Министерство национальной экономики Республики Казахстан ответ от (03.06.2016) на обращение от (30.05.2016) № 439598
Құрметті Қ.У. БИШІМБАЕВ мырза! Аудандық мәслихат аппараты өкілді орган болып есептеліп, мемлекеттік бюджет қаражаты есебінен ұсталынатын мемлекеттік мекеме, алайда аудандық мәслихат хатшылары «Б» корпусының қызметкерлеріне жатқызылмай, еңбекақылары 30%-ға көбейтілмей отыр? Аудандық мәслихат хатшыларының еңбекақысын төлеуде оларды саяси қызметшілер емес, әкімшілік қызметке теңестірілген деп ҚР Президентінің 2004 жылғы 17 қаңтардағы №1284 Жарлығымен бекітілген Республикалық мемлекеттік бюджет және Ұлттық Банкінің бюджеті есебінен қамтылған Қазақстан Республикасы органдарының қызметкерлеріне еңбекақы төлеудің біріңғай жүйесімен айқындалып төленіп келеді. Қазақстан Республикасы Президентінің 2014 жылғы 17 қаңтардағы Қазақстан халқына Жолдауына сәйкес, лауазымдық жалақы 1,3 мөлшерде жоғарылату коэффицентін белгілеу арқылы 2016 жылдың қаңтарынан бастап барлық бюджеттік сала қызметкерлері мен «Б» корпусы мемлекттік қызметкерлерінің жалақысы орташа алғанда 30%-ға және Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы Қазақстан Республикасы Үкіметінің 2015 жылғы 31 желтоқсандағы № 1193 Қаулысы негізінде еңбекақы көбейгені белгілі. Осы себепті Сізден, аудандық мәслихат аппараты бюджеттік мемлекеттік мекеме болып табылғандықтан аудандық мәслихат хатшыларының еңбекақысын қандай жүйеде есептеліп жүргізілетінін айқындап беруіңізді сұраймын.
