Аумақтық кластерлерді конкурстық іріктеу қағидаларын, аумақтық кластерлердің тізілімін қалыптастыру және жүргізу қағидаларын және аумақтық кластерлерді дамытуда өнеркәсіпті мемлекеттік ынталандыру шараларын ұсыну қағидаларын бекіту туралы Қазақстан Республикасы Индустрия және инфрақұрылымдық даму министрінің м.а. 2022 жылғы 27 маусымдағы № 367 бұйрығы. Қазақстан Республикасының Әділет министрлігінде 2022 жылғы 29 маусымда № 28644 болып тіркелді

«Өнеркәсіптік саясат туралы» Қазақстан Республикасының Заңы 9-бабының 16), 17) және 20) тармақшаларына сәйкес БҰЙЫРАМЫН:

1. Мыналар:

1) осы бұйрыққа 1-қосымшаға сәйкес Аумақтық кластерлерді конкурстық іріктеу қағидалары;

2) осы бұйрыққа 2-қосымшаға сәйкес Аумақтық кластерлердің тізілімін қалыптастыру және жүргізу қағидалары;

3) осы бұйрыққа 3-қосымшаға сәйкес Аумақтық кластерлерді дамытуда өнеркәсіпті мемлекеттік ынталандыру шараларын ұсыну қағидалары бекітілсін.

2. Осы бұйрыққа 4-қосымшаға сәйкес Қазақстан Республикасы Инвестициялар және даму министрінің және Қазақстан Республикасы Индустрия және инфрақұрылымдық даму министрінің кейбір бұйрықтарының күші жойылды деп танылсын.

3. Қазақстан Республикасы Индустрия және инфрақұрылымдық даму министрлігінің Өнеркәсіптік саясат департаменті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

4. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Индустрия және инфрақұрылымдық даму министрінің міндетін атқарушы Е. Дауылбаев

1. Осы Аумақтық кластерлерді конкурстық іріктеу қағидалары (бұдан әрі – Қағидалар) «Өнеркәсіптік саясат туралы» Қазақстан Республикасының Заңы (бұдан әрі – Заң) 9-бабының 16) тармақшасына сәйкес әзірленді және аумақтық кластерлерді конкурстық іріктеу тәртібін айқындайды.

2. Осы Қағидаларда мынадай негізгі ұғымдар мен қысқартулар пайдаланылады:

1) ақпараттық жүйе – ақпараттық өзара іс-қимыл арқылы белгілі бір технологиялық іс-әрекеттерді жүзеге асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдық реттелген жиынтығы;

2) аумақтық кластер – құрамына өндірушілер, өнім берушілер, ғылыми және ғылыми ұйымдар, жоғары және (немесе) жоғары оқу орнынан кейінгі білім беру ұйымдары, техникалық және кәсіптік білім беру ұйымдары және белгілі бір салалық мамандануы бар өзге де ұйымдар кіретін өзара байланысты және бірін-бірі толықтыратын ұйымдардың географиялық шоғырланған тобы;

3) аумақтық кластерлерді конкурстық іріктеуге қатысушылар (бұдан әрі – іріктеуге қатысушылар) – өңдеу өнеркәсібін ұсынатын кемінде 10 (он) аффилиирленген заңды тұлғалардың қатысуымен құрылатын кластерлік ұйым (заңды тұлға) немесе өндірістік қызмет көрсету секторы және кемінде 1 (бір ) ғылыми-зерттеу институты және (немесе) оқу орны;

4) аумақтық кластерлерді конкурстық іріктеу ұйымдастырушы (бұдан әрі – іріктеуді ұйымдастырушы) – индустриялық даму саласындағы ұлттық даму институты;

5) кластерлік ұйым – Қазақстан Республикасының заңнамасына сәйкес құрылған, аумақтық кластерді дамытуды әдістемелік, ұйымдастырушылық, сараптамалық-талдамалық және ақпараттық қамтамасыз етуді жүзеге асыратын, аумақтық кластерді дамыту және іске асыруды қолдау жөніндегі қызметті жүзеге асыратын ұйым. аумақтық кластерді дамыту, аумақтық кластерге қатысушылардың, сондай-ақ, мүдделі ұйымдардың, оның ішінде білім беру және ғылыми мекемелердің, қаржы институттарының және мемлекет қатысатын компаниялардың, даму институттарының және мемлекеттік органдардың өзара іс-қимылын ұйымдастыру жөніндегі жұмыс жоспары;

6) құжаттардың электрондық пакеті – бірінші басшының немесе оның міндетін атқарушы тұлғаның электрондық цифрлық қолтаңбасымен куәландырылған (растайтын құжат болған жағдайда) электрондық цифрлық нысандағы түпнұсқа құжаттың түрі мен мәліметтерін (деректерін) толықтай көрсететін құжаттар. бірінші басшының міндеттерін орындау туралы құжат);

7) сарапшылық ұйым – «Атамекен» Қазақстан Республикасының Ұлттық кәсіпкерлер палатасының өкілдерінің арасынан іріктеуді ұйымдастырушының шешімімен құрылатын комиссия.

