«Минералды шикізатты кеден аумағынан тыс жерде қайта өңдеудің кедендік рәсімімен орналастыруға қорытынды (рұқсат құжатын) беру» мемлекеттік көрсетілетін қызмет стандартын бекіту туралы Қазақстан Республикасы Инвестициялар және даму министрінің 2018 жылғы 11 қаңтардағы № 14 бұйрығы. Қазақстан Республикасының Әділет министрлігінде 2018 жылғы 9 ақпанда № 16332 болып тіркелді

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

1. Қоса беріліп отырған «Минералды шикізатты кеден аумағынан тыс жерде қайта өңдеудің кедендік рәсімімен орналастыруға қорытынды (рұқсат құжатын) беру» мемлекеттік көрсетілетін қызмет стандарты бекітілсін.

2. Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитеті:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

3) осы бұйрық мемлекеттік тіркелген күннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;

4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

5) осы бұйрық Қазақстан Республикасы Әділет министрлігінде мемлекеттік тіркелген күннен кейін он жұмыс күні ішінде осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі. 

Қазақстан Республикасының Инвестициялар және даму министрі Ж. Қасымбек

«КЕЛІСІЛДІ» 
Қазақстан Республикасы
Ұлттық экономика министрі 
__________________Т. Сүлейменов 
2018 жылғы «___»_________

«КЕЛІСІЛДІ»  
Қазақстан Республикасының 
Ұлттық экономика министрінің 
міндетін атқарушы
______________Р. Дәленов 
2018 жылғы «___»_________

1. «Минералды шикізатты кеден аумағынан тыс жерде қайта өңдеудің кедендік рәсімімен орналастыруға қорытынды (рұқсат құжатын) беру» мемлекеттік көрсетілетін қызметі (бұдан әрі – мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Индустрия және инфрақұрылымдық даму министрлігі (бұдан әрi - Министрлік) әзірледі.

2-тармақ жаңа редакцияда жазылды ҚР Индустрия және инфрақұрылымдық даму министрінің 14.08.2019 жылғы № 640 Бұйрығына сәйкес (11.01.2018 ж. редакцияны қараңыз)  (өзгерту 17.09.2019 жылдан бастап қолданысқа енгізіледі)

3. Мемлекеттік көрсетілетін қызметті Министрліктің Индустриялық даму және өнеркәсіптік қауіпсіздік комитеті (бұдан әрі – көрсетілетін қызметті беруші) көрсетеді.

Өтінішті қабылдау және мемлекеттік қызметті көрсету нәтижесін беру көрсетілетін қызметті берушінің кеңсесі арқылы жүзеге асырылады.

4. Мемлекеттік қызметті көрсету мерзімі:

1) көрсетілетін қызметті берушіге құжаттардың топтамасын тапсырған сәттен бастап – күнтізбелік 15 (он бес) күн;  

2) көрсетілетін қызметті алушы құжаттар топтамасын тапсыру үшін күтудің рұқсат етілген ең ұзақ уақыты – 20 (жиырма) минут;

3) көрсетілетін қызметті алушыға қызмет көрсетудің рұқсат етілген ең ұзақ уақыты – 30 (отыз) минут.

5. Мемлекеттік қызмет көрсету нысаны: қағаз түрінде.

6. Мемлекеттік қызмет көрсету нәтижесі – осы стандартқа қосымшаға сәйкес нысан бойынша минералды шикізатты кеден аумағынан тыс жерде қайта өңдеудің кедендік рәсімімен орналастыруға қорытынды (рұқсат құжатын)  (бұдан әрі – қорытынды (рұқсат құжаты)) не осы мемлекеттік көрсетілетін қызмет стандартының 10-тармағында белгіленген негіздер бойынша мемлекеттік қызмет көрсетуден бас тарту туралы дәлелді жауап.

Мемлекеттік қызмет көрсету нәтижесін беру нысаны: қағаз түрінде.

7. Мемлекеттік қызмет жеке және заңды тұлғаларға (бұдан әрі - көрсетілетін қызметті алушы) тегін көрсетіледі.

8. Көрсетілетін қызметті берушінің жұмыс кестесі – Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбіден бастап жұма аралығында сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін.

Өтініштерді қабылдау және мемлекеттік қызмет көрсету нәтижесін беру сағат 13.00-ден 14.30-ға дейін түскі үзіліспен сағат 9.00-ден 17.30-ға дейін жүзеге асырылады.

Мемлекеттік қызмет алдын ала жазылусыз және жеделдетілген қызмет көрсетусіз, кезек күту тәртібімен көрсетіледі.  

Көрсетілетін қызметті алушы мемлекеттік көрсетілетін қызмет стандартында көзделген тізбеге сәйкес құжаттардың топтамасын толық ұсынбаған және (немесе) қолданылу мерзімі өтіп кеткен құжаттарды ұсынған жағдайларда, көрсетілетін қызметті беруші өтінішті қабылдаудан бас тартады.

