Документ на казахском языке

Қазақстан Республикасы Ауыл шаруашылығы министрінің кейбір бұйрықтарына өзгерістер енгізу туралы Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 20 маусымдағы № 248 бұйрығы. Қазақстан Республикасының Әділет министрлігінде 2017 жылғы 31 шілдеде № 15402 болып тіркелді

БҰЙЫРАМЫН:

1. Қазақстан Республикасы Ауыл шаруашылығы министрінің кейбір бұйрықтарына мынадай өзгерістер енгізілсін:

1) «Тұқым шаруашылығын дамытуды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2014 жылғы 12 желтоқсандағы № 4-2/664 бұйрығында (Нормативтік құқықтық актілерді мемлекеттік тіркеу тізілімінде № 10190 болып тіркелген, 2015 жылғы 1 сәуірде «Әділет» ақпараттық-құқықтық жүйесінде жарияланған):

көрсетілген бұйрықпен бекітілген Тұқым шаруашылығын дамытуды субсидиялау қағидаларында:

3-тармақта:

1) тармақша алып тасталсын;

3) тармақша мынадай редакцияда жазылсын:

«3) элиттұқымшар бір уақытта бірегей тұқым өндіруші (бұдан әрі – оригинатор) болып табылған жағдайда, элиттұқымшардың егіске нақты пайдаланған өзі өндірген суперэлиталық тұқымдарына (мақта үшін – көбейту питомниктерін қоспағанда, бірегей тұқымдар) кеткен шығындарын ішінара өтеуге. Бұл ретте, элиттұқымшардың шығындарын ішінара өтеу элиталық тұқымдардың жоспарлы өндіру көлемін қамтамасыз ету үшін суперэлиталық тұқымдардың (мақта үшін – көбейту питомниктерін қоспағанда, бірегей тұқымдар) ғылыми негізделген қажеттілігін есепке ала отырып жүргізіледі;»;

5-тармақ алып тасталсын:

6 6 және 7-тармақтар мынадай редакцияда жазылсын:

«6. Осы Қағидалардың 3-тармағы 2) тармақшасында көрсетілген субсидиялар элиттұқымшар ауданның немесе облыстық маңызы бар қаланың ауыл шаруашылығы бөліміне (бұдан әрі – бөлім) немесе «Азаматтарға арналған үкімет» мемлекеттік корпорациясы» коммерциялық емес акционерлік қоғамына (бұдан әрі – Мемлекеттік корпорация) осы Қағидаларға 2-қосымшаға сәйкес нысан бойынша сатып алынған бірегей тұқымдарға субсидиялар алуға арналған өтінім берген жағдайда төленеді.

7. Осы Қағидалардың 3-тармағы 3) тармақшасында көрсетілген субсидиялар элиттұқымшар бөлімге немесе Мемлекеттік корпорацияға осы Қағидаларға 2-қосымшаға сәйкес нысан бойынша егіске пайдаланылған өзі өндірген суперэлиталық тұқымдарға (мақта үшін – көбейту питомниктерін қоспағанда, бірегей тұқымдар) субсидиялар алуға арналған өтінім берген жағдайда төленеді.»;

15 15 15 15, 16 15 15 15, 16 15, 16 15 15, 16 15, 16, 17 15 15 15, 16 15, 16, 17 15, 16 15 15, 16 15, 16, 17 15, 16, 17 және 18-тармақтар мынадай редакцияда жазылсын:

«15. Осы Қағидалардың 3-тармағы 2), 3), 4), 5) және 8) тармақшаларында көрсетілген субсидиялар облыстың жергілікті атқарушы органы белгілеген квоталар шегінде төленеді.

Бұл ретте квоталар облыс бойынша көзделіп отырған егіс алаңдарының құрылымына, сорт жаңарту мен сорт алмастырудың ғылыми негізделген нормаларына сүйене отырып белгіленеді.

16. Субсидияларды төлеу сорттың немесе буданның Қазақстан Республикасы Ауыл шаруашылығы министрінің 2009 жылғы 30 шілдедегі № 434 бұйрығымен (Нормативтік құқықтық актілерді мемлекеттік тіркеу тізілімінде № 5759 болып тіркелген) бекітілген Қазақстан Республикасында пайдалануға ұсынылатын Селекциялық жетiстiктердiң мемлекеттiк тiзiлiмiне (бұдан әрі – Мемлекеттік тізілім) енгізілгендігіне (енгізілмегендігіне) байланысты жүзеге асырылады. Бұл ретте, субсидиялар осы Қағидаларға 11-қосымшада көрсетілген тұқымдардың және жеміс-жидек дақылдары мен жүзімнің элиталық көшеттеріне арналған субсидиялар нормативтерінен (бұдан әрі – субсидиялар нормативі) аспауы тиіс.

Субсидиялар нормативі:

1) Мемлекеттiк тiзiлiмге енгізілген сорттарға (ұсынылған облысты ескере отырып) – тұқымдардың және элиталық көшеттердің толық құнының 70%-ы;

2) Мемлекеттiк тiзiлiмге енгізілмеген сорттарға, сондай-ақ тиісті облысқа ұсынылмаған сорттарға – тұқымдардың және элиталық көшеттердің толық құнының 30%-ы есебінен белгіленген.

Тұқымдардың және элиталық көшеттердің құны есептелген субсидиялар нормативі есептелген құннан төмен болған жағдайда, субсидияларды есептеу нақты құн бойынша осы тармақтың үшінші және төртінші абзацтарында көрсетілген субсидиялар көлемдерін есепке ала отырып жүргізіледі.

Тұқымдардың және элиталық көшеттердің құны субсидиялар нормативі есептелген құннан жоғары болған жағдайда, субсидия субсидиялар нормативіне тең болады.

