Қазақстан Республикасы Ұлттық Банкі Басқармасының кейбір қаулыларына есептілікті ұсыну мәселелері бойынша өзгерістер мен толықтырулар енгізу және Қазақстан Республикасы Ұлттық Банкі Басқармасының кейбір қаулыларының жекелеген нормаларының қолданылуын тоқтата тұру туралы Қазақстан Республикасы Ұлттық Банкі Басқармасының 2021 жылғы 22 ақпандағы № 11 қаулысы. Қазақстан Республикасының Әділет министрлігінде 2021 жылғы 9 наурызда № 22309 болып тіркелді

Қазақстан Республикасының «Қазақстан Республикасының Ұлттық Банкі туралы» 1995 жылғы 30 наурыздағы, «Сақтандыру қызметі туралы» 2000 жылғы 18 желтоқсандағы, «Бағалы қағаздар рыногы туралы» 2003 жылғы 2 шілдедегі, «Мемлекеттік статистика туралы» 2010 жылғы 19 наурыздағы, «Қазақстан Республикасында зейнетақымен қамсыздандыру туралы» 2013 жылғы 21 маусымдағы заңдарына сәйкес және Қазақстан Республикасының Ұлттық Банкі Басқармасының қаулыларын жетілдіру мақсатында Қазақстан Республикасы Ұлттық Банкі Басқармасы ҚАУЛЫ ЕТЕДІ:

1. Қазақстан Республикасы Ұлттық Банкі Басқармасының есептілікті ұсыну мәселелері бойынша өзгерістер мен толықтырулар енгізілетін кейбір қаулыларының тізбесі (бұдан әрі – Тізбе) осы қаулыға 1-қосымшаға сәйкес бекітілсін.

2. «Екiншi деңгейдегi банктердің пруденциялық нормативтердің орындалуы туралы есептілігінің тізбесін, нысандарын, мерзімдерін және оларды табыс ету қағидаларын бекіту туралы» Қазақстан Республикасының Ұлттық Банкі Басқармасының 2015 жылғы 8 мамырдағы № 75 қаулысына (нормативтік құқықтық актілерді мемлекеттік тіркеу тізілімінде № 11162 болып тіркелген, 2015 жылғы 2 маусымда «Әділет» ақпараттық-құқықтық жүйесінде жарияланған) 3, 4, 14, 18 және 19-қосымшалардың қолданысы 2021 жылғы 30 маусымға дейін, қоса алғанда, тоқтатыла тұрсын, тоқтатыла тұрған кезеңде:

3-қосымша осы қаулыға 2-қосымшаға сәйкес редакцияда қолданылады;

4-қосымша осы қаулыға 3-қосымшаға сәйкес редакцияда қолданылады;

14-қосымша осы қаулыға 4-қосымшаға сәйкес редакцияда қолданылады;

18-қосымша осы қаулыға 5-қосымшаға сәйкес редакцияда қолданылады;

19-қосымша осы қаулыға 6-қосымшаға сәйкес редакцияда қолданылады деп белгіленсін.

3. «Екінші деңгейдегі банктердің пруденциалдық нормативтерді орындауы туралы есептілік тізбесін, нысандарын, мерзімдерін және оларды ұсыну қағидаларын бекіту туралы» Қазақстан Республикасының Ұлттық Банкі Басқармасының 2015 жылғы 8 мамырдағы № 75 қаулысына (нормативтік құқықтық актілерді мемлекеттік тіркеу тізілімінде № 11162 болып тіркелген, 2015 жылғы 2 маусымда «Әділет» ақпараттық-құқықтық жүйесінде жарияланған) 11-қосымшаның қолданысы 2021 жылғы 31 наурызға дейін, қоса алғанда, тоқтатыла тұрсын, тоқтатыла тұрған кезеңде бұл қосымша осы қаулының 7-қосымшасына сәйкес редакцияда қолданылады деп белгіленсін.

4. «Бағалы қағаздар нарығында қызметті жүзеге асыратын лицензиаттар, бірыңғай оператор есептілігінің тізбесін, нысандарын, ұсыну мерзімдерін және оны ұсыну қағидаларын бекіту туралы» Қазақстан Республикасы Ұлттық Банкі Басқармасының 2019 жылғы 26 қарашадағы № 211 қаулысына (нормативтік құқықтық актілерді мемлекеттік тіркеу тізілімінде № 19672 болып тіркелген, 2019 жылғы 9 желтоқсанда Қазақстан Республикасы нормативтік құқықтық актілерінің эталондық бақылау банкінде жарияланған) 26-қосымшаның қолданысы 2021 жылғы 30 маусымға дейін, қоса алғанда, тоқтатыла тұрсын, тоқтата тұру кезеңінде осы қосымша осы қаулыға 8-қосымшаға сәйкес редакцияда қолданылады деп белгіленсін

5. «Сақтандыру (қайта сақтандыру) ұйымының, сақтандыру тобының және исламдық сақтандыру (қайта сақтандыру) ұйымының пруденциялық нормативтерді орындауы туралы есептіліктің тізбесін, нысандарын, ұсыну мерзімдерін және оны ұсыну қағидаларын бекіту туралы» Қазақстан Республикасының Ұлттық Банкі Басқармасының 2019 жылғы 28 қарашадағы № 223 қаулысына (нормативтік құқықтық актілерді мемлекеттік тіркеу тізілімінде № 19701 болып тіркелген, 2019 жылғы 12 желтоқсанда Қазақстан Республикасы нормативтік құқықтық актілерінің эталондық бақылау банкінде жарияланған) 2-қосымшаның 3, 4, 5 және 6-кестелерінің қолданысы 2021 жылғы 30 маусымға дейін, қоса алғанда тоқтатыла тұрсын, тоқтата тұру кезеңінде осы кестелер осы қаулыға 9-қосымшаға сәйкес редакцияда қолданылады деп белгіленсін.

