Қаулы № 263 от 2018-10-29г./Қазақстан Республикасының Ұлттық Банк Басқармасы
Орталық депозитарий есептілігінің тізбесін, нысандарын, табыс ету мерзімдерін және оларды ұсыну қағидаларын бекіту туралы
Орталық депозитарий есептілігінің тізбесін, нысандарын, табыс ету мерзімдерін және оларды ұсыну қағидаларын бекіту туралы Қазақстан Республикасы Ұлттық Банкі Басқармасының 2018 жылғы 29 қазандағы № 263 қаулысы. Қазақстан Республикасының Әділет министрлігінде 2018 жылғы 28 қарашада № 17813 болып тіркелді
Осы Қаулы 2023 жылғы 1 қаңтардан бастап күшін жойды ҚР Ұлттық Банкі Басқармасының 19.12.2022 жылғы № 118 Қаулысына сәйкес
Редакция 26.03.2021 жылғы жағдай бойынша өзгерістер мен толықтырулармен
«Қазақстан Республикасындағы банктер және банк қызметі туралы» 1995 жылғы 31 тамыздағы, «Бағалы қағаздар рыногы туралы» 2003 жылғы 2 шілдедегі, «Қаржы нарығы мен қаржы ұйымдарын мемлекеттiк реттеу, бақылау және қадағалау туралы» 2003 жылғы 4 шілдедегі, «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес және Қазақстан Республикасының нормативтік құқықтық актілерін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Мыналар:
1) осы қаулыға 1-қосымшаға сәйкес орталық депозитарий есептілігінің тізбесі;
2) осы қаулыға 2-қосымшаға сәйкес клиенттердің шоттары туралы есептің нысаны;
3) осы қаулыға 3-қосымшаға сәйкес орталық депозитариймен ерекше қатынастармен байланысты тұлғалармен есепті тоқсан ішінде жасалған, сондай-ақ есепті күнге қолданыстағы мәмілелер туралы есептің нысаны және орталық депозитариймен ерекше қатынастармен байланысты тұлғалар тізілімі;
4) осы қаулыға 4-қосымшаға сәйкес бағалы қағаздардың қайталама нарығында Қазақстан Республикасының мемлекеттік бағалы қағаздарымен операциялар туралы есептің нысаны;
5) осы қаулыға 5-қосымшаға сәйкес экономика секторлары мен шағын секторлары бойынша Қазақстан Республикасының мемлекеттік бағалы қағаздарымен операциялар туралы есептің нысаны;
6) осы қаулыға 6-қосымшаға сәйкес экономика секторлары және шағын секторлары бойынша орталық депозитарийдің есепке алу жүйесінде мемлекеттік емес бағалы қағаздармен жүргізілген операциялар туралы есептің нысаны;
7) осы қаулыға 7-қосымшаға сәйкес Қазақстан Республикасы Ұлттық Банкінің қысқа мерзімді ноттарын ұстаушылар туралы есептің нысаны;
8) осы қаулыға 8-қосымшаға сәйкес жергілікті атқарушы органдардың бағалы қағаздарымен операциялар туралы есептің нысаны;
9) осы қаулыға 9-қосымшаға сәйкес Қазақстан Республикасының бейрезиденттерінің негізгі шоттарындағы Қазақстан Республикасының Қаржы министрлігі бағалы қағаздарының қалдықтары туралы есептің нысаны;
10) осы қаулыға 10-қосымшаға сәйкес орталық депозитарийдің депоненттері туралы есептің нысаны;
11) осы қаулыға 11-қосымшаға сәйкес депоненттер мен олардың клиенттері туралы есептің нысаны;
12) осы қаулыға 12-қосымшаға сәйкес орталық депозитарийдің номиналды ұстауындағы бағалы қағаздар туралы есептің нысаны;
13) осы қаулыға 13-қосымшаға сәйкес шет мемлекеттің заңнамасына сәйкес шығарылған, орталық депозитарийдің номиналды ұстауындағы бағалы қағаздар туралы есептің нысаны;
14) осы қаулыға 14-қосымшаға сәйкес инвестициялық қорлардың пайларын (акцияларын) ұстаушылар саны туралы есептің нысаны;
15) осы қаулыға 15-қосымшаға сәйкес орталық депозитарийдің номиналды ұстауындағы қаржы құралдарымен мәмілелер туралы есептің нысаны;
16) осы қаулыға 16-қосымшаға сәйкес Қазақстан Республикасының мемлекеттік бағалы қағаздарымен операциялар туралы есептің нысаны;
17) осы қаулыға 17-қосымшаға сәйкес қаржы құралдарын аудару бойынша операциялар туралы есептің нысаны;
18) осы қаулыға 18-қосымшаға сәйкес бағалы қағаздарды ұстаушылар тізілімінің жүйесін жүргізу бойынша қызметтің қорытындылары туралы есептің нысаны;
19) осы қаулыға 19-қосымшаға сәйкес эмитенттердің дауыс беретін акциялары туралы есептің нысаны;
20) осы қаулыға 20-қосымшаға сәйкес акция ұстаушылар тізілімі туралы есептің нысаны;
21) осы қаулыға 21-қосымшаға сәйкес орталық депозитарийдің есептілікті ұсыну қағидалары бекітілсін.