Осы Қағидалардың 3-тармағы 6) тармақшасында көрсетілген субсидиялар дақылдың егіс алаңының 10 %-ына дейінгі алаң үшін сатып алынған тұқым көлеміне төленеді.

Осы Қағидалардың 3-тармағы 2), 3), 4), 5), 7) және 8) тармақшаларында көрсетілген субсидиялардың қажетті көлемде төленуі қамтамасыз етілген және тиісті қаржы жылында жергілікті бюджеттен қосымша қаражат бөлінген жағдайда, осы Осы Қағидалардың 3-тармағы 6) тармақшасында көрсетілген субсидиялар дақылдың егіс алаңының 10 %-ынан асқан алаңға төленеді.

17. Бөлім аудан (облыстық маңызы бар қала) әкімдігінің интернет-ресурсында және жергілікті бұқаралық ақпарат құралдарында субсидиялар алуға құжаттар қабылдау мерзімдерін көрсете отырып, субсидиялау бағдарламасына қатысу үшін өтінімдер қабылдаудың басталғаны туралы хабарландыру жариялауды қамтамасыз етеді.

Бұл ретте өсіру нысанына (күздік, жаздық) және бақтар (жүзімдіктер) отырғызу мерзіміне қарай субсидиялар алуға арналған өтінімдердің кезең-кезеңмен берілуі ескеріледі.

18. Бөлім өтініш беруші (оригинатор, элиттұқымшар немесе тұқымшар, ауылшартауарөндіруші) немесе Мемлекеттік корпорация субсидия алуға тиісті өтінім ұсынған сәттен бастап үш жұсым күні ішінде оларды осы Қағидалардың 6, 7, 8, 9, 10, 11, 12 және 13-тармақтарында көрсетілген талаптарға сәйкестігі және олардың толық толтырылуы тұрғысынан тексереді

Элиттұқымшарға немесе тұқымшарға субсидиялар алуға құқық берілген жағдайда, бөлім осы Қағидаларға 12-қосымшаға сәйкес нысан бойынша тиесілі субсидияларды төлеу туралы өтінімдер берілген элиттұқымшарлар және тұқымшарлар тізілімін жасайды және оны облыстың ауыл шаруашылығы басқармасына (бұдан әрі – облыс басқармасы) жолдайды.»;

көрсетілген Қағидаларға 1-қосымша алып тасталсын;

2) «Тұқым шаруашылығын дамытуды субсидиялау» мемлекеттік көрсетілетін қызмет стандартын бекіту туралы» Қазақстан Республикасы Ауыл шаруашылығы министрінің 2015 жылғы 6 мамырдағы № 4-2/419 бұйрығында (Нормативтік құқықтық актілерді мемлекеттік тіркеу тізілімінде № 11455 болып тіркелген, 2015 жылғы 23 шілдеде «Әділет» ақпараттық-құқықтық жүйесінде жарияланған):

көрсетілген бұйрықпен бекітілген «Тұқым шаруашылығын дамытуды субсидиялау» мемлекеттік көрсетілетін қызмет стандартында:

9-тармақта:

1)тармақша алып тасталсын;

3) тармақша мынадай редакцияда жазылсын:

«3) элиталық тұқым өсіру шаруашылығы (бұдан әрі – элиттұқымшар) бір уақытта бірегей тұқым өндіруші (бұдан әрі – оригинатор) болып табылған жағдайда, нақты егіске пайдаланылған өзі өндірген суперэлиталық тұқымдарға (мақта үшін – көбейту питомниктерін қоспағанда, бірегей тұқымдар) субсидиялар алу үшін осы мемлекеттік көрсетілетін қызмет стандартына 5-қосымшаға сәйкес нысан бойынша егіске пайдаланылған өзі өндірген суперэлиталық тұқымдарға (мақта үшін – көбейту питомниктерін қоспағанда, бірегей тұқымдар) субсидиялар алуға арналған өтінімді;»;

көрсетілген мемлекеттік көрсетілетін қызмет стандартына 3-қосымша алып тасталсын;

көрсетілген мемлекеттік көрсетілетін қызмет стандартына 4, 5, 6, 7, 8 және 10-қосымшалар осы бұйрыққа 9, 10, 11, 12, 13 және 14-қосымшаларға сәйкес жаңа редакцияда жазылсын;

2. Қазақстан Республикасы Ауыл шаруашылығы министрлігінің Егіншілік департаменті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмесінің ресми жариялау және Қазақстан Республикасы нормативтік құқықтық актілерінің эталондық бақылау банкіне қосу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберілуін;

3) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

4) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

3. Осы бұйрық алғашқы ресми жарияланған күнінен кейін қолданысқа енгізіледі.

Қазақстан Республикасы Премьер-Министрінің орынбасары – Қазақстан Республикасының Ауыл шаруашылығы министрі А. Мырзахметов

«КЕЛІСІЛДІ» Қазақстан Республикасының Ақпарат және коммуникациялар министрі _______________ Д. Абаев 2017 жылғы 12 маусым

«КЕЛІСІЛДІ» Қазақстан Республикасының Қаржы министрі ______________ Б. Сұлтанов 2017 жылғы 13 маусым

«КЕЛІСІЛДІ» Қазақстан Республикасының Ұлттық экономика министрі ______________ Т. Сүлейменов 2017 жылғы 29 маусым

Қазақстан Республикасы Премьер- Министрінің орынбасары - Қазақстан Республикасы Ауыл шаруашылығы министрінің 2017 жылғы 20 маусымдағы № 248 бұйрығына 1-қосымша

Тұқым шаруашылығын дамытуды субсидиялау қағидаларына 2-қосымша

Нысан