Тауарларды сыныптау туралы шешімді қабылдау қағидаларын және нысанын бекіту туралы Қазақстан Республикасы Қаржы министрінің 2018 жылғы 16 ақпандағы № 210 бұйрығы ​Қазақстан Республикасының Әділет министрлігінде 2018 жылғы 3 наурызда № 16482 болып тіркелді

«Қазақстан Республикасындағы кедендік реттеу туралы» 2017 жылғы 26 желтоқсандағы Қазақстан Республикасы Кодексінің 40-бабы 3-тармағының 1) тармақшасына сәйкес БҰЙЫРАМЫН:

1. Мыналар:

1) осы бұйрыққа 1-қосымшаға сәйкес Тауарларды сыныптау туралы шешімді қабылдау қағидалары;

2) осы бұйрыққа 2-қосымшаға сәйкес тауарларды сыныптау туралы шешімнің нысаны бекітілсін.

2. «Тауарларды сыныптау жөніндегі, тауарды жинақталмаған түрде сыныптау туралы шешімдердің және преференциялдық және преференциялдық емес режимдерді қолдану кезінде тауар шығарылған елді айқындауға қатысты алдын ала шешімдердің нысандарын бекіту туралы» Қазақстан Республикасы Қаржы министрінің 2015 жылғы 24 ақпандағы № 116 бұйрығының (Нормативтік құқықтық актілерінің мемлекеттік тіркеу тізілімінде № 10625 болып тіркелген, «Әділет» ақпараттық-құқықтық жүйесінде 2015 жылғы 17 сәуірде жарияланған) күші жойылды деп танылсын.

3. Қазақстан Республикасы Қаржы министрлігінің Мемлекеттік кірістер комитеті (А.М.Теңгебаев) заңнамада белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;  

2) осы бұйрық мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмелерін Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жолдануын;  

3) осы бұйрықтың Қазақстан Республикасы Қаржы министрлігінің интернет-ресурсында орналастырылуын;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Қаржы министрі Б. Сұлтанов

 1. Осы Тауарларды сыныптау туралы шешімді қабылдау қағидалары «Қазақстан Республикасындағы кедендік реттеу туралы» Қазақстан Республикасы Кодексінің (бұдан әрі – Кодекс) 40-бабы 3-тармағының 1) тармақшасына сәйкес әзірленді және тауарларды сыныптау бойынша шешімдерді қабылдау тәртібін айқындайды.

2. Мемлекеттік кірістер органдары тауарларды кедендік декларациялау кезінде Еуразиялық экономикалық одақтың сыртқы экономикалық қызметінің тауар номенклатурасы (бұдан әрі – СЭҚ ТН) бойынша тауарларды сыныптаудың дұрыстығын бақылауды жүзеге асыру кезінде, сондай-ақ тауарларды шығарғаннан кейін кедендік бақылауды жүзеге асыру кезінде олардың дұрыс сыныптамасы анықталған жағдайда тауарларды сыныптау туралы шешім қабылдайды.

2-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

3. Тауарларды сыныптау туралы шешім орындау үшін міндетті болып табылады.  

4. Тауарларды шығарғанға дейін СЭҚ ТН бойынша тауарларды сыныптаудің дұрыстығын тексерген кезде кедендік бақылауды мемлекеттік кірістер органының уәкілетті лауазымды адамдары (бұдан әрі – УЛА) жүргізеді, олардың лауазымдық міндеттеріне тек тәуекелдерді басқару жүйесінде (бұдан әрі – ТБЖ) айқындалатын жағдайларда ғана СЭҚ ТН бойынша тауарларды сыныптаудің дұрыстығын бақылау мәселелері кіреді.  

5. ТБЖ кедендік бақылаудың жүргізуін қамтамасыз ететін кедендік бақылау нысандары мен (немесе) шараларын айқындаған кезде УЛА аталған нысандар мен шараларды қолданады.

5-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

Бұл ретте мемлекеттік кірістер органдары ақпараттық жүйе арқылы декларантқа және (немесе) кеден өкіліне ТБЖ тәуекелдердің алдын алу және (немесе) барынша азайту бойынша шараларды тағайындағаны туралы хабарламаны жолдайды.

