Жеңіл және аса жеңіл авиация саласындағы сертификаттау қағидаларын бекіту туралы Қазақстан Республикасы Инвестициялар және даму министрінің 2017 жылғы 19 шілдедегі № 483 бұйрығы. Қазақстан Республикасының Әділет министрлігінде 2017 жылғы 8 қыркүйекте № 15633 болып тіркелді

Қазақстан Республикасының әуе кеңістігін пайдалану және авиация қызметі туралы» 2010 жылғы 15 шілдедегі Қазақстан Республикасы Заңының 14-бабы 1-тармағының 41-23) тармақшасына және «Мемлекеттік көрсетілетін қызметтер туралы» Қазақстан Республикасының Заңы 10-бабының 1) тармақшасына сәйкес БҰЙЫРАМЫН:

Кіріспе жаңа редакцияда жазылды ҚР Индустрия және инфрақұрылымдық даму министрінің 15.04.2020 жылғы № 207 Бұйрығына сәйкес (31.07.2019 ж. редакцияны қараңыз)(өзгерту 03.05.2020 жылдан бастап қолданысқа енгізіледі)

1. Қоса беріліп отырған Жеңіл және аса жеңіл авиация саласындағы сертификаттау қағидалары бекітілсін.

2. Мыналардың күші жойылды деп танылсын:

1) «Азаматтық әуе кемесі данасын сертификаттау және оның ұшуға жарамдылық нормаларына сәйкестігіне куәлік беру қағидаларын бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 193 бұйрығының (Нормативтік құқықтық актілердің мемлекеттік тіркеу тізілімінде № 11723 болып тіркелген, «Әділет» ақпараттық-құқықтық жүйесінде  2015 жылғы  1 қыркүйекте жарияланған);

2) «Аса жеңіл авиация саласында сертификаттау қағидаларын бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 194 бұйрығының (Нормативтік құқықтық актілердің мемлекеттік тіркеу тізілімінде № 11721 болып тіркелген, «Әділет» ақпараттық-құқықтық жүйесінде 2015 жылғы 1 қыркүйекте жарияланған).

3. Қазақстан Республикасы Инвестициялар мен даму министрлігінің Азаматтық авиация комитеті:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберілуді;

4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.  

4. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

5. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

Қазақстан Республикасының Инвестициялар және даму министрі Ж. Қасымбек

«КЕЛІСІЛДІ»
Қазақстан Республикасының
Ақпарат және коммуникациялар министрі
Д. Абаев________________________ 
2017 жылғы 27 шілде

«КЕЛІСІЛДІ»
Қазақстан Республикасының
Ұлттық экономика министрі
Т. Сүлейменов ________________
2017 жылғы 28 шілде

1. Осы Жеңіл және аса жеңіл авиация саласындағы сертификаттау қағидалары (бұдан әрі – Қағидалар) «Қазақстан Республикасының әуе кеңістігін пайдалану және авиация қызметі туралы» 2010 жылғы 15 шілдедегі Қазақстан Республикасының Заңының (бұдан әрі – заң) 14-бабы 1-тармағының 41-23) тармақшасына және «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңының (бұдан әрі-Мемлекеттік көрсетілетін қызметтер туралы заң) 10-бабының 1) тармақшасына сәйкес әзірленді және жеңіл және аса жеңіл авиация саласындағы сертификаттау және аса жеңіл авиация әуе кемесінің ұшуға жарамдылығы сертификатын беру» мемлекеттік қызметті көрсету тәртібін белгілейді;

1-тармақ жаңа редакцияда жазылды ҚР Индустрия және инфрақұрылымдық даму министрінің 15.04.2020 жылғы № 207 Бұйрығына сәйкес (31.07.2019 ж. редакцияны қараңыз)(өзгерту 03.05.2020 жылдан бастап қолданысқа енгізіледі)

2. Осы Қағидаларда мынадай терминдер мен анықтамалар пайдаланылады:

1) азаматтық авиация саласындағы уәкілетті ұйым (бұдан әрі – уәкілетті ұйым) – жарғылық капиталына мемлекет жүз пайыз қатысатын, Қазақстан Республикасының азаматтық авиация саласын орнықты дамытуды, ұшу қауіпсіздігі мен авиациялық қауіпсіздікті қамтамасыз етуге бағытталған қызметті жүзеге асыратын акционерлік қоғам;

2) өтініш беруші – жеңіл авиациядағы ұшуға жарамдылығы сертификатын, аса жеңіл авиациядағы ұшуға жарамдылығы сертификатын, экспорттық ұшуға жарамдылығы сертификатын алу, әуе кемесі данасының куәландыру үшін уәкілетті ұйымға өтініш берген жеке немесе заңды тұлға;

3) әуе кемесінің, қозғалтқыштардың және негізгі агрегаттарының формуляры – авиациялық техниканың атқарымын (күнтізбелік ресурсы, сағаттық ресурсы, қонулар бойынша ресурсы) және оның техникалық жай-күйін есепке алуға арналған негізгі құжаттар;

4) әуе кемесінің ұшуға жарамдылығы сертификаты – уәкілетті ұйым берген, азаматтық әуе кемесінің ұшу жарамдылығының нормаларына сәйкестігін куәландыратын құжат;

5) үлгі сертификаты – азаматтық әуе кемесінің үлгісі конструкциясының ұшуға жарамдылығы нормаларына сәйкестігін растайтын құжат;

