Документ на казахском языке

Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидаларын бекіту туралы Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 26 қазандағы № 436 бұйрығы. Қазақстан Республикасының Әділет министрлігінде 2018 жылғы 15 қарашада № 17741 болып тіркелді

Редакция 28.05.2024 жылы берілген өзгерістер мен толықтырулармен

«Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасы Заңының 6-бабы 1-тармағының 41) тармақшасына, «Мемлекеттік көрсетілетін қызметтер туралы» Қазақстан Республикасы Заңының 10-бабы 1) тармақшасына және «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

1. Қоса беріліп отырған Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидалары бекітілсін

2. Мыналардың:

1) «Кредиттер және технологиялық жабдықтың, ауыл шаруашылығы малын сатып алудың лизингі, сондай-ақ ауыл шаруашылығы техникасының лизингі бойынша сыйақы мөлшерлемелерін субсидиялау қағидаларын бекіту туралы» Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 1 ақпандағы № 50 бұйрығының (Нормативтік құқықтық актілерді мемлекеттік тіркеу тізілімінде № 14815 болып тіркелген, 2017 жылғы 2 наурызда Қазақстан Республикасы Нормативтік құқықтық актілерінің эталондық бақылау банкінде жарияланған);

2) «Кредиттер және технологиялық жабдықтың, ауыл шаруашылығы малын сатып алудың лизингі, сондай-ақ ауыл шаруашылығы техникасының лизингі бойынша сыйақы мөлшерлемелерін субсидиялау қағидаларын бекіту туралы» Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 1 ақпандағы № 50 бұйрығына өзгеріс енгізу туралы» Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 1 маусымдағы № 233 бұйрығының (Нормативтік құқықтық актілерді мемлекеттік тіркеу тізілімінде № 17205 болып тіркелген, 2018 жылғы 1 тамызда Қазақстан Республикасы Нормативтік құқықтық актілерінің эталондық бақылау банкінде жарияланған) күші жойылды деп танылсын.

3. Қазақстан Республикасы Ауыл шаруашылығы министрлігінің Инвестициялық саясат департаменті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық мемлекеттік тіркелген күннен бастап күнтізбелік он күн ішінде оның ресми жариялау және Қазақстан Республикасы Нормативтік құқықтық актілерінің эталондық бақылау банкіне енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберілуін;

3) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

4) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын;

5) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Ауыл шаруашылығы министрлігінің Заң қызметі департаментіне осы тармақтың 1), 2), 3) және 4) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.

4. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

5. Осы бұйрық 2019 жылғы 1 қаңтардан бастап қолданысқа енгізіледі.

Қазақстан Республикасы Премьер-Министрінің орынбасары – Қазақстан Республикасының Ауыл шаруашылығы министрі Ө. Шөкеев

«КЕЛІСІЛДІ» Қазақстан Республикасы Ақпарат және коммуникациялар министрлігі

«КЕЛІСІЛДІ» Қазақстан Республикасы Қаржы министрлігі

«КЕЛІСІЛДІ» Қазақстан Республикасы Ұлттық экономика министрлігі

Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2018 жылғы 26 қазандағы № 436 бұйрығымен бекітілген

Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидалары

1-тарау. Жалпы ережелер

1. Осы Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидалары (бұдан әрі – Қағидалар) «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасы Заңының 6-бабы 1-тармағының 41) тармақшасына, «Мемлекеттік көрсетілетін қызметтер туралы» Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабы 1) тармақшасына және «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес әзірленді және агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін тиісті қаржы жылына арналған бюджетте көзделген қаражат есебінен және шегінде субсидиялау тәртібін айқындайды.

Өткен жылдардың төленбеген міндеттемелері бюджетте міндеттемелерден бос қаражат болған жағдайда, ағымдағы жылдың қаражаты есебінен төленеді.

2. Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялаудың негізгі мақсаты агроөнеркәсіптік кешен (бұдан әрі – АӨК) субъектілері үшін қаржылық көрсетілетін қызметтердің қолжетімділігін арттыру болып табылады.