Тауарлардың сыныпталуын бақылау кезінде тәуекелдердің алдын алу және (немесе) барынша азайту үшін кедендік бақылауды жүргізуді қамтамасыз ететін мынадай кедендік бақылау нысандары және шаралар анықталуы мүмкін:

кедендік, өзге де құжаттарды және (немесе) мәліметтерді тексеру;

кедендік сараптама;

кедендік жете тексеру;

кедендік тексеру.

6. ТБЖ айқындаған тауарларды сыныптау бойынша тәуекелдердің алдын алу және (немесе) барынша азайту бойынша шаралардың қолдануын УЛА мынадай ережелерді ескере отырып жүзеге асырады:

6-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

1) «Кедендік декларацияны толтыру бойынша нұсқаулық және кедендік декларациялардың нысаны туралы» Кеден одағы комиссиясының 2010 жылғы 20 мамырдағы № 257 шешімімен бекітілген, кедендік, өзге де құжаттарды және (немесе) мәліметтерді тексеру түріндегі кедендік бақылауды жүргізген кезде декларантқа және (немесе) кеден өкіліне ақпараттық жүйе арқылы тауарларға арналған декларацияның (бұдан әрі – ТД) 33-бағанында мәлімделген мәліметтерді растайтын құжаттарды табыс ету қажеттілігі туралы сұрау салу жолданады.

Декларант немесе кеден өкілі электрондық түрде немесе қағаз тасымалдағышта табыс етілетін сұрау салынған құжаттардың тексеруін УЛА Кодекстің 410-бабында белгіленген тәртіп пен мерзімде жүзеге асырады.

Сұрау салынған құжаттар табыс етілген және оларды тауарлар шығарылғанға дейін тексеру аяқталған жағдайда, кедендік бақылау нәтижелері тексеріліп жатқан мәліметтердің дұрыстығын және (немесе) толықтығын растағанда, УЛА Кодекстің 192, 193-баптарына сәйкес тауарды шығаруды жүзеге асырады және «Бақылау нәтижесі» ұяшығында тиісті нәтижені таңдау арқылы ақпараттық жүйесінің «ТБЖ Бақылау» салымында бақылау нәтижесін енгізеді.

Декларант және (немесе) кеден өкілі тауарларды шығарғанға дейін ТД-да мәлімдеген мәліметтерді растамайтын сұрау салынған құжаттарды ұсынған жағдайда, УЛА:

тауарларды сыныптау туралы шешімді қабылдайды, оған аумақтық кеден органының басшысы немесе оны алмастыратын адам қол қояды және мұндай шешім қабылданған күннен кейінгі 1 (бір) жұмыс күнінен кешіктірмей декларантқа және кеден өкіліне ақпараттық жүйе арқылы тауарларды сыныптау туралы шешімнің қабылданғаны туралы хабарлайды;

Еуразиялық экономикалық комиссиясы Алқасының 2013 жылғы 10 желтоқсандағы № 289 шешімінің 2-қосымшасында белгіленген нысан бойынша ТД мәлімделген мәліметтерге өзгерістер (толықтырулар) енгізу туралы талап қойылады;

тауарды шығару Кодекстің 192, 193-баптарына сәйкес жүзеге асырылады;

электрондық құжатты жолдау жолымен не қағаз тасымалдағышта кедендік декларацияда немесе қағаз тасымалдағышта берілген тауарларға арналған декларацияларды тапсырғанға дейін тауарларды шығару туралы өтініште тиісті белгіні қою жолымен Кодекстің 201-бабына сәйкес тауарды шығарудан бас тарту туралы шешімді қабылдайды. Тауарларды шығарудан бас тартуды ресімдеген жағдайда мұндай бас тарту үшін негіз болып табылған барлық себептер көрсетіледі.

Егер кедендік, өзге де құжаттар мен (немесе) мәліметтерді тексеру Кодекстің 193-бабында белгіленген тауарларды шығару мерзімінде аяқталмаған жағдайда, УЛА Кодекстің 195-бабына сәйкес тауарлардың шығаруын жүргізу мүмкіндігі туралы декларантқа және кеден өкіліне хабарлайды.