6. Қаржы нарығы статистикасы департаменті (А.М. Боранбаева) Қазақстан Республикасының заңнамасында белгіленген тәртіппен:

1) Заң департаментімен (А.С. Қасенов) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

2) осы қаулыны ресми жарияланғаннан кейін Қазақстан Республикасы Ұлттық Банкінің ресми интернет-ресурсына орналастыруды;

3) осы қаулы мемлекеттік тіркелгеннен кейін он жұмыс күні ішінде

Заң департаментіне осы қаулының осы тармағының 2) тармақшасында және 7-тармағында көзделген іс-шаралардың орындалуы туралы мәліметтерді ұсынуды қамтамасыз етсін.

7. Ақпарат және коммуникациялар департаменті – Ұлттық Банктің баспасөз қызметі (Ә.Р. Адамбаева) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

8. Осы қаулының орындалуын бақылау Қазақстан Республикасының Ұлттық Банкі Төрағасының орынбасары А.М. Баймағамбетовке жүктелсін.

9. Осы қаулы Тізбенің 2021 жылғы 1 шілдеден бастап қолданысқа енгізілетін 5-тармағының жиырма бесінші абзацын қоспағанда, алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Ұлттық Банкінің Төрағасы Е. Досаев

КЕЛІСІЛДІ
Қазақстан Республикасы
Қаржы нарығын реттеу
және дамыту агенттігі
______________________________
2020 жылғы «___» _____________

КЕЛІСІЛДІ
Қазақстан Республикасы
Стратегиялық жоспарлау
және реформалар агенттігі
Ұлттық статистика бюросы
______________________________
2020 жылғы «___» _____________

1. Тармақ күшін жойды (ескертуді қараңыз)

1-тармақ күшін жойды ҚР Ұлттық Банкі Басқармасының 19.12.2022 жылғы № 119 Қаулысына сәйкес (22.02.2021 ж. редакцияны қараңыз)(өзгерту 01.01.2023 жылдан бастап қолданысқа енгізіледі)

2. «Коллекторлық агенттік есептілігінің тізбесін, нысандарын, оны ұсыну мерзімдері мен қағидаларын бекіту туралы» Қазақстан Республикасының Ұлттық Банкі Басқармасының 2017 жылғы 30 маусымдағы № 112 қаулысына (нормативтік құқықтық актілерді мемлекеттік тіркеу тізілімінде № 15481 болып тіркелген, 2017 жылғы 22 тамызда Қазақстан Республикасы нормативтік құқықтық актілерінің эталондық бақылау банкінде жарияланған) мынадай өзгерістер енгізілсін:

2 тармақ мынадай редакцияда жазылсын:

«2. Коллекторлық агенттік есептілікті электрондық форматта Қазақстан Республикасы Ұлттық Банкінің аумақтық филиалына (коллекторлық агенттіктің орналасқан жері бойынша) тоқсан сайын, есепті тоқсаннан кейінгі айдың оныншы күнінен кешіктірмей ұсынады.»;

2-қосымша Тізбеге 16-қосымшаға сәйкес редакцияда жазылсын;

3-қосымша Тізбеге 17-қосымшаға сәйкес редакцияда жазылсын;

4-қосымша Тізбеге 18-қосымшаға сәйкес редакцияда жазылсын.

5-қосымша Тізбеге 19-қосымшаға сәйкес редакцияда жазылсын.

3. «Екінші деңгейдегі банктердің, Қазақстанның Даму Банкінің және ипотекалық ұйымдардың Қазақстан Республикасының Ұлттық Банкіне қаржы секторына шолуды қалыптастыруға арналған мәліметтерді ұсынуы жөніндегі нұсқаулықты бекіту туралы» Қазақстан Республикасының Ұлттық Банкі Басқармасының 2018 жылғы 29 маусымдағы № 139 қаулысына (Қазақстан Республикасының нормативтік құқықтық актілерді мемлекеттік тіркеу тізілімінде № 17274 болып тіркелген, 2018 жылғы 16 тамызда нормативтік құқықтық актілердің эталондық бақылау банкінде жарияланған) мынадай өзгеріс енгізілсін:

көрсетілген қаулымен бекітілген Екінші деңгейдегі банктердің, Қазақстанның Даму Банкінің және ипотекалық ұйымдардың Қазақстан Республикасының Ұлттық Банкіне қаржы секторына шолуды қалыптастыруға арналған мәліметтерді ұсынуы жөніндегі нұсқаулықта:

5 тармақ мынадай редакцияда жазылсын:

«5. «Резидент» және «бейрезидент» ұғымдары «Валюталық реттеу және валюталық бақылау туралы» 2018 жылғы 2 шілдедегі Қазақстан Республикасының Заңында айқындалған мәндерде қолданылады.».