9.  Көрсетілетін қызметті  алушы (не оның өкілі нотариалды бекітілген сенімхаты бойынша) жүгінген кезде мемлекеттік қызметті көрсету үшін қажетті құжаттар тізбесі:

осы стандартқа қосымшаға сәйкес нысан бойынша қорытындының (рұқсат құжатының) жобасы;

шарттың (келісімшарттың) көшірмесі, ал шарт (келісімшарт) болмаған жағдайда тараптардың ниетін растайтын өзге құжаттың көшірмесі;  

«Жер қойнауы және жер қойнауын пайдалану туралы» Қазақстан Республикасының Кодексінде көзделген минералды шикізатты өндірудің заңдылығын куәландыратын құжаттар көшірмесі;

минералды шикізатты иеленудің заңдылығын куәландыратын құжаттардың көшірмесі.

10. Көрсетілген қызметті беруші мемлекеттік қызметті көрсетуден мынадай жағдайларда бас тартады:

1) көрсетілетін қызметті алушының мемлекеттік көрсетілетін қызметті алу үшін ұсынған құжаттарының және (немесе) олардағы деректердің (мәліметтердің) анық еместігін белгілеу;  

2) көрсетілетін қызметті алушыға қатысты оның қызметтіне немесе мемлекеттік көрсетілетін қызметті алуды талап ететін жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы.

11. Көрсетілетін қызметті берушінің және (немесе) олардың лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану үшін шағым осы мемлекеттік көрсетілетін қызмет стандартының 13-тармағында көрсетілген мекенжай бойынша көрсетілетін қызметті беруші басшысының атына не: 010000, Нұр-Сұлтан қаласы, Қабанбай батыр даңғылы, 32/1, «Транспорт Тауэр» ғимараты мекенжайы бойынша Министрлік басшысының атына беріледі.

11-тармақ жаңа редакцияда жазылды ҚР Индустрия және инфрақұрылымдық даму министрінің 14.08.2019 жылғы № 640 Бұйрығына сәйкес (11.01.2018 ж. редакцияны қараңыз)  (өзгерту 17.09.2019 жылдан бастап қолданысқа енгізіледі)

12. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінеді.

13. Мемлекеттік қызмет көрсету орнының мекенжайы көрсетілетін қызметті берушінің comprom.miid.gov.kz интернет-ресурсында орналастырылған.

13-тармақ жаңа редакцияда жазылды ҚР Индустрия және инфрақұрылымдық даму министрінің 14.08.2019 жылғы № 640 Бұйрығына сәйкес (11.01.2018 ж. редакцияны қараңыз)  (өзгерту 17.09.2019 жылдан бастап қолданысқа енгізіледі)

14. Көрсетілетін қызметті берушінің мемлекеттік қызмет көрсету мәселелері жөніндегі анықтама қызметтерінің байланыс телефондары comprom.miid.gov.kz интернет-ресурсында орналастырылған.

14-тармақ жаңа редакцияда жазылды ҚР Индустрия және инфрақұрылымдық даму министрінің 14.08.2019 жылғы № 640 Бұйрығына сәйкес (11.01.2018 ж. редакцияны қараңыз)  (өзгерту 17.09.2019 жылдан бастап қолданысқа енгізіледі)

 № ____/_____201 /_________  

 ________________________________________________________________        (қорытындыны беретін мемлекеттік органның атауы)

 ________________________________________________________________ (заңды тұлғалар үшін толық ресми атауы және заңды мекенжайы, бизнес-сәйкестендіру нөмірі/жеке тұлғалар үшін тегі, аты, әкесінің аты (бар болғанда) (бұдан әрі-Т.А.Ә.А), жеке басын куәландыратын құжаттың деректері, тұрғылықты жері) ___________________________________________________________________                              берілді

 Өткізу түрі _______________________________________________________                         (өткізу түрі)

 ____________________________________________________________________ (бірыңғай тізбе бөлімі) (Еуразиялық экономикалық одақтың сыртқы экономикалық қызметінің тауар номенклатурасының коды   (бұдан әрі - ЕЭАҚ СЭҚ ТН коды *)

	
		
		
		
	
	

		

			

			
Тауар атауы 
			
			

			
Саны 
			
			

			
Өлшем бірлігі 
			
		
		

			

			


			 
			
		
	

 Алушы/жіберуші ________________________________________________________                                (атауы, заңды мекенжайы, елі)

 _______________________________________________________________________

 Межелі ел/жіберуші ел __________________________________________________

 Әкелу (әкету) мақсаты __________________________________________________

 Уақытша әкелу (әкету) мерзімі: ________________________________________

 Негізі: _______________________________________________________________

 ________________________________________________________________________

 Қосымша ақпарат ________________________________________________________

 Транзит елі ____________________________________________________________                           (аумақ бойынша транзит)

 Қолы_________             Күні________

 Қорытынды_________________ қолданыста болады

 ______________________________       (Т.А.Ә.А.)

 ______________________________          Мөр орны  

 <*> - жолдары тауарлардың санатына қойылатын талаптарды ескере отырып толтырылады