Бұл ретте УЛА ақпараттық жүйе арқылы Еуразиялық экономикалық комиссиясы Алқасының 2017 жылғы 4 қыркүйектегі № 112 шешімімен (бұдан әрі – ЕЭК № 112 шешімі) бекітілген Кедендік баждарды, салықтарды, арнайы, демпингке қарсы, өтемақы баждарын төлеу бойынша міндеттердің орындауын қамтамасыз ету мөлшерін есептеуді толтыру тәртібіне сәйкес кедендік баждарды, салықтарды, арнайы, демпингке қарсы, өтемақы баждарын төлеу бойынша міндеттердің орындауын қамтамасыз ету мөлшерін есептеуді декларантқа және кеден өкіліне жолдайды.

Декларант және (немесе) кеден өкілі көрсетілген кедендік баждарды, салықтарды, арнайы, демпингке қарсы, өтемақы баждарын төлеу бойынша міндеттердің орындауын қамтамасыз етуді енгізген кезде УЛА ақпараттық жүйе арқылы кедендік баждарды, салықтарды төлеу бойынша міндеттердің орындауын қамтамасыз етудің тіркеуін жүргізеді және Кодекстің 195-бабына сәйкес кедендік, өзге де құжаттарды және (немесе) мәліметтерді тексеруді аяқтағанға дейін тауарлардың шығаруын жүзеге асырады.

Егер сұрау салынған құжаттар және (немесе) мәліметтер, оның ішінде жазбаша түсініктемелер, не мұндай құжаттар мен (немесе) мәліметтерді табыс етудің мүмкін еместігінің себептерін түсіндіруді ұсыну және (немесе) болмауы, Кодекстің 410-бабының 7-тармағымен белгіленген мерзімде ұсынылмаған, және Кодекстің 195-бабымен көзделген шарттар сақталмаған жағдайда, мемлекеттік кірістер органы Кодекстің 201-бабына сәйкес тауарларды шығарудан бас тартады.

Мемлекеттік кірістер органы арнайы, демпингке қарсы, өтемақы баждарына қарағанда өзге түрде белгіленген және (немесе) Еуразиялық экономикалық одақ туралы Шарттың (бұдан әрі – Одақ туралы Шарт) 46, 47, 48, 49 және 50-баптарға сәйкес белгіленген тауарларға қатысты тыйым салулар мен шектеулерді және (немесе) ішкі нарықты қорғау шараларын қолдану мүмкіндігін көрсететін белгілерді анықтаған жағдайда тауарларды шығарудан бас тарту туралы электрондық құжатты жолдау жолымен тауарларды шығарудан бас тартуды жүзеге асырады.

Кодекстің 195-бабына сәйкес тауарларды шығарған кезде кедендік, өзге де құжаттарды және (немесе) мәліметтерді тексеру Кодекстің 410-бабының 14, 15, 16, 17, 18, 19 және 20-тармақтарына сәйкес тауарларды шығарғаннан кейін аяқталады;

2) кедендік сараптама жүргізуге байланысты тәуекелдердің алдын алу және барынша азайту бойынша ұсынымдар болған кезде, УЛА Кодекстің 54-тарауына сәйкес кедендік сараптаманы тағайындайды және ақпараттық жүйе арқылы кедендік сараптаманы жүргізу үшін ТД-ның 33-бағанында мәлімделген мәліметтерді растайтын декларацияланатын тауарлардың үлгілерін ұсыну қажеттілігі туралы декларантқа және (немесе) кеден өкіліне сұрау салуды жолдайды.

Кедендік сараптама жүргізу үшін тауарлардың сынамаларын және (немесе) үлгілерін іріктеп алу кедендік, көліктік (тасымалдау), коммерциялық және өзге де құжаттарды, мұндай тауарлардың сәйкестендіру құралдары мен құжаттарын алу Кодекстің 471-бабына сәйкес жүзеге асырылады.

Егер кедендік сараптама Кодекстің 193-бабында көзделген тауарларды шығару мерзімінде аяқталған жағдайда, кедендік сараптама актісінің қорытындысы бойынша СЭҚ ТН бойынша мәлімделген сыныптау коды расталған кезде Кодекстің 193-бабына сәйкес тауарды шығаруды жүзеге асырады және «Бақылау нәтижесі» ұяшығында тиісті нәтижені таңдау арқылы ақпараттық жүйесінің «ТБЖ Бақылау» салымында бақылау нәтижесін енгізеді.

