Документ на казахском языке

Нормативтік құқықтық актілерді мемлекеттік тіркеудің кейбір мәселелері туралы Қазақстан Республикасы Әділет министрінің 2016 жылғы 10 қарашадағы № 1007 бұйрығы. Қазақстан Республикасының Әділет министрлігінде 2016 жылғы 11 қарашада № 14411 болып тіркелді

Қазақстан Республикасы Үкіметінің 2016 жылғы 6 қазандағы № 568 қаулысымен бекітілген Нормативтік құқықтық актілерді ресімдеу, келісу, мемлекеттік тіркеу және олардың күшін жою қағидаларының 47-тармағының 4) тармақшасына сәйкес БҰЙЫРАМЫН:

1. Мыналар:

1) осы бұйрыққа 1-қосымшаға сәйкес нормативтік құқықтық актіні мемлекеттік тіркеу туралы қорытындының нысаны;

2) осы бұйрыққа 2-қосымшаға сәйкес нормативтік құқықтық актілерді мемлекеттік тіркеу тізілімінің нысаны;

3) осы бұйрыққа 3-қосымшаға сәйкес нормативтік құқықтық актіні мемлекеттік тіркеу туралы мөртабанның нысаны бекітілсін.

2. Нормативтік құқықтық актілерді тіркеу департаменті осы бұйрықты Қазақстан Республикасының Нормативтік құқықтық актілерінің эталондық бақылау банкінде орналастыру үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жолдасын.

3. Осы бұйрық мемлекеттік тіркелген күнінен бастап қолданысқа енгізіледі.

Министр М. Бекетаев

Қазақстан Республикасы Әділет министрінің 2016 жылғы 10 қарашадағы № 1007 бұйрығына 1-қосымша

Нысан

«БЕКIТЕМІН»

________________________________

________________________________

(Министрдің не

Министр орынбасарының,

аумақтық әділет органы

басшысының лауазымы,

тегі және аты-жөні)

________________________________

(қолы)

_________________________________

(қол қойылған күн)

Нормативтік құқықтық актіні мемлекеттік тіркеу туралы ҚОРЫТЫНДЫ

Нормативтік құқықтық актіге жүргізілген заң сараптамасының нәтижелері бойынша осы нормативтік құқықтық акт азаматтардың заңда белгіленген құқықтары мен бостандықтарын, заңды тұлғалардың заңды мүдделерін бұзбайтыны және Қазақстан Республикасының қолданыстағы заңнамасына қайшы келмейтіні анықталды.

Сондай-ақ, осы нормативтік құқықтық акт Қазақстан Республикасы Үкіметінің 2016 жылғы 6 қазандағы № 568 қаулысымен бекітілген Нормативтік құқықтық актілерді ресімдеу, келісу, мемлекеттік тіркеу және олардың күшін жою қағидаларында белгіленген талаптарға сәйкес келетіні анықталды.

Жазылғанның негізінде:

1) ______________________________________________________________________________

________________________________________________________________________________

_________________________________________________________________________________ тіркеуді;

(Нормативтік құқықтық актінің тақырыбы, қабылдау күні, тіркеу нөмірі және нысаны)

2) Нормативтік құқықтық актілерді мемлекеттік тіркеу тізіліміне № ___ енгізуді;

3) мемлекеттік тіркелгеннен кейін нормативтік құқықтық актінің бір данасы (төлнұсқалар) қазақ және орыс тілдеріндегі қорытындымен

_________________________________________________________________________________

_________________________________________________________________________________

(мемлекеттік тіркеуге нормативтік құқықтық актіні ұсынған мемлекеттік органның атауы) ресми жариялау міндеттемесімен жіберуді (егер тіркелген нормативтік құқықтық акт ресми жариялануға жатса);

4) нормативтік құқықтық актінің бір данасын (көшірмелерін) қазақ және орыс тілдеріндегі қорытындымен Республикалық (өңірлік) құқықтық ақпарат орталығына жіберуді;

5) актінің бір данасын (көшірмелерін) қазақ және орыс тілдеріндегі қорытындымен

________________________________________________________________________________

________________________________________________________________________________

(әділет органының атауы) қалдыруды мүмкін деп есептеймін.

____________________________ ____________________ _______________________________

(қорытындыны дайындаған (қолы) (тегі және аты-жөні)

маманның лауазымы)

Құжаттарды алған кезде әділет органында қалатын қазақ және орыс тілдеріндегі қорытындылар даналарында мыналар толтырылады:

Қазақстан Республикасы Әділет министрінің 2016 жылғы 10 қарашадағы № 1007 бұйрығына 2-қосымша

Нысан

Нормативтік құқықтық актілерді мемлекеттік тіркеу тізілімі

Ескертпе: Тізілімді толтыру жөніндегі түсініктеме Тізілімге қосымшада көрсетілген.

Нормативтік құқықтық актілерді мемлекеттік тіркеу тізіліміне қосымша

Нормативтік құқықтық актілерді мемлекеттік тіркеу тізілімін толтыру жөніндегі түсініктеме

1. Тізілім тігілген, нөмірленген, Тізілімді жүргізуге жауапты адамның қолы қойылған және тиісті органның мөрі қойылған журналды білдіреді.

2. Журнал бөтен адамдардың қолжетімділігін шектейтін арнайы орында тұрақты сақталатын құжат болып табылады.

3. Тізілімді жүргізуге жауапты адамды Әділет министрлігінің тиісті құрылымдық бөлімшесінің басшысы не оның міндетін атқарушы адам, аумақтық органдарда - тиісті аумақтық органның басшысы не оның міндетін атқарушы адам тағайындайды.

4. Нормативтік құқықтық акт туралы мәліметтер осы нормативтік құқықтық акт мемлекеттік тіркеу туралы қорытынды бекітілген күннен бастап бір жұмыс күні ішінде хронологиялық тәртіппен Тізілімге енгізіледі.

5. Тізілімге жазбалар нақты, түсінікті жазылып, қара түсті сиямен енгізіледі. Қарындашпен жазуға, сызып тастауға және басқа да түзетулерге жол берілмейді.

6. «Өзге мәліметтер» бағанында заң сараптамасын жүргізген әділет органы қызметкерінің тегі, аты, әкесінің аты, сондай-ақ Тізілімнің республикалық (өңірлік) бөлімін жүргізу барысында туындауы мүмкін өзге де мәліметтер енгізіледі.

Қазақстан Республикасы Әділет министрінің 2016 жылғы 10 қарашадағы № 1007 бұйрығына 3-қосымша

Нысан

Нормативтік құқықтық актіні мемлекеттік тіркеу туралы мөртабан

Мөртабан өлшемі: ұзындығы 7 см, ені 3,5 см