстемеақылар бойынша төлемдерді есепке алмағанда, салықтарды, міндетті әлеуметтік аударымдарды және пайдаланылмаған еңбек демалысына өтемақыны ескергенде:

1) қатысудың бірінші 12 (он екі) айында жалақы мөлшерінің 70 %-ын құрайды, бірақ 30 (отыз) АЕК-тен аспайды;

2) қатысудың 13 (он үшінші) айынан бастап 24 (жиырма төртінші) айына дейін жалақы мөлшерінің 65 %-ын құрайды, бірақ 30 (отыз) АЕК-тен аспайды;

3) қатысудың 25 (жиырма бесінші) айынан бастап 36 (отыз алтыншы) айына дейін жалақы мөлшерінің 60 %-ын құрайды, бірақ 30 (отыз) АЕК-тен аспайды.

Мүгедектігі бар адамдар үшін үкіметтік емес ұйымдар құратын әлеуметтік жұмыс орындарының жалақысын субсидиялау мөлшерін жыл сайын өңірлік комиссиялар белгілейді.

«Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдар үшін субсидияның (жалақының) бір айдағы мөлшері экологиялық үстемеақылар бойынша төлемдерді есептемегенде кемінде 30 (отыз) АЕК-ті (салықтарды, міндетті әлеуметтік аударымдарды, пайдаланылмаған еңбек демалысына өтемақыларды және банк қызметтерін ескергенде) құрайды.

Жергілікті бюджет қаражаты есебінен «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдардың еңбекақысын қоса қаржыландыруды және субсидиялауды халықты жұмыспен қамту мәселелері жөніндегі жергілікті орган жүзеге асырады. 

32. Орындалатын жұмыстың көлеміне және күрделілігіне қарай жұмыс беруші өз қаражаты есебінен, қажет болған жағдайда, нақты орындалған жұмыс үшін қосымша үстемеақылар белгілейді.

33. «Алғашқы жұмыс орны» және Ұрпақтар келісімшарты» жобалары шеңберінде жұмысқа орналасқан адамдарды қоспағанда, жұмыс беруші әлеуметтік жұмыс орындарына жұмысқа орналасқан адамдарға жалақы төлеуді ай сайын нақты орындалған жұмыс уақыты үшін еңбек шартында белгіленген мөлшерге қарай жүргізеді.

34. Жұмыспен қамту орталығы есепті айдан кейінгі айдың 20-күніне қарай жұмыс берушілер осы Қағидаларға 4-қосымшаға сәйкес нысан бойынша ұсынған мәліметтердің негізінде және есепті айда жұмыссыздардың міндетті зейнетақы жарналарының болуын тексергеннен кейін жұмыс берушінің есеп айырысу шотына жалақыға субсидиның сомасын аударады.

35. «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарға жалақы төлеуді жұмыс берушілер осы Қағидаларға 5-қосымшаға сәйкес нысан бойынша ұсынған мәліметтердің негізінде ай сайын жұмыспен қамту орталығы екінші деңгейдегі банктерде ашылған ағымдағы шоттарға (карточкалық) ақшалай қаражат аудару арқылы жүргізеді.

36. «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарға уақытша жұмысқа жарамсыздығы жөніндегі әлеуметтік жәрдемақы төлеуді Еңбек кодексіне сәйкес жұмыспен қамту орталығы жүргізеді.

 _________________________________ _____________________ Жасалған орны Күні

  «Халықты жұмыспен қамту туралы» Қазақстан Республикасының Заңына, «Халықты жұмыспен қамтуға жәрдемдесудің кейбір мәселелері туралы» Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына (Нормативтік құқықтық актілерді мемлекеттік тіркеу тізілімінде № 13938 болып тіркелген) (бұдан әрі – № 516 бұйрық) және _______________________ ауданының, облыстық маңызы бар қаланың, респубикалық маңызы бар қаланың, астананың халықты жұмыспен қамту мәселелері жөніндегі жергілікті органының 20 ___ жылғы ___ _________ № ___ шешімінің негізінде бұдан әрі бірлесе «Тараптар» деп аталатын бұдан әрі «Тапсырыс беруші» деп аталатын __________________________ ауданы (қаласы) Халықты жұмыспен қамту орталығының атынан