СЭҚ ТН бойынша мәлімделген сыныптау кодын растамаған кезде УЛА мынадай:

тауарларды сыныптау туралы шешімді қабылдайды, оған аумақтық кеден органының немесе кеденнің басшысы не оны алмастыратын адам қол қояды және мұндай шешім қабылданған күннен кейінгі бір жұмыс күнінен кешіктірмей декларантқа және кеден өкіліне ақпараттық жүйе арқылы тауарларды сыныптау туралы шешімнің қабылданғаны туралы хабарлайды және Еуразиялық экономикалық комиссиясы Алқасының 2013 жылғы 10 желтоқсандағы № 289 шешімінің 2-қосымшасында белгіленген нысан бойынша ТД-да мәлімделген мәліметтерге өзгерістер (толықтырулар) енгізу туралы талап қояды;

электрондық құжатты жолдау жолымен не қағаз тасымалдағышта кедендік декларацияда немесе қағаз тасымалдағышта берілген тауарларға арналған декларацияларды тапсырғанға дейін тауарларды шығару туралы өтініште тиісті белгіні қою жолымен Кодекстің 201-бабына сәйкес тауарды шығарудан бас тарту туралы шешім қабылдайды. Тауарларды шығарудан бас тартуды ресімдеген жағдайда мұндай бас тарту үшін негіз болып табылған барлық себептер көрсетіледі.

Егер кедендік сараптама Кодекстің 193-бабында белгіленген шығару мерзімінде аяқталмаған жағдайда, УЛА ақпараттық жүйе арқылы:

Кодекстің 196-бабына сәйкес тауарларды шығаруды жүргізу мүмкіндігі туралы декларантқа және (немесе) кеден өкіліне хабарлайды;

ЕЭК № 112 шешіміне сәйкес декларантқа және (немесе) кеден өкіліне ЕЭК № 112 шешіммен бекітілген нысан бойынша кедендік баждарды, салықтарды, арнайы, демпингке қарсы, өтемақы баждарын төлеу бойынша міндеттердің орындауын қамтамасыз ету мөлшерін есептеуді жолдайды.

Декларант және (немесе) кеден өкілі аталған кедендік баждарды, салықтарды, арнайы, демпингке қарсы, өтемақы баждарын төлеу бойынша міндеттердің орындауын қамтамасыз етуді енгізген жағдайда УЛА ақпараттық жүйе арқылы кедендік баждарды, салықтарды төлеу бойынша міндеттердің орындауын қамтамасыз етуді тіркеуді жүргізеді және кедендік сараптама аяқталғанға дейін тауарлардың шығаруын жүзеге асырады. Бұл ретте, декларантқа және (немесе) кеден өкіліне ақпараттық жүйе арқылы тауарларды шығару туралы хабарлама жолданады.

Мемлекеттік кірістер органы арнайы, демпингке қарсы, өтемақы баждарына қарағанда өзге түрде белгіленген және (немесе) Одақ туралы Шарттың 46, 47, 48, 49 және 50-баптарға сәйкес белгіленген тауарларға қатысты тыйым салулар мен шектеулерді және (немесе) ішкі нарықты қорғау шараларын қолдану мүмкіндігін көрсететін белгілерді анықтаған жағдайда тауарларды шығарудан бас тарту туралы электрондық құжатты жолдау жолымен тауарларды шығарудан бас тартуды жүзеге асырады.

Жүргізілген кедендік сараптаманың нәтижелері СЭҚ ТН сәйкес тауарларды сыныптау туралы шешімі қабылдау үшін тауарлар кодын айқындау мәселесі лауазымдық міндеттемелеріне кіретін құрылымдық бөлімшелерге тауарды сыныптау туралы шешім қабылдау үшін жолдайды;

3) тауарлардың кедендік жете тексеруін жүргізу кезінде УЛА ақпараттық жүйе арқылы жүргізу орны мен уақыты туралы хабарламаны декларантқа немесе кеден өкіліне жолдайды және Кодекстің 413-бабына сәйкес тауарлардың кедендік жете тексеруін жүргізу бойынша әрекеттерін жүзеге асырады.

