Қазақстан Республикасы Қаржы министрінің 2017 жылғы 6 ақпандағы № 80 бұйрығына 1-қосымша

1. Осы Акциздік және есепке алу-бақылау маркаларын алу, есепке алу, сақтау, беру және импорттаушылардың Қазақстан Республикасына алкоголь өнімін импорттау кезінде есепке алу-бақылау маркаларын нысаналы пайдалану туралы міндеттемесін, есебін ұсыну қағидалары (бұдан әрі - Қағидалар) темекі өнімдеріне акциздік маркаларды, алкоголь өнімдеріне (шарап материалдарын, сыра және сыра сусындарын қоспағанда) есепке алу-бақылау маркаларын алу, есепке алу, сақтау, беру және импорттаушылардың Қазақстан Республикасына алкоголь өнімін импорттау кезінде есепке алу-бақылау маркаларын нысаналы пайдалану туралы міндеттемесін, есебін ұсыну тәртібін реттейді.

2. Мыналар:

алкоголь өнімін өндіру жөніндегі қызметті жүзеге асыратын дара кәсіпкерлер және заңды тұлғалар;

Қазақстан Республикасының аумағына алкоголь өнімін импорттайтын Қазақстан Республикасының заңды тұлғалары - резиденттері;

борышкердің мүлкін (активтерін) өткізген кезде банкроттық және оңалтушы басқарушылар есепке алу-бақылау маркаларын (бұдан әрі - ЕБМ) алушылар болып табылады.

Мыналар:

Қазақстан Республикасында темекі өнімдерін өндіру және (немесе) импорттау жөніндегі қызметті жүзеге асыратын дара кәсіпкерлер және заңды тұлғалар;

борышкердің мүлкін (активтерін) өткізген кезде банкроттық және оңалтушы басқарушылар акциздік маркаларды алушылар болып табылады.

3. ЕБМ және акциздік маркаларды облыстар, Астана және Алматы қалалары бойынша мемлекеттік кірістер департаменттері (бұдан әрі - Департамент) береді.

4. ЕБМ және акциздік маркаларды жасап шығаруды, оларды Департаментке жеткізуді және беруді Қазақстан Республикасының Азаматтық

кодексіне сәйкес Қазақстан Республикасы Қаржы министрлігінің Мемлекеттік кірістер комитетімен (бұдан әрі - Комитет) жасасқан шарттарға (келісімшарттарға) сәйкес ұйым (бұдан әрі - жеткізуші) жүзеге асырады.

5. Қазақстан Республикасына алкоголь өнімінің импортын жүзеге асыратын тұлға (бұдан әрі - импорттаушы) ЕБМ алғанға дейін мемлекеттік кірістер органына Қазақстан Республикасына алкоголь өнімін импорттау кезінде есепке алу-бақылау маркаларын нысаналы пайдалану туралы міндеттемесін (бұдан әрі - Міндеттеме), осы Қағидаларға 1-қосымшаға сәйкес нысан бойынша ұсынады.

6. Міндеттеме:

ЕБМ, олардың мақсаттарына сәйкес пайдалануды;

Қазақстан Республиканың аумағынан тыс жерлерде алкоголь өніміне жапсыруы үшін импорттаушының ЕБМ әкетуін;

ЕБМ таңбаланған алкоголь өнімдерін әкелу;

импортталған алкоголь өнімдері бойынша жанама салықтарды төлеуді;

Қазақстан Республикасына алкоголь өнімін импорттау кезінде есепке алу-бақылау маркаларды нысаналы пайдалану туралы импорттаушылардың есебін ұсынуды;

бүлінген және (немесе) пайдаланылмаған ЕБТ-ны берген Департаментке қайтаруды қамтиды.

