«Сақтандыру төлемдеріне кепілдік беру қоры» акционерлік қоғамы есептілігінің тізбесін, нысандарын, ұсыну мерзімдерін және оларды табыс ету қағидаларын бекіту туралы Қазақстан Республикасының Ұлттық Банкі Басқармасының 2016 жылғы 28 қазандағы № 261 Қаулысы

«Қазақстан Республикасының Ұлттық Банкі туралы» 1995 жылғы 30 наурыздағы, «Сақтандыру төлемдеріне кепілдік беру қоры туралы» 2003 жылғы 3 маусымдағы және «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Мыналар:

1-тармақ жаңа редакцияда жазылды ҚР Ұлттық Банкі Басқармасының 22.02.2021 жылғы № 11 Қаулысына сәйкес (28.10.2016 ж. редакцияны қараңыз) (өзгерту 26.03.2021 жылдан бастап қолданысқа енгізіледі)

1) осы қаулыға 1-қосымшаға сәйкес «Сақтандыру төлемдеріне кепілдік беру қоры» акционерлік қоғамы есептілігінің тізбесі;

2) осы қаулыға 2-қосымшаға сәйкес ақша қалдықтары туралы есептің нысаны;

3) осы қаулыға 3-қосымшаға сәйкес орналастырылған салымдар туралы есептің нысаны;

4) осы қаулыға 4-қосымшаға сәйкес бағалы қағаздар туралы есептің нысаны;

5) осы қаулыға 5-қосымшаға сәйкес кері репо, репо операциялары туралы есептің нысаны;

6) осы қаулыға 6-қосымшаға сәйкес дебиторлық берешек туралы есептің нысаны;

7) осы қаулыға 7-қосымшаға сәйкес сақтандыру төлемдеріне кепілдік беру резерві және зиянды өтеу резерві туралы есептің нысаны;

8) осы қаулыға 8-қосымшаға сәйкес кредиторлық берешек туралы есептің нысаны;

9) осы қаулыға 9-қосымшаға сәйкес акционерлер туралы мәліметтердің нысаны;

10) осы қаулыға 10-қосымшаға сәйкес инвестициялық қызметтен түскен кірістер (шығыстар) туралы есептің нысаны;;

11) осы қаулыға 11-қосымшаға сәйкес жалпы және әкімшілік шығыстар туралы есептің нысаны;

12) осы қаулыға 12-қосымшаға сәйкес кепілдік төлемдерді, жәбірленушінің өміріне, денсаулығына келтірілген зиянды өтеу бойынша төлемдерді және (немесе) жерлеуге жұмсалған шығыстарды жүзеге асыру бойынша шығыстар туралы есептің нысаны;

13) осы қаулыға 13-қосымшаға сәйкес активтер туралы есептің нысаны;

14) осы қаулыға 14-қосымшаға сәйкес резервтер есебінен сатып алынған активтер туралы есептің нысаны;

15) осы қаулыға 15-қосымшаға сәйкес инвестициялау лимиттерінің сақталуы туралы есептің нысаны;

16) осы қаулыға 16-қосымшаға сәйкес резервтер есебінен инвестициялау лимиттерін сақтау туралы есеп нысаны;

17) осы қаулыға 17-қосымшаға сәйкес «Сақтандыру төлемдеріне кепілдік беру қоры» акционерлік қоғамының есептілікті ұсыну қағидалары бекітілсін.

2. «Сақтандыру төлемдеріне кепілдік беру қоры» акционерлік қоғамы Қазақстан Республикасының Ұлттық Банкіне есепті айдан кейінгі айдың бесінші жұмыс күніне (қоса алғанда) дейінгі мерзімде ай сайын электрондық форматта есептілікті ұсынады.