Тауарлардың кедендік жете тексеруін жүргізу үшін УЛА ақпараттық жүйе арқылы лауазымды адамдары кедендік жете тексеруді жүзеге асыратын арнайы бөлімшеге (тексеріп қарау тобына) хабарламаны жолдайды.

Егер кедендік жете тексеру мерзімі Кодекстің 193-бабының 3-тармағында белгіленген тауарларды шығару мерзімінен асып кеткен жағдайда, тауарларды шығару мерзімі кедендік жете тексеруді аяқтау үшін қажетті, алайда Кодекстің 193-бабының 6-тармағында белгіленген мерзімнен аспайтын уақытқа ұзартылады.

Кедендік жете тексеру актілерінің нәтижелері бойынша СЭҚ ТН бойынша мәлімделген сыныптау кодын растаған кезде УЛА:

Кодекстің 193-бабына сәйкес тауарды шығаруды жүзеге асырады және «Бақылау нәтижесі» ұяшығында тиісті нәтижені таңдау арқылы ақпараттық жүйесінің «ТБЖ Бақылау» салымында бақылау нәтижесін енгізеді;

СЭҚ ТН бойынша мәлімделген сыныптау кодын растамаған кезде УЛА Қағидалардың 6-тармағының 2) тармақшасының бірінші және екінші бөліктеріне сәйкес іс-қимылды жүзеге асырады және:

тауарларды сыныптау туралы шешімді қабылдайды, оған аумақтық кеден органының немесе кеденнің басшысы немесе оны алмастыратын адам қол қояды және мұндай шешім қабылданған күннен кейінгі бір жұмыс күнінен кешіктірмей декларантқа және кеден өкіліне ақпараттық жүйе арқылы тауарларды сыныптау туралы шешімнің қабылданғаны туралы хабарлайды және Кодекстің 183-бабына сәйкес ТД-да мәлімделген мәліметтерге өзгерістер (толықтырулар) енгізу туралы талап қояды;

тауарларды шығарудан бас тарту туралы электрондық құжатты жолдау жолымен Кодекстің 201-бабына сәйкес тауарды шығарудан бас тарту туралы шешім қабылдайды.

4) кедендік тексеру түрінде барынша азайту бойынша шараларды тағайындаған жағдайда УЛА ақпараттық жүйе арқылы Кодекстің 193-бабының 1-тармағында белгіленген мерзімде декларантқа немесе кеден өкіліне жүргізу орны мен уақыты туралы хабарламаны жолдайды және ақпараттық жүйеге тиісті жазбаларды жүзеге асырады. Бұл ретте, тауарларды шығару Кодекстің 195-бабының 2-тармағына сәйкес кедендік баждарды, салықтарды, арнайы, демпингке қарсы, өтемақы баждарын төлеу бойынша міндеттердің орындауын қамтамасыз етуді ұсынусыз жүзеге асырылады.

7. Тауарларды сыныптаудың дұрыстығын тексеруді Кодекстің 410, 411, 416, 417 және 418-баптарыңа сәйкес тауарларды шығарғаннан кейін кедендік бақылау жүргізу шеңберінде мемлекеттік кірістер органдары жүзеге асырады.

7-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

Тауарлар шығарылғаннан кейін СЭҚ ТН бойынша тауарлардың дұрыс сыныпталуына тексеруді лауазымдық міндеттеріне тауарлар шығарылғаннан кейін кедендік бақылау мәселесі кіретін мемлекеттік кірістер органдарының құрылымдық бөлімшесі жүргізеді.

 8. Тауарларды шығарғаннан кейін СЭҚ ТН бойынша тауарларды сыныптаудың дұрыстығын тексеру декларант немесе кеден өкілі табыс ететін құжаттардағы ақпараттарды басқа дерек көздерінен, оның ішінде Кодексті және Еуразиялық экономикалық одақтың Кеден кодексін бұзу мүмкіндіктеріне көрсететін тәуекелдерді басқару жүйесін пайдаланумен алынған ақпаратпен салыстыру жолымен жүзеге асырылады.     

 9. СЭҚ ТН бойынша тауарды сыныптау бойынша кедендік бақылауды аяқтау үшін шығарғанға дейін сұрау салынған құжаттар мен мәліметтер тауарлар шығарылғаннан кейін декларант немесе кеден өкілі кедендік декларацияны тіркеген күннен бастап күнтізбелік 60 (алпыс) күннен аспайтын мерзімде табыс етілуі мүмкін.   

