Документ на казахском языке

«Денсаулық сақтау ұйымдарына шығындарды бюджет қаражатының есебінен өтеу қағидаларын бекіту туралы» 2015 жылғы 28 шілдедегі Қазақстан Республикасы Денсаулық сақтау және әлеуметтік даму министрінің міндетін атқарушының № 627 бұйрығына өзгерістер мен толықтырулар енгізу туралы Қазақстан Республикасы Денсаулық сақтау министрінің 2017 жылғы 27 қарашадағы № 874 бұйрығы. Қазақстан Республикасының Әділет министрлігінде 2017 жылғы 21 желтоқсанда № 16113 болып тіркелді

«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 7-бабы 1-тармағының 81) тармақшасына сәйкес БҰЙЫРАМЫН:

1.«Денсаулық сақтау ұйымдарына шығындарды бюджет қаражатының есебінен өтеу қағидаларын бекіту туралы» 2015 жылғы 28 шілдедегі Қазақстан Республикасы Денсаулық сақтау және әлеуметтік даму министрінің міндетін атқарушының № 627 бұйрығына (Нормативтік құқықтық актілерді мемлекеттік тіркеу тізілімінде № 11976 болып тіркелген, «Әділет» ақпараттық-құқықтық жүйесінде 2015 жылғы 15 қыркүйекте жарияланған) мынадай өзгерістер мен толықтырулар енгізілсін:

көрсетілген бұйрықпен бекітілген Денсаулық сақтау ұйымдарына шығындарды бюджет қаражатының есебінен өтеу қағидаларына:

1-тарауда:

2-тармақтың 13) тармақшасы мынадай редакцияда жазылсын:

«13) денсаулық сақтау саласындағы ақпараттандыру субъектісі (бұдан әрі - АС) - мемлекеттік органдар, денсаулық сақтау саласындағы ақпараттандыру саласындағы қызметті жүзеге асыратын немесе құқықтық қатынастарға түсетін жеке және заңды тұлғалар;»;

2-тармақтың 16) тармақшасы мынадай редакцияда жазылсын:

«16) Жұмыс органы – Қазақстан Республикасының азаматтарын бюджет қаражатының есебінен шетелге емделуге жіберу мәселелері жөніндегі үйлестіруші орган;»;

2-тармақтың 19) тармақшасы мынадай редакцияда жазылсын:

«19) кешенді тариф – Денсаулық сақтау кодексінің 23-бабының 2-тармағына сәйкес лимфоидты және қан өндіретін тіннің қатерлі ісіктері бар науқастардан басқа, Онкологиялық науқастардың электронды тіркелімінде (бұдан әрі – СНЭТ) тіркелген бір онкологиялық науқасқа есептегендегі ТМККК медициналық қызметтер кешенінің құны;»;

2-тармақтың 23) тармақшасы мынадай редакцияда жазылсын:

«қосалқы мердігер – қосалқы мердігерлік шарт жасасқан денсаулық сақтау субъектісі;»;

2-тармақтың 24) тармақшасы алып тасталсын;

2-тарауда:

4-тармақ мынадай редакцияда жазылсын:

«4. Шығындарды өтеу Денсаулық туралы кодекстің 23-бабының 2-тармағының негізінде әкімші бекіткен тарифтер бойынша орындалған жұмыстардың (қызметтердің) актілерінің негізінде жүзеге асырылады.»;

6, 7 және 8-тармақтар мынадай редакцияда жазылсын:

«6. ТМККК көрсететін ұйымдарға Тарифтерді қалыптастыру әдістемесімен сәйкес тарифтерге енгізілген ТМККК шеңберінде медициналық көмек көрсету бойынша қызметіне байланысты шығындар өтеледі.

Мемлекеттік кәсіпорындардың ұйымдық-құқықтық нысанындағы ТМККК көрсететін ұйымдар коммуналдық қызметтерге, ғимаратты, құрылыстар мен жабдықтарды ағымдағы жөндеуге ақы төлеуге арналған шығыстардың ұлғаюына байланысты ТМККК көрсетуге арналған шарт сомасы асқан жағдайда, осы шығыстарды өтеу жергілікті өкілді органның шешімі бойынша облыстардың, республикалық маңызы бар қаланың және астананың жергілікті бюджеті қаражатынан жүзеге асырылады.