6) азаматтық әуе кемесі данасын пайдалану құжаттамасы – нақты әуе кемелерді және оның компоненттерін техникалық қызмет көрсетуі және жөндеуді сонымен бірге пайдалану жағдайы және пайдалану шегін қоса алғанда, азаматтық әуе кемесі данасын ұшу және техникалық пайдалану регламенттеу құжаттар топтамасы;

7) конструкциясының, сипаттамаларының және пайдалану-техникалық құжаттамасының ұшуға жарамдылығы нормаларына сәйкестігіне куәлік – азаматтық әуе кемесінің данасы конструкциясының сипаттамалары мен пайдалану-техникалық құжаттамасының ҰЖНна сәйкестігін куәландыратын, уәкілетті ұйым берген құжат;

8) пайдаланушы – азаматтық әуе кемелерін пайдаланумен айналысатын немесе осы салада өз қызметтерін ұсынатын жеке немесе заңды тұлға;

9) ұшуға жарамдылық нормалары – ұшу қауіпсіздігін қамтамасыз етуге бағытталған әуе кемелерінің конструкциясына, параметрлері мен ұшу сапаларына және олардың құрауыштарына қойылатын талаптар (бұдан әрі - ҰЖН).

3. Қолданыстағы жеңіл және аса жеңіл әуе кемелерінің сертификатынсыз әуе кемесін пайдалануға жол берілмейді.

4. Бекітілген үлгі конструкциясы жоқ азаматтық әуе кемесінің әрбір данасы сертификатталуға және оның конструкциясының, сипаттамаларының және пайдалану-техникалық құжаттамасының ҰЖН-на сәйкестігіне уәкілетті ұйым берген куәлігі болуға тиіс.

Конструкциясының, сипаттамаларының және пайдалану-техникалық құжаттамасының ҰЖН-на сәйкестігіне куәлік берілген әуе кемесі коммерциялық әуе тасымалдарын жүзеге асыруға жіберілмейді.

5. Жалпы мақсаттағы авиация мақсатында авиациялық жұмыстар мен ұшуларды орындайтын жеңіл және аса жеңіл әуе кемелерінің ұшуға жарамдылығын, азаматтық әуе кемесінің куәлігінің данасын сертификаттауды әуе кемелерін пайдаланушыларды біріктіретін коммерциялық емес ұйымдарды тарта отырып, уәкілетті ұйым жүзеге асырады.

6. Сертификаттау рәсімінен өту үшін өтініш беруші уәкілетті ұйымға www.egov.kz, www.elіcensе.kz "электрондық үкімет" веб-порталы (бұдан әрі – портал) арқылы осы Қағидаларға 1-қосымшаға сәйкес нысан бойынша өтініш береді:

Өтінішке келесі құжаттар қоса беріледі:

1) осы Қағиданың 2-қосымшасының нысанына сәйкес әуе кемесінің техникалық жай-күйін тексеру және оның ұшуға жарамдылығын айқындау актісінің электрондық көшірмесін;

2) егер әуе кемесі жалға алынатын болса, жалға беру шарты мен қабылдау-тапсыру актісінің электрондық көшірмелері;

3) осы Қағиданың 3-қосымшасының нысанына сәйкес әуе кемелерінің эксплуатанттарын біріктіретін коммерциялық емес ұйыммен берілген азаматтық әуе кемесін пайдалануға жарамдылық туралы бағалау актісінің электрондық көшірмесін;

4) қолданылатын түрлендірулерді көрсете отырып, үлгі сертификатының немесе барабар құжаттың электрондық көшірмесі;

5) бекітілген техникалық қызмет көрсету бағдарламасының (регламенті) (алғашқы беру кезінде) электрондық көшірмесін;

6) ұшуда пайдалану жөніндегі нұсқауға сәйкес негізгі орналасқан жеріне дейін ұшуға рұқсат етілген ең төменгі жабдықтың негізгі тізбесі немесе ақаулар мен істен шыққан жерлердің тізбесі болған жағдайда, пайдаланушы жасаған ең төменгі жабдықтың бекітілген тізбесінің (алғашқы беру кезінде) электрондық көшірмесін.

Құжаттардың барлық электрондық көшірмелері арқылы өтініш берушінің немесе ол уәкілетті ұйым берген тұлғаның қолымен және мөрімен (бар болған жағдайда) куәландырылады және уәкілетті ұйым тексеруінен кейін тартылған коммерциялық емес ұйымдарына беріледі.

7. Жеңіл әуе кемесінің техникалық жай-күйін тексеру және ұшуға жарамдылығын анықтау үшін тартылған коммерциялық емес ұйымдар уәкілетті ұйымымен келісу бойынша әуе кемелерін тексеру жөніндегі тұрақты жұмыс істейтін техникалық комиссия құрады.

Техникалық комиссияның құрамына көрсетілген Қағидаларға 4-қосымшада көзделген мамандарға қойылатын біліктілік талаптарына сәйкес болуы керек мамандар енгізіледі.

Пайдалану құжаттамасын сараптау және әуе кемесінің ҰЖН-на сәйкестігін бағалау мемлекеттік авиация инспекторлары үшін уәкілетті ұйым әзірлеген нұсқаулық материалды пайдалана отырып жүзеге асырылады (осы Қағиданың 5-қосымшасының нысанына сәйкес уәкілетті ұйым бекітетін әуе кемесінің ұшуға жарамдылығын бағалаудың үлгілік бағдарламасы).

8. Өтінім беруші әуе кемелерінің пайдаланушыларды біріктіретін коммерциялық емес ұйымның техникалық комиссиясының мүшелеріне әуе кемесі мен пайдалану құжаттамасына кедергісіз қол жеткізуді қамтамасыз етеді.