 ________________________________________________________________ ________________________________________________________________ (директордың тегі, аты, әкесінің аты (бар болса)   және бұдан әрі «Орындаушы» деп аталатын __________________________ негізінде әрекет ететін ____________________________________________ __________________________________________________________ атынан (жұмыс берушінің атауы, заңды мекенжайы, байланыс телефоны)   ________________________________________________________________ (тегі, аты, әкесінің аты (бар болса), лауазымы)  

әлеуметтік жұмыс орындарын ұйымдастыруға және қаржыланыруға осы шартты (бұдан әрі – Шарт) жасасты және төмендегі туралы келісімге келді:

1.1. Жұмыссыздарды уақытша жұмысқа орналастыру мақсатында олар үшін әлеуметтік жұмыс орындарын ұйымдастыру және қаржыландыру.

 1.2. Шарттың жалпы сомасы ______________теңгені құрайды, оның ішінде (жазбаша)   республикалық бюджет есебінен ________ теңге, жергілікті бюджет қаражаты есебінен ________ теңге.

 1.3. Жұмыссыздардың жалпы саны _____________ адамды құрайды. (жазбаша)  

2.1. Тапсырыс беруші:

1) Орындаушыдан Шарттың уақтылы және тиіссінше орындалуын талап етуге;

2) Шарт талаптарының орындалуына барып тексеру жасауға құқылы. Шарт талаптарының орындалуын тексеру нәтижелері барып тексеру актілерімен рәсімделеді.

2.2. Орындаушы:

1) өз қаражаты есебінен адамдарға қосымша үстемеақы төлеуге;

2) адамның талабы бойынша әлеуметтік жұмыс орнындағы жұмыстың нәтижесі жөнінде пікір (ұсыным хат) ұсынуға құқылы.

2.3. Тапсырыс беруші:

 1) адамдарды олардың келісімімен Орындаушыға ____________________ (жазбаша)   адамды әлеуметтік жұмыс орындарына, оның ішінде:

 - «Алғашқы жұмыс орны» жобасы бойынша _____________ адамды; (жазбаша)   - «Күміс жас» жобасы бойынша ______________ адамды; (жазбаша)   - «Ұрпақтар келісімшарты» жобасы бойынша ________________ адамды (жазбаша)   жұмысқа орналасу үшін жіберуге;

2) «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарды қоспағанда, әлеуметтік жұмыс орындарына жұмысқа орналасқан адамдардың жалақысына субсидияның сомасын Орындаушының есеп айырысу шотына аударуға;

3) Орындаушы ұсынған ай сайынғы мәліметтердің негізінде Еңбек кодексіне сәйкес «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарға субсидиялау мерзімі аяқталғанға дейін уақтылы және толық көлемде жалақы төлеуге;

4) әлеуметтік жұмыс орындарын қаржыландыруға бөлінген бюджет қаражатының мақсатқа сай жұмсалуына мониторинг жүргізуге;

5) Орындаушының әлеуметтік жұмыс орындарына жұмысқа орналасқан адамдарға Қазақстан Республикасының заңнамасына сәйкес салықтар мен әлеуметтік адуарымдарды уақтылы төлеуіне ай сайын мониторинг жүргізуге;

6) жұмыспен қамтудың жеке картасында әлеуметтік жұмыс орынындағы жұмысы аяқталғаннан кейін (мерзімі аяқталғанға дейін) адамның әлеуметтік жұмыс орнына және тұрақты жұмысқа орналасуы туралы мәліметті көрсетуге міндетті.

2.4. Орындаушы:

1) әлеуметтік жұмыс орындарын ұйымдастыру үшін жұмыс орындарын құруға:

2) жұмыспен қамту орталығының жолдамасы бойынша жүгінген адамдарды әлеуметтік жұмыс орындарына жұмысқа орналастыруға;

3) «Халықты жұмыспен қамту туралы» Заңның 28-бабы 2-тармағының 4) тармақшасына сәйкес 5 (бес) жұмыс күні ішінде жұмыспен қамту орталығын жұмысқа қабылдау немесе одан бас тарту туралы хабардар етуге;

4) Еңбек кодексіне сәйкес әрбір адаммен еңбек шартын жасауға;

5) «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарды қоспағанда, әлеуметтік жұмыс орындарына жұмысқа орналасқан адамдарға уақтылы және толық көлемде еңбекақы төлеуге;

