Қазақстан Республикасының кейбір нормативтік құқықтық актілеріне бухгалтерлік есепті жүргізу мәселелері бойынша өзгерістер мен толықтырулар енгізу туралы Қазақстан Республикасы Ұлттық Банкі Басқармасының 2017 жылғы 22 желтоқсандағы № 252 қаулысы. Қазақстан Республикасының Әділет министрлігінде 2017 жылғы 22 қаңтарда № 16262 болып тіркелді

«Қазақстан Республикасының Ұлттық Банкі туралы» 1995 жылғы  30 наурыздағы, «Бухгалтерлiк есеп пен қаржылық есептiлiк туралы»  2007 жылғы 28 ақпандағы Қазақстан Республикасының заңдарына сәйкес және Қазақстан Республикасының бухгалтерлік есепті жүргізу мәселелері бойынша кейбір нормативтік құқықтық актілерін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Осы қаулыға қосымшаға сәйкес бухгалтерлік есепті жүргізу мәселелері бойынша өзгерістер мен толықтырулар енгізілетін Қазақстан Республикасының кейбір нормативтік құқықтық актілерінің тізбесі бекітілсін.

2. Бухгалтерлік есеп департаменті (Рахметова С.К.) Қазақстан Республикасының заңнамасында белгіленген тәртіппен:

1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

2) осы қаулы мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмесін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына Қазақстан Республикасы нормативтік құқықтық актілерінің эталондық бақылау банкінде ресми жариялау және оған енгізу үшін жіберуді;

3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды;

4) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2), 3) тармақшаларында және 3-тармағында көзделген іс-шаралардың орындалуы туралы мәліметтерді ұсынуды қамтамасыз етсін.

3. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Д.Т. Ғалиеваға жүктелсін.

5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ұлттық Банк Төрағасы Д. Ақышев

1. «Екінші деңгейдегі банктердің сенімгерлік операцияларды және кастодиандық қызметті бухгалтерлік есепке алуды жүргізуі жөніндегі нұсқаулықты бекіту туралы» Қазақстан Республикасының Ұлттық Банкі Басқармасының 2007 жылғы 30 қарашадағы № 134 қаулысына (Нормативтік құқықтық актілерді мемлекеттік тіркеу тізілімінде № 5089 болып тіркелген) мынадай өзгерістер енгізілсін:

аталған қаулымен бекітілген Екінші деңгейдегі банктердің сенімгерлік операцияларды және кастодиандық қызметті бухгалтерлік есепке алуды жүргізуі жөніндегі нұсқаулықта:  

37-тармақтың бірінші абзацы мынадай редакцияда жазылсын:  

«37. Әділ құны бойынша басқа да жиынтық кіріс арқылы және пайда немесе зиян арқылы есепке алынатын бағалы қағаздарды қайта бағалау кезінде мынадай бухгалтерлік жазбалар жүзеге асырылады:»;  

40-тармақтың бірінші абзацы мынадай редакцияда жазылсын:  

«40. Кастодиан банк әрбір есепті күні халықаралық қаржы есептілігі стандарттарының және есеп саясатының талаптарына сәйкес сату үшін басқа да жиынтық кіріс арқылы әділ құнмен есептелінетін және амортизацияланған құнмен бағаланатын бағалы қағаздардың құнсыздануына тест өткізеді және мынадай бухгалтерлік жазбаларды жүзеге асырады:».

• 1

2. Тармақ күшін жойды (ескертуді қараңыз)

2-тармақ күшін жойды ҚР Ұлттық Банкі Басқармасының 21.09.2020 жылғы № 109 Қаулысына сәйкес (22.12.2017 ж. редакцияны қараңыз)(өзгерту 16.12.2020 жылдан бастап қолданысқа енгізіледі)

3. «Екінші деңгейдегі банктердегі, ипотекалық ұйымдардағы және «Қазақстан Даму Банкі» акционерлік қоғамындағы бухгалтерлік есеп шоттарының үлгі жоспарын бекіту туралы» Қазақстан Республикасы Ұлттық Банкі Басқармасының 2011 жылғы 31 қаңтардағы № 3 қаулысына (Нормативтік құқықтық актілерді мемлекеттік тіркеу тізілімінде № 6793 тіркелген,  2011 жылғы 7 қарашада № 11 Қазақстан Республикасының орталық атқарушы және өзге де орталық мемлекеттік органдарының актілері жинағында жарияланған) мынадай өзгерістер мен толықтырулар енгізілсін:

көрсетілген қаулымен бекітілген Екінші деңгейдегі банктердегі, ипотекалық ұйымдардағы және «Қазақстан Даму Банкі» акционерлік қоғамындағы бухгалтерлік есеп шоттарының үлгі жоспарында:

1-тарауда:

7-тармақта:  

1320-шоттар тобының нөмірі мен аты алып тасталсын;  

1450-шоттар тобының аты мынадай редакцияда жазылсын:

«1450 Әділ құны бойынша басқа да жиынтық кіріс арқылы есепке алынатын бағалы қағаздар»;

1480-шоттар тобының аты мынадай редакцияда жазылсын:

«1480 Амортизацияланған құны бойынша есепке алынатын бағалы қағаздар»;

1490-шоттар тобының аты мынадай редакцияда жазылсын:

«1490 Амортизацияланған құны бойынша есепке алынатын басқа да қаржы активтері»;

1600-шоттар тобының аты мынадай редакцияда жазылсын:

«1600 Қорлар»;

10-тармақта:

4050-шоттар тобынан кейін мынадай мазмұндағы 4090-шоттар тобымен толықтырылсын:  

«4090 Сыйақы алуға байланысты басқа кірістер»;

4320-шоттар тобының нөмірі мен аты алып тасталсын;  

4450-шоттар тобының аты мынадай редакцияда жазылсын:

«4450 Әділ құны бойынша басқа да жиынтық кіріс арқылы есепке алынатын бағалы қағаздар бойынша сыйақы алуға байланысты кірістер»;

4480-шоттар тобының аты мынадай редакцияда жазылсын:

«4480 Амортизацияланған құны бойынша есепке алынатын бағалы қағаздар бойынша сыйақы алуға байланысты кірістер»;

4490-шоттар тобының аты мынадай редакцияда жазылсын:

«4490 Амортизацияланған құны бойынша есепке алынатын басқа да қаржы құралдары бойынша сыйақы алуға байланысты кірістер»;

2-тарауда:

1-параграфта:  

1054-шоттан кейін мынадай мазмұндағы 1055-шотпен толықтырылсын:

«1055 Банктердің Қазақстан Республикасының Ұлттық Банкіндегі ағымдағы шоттары»;

1320, 1321, 1322, 1323, 1324, 1325, 1326, 1327, 1328, 1329, 1330 және 1331-шоттарының нөмірі мен аты алып тасталсын;