3. Осы Қағидаларда мынадай негізгі ұғымдар пайдаланылады:

1) агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдықтарын сатып алуға арналған лизинг кезінде сыйақы мөлшерлемелерін субсидиялау шарты (бұдан әрі-субсидиялау шарты) - қарыз алушы, субсидиялар қаражатын бөлу жөніндегі жұмыс органы (көрсетілетін қызметті беруші) мен қаржы институты арасында қағаз немесе электрондық түрде жасалатын, тәртіп пен шарттарды көздейтін жазбаша келісім субсидияларды аудару, тараптардың жауапкершілігі;

2) «Азаматтарға арналған үкімет» мемлекеттік корпорациясы (бұдан әрі – Мемлекеттік корпорация) - Қазақстан Республикасының заңнамасына сәйкес мемлекеттік қызметтер көрсету, мемлекеттік қызметтер көрсетуге өтініштерді қабылдау және олардың нәтижелерін көрсетілетін қызметті алушыға «бір терезе» қағидаты бойынша беру жөніндегі жұмысты ұйымдастыру, мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға электрондық нысанда көрсетілетін қызметтер;

3) арнайы шот – осы Қағидалардың шарттарына сәйкес субсидиялар сомалары есептелетін қаржы институтының екінші деңгейдегі банктегі шоты;

4) ауыл шаруашылығы жануарлары (бұдан әрі – жануарлар) – адам өсіретін ауыл шаруашылығы өндірісіне тікелей қатысы бар жануарлардың, құстардың, балықтар мен аралардың барлық түрлері;

5) бағдарлама – агроөнеркәсіптік кешен субъектілерін қаржы институттары (көрсетілетін қызметті алушылар) кредиттеу және лизинг кезінде сыйақы мөлшерлемелерін тікелей субсидиялау бағдарламасы;

6) дербес шот – субсидиялауға арналған өтінімдерді тіркеу және олар бойынша операцияларды есепке алу мақсатында тіркелген тұлғаны сәйкестендіруге мүмкіндік беретін субсидиялауға арналған өтінімдердің электрондық тізіліміндегі жазбалар жиынтығы;

7) жеке кабинет – субсидиялауға арналған өтінімдердің электрондық тізіліміндегі пайдаланушының (қарыз алушының (көрсетілетін қызметті алушының), қаржы институтының (көрсетілетін қызметті алушының), субсидиялар қаражатын бөлу жөніндегі жұмыс органының (көрсетілетін қызметті берушінің) дербес веб-парағы;

8) көктемгі егіс және егін жинау жұмыстарын жүргізуге арналған қарыз шарты - қаржы институты (көрсетілетін қызметті алушы) мен қаржы институты (көрсетілетін қызметті алушы) талаптары бойынша кредит беретін қарыз алушы/тікелей қарыз алушы арасында жасалған шарт;

9) көктемгі егіс және егін жинау жұмыстарына кредит беру кезіндегі қарыз алушы - қаржы институтымен (көрсетілетін қызметті алушымен) көктемгі егіс және егін жинау жұмыстарын жүргізуге қарыз шартын жасасқан жеке немесе заңды тұлға, дара кәсіпкер (оның ішінде шаруа (фермер) қожалығы);

10) көктемгі егіс және егін жинау жұмыстарына кредит беру кезіндегі сыйақының жеңілдікті мөлшерлемесі – қарызды пайыздық мәнде пайдаланғаны үшін қаржы институтына (көрсетілетін қызметті алушыға) тиесілі, қарыз алушы мен түпкілікті қарыз алушы көктемгі егіс және егін жинау жұмыстарын жүргізуге арналған қарыз шарты бойынша төлейтін төлем;

11) кредит/лизинг – қарыз алушыға белгілі бір ақыға және белгілі бір шарттарда қаржы лизингі шарты бойынша бір жылдан астам мерзімге уақытша иеленуге және пайдалануға берілетін қарыз шарты бойынша ақылылық, мерзімділік, қайтарымдылық, қамтамасыз етілу шарттарында берілетін ақшалай қаражат/жылжымалы/жылжымайтын мүлік;

12) кредиттік серіктестік (бұдан әрі – КС) – жеке және (немесе) заңды тұлғалар өз қатысушыларының кредиттерге және басқа да қаржылық, оның ішінде банктік қызметтерге қажеттіліктерін қанағаттандыру үшін, олардың ақшасын шоғырландыру жолымен және Қазақстан Республикасының заңнамасында тыйым салынбаған басқа да көздер есебінен құрған заңды тұлға;

13) қаржы институттары - Қазақстанның Даму Банкі, екінші деңгейдегі банктер, қазақстандық қаржы институттары, банк операцияларын жүзеге асыру құқығына лицензиялары бар кредиттік ұйымдар, сондай-ақ агроөнеркәсіптік кешен саласындағы лизингтік компаниялар мен кредиттік серіктестіктер арқылы банк операцияларын жүргізетін шетелдік және халықаралық қаржы институттары;

14) қаржы институттары (көрсетілетін қызметті алушылар) – дауыс беретін акцияларының жүз пайызы тікелей немесе жанама түрде Ұлттық басқарушы холдингке тиесілі банк операцияларын жүзеге асыру құқығына лицензиясы бар екінші деңгейдегі банктер, кредиттік ұйымдар;