6) «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарды қоспағанда, әлеуметтік жұмыс орындарына жұмысқа орналасқан адамдар үшін жеке табыс салығын және әлеуметтік төлемдерді төлеуді жүргізуге;

7) әрбір адамға қауіпсіздік техникасы бойынша нұсқама өткізуге;

8) қажет болған жағдайда адамдарды арнайы киіммен, құрал-саймандармен, жабдықтармен қамтамасыз етуге;

9) адамдарды Еңбек кодексіне сәйкес тиісті еңбек жағдайларымен қамтамасыз етуге;

10) еңбек міндеттерін атқару кезінде адамның денсаулығына зиян келтірілген жағдайда Еңбек кодексіне сәйкес зиянды өтеуге;

11) жасалған еңбек шартының мерзімі өткеннен кейін еңбек кітапшасына (ол бар болса) әлеуметтік жұмыс орынындағы жұмыс кезеңін енгізуге;

12) Тапсырыс берушіге № 516 бұйрықпен бекітілген Әлеуметтік жұмыс орындарын ұйымдастыру және қаржыландыру қағидаларына 4 және (немесе) 5-қосымшаларға сәйкес нысан бойынша мәліметтерді есепті ай аяқталғанға дейін 5 (бес) жұмыс күні ішінде ұсынуға;

13) Тапсырыс берушіге Шарт бойынша міндетемелердің орындалуына мониторингті жүзеге асыру үшін қажетті ақпаратты, құжаттарды және материалдарды толық көлемде ұсынуға;

14) әлеуметтік жұмыс орындарын ұйымдастырудың және қаржыландырудың белгіленген тәртібін бұзған және/немесе «Алғашқы жұмыс орны», «Ұрпақтар келісімшарты» және «Күміс жас» жобалары шеңберінде жұмысқа орналасқан адамдарды тұрақты жұмысқа қабылдаудан бас тартқан жағдайларда, адамдардың жалақысының субсидияланған бөлігін төлеуге жұмсаған мемлекеттің шығыстарын бюджетке өтеуге;

15) «Алғашқы жұмыс орны» жобасы шеңберінде жұмысқа орналасқан адамдарға кәсіби білімдері мен жұмыс тәжірибесін беру үшін тәжірибелі жұмыскерлердің арасынан тәлімгер тағайындауға;

16) «Ұрпақтар келісімшарты» жобасы шеңберінде жұмысқа орналасқан адамдарға «Қазақстан Республикасында зейнетақымен қамсыздандыру туралы» Қазақстан Республикасы Заңында белгіленген зейнеткерлік жасқа жеткенге кемінде 6 (алты) ай қалған тәлімгер тағайындауға;

17) «Алғашқы жұмыс орны» жобасына қатысу мерзімі аяқталғаннан кейін жұмыссызды кемінде 12 (он екі) ай мерзімге тұрақты жұмыс орнына жұмысқа орналастыруға;

18) «Ұрпақтар келісімшарты» жобасына қатысу мерзімі аяқталғаннан кейін жұмыссызды Еңбек кодексінің 38-бабына сәйкес тәлімгердің бос жұмыс орнына немесе басқа бос орынға ауыстыруға;

19) «Күміс жас» жобасына қатысу мерзімі аяқталғаннан кейін «Қазақстан Республикасында зейнетақымен қамсыздандыру туралы» Қазақстан Республикасы Заңының 11-бабының 1-тармағында белгіленген зейнеткерлік жасқа толмаған адамды кемінде 1 жыл мерзімге, ал зейнеталды жастағы адамды зейнеткерлікке шыққанға дейін тұрақты жұмыс орнына жұмысқа орналастыруға;

19-тармақша жаңа редакцияда жазылды ҚР Еңбек және халықты әлеуметтік қорғау министрінің 29.12.2022 жылғы № 535 Бұйрығына сәйкес (28.10.2022 ж. редакцияны қараңыз)(өзгерту 16.01.2023 жылдан бастап қолданысқа енгізіледі)

20) Еңбек кодексінде көзделген тәртіппен еңбек шарттарын есепке алудың бірыңғай жүйесіне адаммен жасалған және тоқтатылған еңбек шарты туралы ақпаратты енгізуге міндетті.