7. Медициналық көмектің сапасы мен көлемін бақылау нәтижелері Қызметтерге ақы төлеу жөніндегі комиссияға:

«Медициналық қызметтердің сапасын басқару жүйесі» ақпараттық жүйесіне (бұдан әрі – МҚСБЖ), оның ішінде «Медициналық қызмет көрсету ақаулары» модуліне енгізілген Қазақстан Республикасының 2015 жылғы 29 қазандағы Кәсіпкерлік Кодексімен (бұдан әрі – Кәсіпкерлік кодекс) (бұдан әрі – сапа мен көлемді бақылау) белгіленген тәртіппен көрсетілетін медициналық қызметтердің денсаулық сақтау саласындағы Қазақстан Республикасының нормативтік құқықтық актілеріне, стандарттарына сәйкестігін бағалау мақсатында МФҚБК мен МФҚБК АД-ның мамандары денсаулық субъектісіне (объектісіне) бармай іріктеу, жоспардан тыс тексерулер және бақылаудың басқа нысандары түрінде медициналық қызмет көрсету саласындағы мемлекеттік бақылау шеңберінде жүргізілетін сапа мен көлемді бақылау;

ТМККК көрсетуге жасасқан шарт шеңберінде медициналық көмек көлемінің нақтылығын тексеру үшін тапсырыс беруші жүргізген Денсаулық туралы кодекстің 7-бабына сәйкес ТМККК шеңберінде медициналық көмек көрсетудің денсаулық сақтау саласындағы Қазақстан Республикасының нормативтік құқықтық актілеріне, стандарттарына сәйкестігін бағалау мақсатында көлемді сараптау (бұдан әрі – көлемді бақылау) қорытындылары бойынша ұсынылады.

8. МФҚБК АД таңдау және жоспардан тыс тексерулердің нәтижелері бойынша:

Кәсіпкерлік кодекстің 152-бабының негізінде айқындалған тәртіппен ресімделген тексеру нәтижелері туралы актіні;

сұрау салу бойынша медициналық құжаттаманы сараптаудың негізінде осы Қағидаларға 1-қосымшаға сәйкес нысан бойынша әрбір өлім жағдайына (өліммен аяқталған жағдайға) сараптамалық қорытындыны қалыптастырады.»;

10-тармақ мынадай редакцияда жазылсын:

«10. Тапсырыс беруші жартыжылдықтың қорытындылары бойынша жылына екі рет, шілде мен қарашада алдын алуға болмайтын өлім жағдайларын қоспағанда және келесі жылдың келесі есепті кезеңінде ретроспективалық сараптауға жататын желтоқсанда көрсетілген қызметтердің сомасын қоспағанда, сапа мен көлемді бақылау нәтижелері бойынша ұсталған сомаға қосымша келісім жасау арқылы ТМККК көрсететін ұйыммен ТМККК көрсетуге жасалған шарттың сомасын азайтуды жүзеге асырады.

Тапсырыс беруші сапа мен көлемді бақылау нәтижелерін есепке ала отырып, желтоқсанда көрсетілген қызметтерге ТМККК көрсетуге жасалған шарт бойынша міндеттемелердің орындалуын қабылдайды.»;

14-тармақ мынадай редакцияда жазылсын:

«14. МСАК субъектілеріне кешенді жан басына шаққандағы норматив бойынша АЕК көрсеткені үшін шығындарын өтеу медициналық көмектің сапасы мен көлемін бақылау нәтижелерін есепке ала отырып, мыналардың:

республикалық бюджет қаражатының;

жергілікті өкілді органның шешімі бойынша, оларды қосымша бөлген жағдайда жергілікті бюджет қаражатының есебінен жүзеге асырылады.»;

16 және 17 -тармақтар мынадай редакцияда жазылсын:

«16. МСАК субъектісіне арналған АЕК кешенді жан басына шаққандағы нормативі Тарифтерді қалыптастыру әдістемесіне сәйкес есепті айдың соңғы күніне БХТ порталында тіркелген, бекітілген бір адамға есептегенде айқындалады.

17. АЕК кешенді жан басына шаққандағы нормативі Денсаулық туралы кодекстің 23-бабының 2-тармағына сәйкес АЕК базалық кешенді жан басына шаққандағы нормативінен төмен емес белгіленеді.»;

20 және 21-тармақтар мынадай редакцияда жазылсын:

«20. Есеп кезеңіне АЕК кешенді жан басына шаққандағы нормативі бойынша МСАК субъектілерін МСАК субъектілеріне АЕК көрсеткені үшін ақы төлеу сомасы АЕК кешенді жан басына шаққандағы нормативін БХТ порталыңда айдың соңғы күніне тіркелген, бекітілген халық санына көбейту арқылы айқындалады.

Есепті кезеңдегі АЕК кешенді жан басына шаққандағы нормативі бойынша МСАК субъектісіне АЕК көрсеткені үшін ақы төлеу сомасы көрсетілген қызметтердің көлеміне тәуелді емес.