10. СЭҚ ТН сәйкес тауарларды сыныптау туралы шешім қабылдау үшін лауазымдық міндеттеріне тауарлардың кодын айқындау мәселесі кіретін мемлекеттік кірістер органдарының құрылымдық бөлімшесі тауарды дұрыс емес сыныптау фактін анықтаған кезде сұрау салынған қосымша құжаттар мен мәліметтер ұсынылған күннен бастап күнтізбелік 30 (отыз) күннен кешіктірмей осы бұйрыққа 2-қосымшаға сәйкес нысан бойынша тауарларды сыныптау туралы шешім қабылдайды.

10-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

Тауарды сыныптау туралы шешім екі данада ресімделеді және оған аумақтық кеден органының немесе кеденнің басшысы не оны алмастыратын адам қол қояды.

Тауарларды сыныптау туралы шешімнің бір данасы оған қол қойылған күннен бастап 1 (бір) жұмыс күнінен кешіктірмей тауарларды шығарғаннан кейін кедендік бақылауды жүргізуге жауапты мемлекеттік кірістер органдарының құрылымдық бөлімшесіне жіберіледі, ол тексеру актісімен бірге тексерілетін тұлғаға жіберіледі (табыс етіледі).

Екінші дана тауарларды сыныптаудың дұрыстығына жауапты бөлімшеде қалады.

11. Тауарлар шығарылғаннан кейін СЭҚ ТН бойынша тауарларды сыныптау бойынша кедендік бақылауды жүргізу үшін қажетті құжаттар мен (немесе) мәліметтерге мемлекеттік кірістер органдарының сұрау салуы және алуы Кодекстің 426-бабының нормаларына сәйкес жүзеге асырылады.  

12. Тауарлар шығарылғаннан кейін кедендік бақылау жүргізуге жауапты мемлекеттік кірістер органдарының құрылымдық бөлімшесі СЭҚ ТН сәйкес тауарларды сыныптау туралы шешім қабылдау үшін лауазымдық міндеттеріне тауарлардың кодын айқындау мәселесі жататын мемлекеттік кірістер органдарының құрылымдық бөлімшесіне тауарға арналған декларациялардың және оларға құжаттардың көшірмелерін, сондай-ақ кедендік тексеру барысында белгілі болған, негізгі техникалық сипаттаманы, тауардың коммерциялық сипаттамасын растайтын ақпаратарды және СЭҚ ТН бойынша тауардың жаңа кодын айқындау үшін өзге де ақпараттарды қоса отырып жолдайды.

12-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

СЭҚ ТН сәйкес тауарларды сыныптау туралы шешім қабылдау үшін лауазымдық міндеттеріне тауарлардың кодын айқындау мәселесі кіретін мемлекеттік кірістер органдарының құрылымдық бөлімшесі сұрау салуды алған күннен бастап күнтізбелік 10 (он) күннен кешіктірмей осы бұйрыққа 2-қосымшаға сәйкес нысан бойынша тауарды сыныптау туралы шешім қабылдайды.

13. Тауарды сыныптау туралы шешім кедендік мақсаттар үшін қажетті ТД және құжаттарды сақтау тәртібін айқындайтын белгіленген талаптарға сәйкес ТД-мен бірге сақтауға жатады.

13-тармақ жаңа редакцияда жазылды ҚР Премьер-Министрінің Бірінші орынбасары - ҚР Қаржы министрінің 18.02.2020 жылғы № 163 Бұйрығына сәйкес (02.04.2019 ж. редакцияны қараңыз)(өзгерту 06.03.2020 жылдан бастап қолданысқа енгізіледі)

Тауарларды сыныптау туралы шешіммен келіспеген жағдайда декларант (немесе) кеден өкілі жоғары тұрған уәкілетті органға немесе сотқа жүгінеді.

	
		
		
	
	

		

			

			
1. Тауарды сыныптау туралы шешімді қабылдаған мемлекеттік кірістер органының атауы:  
			
			

			
2. Декларант: 
			
		
		

			

			
3. Тіркеу нөмірі: РКТ-XXXXXXXX-YY/ZZZZZZ _______ жылғы «__»____».
			