3.1. «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарды қоспағанда, әлеуметтік жұмыс орындарына жұмысқа орналасқан адамдарға еңбекақы төлеуді Орындаушы Еңбек кодексіне сәйкес жүргізеді.

3.2. «Алғашқы жұмыс орны» және «Ұрпақтар келісімшарты» жобалары шеңберінде жұмысқа орналасқан адамдарға субсидиялау мерзімі аяқталғанға дейін еңбекақы төлеуді Орындаушының мәліметтерінің негізінде Тапсырыс беруші жүргізеді.

4.1. Орындаушының Шарт бойынша өз міндеттемелерін не толығымен, не ішінара басқа біреуге беруіне жол берілмейді.

4.2. Орындаушы әлеуметтік жұмыс орындарын ұйымдастырудың және қаржыландырудың белгіленген тәртібін бұзған жағдайда, Шарт бұзушылық анықталған күннен бастап күнтізбелік 15 (он бес) күн ішінде бұзылуға жатады.

Шарт Тараптардың бірінің бастамасы бойынша бұзылуы мүмкін, бұл ретте бір Тарап екінші тарапты бұл туралы кемінде бір ай мерзімде хабардар етуге тиіс.

4.3. Шарттың қолданылу мерзімінің аяқталуы Тараптарды осы мерзім аяқталғанға дейін болған заң бұзушылықтар үшін жауаптылықтан босатпайды.

5.1. Тараптар Шарт талаптарын, егер ол Форс-мажорлық жағдайлардың нәтижесі болып табылса, орындамағаны үшін жауаптылықта болмайды.

5.2. Шарттың мақсаты үшін «форс-мажор» Тараптардың бақылауына көнбейтін және күтпеген сипатқа ие оқиғалар. Мұндай оқиғалар өртті, жер сілкінуін, су тасқынын, апатты жағдайларды және әскери әрекеттерді қамтуы мүмкін.

5.3.Форс-мажорлық жағдайлар туындаған кезде Орындаушы 2 (екі) жұмыс күні ішінде Тапсырыс берушіге мұндай жағдайлар және олардың себептері туралы жазбаша хабарлама жібереді.

Егер Тапсырыс берушіден өзге жазбаша нұсқаулықтар түспесе, Орындаушы орындылығына қарай Шарт бойынша өз міндеттемелерін орындауды жалғастырады және форс-мажорлық жағдайларға тәуелді емес Шартты орындаудың балама көздерін іздейді.

5.4. Егер жоғарыда көрсетілген мән-жайлар күнтізбелік 30 (отыз) күннен артық жалғасатын болса, онда тараптардың әрқайсысы Шарт бойынша міндеттемелерді одан әрі орындаудан бас тартуға құқылы және бұл жағдайда тараптардың ешқайсысының басқа тараптан ықтимал шығындарды өтеуді талап етуге құқығы жоқ.

6.1. Тапсырыс беруші мен Орындаушы тікелей келіссөздер процесінде араларында Шарт немесе соған байланысты туындаған барлық даулар мен келіспеушіліктерді шешуге барлық күштерін салуға тиіс.

6.2. Егер мұндай келіссөздерден кейін Тапсырыс беруші мен Орындаушы Шарт бойынша дауды шеше алмаса онда тараптың кез келгені Қазақстан Республикасының заңнамаларына сәйкес осы мәселенің шешілуін талап ете алады.

7.1. Шарт бірдей заңды күші бар қазақ және орыс тілдерінде қалыптастырылды және Электрондық еңбек биржасы арқылы жасалды.

7.2. Бір тарап екінші тарапқа жіберетін кез келген хабарлама почта байланысы немесе Электрондық еңбек биржасы арқылы жіберіледі. Осы күндердің қайсысы кейін туатынына қарай хабарлама ол жеткізілгеннен кейін немесе күшіне ену көрсетілген күні (хабарламада көрсетілсе) күшіне енеді.

7.3. Шартқа өзгерістер немесе толықтырулар жасалған Шарттың нысанында қосымша келісіммен рәсімделеді.

Орындаушы таңдауының негізі болып табылатын шарттардың өзгермеуі талаптарында жасалған Шартқа өзгерістер енгізу:

1) Шарт бойынша жұмыс орындары санының ұлғаюы;

2) Шарт бойынша жұмыссыздар санының ұлғаюы бөлігінде міндетті.

