Мемлекеттік органдар мен ұйымдардың бизнес-әріптестер тізілімімен интеграциялауға жататын ақпараттандыру объектілерінің тізбесін бекіту туралы Қазақстан Республикасы Үкіметінің 2021 жылғы 26 мамырдағы № 342 қаулысы

2015 жылғы 29 қазандағы Қазақстан Республикасы Кәсіпкерлік кодексінің 25-1-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған мемлекеттік органдар мен ұйымдардың бизнес-әріптестер тізілімімен интеграциялауға жататын ақпараттандыру объектілерінің тізбесі бекітілсін.

2. Осы қаулы 2021 жылғы 1 шілдеден бастап қолданысқа енгізіледі және ресми жариялануға тиіс.

Қазақстан Республикасының Премьер-Министрі А. Мамин

Мемлекеттік органдар мен ұйымдардың бизнес-әріптестер тізілімімен интеграциялауға жататын ақпараттандыру объектілері:

1) «Интеграцияланған салықтық ақпараттық жүйе» ақпараттық жүйесі;

2) «Интеграцияланған деректерді сақтау орны» ақпараттық жүйесі;

3) «Акциз» ақпараттық жүйесі;

4) «Салық төлеушілер мен салық салу объектілерінің тізілімі» ақпараттық жүйесі;

5) «Салық төлеушінің кабинеті» web-қосымшасы» ақпараттық жүйесі;

6) «Деректерді бірыңғай сақтау орны» ақпараттық жүйесі;

7) «Орталықтандырылған біріздендірілген дербес шот» ақпараттық жүйесі;

8) «Интеграцияланған деректер базасы» ақпараттық жүйесі;

9) «Ақпараттық есепке алу орталығы» ақпараттық жүйесі;

10) «Заңды тұлғалар» мемлекеттік дерекқоры» ақпараттық жүйесі;

11) «Жеке тұлғалар» мемлекеттік дерекқоры» ақпараттық жүйесі;

12) «Жылжымайтын мүлік тіркелімі» мемлекеттік дерекқоры» ақпараттық жүйесі;

13) «Е-лицензиялау» мемлекеттік дерекқоры» ақпараттық жүйесі;

14) «Азаматтық хал актілерінің жазбалары» ақпараттық жүйесі;

15) атқарушылық іс жүргізу органдарының автоматтандырылған ақпараттық жүйесі;

16) «е-Статистика» интеграцияланған ақпараттық жүйесі;

17) «Мекенжай тіркелімі» ақпараттық жүйесі;

18) «Талдау орталығы» ақпараттық жүйесі;

19) «Төрелік» автоматтандырылған ақпараттық-талдау жүйесі;

20) «Сервистік орталық» автоматтандырылған ақпараттық жүйесі;

21) «Сатып алудың бірыңғай терезесі» ақпараттық жүйесі;

22) көліктік дерекқордың және тасымалдаулар қауіпсіздігі мониторингінің ақпараттық-талдау жүйесі.