7. ЕБМ және акциз маркаларын алушылар Қазақстан Республикасы Қаржы министрлігі Мемлекеттік кірістер комитетінің www.kgd.gov.kz сайтында орналасқан ақпараттық жүйе (бұдан әрі – ақпараттық жүйе ) арқылы салық салу объектілері және (немесе) салық салуға байланысты объектілері орналасқан жері және (немесе) тіркеу орны бойынша Департаментке жаңа күнтізбелік жыл басталғанға дейін күнтізбелік 30 (отыз) күннен кешіктірмей осы Қағидаларға 2 және 3-қосымшаларға (бұдан әрі – 2 және 3-Қосымшалар) сәйкес нысан бойынша Қазақстан Республикасының аумағында өндірілетін немесе импортталатын алкоголь өнімдеріне есепке алу-бақылау маркаларын немесе темекі бұйымдарына акциздік маркаларды дайындауға өтінім (бұдан әрі - өтінім) ұсынады.

8. Департамент ақпараттық жүйе арқылы күнтізбелік 3 (үш) күннен аспайтын мерзімде алдағы жылға алушылар ұсынған өтінімдерді келіседі.

Осы Қағидалардың 15-тармағында көрсетілген сыртқы сауда шартының (келісімшарттың) көшірмесі табыс етілмеген жағдайда Департамент алдағы жылға өтінімді келісуден бас тартады.

9. Комитет жаңа күнтізбелік жыл басталғанға дейін күнтізбелік 25 (жиырма бес) күннен кешіктірмей жеткізушіге Департаменттермен келісілген осы Қағидаларға 4 және 5-қосымшаларға (бұдан әрі – 4 және 5-Қосымшалар) сәйкес нысан бойынша алдағы жылға Қазақстан Республикасының аумағында өндірілетін немесе импортталатын алкоголь өнімдеріне есепке-алу бақылау маркаларын немесе темекі бұйымдарына акциздік маркаларға жиынтық өтінімдерді қағаз тасымалдағышында береді.

10. Жаңадан құрылған немесе алкоголь өнімін немесе темекі өнімдерін өндіру және (немесе) олардың айналымы жөніндегі қызметті бастаған алушылар ақпараттық жүйе арқылы салық салу объектілері және (немесе) салық салуға байланысты объектілері орналасқан жері және (немесе) тіркеу орны бойынша Департаментке 2 және 3-қосымшаларға сәйкес нысан бойынша ЕБМ немесе акциздік маркаларды алу жүзеге асырылатын айдың 1-не дейін күнтізбелік 25 (жиырма бес) күннен кешіктірмейтін мерзімде әр ай бойынша бөліп өтінімдерді ұсынады.

Алушылар бұрын ұсынылған өтінімдерге ЕБМ немесе акциздік маркалардың түрлері мен саны бөлігінде өзгерістер мен толықтырулар бар өтінімдерді Департаменттерге 2 және 3-қосымшаларға сәйкес нысан бойынша ЕБМ немесе акциздік маркаларды алу жүзеге асырылатын айдың 1-не дейін күнтізбелік 25 (жиырма бес) күннен кешіктірмей ұсынады.

Осы тармақта көрсетілген, алушылар ұсынған өтінімдерді, келіп түскен күннен бастап, күнтізбелік 3 (үш) күн ішінде Департамент ақпараттық жүйе арқылы келіседі.

Осы Қағидалардың 15-тармағында көрсетілген сыртқы сауда шартының (келісімшарттың) көшірмесі ұсынылмаған жағдайда Департамент өтінімді келісуден бас тартады.

11. Осы Қағидалардың 7 және 10-тармақтарында көрсетілген талаптар сақталмаған кезде Департамент өтінімдерді қабылдамайды.

Алушылар табыс еткен, оның ішінде алдағы жылға арналған өтінімдер келесі күнтізбелік жылға көшірілмейді.

12. Алушылардың өтінімдерінде көрсетілген ЕБМ немесе акциздік маркалар көлемі Қазақстан Республикасының аумағына әкелуге (импорт) сыртқы сауда шартына қосымшада қарастырылған таңбалануға жататын бөтелке немесе буманың жалпы мөлшерінен аспайды.