			

			
4. ТД-ның 31-бағанына сәйкес тауардың атауы: 
			
		
		

			

			
5. Тауарға арналған декларациядағы Еуразиялық экономикалық одағының  

			
Сыртқы экономикалық қызметінің тауар номенклатурасына сәйкес тауардың мәлімделген коды:  
			
			

			
6. Тауарға арналған декларациядағы Еуразиялық экономикалық одағының Сыртқы экономикалық қызметінің тауар номенклатурасына сәйкес тауардың қабылданған коды: 
			
		
		

			

			
7. Тауар туралы мәлімет, тауардың сипаттамасы: 
			
		
		

			

			
8. Тауарды сыныптау туралы шешімді қабылдаудың негіздемесі (ұсынылған тауарларға ілеспе құжаттар, кеден зертханасының кедендік сарапшысының қорытындысы, не тауарларға тәуелсіз сараптаманы жүзеге асыратын аккредиттелген сынақ зертханасының тауарды зерттеу нәтижелері туралы актісі (анықтамасы), тауарды қарап тексеру/жете тексеру актісі):  

			
1) Шешім ОПИ-ге сәйкес қабылданды _________  

			
2) ________ жылғы________ №_____ <*> қорытынды  
			
		
		

			

			
9. Қызметтік белгілер үшін (нормативтік құқықтық актілерге сілтеме, мемлекеттік кірістер органының шешімі, тауарларға арналған декларацияның нөмірі, іске қосылған тәуекел бейіні туралы ақпарат): 

			
1) № _______________ ТД бойынша № _____ тауар  

			
2) ЕАЭО СЭҚ ТН бойынша мәлімделген тауар коды ____________ 

			
3) Қосымша парақтардың саны ______  

			
4) Қосымшалардың саны ______  

			
5) Шешім 40-баптың 3-тармағаның 1) тармақшасына сәйкес жүргізілген тексерулердің негізінде қабылданды <*> 
			
		
		

			

			
10. Мемлекеттік кірістер органының басшысы немесе оны алмастыратын тұлға: ________________________________________ ________________ тегі, аты, әкесінің аты (ол болған кезде) (қолы) Орындаушы:____________ ____________________ ________________ (лауазымы) тегі, аты, әкесінің аты (ол болған кезде) (қолы)  
			
		
	

«Тауарды сыныптау туралы шешімді қабылдаған мемлекеттік кірістер органының атауы» деген 1-бағанда.

Мемлекеттік кірістер органының толық атауы көрсетіледі.

«Декларант» деген 2-бағанда декларант туралы мәлімет көрсетіледі:

ұйым үшін – атауы, оның ұйымдастыру-құқықтық нысаны және орналасқан жері, көшесі, үйінің және пәтерінің нөмірі; бизнес – сәйкестендіру нөмірі (бұдан әрі – БСН);

дара кәсіпкер үшін – тегі, аты, әкесінің аты (ол болған кезде) және оның тұрғылықты жері, көшесі, үйінің және пәтерінің нөмірі; жеке сәйкестендiру нөмiрі (бұдан әрі – ЖСН);

дара кәсіпкер болып табылмайтын жеке тұлға үшін - тегі, аты, әкесінің аты (ол болған кезде) және оның тұрғылықты жері, көшесі, үйінің және пәтерінің нөмірі, сондай-ақ жеке басын куәландыратын құжат туралы мәлімет (құжаттың нөмірі, берілген күні), ЖСН.

«Тіркеу нөмірі» деген 3-бағанда мынадай түрде тіркеу журналында тауарды сыныптау туралы шешімнің тіркеу нөмірі және ЕАЭО СЭҚ ТН бойынша тауарларды сыныптау туралы шешімдерді есепке алу көрсетіледі:

ТЖШ-XXXXXXXX-YY/ZZZZZZ, мұнда ТЖШ - «Тауарды сыныптау туралы шешім» аббревиатурасы,

XXXXX – шешімді қабылдаған мемлекеттік кірістер органының коды, YY – шешім қабылданған жылдың соңғы цифрлары, ZZZZZZ – тіркеу журналы бойынша шешімнің реттік нөмірі.