Егер жұмыс беруші жұмыс орнына біліктілік талаптарына сәйкес келмеу себебі бойынша жұмыспен қамту орталығының жолдамасы бойынша жұмысқа орналасу үшін жүгінген адамдардың арасынан кандитатты таба алмаса, онда Тапсырыс беруші халықты жұмыспен қамту мәселелері жөніндегі жергілікті органның шешімінің негізінде Шартқа өзгерістер енгізбей-ақ жұмыс берушінің өтінімі бойынша жұмыс орнының кәсібін (мамандығын) өзгертуі мүмкін.

7.4. Егер қаржы жылы ішінде бюджеттен әлеуметтік жұмыс орындарын қаржыландыру көлемі азайса, онда Тапсырыс беруші Шарт бойынша міндетемелерді одан әрі орындаудан бас тартуға құқылы және бұл жағдайда бір Тарап екінші Тараптан ықтимал шығындарды өтеуді талап етуге құқылы емес. Тапсырыс беруші кемінде 2 (екі) ай бұрын Орындаушыға бюджеттен әлеуметтік жұмыс орындарын қаржыландыру көлемінің азайғаны туралы хабарлама жібереді және бұл жағдайда Шартқа өзгерістер және/немесе толықтырулар енгізілмейді.

  8.1. Осы шарттың қолданылу мерзімі 20__ жылғы __ ________ бастап

  20__ жылғы __ ___________ дейін.

8.2. Осы Шарт қол қойылған күнінен бастап күшіне енеді.

	
		
		
	
	

		

			

			
Тапсырыс берушi   
			
			

			
Жұмыс беруші   
			
		
		

			

			
______________ ауданының (қаласының) 

			
Халықты жұмыспен қамту орталығы 

			
заңды мекенжайы: _________________ 

			
ЖСК ______________________________ 

			
БСК ______________________________ 

			
БСН (ЖСН) ________________________ 

			
Коды _____________________________ 

			
__________________________________   (Тегі, аты, әкесінің (қолы) аты (бар болса))     __________________________________   (қолы)   
			
			

			
заңды мекенжайы: ___________________ 

			
ЖСК ________________________________ 

			
БСК _________________________________ 

			
БСН (ЖСН) ___________________________ 

			
Коды _______________________________ 

			
____________________________________   (Тегі, аты, әкесінің (қолы) аты (бар болса))     ____________________________________   (қолы)   
			
		
	

Осы құжат «Электрондық құжат және электорндық цифрлық қолтаңба туралы» Қазақстан Республикасы Заңының 7-бабы 1-тармағына сәйкес қағаз жеткізгіштегі қол қойылған құжатпен бірдей.

Мені: әлеуметтік жұмыс орнына, «Алғашқы жұмыс орны» жобасына қатысуға, «Ұрпақтар келісімшарты» жобасына қатысуға, «Күміс жас» жобасына қатысуға (қажеттісінің астын сызыңыз) жіберуді сұраймын.

Өтінішке мынадай құжаттарды қоса беремін:

  ___________________________________________________________________

  ___________________________________________________________________

  ___________________________________________________________________

  ___________________________________________________________________.

Жұмыспен қамтуға жәрдемдесудің белсенді шарасын алу үшін қажет болатын дербес деректерімді жинау мен өңдеуге келісімімді беремін.

Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін.

*ұсынылған құжаттардың дәйектілігіне өтініш беруші жауапты болады.

 ___________________ ______________ Күні қолы ------------------------------------------------------------------------------------------------------- (кесу сызығы)   Азамат _________________________________________________ өтініші 20 __ жылғы «___» __________ қабылданды, № ____________ болып тіркелді, құжаттарды қабылдаған адамның тегі, аты, әкесінің аты (бар болса), лауазымы: ___________________________________________________________________ ________________________________________________________________.

