Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы Қазақстан Республикасы Үкіметінің 2021 жылғы 1 қыркүйектегі № 590 қаулысы

Қазақстан Республикасының Әкімшілік рәсімдік-процестік кодексі 40-бабының 2 және 3-тармақтарына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) Мемлекеттік орган туралы ережені әзірлеу және бекіту жөніндегі нұсқаулық;

2) Мемлекеттік орган туралы үлгілік ереже;

3) Мемлекеттік органның құрылымдық бөлімшесі туралы ережені әзірлеу және бекіту қағидалары бекітілсін.

2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

3. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасының Премьер-Министрі А. Мамин

1. Осы Мемлекеттік орган туралы ережені әзірлеу және бекіту жөніндегі нұсқаулық (бұдан әрі – Нұсқаулық) Қазақстан Республикасының Әкімшілік рәсімдік-процестік кодексі (бұдан әрі – Кодекс) 40-бабының 2-тармағына сәйкес әзірленді және мемлекеттік орган туралы ережені әзірлеу және бекіту кезінде мемлекеттік органдардың ішкі әкімшілік рәсімдерін жүзеге асыру саласындағы заңнаманың қолданылуын нақтылайды.

2. Осы Нұсқаулық барлық мемлекеттік органдарға қолданылады.

3. Осы Нұсқаулықта пайдаланылатын негізгі ұғымдар:

1) мемлекеттік орган туралы ереже (бұдан әрі – ереже) – қандай да бір мемлекеттік органның мәртебесі мен өкілеттіктерін айқындайтын нормативтік құқықтық акт;

2) мемлекеттік органның өкілеттіктері – мемлекеттік органның құқықтары мен міндеттері.

4. Ережені әзірлеу, сондай-ақ оған өзгерістер және (немесе) толықтырулар енгізу үшін:

1) мемлекеттік органның құрылуы;

2) мемлекеттік органның қайта ұйымдастырылуы, атауының өзгеруі;

3) мемлекеттік органдар арасында өкілеттіктер мен құзыреттердің қайта бөлінуі;

4) мемлекеттік органға жаңа өкілеттіктердің берілуі, мемлекеттік орган өкілеттіктерінің кеңеюі (азаюы) және (немесе) алып тасталуы;

5) мемлекеттік органның және (немесе) оның ведомстволарының қарамағындағы ұйымдар тізбесінің өзгеруі және (немесе) толықтырылуы негіз болып табылады.

5. Осы Нұсқаулықтың 4-тармағында көзделген негіздер болған кезде, егер нормативтік құқықтық актілер мен тапсырмаларда өзге мерзімдер белгіленбесе, мемлекеттік орган бір ай ішінде тиісті ереже не ережеге өзгерістер және (немесе) толықтырулар жобасын әзірлейді.

6. Ереже Қазақстан Республикасының Үкіметі бекітетін Мемлекеттік орган туралы үлгілік ережеге сәйкес әзірленеді.

7. Ережені әзірлеу немесе оған өзгерістер және (немесе) толықтырулар енгізу үшін осы Нұсқаулықтың 4-тармағында көзделген негіздер болған кезде ережені әзірлеуге немесе оған түзетулер енгізуге жауапты болып айқындалған құрылымдық бөлімше мемлекеттік орган басшысының немесе оның міндетін атқарушы адамның не мемлекеттік орган аппараты басшысының немесе белгіленген тәртіппен аппарат басшысының өкілеттіктері жүктелген лауазымды адамның тапсырмасы бойынша заңнамада белгіленген тәртіппен ереженің тиісті жобасын заң қызметімен келісу бойынша әзірлейді.

8. Ереженің жобасы мүдделі құрылымдық бөлімшелермен, мемлекеттік органның бірінші басшысының жетекшілік ететін орынбасарларымен не мемлекеттік орган аппаратының басшысымен немесе мемлекеттік органның аппаратын басқаруды жүзеге асыратын лауазымды адаммен келісіледі және мемлекеттік органның бірінші басшысына немесе оның алқалы органына (болған кезде) келісуге немесе қабылдауға енгізіледі.

Ереженің жобасы осы тармақтың бірінші бөлігіне сәйкес келісілгеннен кейін Қазақстан Республикасының заңнамасында белгіленген тәртіппен жоба мүдделі мемлекеттік органдарға келісуге жіберіледі.

Мемлекеттік органдардың ережелері Қазақстан Республикасының заңнамасына сәйкес бекітіледі.

 1. _________________________________________________________ (мемлекеттік органның толық атауы (бұдан әрі – мемлекеттік органның қысқаша атауы)

 ___________________________________________________________________ саласындағы (салаларындағы) басшылықты жүзеге асыратын Қазақстан Республикасының мемлекеттік органы болып табылады.

 2. _________________________________________________________ (мемлекеттік органның қысқаша атауы)

мынадай ведомстволары бар (бар болса):

  1) ______________________________;

  2) ______________________________;

  3) ______________________________.

 3.__________________________________________________________ (мемлекеттік органның қысқаша атауы)

өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

 4. ________________________________________________________ (мемлекеттік органның қысқаша атауы)

мемлекеттік мекеме ұйымдық-құқықтық нысанындағы заңды тұлға болып табылады, оның рәміздері мен айырым белгілері (бар болса), Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.

 5.______________________________ азаматтық-құқықтық қатынастарды (мемлекеттік органның қысқаша атауы) өз атынан жасайды.

 6. ______________________________ Қазақстан Республикасының (мемлекеттік органның қысқаша атауы)

заңнамасына сәйкес уәкілеттік берілген жағдайда ол мемлекеттің атынан азаматтық-құқықтық қатынастардың тарапы болуға құқылы.

 7. _____________________________________________________________ (мемлекеттік органның қысқаша атауы) өз құзыретінің мәселелері бойынша заңнамада белгіленген тәртіппен

 __________________________________________________________________ (мемлекеттік органның атауы)

басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.