2. Осы қаулыға 22-қосымшаға сәйкес Қазақстан Республикасы Ұлттық Банкі Басқармасының кейбір қаулыларының күші жойылды деп танылсын.
3. Орталық депозитарий Қазақстан Республикасының Ұлттық Банкіне электрондық форматта:
3-тармақ жаңа редакцияда жазылды ҚР Ұлттық Банкі Басқармасының 22.02.2021 жылғы № 11 Қаулысына сәйкес (29.10.2018 ж. редакцияны қараңыз) (өзгерту 26.03.2021 жылдан бастап қолданысқа енгізіледі)
1) апта сайын - осы қаулының 1-тармағының 16) тармақшасында көзделген есептілікті есепті аптадан кейінгі үшінші жұмыс күніне дейінгі мерзімде;
2) ай сайын - осы қаулының 1-тармағының 11) тармақшасында көзделген есептілікті есепті айдан кейінгі айдың бесінші жұмыс күніне дейінгі мерзімде;
4) ай сайын - осы қаулының 1-тармағының 20) тармақшасында көзделген есептілікті есепті айдан кейінгі айдың жиырмасыншы күніне дейінгі мерзімде;
5) тоқсан сайын - осы қаулының 1-тармағының 9), 12), 13) және 14) тармақшаларында көзделген есептілікті есепті тоқсаннан кейінгі айдың бесінші жұмыс күніне дейінгі мерзімде;
6) тоқсан сайын - осы қаулының 1-тармағының 2) және 3) тармақшаларында көзделген есептілікті есепті тоқсаннан кейінгі айдың жиырмасыншы күніне дейінгі мерзімде;
7) тоқсан сайын - осы қаулының 1-тармағының 17) және 18) тармақшаларында көзделген есептілікті есепті тоқсаннан кейінгі айдың отызыншы күніне дейінгі мерзімде ұсынады.
4. Банктік емес қаржы ұйымдарын реттеу департаменті (Көшербаева А.М.) Қазақстан Республикасының заңнамасында белгіленген тәртіппен:
1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;
2) осы қаулы мемлекеттік тіркелген күннен бастап күнтізбелік он күн ішінде оны қазақ және орыс тілдерінде «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберуді;
3) осы қаулыны ресми жарияланғаннан кейін Қазақстан Республикасы Ұлттық Банкінің ресми интернет-ресурсына орналастыруды;
4) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2), 3) тармақшаларында және 5-тармағында көзделген іс-шаралардың орындалуы туралы мәліметтерді ұсынуды қамтамасыз етсін.
5. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.
6. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ж.Б. Құрмановқа жүктелсін.
7. Осы қаулы 2019 жылғы 1 қаңтардан бастап қолданысқа енгізіледі.
Ұлттық Банк Төрағасы Д. Ақышев
«КЕЛІСІЛДІ» Қазақстан Республикасының Ұлттық экономика министрлігі Статистика комитетінің Төрағасы ______________ Н. Айдапкелов 2018 жылғы «___» _____________
Қазақстан Республикасы Ұлттық Банкі Басқармасының 2018 жылғы 29 қазандағы № 263 қаулысына 1-қосымша
Орталық депозитарий есептілігінің тізбесі
Орталық депозитарий есептілігінің тізбесіне мыналар кіреді:
1) клиенттердің шоттары туралы есеп;
2) орталық депозитариймен ерекше қатынастармен байланысты тұлғалармен есепті тоқсан ішінде жасалған, сондай-ақ есепті күнге қолданыстағы мәмілелер туралы есеп және орталық депозитариймен ерекше қатынастармен байланысты тұлғалар тізілімі;
3) бағалы қағаздардың қайталама нарығында Қазақстан Республикасының мемлекеттік бағалы қағаздарымен операциялар туралы есеп;
Ссылка на абзац скопирована в буфер обмена
Ссылка на документ скопирована в буфер обмена
Документ добавлен в избранное
Комментарий удален
Закладка успешно добавлена
Закладка удалена
Закладка изменена
Функция доступна только для подписчиков системы
Чтобы оставить закладку, пожалуйста
Содержание
Русский
Комментарий успешно добавлен