15) қаржы институттарының, агроөнеркәсіптік кешен субъектілерінің кредиттеуі және лизингі кезінде сыйақы мөлшерлемелерін тікелей субсидиялау шарты (бұдан әрі – тікелей субсидиялау шарты) – Қазақстан Республикасының Ауыл шаруашылығы министрлігі (бұдан әрі - Министрлік) мен қаржы институты (көрсетілетін қызметті алушы) арасында субсидиялар қаражатын сұрау салу және алу үшін электрондық түрде жасалатын, тәртібі мен талаптарын көздейтін жазбаша келісім субсидияларды аудару, тараптардың жауапкершілігі;

16) қарыз алушы (көрсетілетін қызметті алушы) – қаржы институтымен қарыз шартын жасасқан және осы Қағидаларға 1-қосымшаға сәйкес ауыл шаруашылығы өнімін өндіру және (немесе) қайта өңдеу саласындағы басым жобалар бойынша кредиттеуге және қаржы лизингіне арналған тауарлардың тізбесіне сәйкес қызметті жүзеге асыратын жеке немесе заңды тұлға, дара кәсіпкер (оның ішінде шаруа (фермер) қожалығы), сондай-ақ ауыл шаруашылығы өнімін өндіру және (немесе) қайта өңдеу саласындағы 1, 3 - және 4 - тармақтарға (Экономикалық қызмет түрлерінің жалпы жіктеуішінің коды 1107) Басым жобаларды кредиттеу және қаржы лизингі тетігіне 2-қосымшаға сәйкес Агроөнеркәсіптік кешенде және өңдеу өнеркәсібінде қайта өңдеу және өндіру жөніндегі экономика салаларының тізбесінің және 1, 2, 3, 4, 5, 6, 7- тармақтар және 4-қосымшаға сәйкес экономиканың негізгі (басым) секторларының тізбесі басым жобаларды кредиттеу және қаржы лизингі тетігіне сәйкес;

17) қарыз шарты – қаржы институты мен қарыз алушы (көрсетілетін қызметті алушы) арасында жасалған шарт, оның талаптары бойынша қаржы институты кредит/лизинг, сондай-ақ исламдық қаржыландыру қағидаттарында жасалған шарт береді;

18) субсидиялар қаражатын бөлу жөніндегі жұмыс органы (бұдан әрі – жұмыс органы (көрсетілетін қызметті беруші)) – облыстардың, республикалық маңызы бар қалалардың және астананың жергілікті атқарушы органдарының ауыл шаруашылығы саласындағы функцияларды іске асыратын құрылымдық бөлімшесі;

19) субсидиялауға арналған өтінім – қаржы институтының қарыз алушының (көрсетілетін қызметті алушының)қарыз шарты бойынша сыйақы мөлшерлемесінің субсидияланатын бөлігін төлеуге арналған қағаз немесе электрондық өтінімі;

20) субсидиялауға арналған өтінімдердің электрондық тізілімі – субсидиялауға арналған өтінімдер туралы, сондай-ақ қарыз алушылар (көрсетілетін қызметті алушылар), қаржы институттар, қаржы институттары (көрсетілетін қызметті алушылар) туралы мәліметтер жиынтығы және субсидиялаудың мемлекеттік ақпараттық жүйесінде көрсетілген өзге де мәліметтер;

21) субсидиялаудың мемлекеттік ақпараттық жүйесі (бұдан әрі – СМАЖ) – «электрондық үкімет» веб-порталымен өзара іс-қимыл жасау, субсидиялар алуға өтінімді тіркеу, сондай-ақ оны автоматты түрде өңдеу мүмкіндігін беретін, субсидиялау процестерін орындау бойынша қызметтер көрсетуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдық-реттелген жиынтығы өтінімнің субсидиялау шарттарына сәйкестігін тексеру;

22) субсидиялаудың мемлекеттік ақпараттық жүйесінің веб-порталы (бұдан әрі-веб-портал) – субсидиялаудың мемлекеттік ақпараттық жүйесіне қол жеткізуді ұсынатын Интернет желісінде орналастырылған интернет-ресурс;

23) сыйақы мөлшерлемесі – қарызды пайыздық мәнде пайдаланғаны үшін қаржы институтына тиесілі төлем, оның ішінде исламдық қаржыландыру қағидаттарында жасалған қарыз шарты бойынша қарыз алушы (көрсетілетін қызметті алушы) төлейтін кірістілік мөлшерлемесі;

24) сыйақы мөлшерлемесін тікелей субсидиялау – агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдықтарын сатып алуға лизинг кезінде қаржы институттарына (көрсетілетін қызметті алушыларға) өтеусіз және қайтарымсыз негізде бюджет қаражатын бөлу;