21. МСАК субъектілері Қазақстан Республикасы Үкіметінің 2009 жылғы 15 желтоқсандағы № 2136 қаулымен бекітілген Тегін медициналық көмектің кепілдік берілген көлемінің тізбесіне сәйкес ТМККК шеңберінде қызметтер тізбесі бойынша бекітілген халыққа ТМККК АЕК-пен қамтамасыз етеді, олардың шығындары Денсаулық туралы кодекстің 7-бабының 1-тармағының 6) тармақшасына сәйкес уәкілетті орган бекіткен денсаулық сақтау саласындағы стандарттарға сәйкес ТМККК көрсетуге арналған шарт сомаларының шегінде кешенді жан басына шаққандағы норматив бойынша қалалық пен аудандық маңызы бар денсаулық сақтау субъектілері мен ауылдың денсаулық сақтау субъектілері көрсетілген АЕК-ке ақы төлеу кезінде ескеріледі.»;

23, 24 және 25-тармақтар мынадай редакцияда жазылсын:

«23. МСАК субъектісі есепті кезеңнен кейінгі келесі айдың 10-күнінен кешіктірмей (желтоқсан үшін – 20 желтоқсан) Тапсырыс берушіге «Амбулаториялық-емханалық көмек» ақпараттық жүйесінде (бұдан әрі – «АЕК» АЖ) қалыптастырылған, басшы қол қойған қағаз тасығышта немесе ЭЦҚ арқылы электронды нысанда осы Қағидаларға 3-1-қосымшаға сәйкес нысан бойынша медициналық-санитариялық алғашқы көмек көрсететін субъектінің бекітілген халқына тегiн медициналық көмектiң кепiлдiк берiлген көлемi шеңберінде амбулаториялық-емханалық көмек көрсету үшін шот-тізілімін (бұдан әрі – МСАК субъектісінің шот-тізілімі) береді.

Шартта көрсетілген тегін медициналық көмектің кепілдік берілген көлемін көрсетуге және (немесе) жағдайлар АЖ жаңаруымен байланысты дүлей күш жағдайы туындаған жағдайда тапсырыс беруші МСАК субъектісінің шот-тізілімін белгіленген мерзімнен кешірек қабылдайды.

24. Тапсырыс беруші «АЕК» АЖ-да осы Қағидалардың 3-2-қосымшасына сәйкес нысан бойынша медициналық-санитариялық алғашқы көмек көрсететін денсаулық сақтау субъектісімен тегін медициналық көмектің кепілдік берілген көлемін көрсетуге арналған шартты орындау хаттамасын (бұдан әрі – МСАК көрсетуге шарттың орындалу хаттамасы):

МСАК субъектісі қол қойған МСАК субъектісінің шот-тізілімінің;

көрсетілген амбулаториялық-емханалық көмектің (медициналық-санитариялық алғашқы және консультациялық-диагностикалық көмектің) заңнамада және ТМККК көрсету шартында көзделген негіздеме бойынша, сапасы мен көлемін бақылаудың нәтижелері бойынша алынуы тиіс және ақы төлеуге, оның ішінде ішінара ақы төлеуге жатпайтын жағдайлардың тізбесі бойынша МФҚБК АД мен тапсырыс беруші осы Қағидаларға 4-қосымшаға сәйкес жүргізген таңдамалы сапа мен көлемді бақылау нәтижелерінің (болған жағдайда);

КЖНҚК-да автоматтандырылған режімде есептелген МСАК субъектісінің түпкілікті нәтиженің индикаторларына қол жеткізу нәтижелерінің негізінде қалыптастырады.

МСАК көрсетуге арналған шартты орындау хаттамасын Ақы төлеу жөніндегі комиссия қарайды және қолын қояды.

25. Тапсырыс беруші ТМККК көрсетуге арналған шартты орындау хаттамасының негізінде «АЕК» АЖ-да екі данада, бір данасы МСАК субъектісіне берілетін, қағаз тасығышта немесе ЭЦҚ арқылы электронды нысанда екі тарап қол қоятын осы Қағидаларға 4-1-қосымшаға сәйкес нысан бойынша медициналық-санитариялық алғашқы көмек көрсететін денсаулық сақтау субъектісі тегін медициналық көмектің кепілдік берілген көлемі шеңберінде көрсетілген, орындалған жұмыстардың (қызметтердің) актісін (МСАК орындалған жұмыстардың (қызметтердің) актісі) қалыптастырады.»;

27-тармақ мынадай редакцияда жазылсын: