Документ на казахском языке

Қазақстан Республикасы Денсаулық сақтау және әлеуметтік даму министрлігіне ведомстволық бағыныстағы республикалық мемлекеттік кәсіпорындардағы автокөлікті арнайы көлік құралдарына жатқызудың тиістілік нормативтерін белгілеу және өлшемдерін айқындау туралы Қазақстан Республикасы Денсаулық сақтау және әлеуметтік даму министрінің 2015 жылғы 3 тамыздағы № 648 бұйрығы

Редакция 26.08.2016 жылы берілген өзгерістер мен толықтырулармен

«Акцияларының бақылау пакеттері мемлекетке тиесілі мемлекеттік кәсіпорындарды, акционерлік қоғамдарды және олардағы мемлекеттік қатысу үлестерінің мөлшері қатысушылардың жалпы жиналысының шешімін анықтауға мемлекетке мүмкіндік беретін жауапкершілігі шектеулі серіктестіктерді оңтайландыру мақсатымен олардың әкімшілік шығыстарының мониторингін жүргізу тетігін анықтау туралы» Қазақстан Республикасы Үкіметінің 2003 жылғы 10 ақпандағы № 145 қаулысының 1-4-тармақтарына сәйкес БҰЙЫРАМЫН:

1. Осы бұйрыққа 1-қосымшаға сәйкес Қазақстан Республикасы Денсаулық сақтау және әлеуметтік даму министрлігіне ведомстволық бағыныстағы республикалық мемлекеттік кәсіпорындардың арнайы көлік құралдарының тиістілік нормативтері бекітілсін.

2. Осы бұйрыққа 2-қосымшаға сәйкес автокөлікті арнайы көлік құралдарына жатқызу өлшемдері айқындалсын.

3. Қазақстан Республикасы Денсаулық сақтау және әлеуметтік даму министрлігіне ведомстволық бағыныстағы республикалық мемлекеттік кәсіпорындардың басшылары осы бұйрықпен белгіленген көлік құралдарын арнайы көлік құралдары ретінде Қазақстан Республикасы Ішкі істер министрлігінің Жол полициясы комитетінің аумақтық органдарында 2015 жылғы 1 қыркүйекке дейін тіркеуді қамтамасыз етсін және 2015 жылғы 5 қыркүйекке дейін Қазақстан Республикасы Денсаулық сақтау және әлеуметтік даму министрлігін хабардар етсін.

4. Осы бұйрықтың орындалуын бақылау Қазақстан Республикасы Денсаулық сақтау және әлеуметтік даму министрлігінің Мемлекеттік сатып алу және активтер департаментіне жүктелсін.

5. Осы бұйрық қол қойылған күнінен бастап күшіне енеді.

Министр Т. Дүйсенова

Қазақстан Республикасы Денсаулық сақтау және әлеуметтік даму министрінің 2015 жылғы 3 тамыздағы № 648 бұйрығына 1-қосымша

Қазақстан Республикасы Денсаулық сақтау және әлеуметтік даму министрлігіне ведомстволық бағыныстағы республикалық мемлекеттік кәсіпорындардың арнайы автокөлік құралдарының тиістілік нормативтері

Қазақстан Республикасы Денсаулық сақтау және әлеуметтік даму министрінің 2015 жылғы 3 тамыздағы № 648 бұйрығына 2-қосымша

Автокөлікті арнайы көлік құралдарына жатқызу өлшемдері

1. Пациенттерге жедел көмек көрсетуге, консультациялық- диагностикалық көмек көрсету мақсатында басқа медициналық ұйымдарға пациенттерді тасымалдауға, қаланың әртүрлі бөлігінде орналасқан бір бөлімшеден басқа бөлімшеге пациентті жеткізуге арналған арнайы көлік құралы

1. Медициналық жабдықтармен жарақтандыру: ИВЛ аппараты, 2 л баллонымен оттегілік редуктор-ингалятор, қабылдау құрылғысы;

2. Науқасты тасымалдау үшін кушеткамен немесе шешілетін кресло зембілдері бар сырғытқы-арбамен жарақтандыру;

3. Алғашқы медициналық көмек көрсету үшін бикспен жарақтандыру;

4. Каркассыз зембілдермен жарақтандыру;

5. Жиналмалы көліктік шиналардың жиынтығымен жарақтандыру;

6. Фельдшерлік жинақпен жарақтандыру.

2. Медициналық ұйымдарға қан және оның компоненттерін жедел жеткізуге арналған арнайы көлік құралы

7. Тоңазытқыш жабдығымен жарақтандыру;

8. Термоконтейнермен жарақтандыру.

3. Бұрмаланған/контрофактілік, сапасыз дәрілік заттарды анықтауға арналған арнайы көлік құралы - мобильдік экспресс зертхана

9. Жақын инфрақызыл диапазонды шаң-, діріл- ылғалға төзімді спектрометрмен жарақтандыру.

4. Қоршаған орта факторларын, шуды, электромагниттік сәулеленуді, ауаның ластануын бағалауға арналған арнайы көлік құралы

10. Көп функциялы дербес өңдегішпен жарақтандыру;

11. Бензиндік айнымалы ток генераторымен жарақтандыру;

12. Тоңазытқышпен жарақтандыру;

13. Жуғышы бар зертханалық үстелмен және приборларға арналған сөрелермен жарақтандыру;

14. Приборлармен (газ талдауыштар, шу-діріл өлшейтін жабдық және аппарат, электромагниттік айналаны өлшеуге, микроклиматтық параметрлерді өлшеуге, жарықтықты өлшеуге арналған аспаптар) жарақтандыру.

5. Туберкулезді және кеуде қуысы ағзаларының басқа да ауруларын ерте анықтау мақсатында халықты жаппай рентген зерттеп- қарау жүргізуге арналған арнайы көлік құралы

15. Рентгендік флюорографиялық жылжымалы цифрлық аппаратпен жарақтандыру.

6. Шығу жағдайында донорлық қан алуға арналған арнайы көлік құралы

16. Донорларға арналған креслолармен және кішкене үстелдермен жарақтандыру;

17. Биомиксерлермен жарақтандыру;

18. Дәнекерлегіштермен жарақтандыру;

19. Термоконтейнерлермен жарақтандыру.

7. Қатты тұрмыстық қалдықтарды тасымалдауға және шығаруға арналған арнайы көлік құралы

20. Бүйір/артқы манипулятормен жарақтандыру;

21. Өз бетінше тиеу - түсіру құралдарымен жарақтандыру.

8. Сұйық қалдықтарды алуға және жоюға арналған арнайы көлік құралы

22. Жетекті сорғышпен жарақтандыру;

23. Қалдықтарға арналған сыйымдылықпен жарақтандыру;

24. Арнайы шлангісі бар қабылдайтын люкпен жарақтандыру;

25. Цистернамен жарақтандыру.

9. Аумақты жинауға арналған арнай көлік құралы

26. Аспалы жабдықпен, қар тазалағышпен жарақтандыру;

27. Өз бетінше тиеу - түсіру құралдарымен жарақтандыру.

10. Жүктерді тасымалдауға арналған арнайы көлік құралы

28. Кузовпен жарақтандыру;

29. Тентпен жарақтандыру.

Ескертпе: Арнайы көлік құралдарына жоғарыда көрсетілген өлшемдердің бірі бар көлік құралдары жатқызылады.

11. Қызметкерлерді және медициналық ұйымдарда оқитын студенттерді тасымалдау үшін арнайы көлік құралы (автобустар және шағын автобустар)

30. Адамдарды тасымалдауға арналған берік бекітілген отыратын орындармен (салонда 7 орыннан аса), тұтқалармен және терезелерде күнге қарсы құрылғылармен (перделер немесе шыныларды күңгірттеу), сондай-ақ авариялық люктармен жарақтандыру.

31. Алғашқы медициналық көмек көрсету үшін бикспен жарақтандыру.

32. Салонды жылыту және суыту жүйелерімен жарақтандыру.