«Ashyq» жобасының объектілері бойынша Алматы қаласының Бас мемлекеттік санитариялық дәрігерінің 2022 жылғы 28 қаңтардағы № 3 Қаулысы

Алматы қаласының тұрғындары арасында коронавирустық инфекцияның таралуын одан әрі болдырмау мақсатында, «Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 38-бабының 1-тармағының 4) тармақшасына, 104-бабының 2, 3, 5, 7-тармақтарына және Қазақстан Республикасы ведомствоаралық комиссиясының 2022 жылғы 27 қаңтардағы шешіміне сәйкес, ҚАУЛЫ ЕТЕМІН:

1. Қазақстан Республикасының Бас мемлекеттік санитарлық дәрігерінің міндетін атқарушының «Ashyq» жобасын іске асыру туралы 2022 жылғы 27 қаңтардағы № 7 қаулысына (бұдан әрі - ҚР БМСД м.а. 2022 жылғы 27 қаңтардағы № 7 қаулысы) сәйкес объектілерде «Ashyq» жобасын енгізу және іске асыру жалғастырылсын, оның ішінде:

1) «Ashyq» жобасына қатысатын объектілер үшін жұмыс және демалыс күндеріндегі жұмыс уақыты белгіленбейді;

2) «Ashyq» жобасына қатысатын объектілер үшін ҚР БМСД м.а. 2022 жылғы 27 қаңтардағы № 7 қаулысының 4-қосымшаға сәйкес, келушілер мәртебелері бейтарап («көк») немесе қауіпсіз («жасыл») болған жағдайда, өңірлердегі эпидемиологиялық жағдайды бағалау матрицасына сәйкес:

- «жасыл» аймақта (төмен эпидемиологиялық қауіп) - шектеусіз қызмет;

- «сары» (орташа эпидемиологиялық қауіп) және «қызыл» (жоғары эпидемиологиялық қауіп) аймақтарында - объектілердің толтырылуына шектеулер қойыла отырып;

3) ҚР БМСД м.а. 2022 жылғы 27 қаңтардағы № 7 қаулысының 5-қосымшасына сәйкес «Ashyq» жобасына қатысатын объектілер үшін, қызметкерлер мен келушілерде қауіпсіз («жасыл») мәртебесі болған жағдайда (вакцинациялау немесе ревакцинациялау, сынама алған сәттен бастап 7 тәуліктен аспайтын теріс нәтижесі бар ПТР тесті, тұрақты медициналық қарсы көрсетілімдері бар, ауырып жазылған адамдар соңғы 3 ай ішінде), эпидемиологиялық жағдайды бағалау матрицасына сәйкес эпидемиологиялық тәуекел аймағына қарамастан, барлық өңірлерде («жасыл», «сары», «қызыл») қызметі шектеусіз;

• 1

2. 2022 жылғы 14 ақпаннан бастап барлық меншік нысандары мен ведомстволық тиістіліктегі білім беру ұйымдарын штаттық форматта оқытуға рұқсат етілсі.

2-тармақ жаңа редакцияда жазылды Алматы қаласының Бас мемлекеттік санитариялық дәрігерінің 11.02.2022 жылғы № 4 Қаулысына сәйкес (28.01.2022 ж. редакцияны қараңыз)

3. КВИ науқастарымен байланыста болған адамдарға қатысты мынадай шектеулер мен рұқсаттарды қамтамасыз ету:

- егер екінші компонентті алғаннан кейін 6 айдан аспаған болса, ревакцинацияны немесе COVID-19-ға қарсы вакцинацияның толық курсын алғаны туралы құжаттық растау болған жағдайда үй карантиніне оқшауланбайды;

- 7-ші күні COVID-19-ға ПТР әдісімен тексеру жүргізіледі, ПТР-зерттеудің теріс нәтижесі кезінде үй карантині аяқталады;

- егер 7-ші күні COVID-19-ға зертханалық тексеру жүргізілмесе, үй карантині оқшауланған сәттен бастап 10 тәулік өткенге дейін жалғасады;

Қазақстан Республикасының Бас мемлекеттік санитариялық дәрігерінің шектеу шаралары бойынша 2022 жылғы 21 қаңтардағы № 4 және «Ashyq» мәртебесін өзгерту бойынша 2022 жылғы 21 қаңтардағы № 5 қаулыларының талаптары коронавирустық инфекцияның симптомсыз ағымы бар науқастарға да қолданылады.

4. Алматы қаласының Бас мемлекеттік санитариялық дәрігерінің 2022 жылғы 22 қаңтардағы № 2 қаулысының күші жойылды деп танылсын.

5. Осы қаулы қол қойылған күнінен бастап күшіне енеді.

Алматы қаласының Бас мемлекеттік санитариялық дәрігері Қ. Әбдіжаббарова