2-тармақ жаңа редакцияда жазылды ҚР Ұлттық Банкі Басқармасының 22.02.2021 жылғы № 11 Қаулысына сәйкес (28.10.2016 ж. редакцияны қараңыз) (өзгерту 26.03.2021 жылдан бастап қолданысқа енгізіледі)

3. Мыналардың:

1) «Сақтандыру төлемдеріне кепілдік беру қоры» акционерлік қоғамының қызметін реттейтін нормативтік құқықтық актілерді бекіту туралы» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2010 жылғы 1 наурыздағы № 26 қаулысының (Нормативтік құқықтық актілерді мемлекеттік тіркеу тізілімінде № 6167 тіркелген, 2010 жылғы 26 қазанда «Егемен Қазақстан» газетінде № 439-442 (26285) жарияланған) 1-тармағы 1) тармақшасының;

2) «Қазақстан Республикасының кейбір нормативтік құқықтық актілеріне Қазақстан Республикасының Ұлттық Банкі көрсететін мемлекеттік қызметтердің бизнес-процестерін оңтайландыру және автоматтандыру мәселелері бойынша өзгерістер мен толықтырулар енгізу туралы» Қазақстан Республикасы Ұлттық Банкі Басқармасының 2014 жылғы 24 желтоқсандағы 

№ 261 қаулысымен (Нормативтік құқықтық актілерді мемлекеттік тіркеу тізілімінде № 10211 тіркелген, 2015 жылғы 26 ақпанда «Әділет» ақпараттық-құқықтық жүйесінде жарияланған) бекітілген Қазақстан Республикасының Ұлттық Банкі көрсететін мемлекеттік қызметтердің бизнес-процестерін оңтайландыру және автоматтандыру мәселелері бойынша өзгерістер мен толықтырулар енгізілетін Қазақстан Республикасының нормативтік құқықтық актілерінің тізбесі 4-тармағының екінші, үшінші және төртінші абзацтарының күші жойылды деп танылсын.

4. Зерттеулер және статистика департаменті (Тутушкин В.А.) Қазақстан Республикасының заңнамасында белгіленген тәртіппен:

1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

2) осы қаулыны «Қазақстан Республикасы Әділет министрлігінің Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына:

Қазақстан Республикасының Әділет министрлігінде мемлекеттік тіркелгенінен кейін күнтізбелік он күн ішінде «Әділет» ақпараттық-құқықтық жүйесінде ресми жариялауға;

Қазақстан Республикасының Әділет министрлігінде мемлекеттік тіркелген күнінен бастап күнтізбелік он күн ішінде Қазақстан Республикасы нормативтік құқықтық актілерінің мемлекеттік тізіліміне, Қазақстан Республикасы нормативтік құқықтық актілерінің эталондық бақылау банкіне енгізуге жіберуді;  

3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.

5. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында ресми жариялауға жіберуді қамтамасыз етсін.  

6. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ғ.О. Пірматовқа жүктелсін.

7. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ұлттық Банк Төрағасы Д. Ақышев  

КЕЛІСІЛДІ
Қазақстан Республикасының  
Ұлттық экономика министрлігі
Статистика комитетінің Төрағасы
 ______________ Н.С. Айдапкелов  
 2016 жылғы «___» _____________  

«Сақтандыру төлемдеріне кепілдік беру қоры» акционерлік қоғамының есептілігіне мыналар кіреді:

1) ақша қалдықтары туралы есеп;

2) орналастырылған салымдар туралы есеп;

3) бағалы қағаздар туралы есеп;

4) кері репо, репо операциялары туралы есеп;

4-тармақша жаңа редакцияда жазылды ҚР Ұлттық Банкі Басқармасының 22.02.2021 жылғы № 11 Қаулысына сәйкес (28.10.2016 ж. редакцияны қараңыз) (өзгерту 26.03.2021 жылдан бастап қолданысқа енгізіледі)

5) дебиторлық берешек туралы есеп;

6) сақтандыру төлемдеріне кепілдік беру резерві және зиянды өтеу резерві туралы есеп;

7) кредиторлық берешек туралы есеп;

8) акционерлер туралы мәліметтер;

9) инвестициялық қызметтен түскен кірістер (шығыстар) туралы есеп;

9-тармақша жаңа редакцияда жазылды ҚР Ұлттық Банкі Басқармасының 22.02.2021 жылғы № 11 Қаулысына сәйкес (28.10.2016 ж. редакцияны қараңыз) (өзгерту 26.03.2021 жылдан бастап қолданысқа енгізіледі)

10) жалпы және әкімшілік шығыстар туралы есеп;