• 1

4. Тармақ күшін жойды (ескертуді қараңыз)

4-тармақ күшін жойды ҚР Ұлттық Банкі Басқармасының 19.12.2022 жылғы № 118 Қаулысына сәйкес (22.02.2021 ж. редакцияны қараңыз)(өзгерту 01.01.2023 жылдан бастап қолданысқа енгізіледі)

5. «Бағалы қағаздар нарығында қызметті жүзеге асыратын лицензиаттар, бірыңғай оператор есептілігінің тізбесін, нысандарын, ұсыну мерзімдерін және оны ұсыну қағидаларын бекіту туралы» Қазақстан Республикасының Ұлттық Банкі Басқармасының 2019 жылғы 28 қарашадағы № 211 қаулысына (Қазақстан Республикасының нормативтік құқықтық актілерді мемлекеттік тіркеу тізілімінде № 19672 болып тіркелген, 2019 жылғы 9 желтоқсанда нормативтік құқықтық актілердің эталондық бақылау банкінде жарияланған) мынадай өзгерістер енгізілсін:

2-тармақ мынадай редакцияда жазылсын:

«2. Инвестициялық портфельді басқару қызметін (бұдан әрі – инвестициялық портфельді басқарушы), бағалы қағаздар нарығында брокерлік және (немесе) дилерлік қызметті (бұдан әрі – брокерлер және (немесе) дилерлер) жүзеге асыратын ұйымдар, сауда-саттықты ұйымдастырушы Қазақстан Республикасының Ұлттық Банкіне (бұдан әрі – Ұлттық Банк) ай сайын осы қаулыға 2, 3, 4 және 5-қосымшаларға сәйкес есептілікті электрондық форматта есепті айдан кейінгі айдың бесінші жұмыс күнінен кешіктірмей ұсынады.

Инвестициялық портфельді басқарушы осы тармақтың бірінші бөлігінде көзделген есептілікке қосымша Ұлттық Банкке ай сайын осы қаулыға 6, 7, 8, 9, 10, 15, 16, 17, 18 және 26-қосымшаларға сәйкес есептілікті электрондық форматта есепті айдан кейінгі айдың бесінші жұмыс күнінен кешіктірмей ұсынады.

Ерікті зейнетақы жарналарын тарту құқығымен инвестициялық портфельді басқарушы (бұдан әрі – ерікті жинақтаушы зейнетақы қоры) Ұлттық Банкке ай сайын осы қаулыға 11, 12, 13, 14 және 27-қосымшаларға сәйкес есептілікті электрондық форматта есепті айдан кейінгі айдың бесінші жұмыс күнінен кешіктірмей қосымша ұсынады.

Ерікті жинақтаушы зейнетақы қоры Ұлттық Банкпен жасалған активтерді инвестициялық басқару шартына сәйкес бірыңғай жинақтаушы зейнетақы қорының зейнетақы активтерін басқарған жағдайда, ерікті жинақтаушы зейнетақы қоры осы қаулыға 11, 12, 13 және 14-қосымшаларға сәйкес есептілікті бірыңғай жинақтаушы зейнетақы қорының активтері және басқарудағы зейнетақы активтері бойынша жеке-жеке ұсынады.

Брокерлер және (немесе) дилерлер осы тармақтың бірінші бөлігінде көзделген есептілікке қосымша Ұлттық Банкке ай сайын осы қаулыға 6, 19, 22 және 26-қосымшаларға сәйкес есептілікті электрондық форматта есепті айдан кейінгі айдың бесінші жұмыс күнінен кешіктірмей ұсынады.

Брокерлер және (немесе) дилерлер Ұлттық Банкке тоқсан сайын осы қаулыға 20, 21, 23, 24 және 25-қосымшаларға сәйкес есептілікті электрондық форматта есепті тоқсаннан кейінгі айдың соңғы күнінен кешіктірмей қосымша ұсынады.

Бірыңғай оператор Ұлттық Банкке тоқсан сайын осы қаулыға 24 және 25-қосымшаларға сәйкес есептілікті электрондық форматта есепті тоқсаннан кейінгі айдың соңғы күнінен кешіктірмей ұсынады.

Кастодиан Ұлттық Банкке тоқсан сайын осы қаулыға 24, 25, 28 және 29-қосымшаларға сәйкес есептілікті электрондық форматта есепті тоқсаннан кейінгі айдың соңғы жұмыс күнінен кешіктірмей ұсынады.

Ерікті жинақтаушы зейнетақы қорының кастодианы Ұлттық Банкке ай сайын осы қаулыға 30, 31, 32 және 33-қосымшаларға сәйкес есептілікті электрондық форматта есепті айдан кейінгі айдың бесінші жұмыс күнінен кешіктірмей қосымша ұсынады.