13. Алушыларға берілген ЕБМ немесе акциздік маркалар иеліктен алынбайды және басқа жеке және заңды тұлғаларға берілмейді.

14. Комитет ЕБМ немесе акциздік маркаларды алу жүзеге асырылатын айдың 1-не дейін күнтізбелік 15 (он бес) күннен кешіктірмей жеткізушіге 4 және 5-қосымшаларға сәйкес нысан бойынша Департаментпен келісілген, бұрын ұсынылған өтінімдерге ЕБМ немесе акциздік маркалардың түрлері мен саны бөлігінде өзгерістер мен толықтырулар бар жиынтық өтінімдерді, сондай-ақ жаңадан құрылған немесе алкоголь өнімін немесе темекі өнімдерін өндіру және (немесе) олардың айналымы жөніндегі қызметті бастаған алушылардың жиынтық өтінімдерін жолдайды.

15. Алкоголь өнімін немесе темекі өнімдерін импорттайтын алушылардан өтінімдерді қабылдау, соның негізінде акцизделетін тауарларды әкелу жүзеге асырылатын сыртқы сауда шартының (келісімшарттың) түпнұсқасын көрсете отырып, сыртқы сауда шартының (келісімшарттың) көшірмелері ұсынылған кезде жүргізіледі.

16. ЕБМ немесе акциздік маркаларды жасап шығарғаны үшін төлемді алушылар олардың өтініміне сәйкес жеткізушінің банк шотына ақша аудару жолымен ЕБМ немесе акциздік маркаларды алу жүзеге асырылатын айдың 1-і күніне дейін күнтізбелік 20 (жиырма) күннен кешіктірмейтін мерзімде әр ай бойынша бөлек жүргізеді.

17. Жеткізуші ЕБМ немесе акциздік маркаларды Департамент басшысының бұйрығымен тағайындалатын, Департаменттің материалдық-жауапты тұлғаларына (бұдан әрі - материалдық-жауапты тұлға) береді.

18. ЕБМ немесе акциздік маркаларды беру кезінде жеткізуші екі данада жүкқұжат жазып береді, оған жеткізуші және материалдық-жауапты тұлға қол қояды. Жүкқұжаттың бір данасы Департаментке беріледі, екінші данасы жеткізушіде қалады.

Бұл ретте көрсетілген жүкқұжатта мынадай деректер көрсетіледі:

ЕБМ немесе акциздік маркалар берілген күн;

ЕБМ сериясы, нөмірлер диапазондары және саны немесе акциздік маркалардың түрлері мен саны.

19. Алушылар ЕБМ алу мақсатында Департаментке ақпараттық жүйе арқылы осы Қағидаларға 6-қосымшаға сәйкес нысан бойынша есепке алу-бақылау маркаларына штрих-код жапсыру үшін әрбір алушыға бөлек өтініш ұсынады.

20. Импорттаушы ЕБМ-ға штрих-код салуға арналған өтініштен басқа қосымша, Департаментке қағаз тасымалдағышында және (немесе) ақпараттық жүйе арқылы Міндеттеме, сондай-ақ импорттаушы:

Міндеттемені орындауды қамтамасыз ету үшін тиісті Департаменттің шотына ақша салғандығын растайтын, төлем құжатын;

банктік кепілдікті;

кепілгерлік шартын;

мүлік кепіл шартын таңдауы бойынша Міндеттемені төлеуді қамтамасыз ету тәсілдерін ескере отырып Міндеттеме ұсынады.

21. Алушыларға ЕБМ беруді Департаментте материалдық - жауапты тұлғасы ЕБМ-ға тиісті штрих-код жапсырылғаннан кейін және ЕБМ-ға штрих-код жапсыру үшін өтінішке ЕБМ нөмірлерінің диапазондарын таңу жүзеге асырылғаннан кейін ЕБМ-ға штрих-код жапсыру үшін өтініш ақпараттық жүйе арқылы келіп түскен күннен бастап 5 (бес) жұмыс күні ішінде жүргізеді.