Құрметті Берік Мажитұлы! 2000 жылы менің Өзбекстан Республикасына тұрмысқа шыққан апам денсаулығына байланысты Қызылорда облысына келіп босанған болатын. Бірақ сол кезде асығыс болғандықтан кейін келіп алармын деп туылған балаға туу туралы куәлік алынбаған болатын. Бірақ анасының қолында перзентханадан берілген анықтама бар. Қазір ол бала Өзбекстан Республикасында 9 сынып бітіргелі жатыр. Бірақ ешқандай құжат алынбаған. Анасы Қазақстан Республикасының азаматшасы. Сол баланың Қызылорда облысынан туу туралы куәлік алуына болады ма, болса кімге өтініш жасауға болады және қандай құжаттар қажет туу туралы куәлік алу үшін? Жауап бергендеріңізге алдын ала рахмет!
