Дәрілік заттарды қосымша беру туралы Қарағанды облыстық мәслихатының 2019 жылғы 28 ақпандағы № 398 шешімі. Қарағанды облысының Әділет департаментінде 2019 жылғы 5 наурызда № 5211 болып тіркелді.

"Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексіне, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес Қарағанды облысының мәслихаты ШЕШІМ ЕТТІ:

1. Азаматтардың жекелеген санаттарына амбулаториялық емдеу кезінде тегін дәрілік заттарды қосымша берілсін (рецепт бойынша):

"Инфликсимаб" - "Ойық жаралы колит, Крон ауруы" диагнозы бойынша;

"Олодатерол гидрохлориді/Тиотропия бромиді моногидрат" - "Өкпенің созылмалы обструктивті ауруы" диагнозы бойынша;

"Канакинумаб" - "Ювенильді идиопатиялық артрит" диагнозы бойынша;

"Көктамыр ішіне енгізу үшін G Иммуноглобулин (адамдық қалыпты)" - "Аутоиммундық аурулар және иммундық жетіспеушілік жағдайлар" диагнозы бойынша".

1-тармақ жаңа редакцияда - Қарағанды облыстық мәслихатының 02.07.2020 № 553 (28.02.2019 жылғы редакцияны қараңыз) шешімімен.(алғашқы ресми жарияланған күннен бастап қолданысқа енгізіледі)

2. Шешімнің орындалуын бақылау облыстық мәслихаттың халықты әлеуметтік-мәдени дамыту және әлеуметтік қорғау жөніндегі тұрақты комиссиясына жүктелсін (С.М. Әдекенов).

3. Осы шешім ресми жарияланған күннен бастап қолданысқа енгізіледі.

 
 Сессия төрағасы 
 
 Т. Тілемісов 
 
 
 Облыстық мәслихат хатшысы 
 
 С. Өтешов