«тіркеу күнінде» сыныптау бойынша шешім қабылданған күн көрсетіледі.  

«Тауардың атауы» деген 4-бағанда тауардың атауы (сауда, коммерциялық немесе өзге де дәстүрлі атауы) көрсетіледі, мәліметтер ТД-ның 31-бағанынан алынады.  

«Тауарларға арналған декларацияларда Еуразиялық экономикалық одағының сыртқы экономикалық қызметінің тауар номенклатурасына сәйкес тауардың мәлімделген коды» деген 5-бағанда ТД-дағы тауардың мәлімделген коды көрсетіледі.

«ЕАЭО СЭҚ ТН бойынша тауар коды» деген 6-бағанда үлгі бойынша цифрлық белгілеудің 4 және 5, 6 және 7, 9 және 10 белгілерінің арасында бос орын қалдырумен ЕАЭО СЭҚ ТН бойынша тауардың он мәнді түзетілген цифрлық коды көрсетіледі: XXXX XX XXX X.

«ЕАЭО СЭҚ ТН бойынша тауарды сыныптау үшін қажетті тауар туралы мәлімет» деген 7-бағанда тауардың сипаттамасы, сондай-ақ оны сәйкестендіру үшін қажетті және ЕАЭО СЭҚ ТН-ның тиісті кіші субпозицияда сыныптауға әсер ететін ақпарат көрсетіледі.

«ЕАЭО СЭҚ ТН бойынша тауарды сыныптау туралы шешімді қабылдаудың негіздемесі» деген 8-бағанда.

1) ЕАЭО СЭҚ ТН бойынша тауарларды түсіндіру қағидалары көрсетіледі, оларға сәйкес тауарларды сыныптау туралы шешім қабылданған.

2) егер сыныптау туралы шешім қабылдау үшін негіздеме сараптамалық ұйымда зерттеудің нәтижесінде алынған ақпарат болып табылса, онда бұл бағанда: Қорытынды (сараптамалық ұйымның атауы және қорытынды берілген күн) көрсетіледі.  

«Қызметтік белгілер үшін» деген 9-бағанда:

 1) ТД бойынша тауардың реттік нөмірі және шешім қабылданған ТД нөмірі көрсетіледі. Тек тауардың бір бөлігіне қатысты ғана шешім қабылданған жағдайда «тауардың бөлігі» ғана көрсетіледі. Бір сыныптау кодын көрсете отырып бір тауар партиясындағы әртүрлі атаулардағы тауарлардың бірін сыныптау бойынша шешім қабылданған жағдайда «тауар» көрсетіледі.    

Егер шешім қабылдаудың нәтижесінде ТД-да екі немесе одан да көп тауарлардың орнына біреуі ғана болған жағдайда, ЕАЭО СЭҚ ТН бойынша код өзгеріп отырған тауардың ТД-дағы реті бойынша біріншісінің нөмірі көрсетіледі;

2) ТД-да мәлімделген ЕАЭО СЭҚ ТН бойынша тауардың коды көрсетіледі.  

Егер Шешім қабылдаудың нәтижесінде ТД-дағы бірнеше тауарлардың орнына біреуі ғана болған жағдайда, Шешім қабылданғандарға қатысты өсу тәртібіне тауарлардың нөмірлеріне сәйкес ТД-да берілген ЕАЭО СЭҚ ТН кодтары көрсетіледі.  

3) қосымша парақтардың саны көрсетіледі (олар болмаған жағдайда «0» қойылады).

4) қосымшалардың саны көрсетіледі (олар болмаған жағдайда «0» қойылады).

5) мынадай: «Шешім 40-баптың 3-тармағының 1) тармақшасына сәйкес жүргізілген тексерудің негізінде қабылданды» деген жазба жасалынады.

«Мемлекеттік кірістер органының басшысы» деген 10-бағанда мыналар:  

мемлекеттік кірістер органы басшысының тегі, аты, әкесінің аты (ол болған жағдайда) көрсетіледі;

электрондық қолы.

«Мемлекеттік кірістер органының лауазымды тұлғасының қолы» көрсетіледі:

тауарды сыныптау туралы шешімге қол қойған адамның тегі, аты, әкесінің аты (ол болған кезде) көрсетіледі;

электрондық қолы.