 ___________________ ______________ Күні қолы

 Жұмыссыз ______________________________________________________ (Тегі, аты, әкесінің аты (бар болса))   20 __ жылғы «___» ________ бастап 20 __ жылғы «___» ________ дейін ____ ай мерзімге ____________________________________________________________ (Жұмыс берушінің атауы, мекенжайы, байланыс телефоны)   ____________________________________________________________________ (Кәсіп/мамандық атауы)   мамандығы (кәсібі) бойынша: әлеуметтік жұмыс орнына жұмысқа орналасу, «Алғашқы жұмыс орны» жобасына қатысу, «Ұрпақтар келісімшарты» жобасына қатысу, «Күміс жас» жобасына қатысу (қажеттісінің астын сызыңыз) үшін жіберілді.

 ___________________________________________ ________________ Лауазымы, тегі, аты, әкесінің аты (бар болса) қолы

Берілген күні Мөрдің орны

------------------------------------------------------------------------------------------------------- (кесу сызығы)  

Жұмысқа орналасу үшін жіберілген күннен бастап бес жұмыс күні ішінде жұмыс беруші Халықты жұмыспен қамту орталығына қайтарады  

 №_____ жолдамаға хабарлама

 _______________________________________________________________

 ____________________________________________________________________ (Жұмыс берушінің атауы)  

 20 __ жылғы «__» __________ жасалған № _____ еңбек шартына (20 __ жылғы «__» _______ № _____ бұйрық) сәйкес азамат (азаматша) ___________________ ____________________________________________________________________ (Тегі, аты, әкесінің аты (бар болса))   ____________________________________________________________________ (Лауазым атауы)  

 ретінде 20__ жылғы «__» _________ бастап 20__ жылғы «__» _________ дейін _____ ай мерзімге әлеуметтік жұмыс орнына жұмысқа орналасу мерзімімен әлеуметтік жұмыс орнына, әлеуметтік жұмыс орнына жұмысқа орналасу, «Алғашқы жұмыс орны»/ «Ұрпақтар келісімшарты»/ «Күміс жас» жобасы шеңберінде (қажеттісінің астын сызыңыз) жұмысқа орналасты.

 Жұмысқа қабылдау туралы бұйрықтың көшірмесі қоса беріледі. Жұмыс берушінің жауапты өкілі: _______________________________________ ________________ (Тегі, аты, әкесінің аты (бар болса))   (қолы)  

Берілген күні Мөрдің орны

  Жұмыс берушінің БСН-і/ЖСН-і: __________________.

  Субсидия сомасын аудару үшін жұмыс берушінің есеп айырысу шотының нөмірі: __________________.

  Қызмет көрсететін банктің атауы: __________________.

	
		
		
		
		
		
		
	
	

		

			

			
Р/с № 
			
			

			
Тегі, аты, әкесінің аты (толығымен) 
			
			

			
ЖСН 
			
			

			
Еңбек шарты бойынша жалақының мөлшері 
			
			

			
Айдағы жұмыс күндерінің саны 
			
			

			
Нақты жұмыс істеген күндер 
			
		
		

			

			


			 
			
			

			


			 
			
			

			


			 
			
			

			


			 
			
			

			


			 
			
			

			


			 
			
		
		

			

			


			 
			
			

			


			 
			
			

			


			 
			
			

			


			 
			
			

			


			 
			
			

			


			 
			
		
	

Кестенің жалғасы

	
		
		
		
		
	
	

		

			

			
Уақытша жұмысқа жарамсыздық күндері 
			
			

			
Аударылған жалақының сомасы, теңге 
			
			

			
Зейнетақы жарналарының сомасы 
			
			

			
Бюджеттен өтемақы төленуге тиісті сома, теңге 
			
		
		

			

			


			 
			
			

			


			 
			
			

			


			 
			
			

			


			 
			
		
		

			

			


			 
			
			

			


			 
			
			

			


			 
			
			

			


			 
			
		
	

Жұмыс берушінің ЭЦҚ-сы

	
		
		
		
		
		
		
		
		
		
	
	

		

			

			
Р/с № 
			
			

			
Тегі, аты, әкесінің аты (толығымен) 
			
			

			
ЖСН 
			
			

			
Еңбек шарты бойынша жалақының мөлшері 
			
			

			
Айдағы жұмыс күндерінің саны 
			
			

			
Нақты жұмыс істеген күндер 
			
			

			
Уақытша жұмысқа жарамсыздық күндері 
			
			

			
Қызмет көрсететін банк 
			
			

			
карточкалық немесе ағымдағы шотының 20 мәнді нөмірі