8) электрондық өтініш – бірінші басшының немесе оның міндеттерін атқаратын адамның электрондық цифрлық қолтаңбасымен куәландырылған электрондық цифрлық нысандағы өтініш (бірінші басшының міндеттерін орындауын растайтын растайтын құжат болған жағдайда);

9) электрондық цифрлық қолтаңба – электрондық цифрлық қолтаңба арқылы жасалған және электрондық құжаттың түпнұсқалығын, оның меншік құқығын және мазмұнының өзгермейтіндігін растайтын электрондық цифрлық нышандар жиынтығы.

3. Аумақтық кластерлерді конкурстық іріктеу өткізу туралы шешімді іріктеуді ұйымдастырушы қабылдайды.

4. Іріктеуді ұйымдастырушы өзінің интернет-ресурсында аумақтық кластерлерге конкурстық іріктеу жүргізу туралы хабарландыру орналастырады. Өтінімдерді қабылдау мерзімі хабарландыру орналастырылған сәттен бастап күнтізбелік 60 (алпыс) күнді құрайды.

5. Аумақтық кластерлерді конкурстық іріктеу критерийлері осы Қағидаларға 1-қосымшада айқындалған.

6. Аумақтық кластерлерді конкурстық іріктеуге қатысу үшін іріктеуге қатысушылар іріктеуді ұйымдастырушыға өтінім қабылдау мерзімі аяқталғанға дейін 10 (он) күнтізбелік күн ішінде осы Қағидаларға 2-қосымшаға сәйкес нысан бойынша аумақтық кластерлерді конкурстық іріктеуге қатысу туралы өтінім ұсынады.

7. Аумақтық кластерлерді конкурстық іріктеуге қатысуға өтінімге мынадай құжаттар қоса беріледі:

1) осы Қағидаларға 3-қосымшаға сәйкес нысан бойынша аумақтық кластерлерді конкурстық іріктеуге қатысуға келісім беру;

2) осы Қағидаларға 4-қосымшаға сәйкес аумақтық кластерлерді конкурстық іріктеуге қатысу үшін ұсынылған мәліметтер.

Бұл ретте іріктеуге қатысушы аумақтық кластерлердің конкурстық іріктеуіне қатысу үшін өтінімде және оған қоса берілген құжаттарда көрсетілген мәліметтердің толықтығы мен дұрыстығын қамтамасыз етеді.

8. Аумақтық кластерлерді конкурстық іріктеуге қатысуға өтінім қағаз тасымалдауышта немесе интернет-ресурс арқылы беріледі (өтініш беруші электрондық өтінімді және құжаттардың электрондық пакетін ұсынады).

9. Өтінімдерді қабылдау және қарау үшін ақпараттық жүйе/интернет-ресурс болмаған жағдайда өтініш ұлттық институтқа қағаз тасымалдауышта екі данада – бір дана көлемінде түпнұсқа және бір дана көлемінде көшірме беріледі; және электронды тасымалдаушыларда.

10. Аумақтық кластерлерді конкурстық іріктеуге қатысу туралы өтінім бір немесе бірнеше папкаларға (томдарға) тігіледі және нөмірленеді.

11. Өтінімдерді қабылдаудың соңғы мерзімі өткеннен кейін берілген аумақтық кластерлерді конкурстық іріктеуге қатысуға өтінімдер қабылданбайды және аумақтық кластерлерді ағымдағы конкурстық іріктеу шеңберінде қаралмайды.

12. Іріктеуді ұйымдастырушы аумақтық кластерлерді конкурстық іріктеуге қатысуға өтінім тіркелген сәттен бастап 5 (бес) жұмыс күнінен аспайтын мерзімде ұсынылған құжаттардың толықтығын тексереді..

Құжаттар топтамасы толық ұсынылмаған жағдайда, іріктеуді ұйымдастырушы көрсетілген мерзімде өтінімді одан әрі қараудан уәжді түрде бас тартады. Өтінішті қараудан бас тарту өтініш берушіні өтінішті қайта жіберу мүмкіндігінен айырмайды.

13. Іріктеуге қатысушы құжаттардың толық топтамасын ұсынған жағдайда, іріктеуді ұйымдастырушы ұсынылған құжаттарға аумақтық кластерлердің конкурстық іріктеу өлшемшарттарына сәйкестігі тұрғысынан талдау (бұдан әрі – талдау) жүргізеді және ұсынымдық сипатта болатын әрбір өлшемшарт бойынша берілген балдары бар сараптамалық қорытынды береді.

14. Іріктеуді ұйымдастырушының талдауы және сараптамалық қорытындыны беруі аумақтық кластерлердің конкурстық іріктеуіне қатысуға өтінімдерді қабылдаудың соңғы мерзімі аяқталғаннан кейін күнтізбелік 30 (отыз) күннен аспайтын мерзімде жүзеге асырылады.

15. Аумақтық кластерлерді конкурстық іріктеуге қатысуға өтінімдердің материалдарын және сараптамалық қорытындыны іріктеуді ұйымдастырушы 5 (бес) жұмыс күнінен аспайтын мерзімде Комиссияға береді.

16. Комиссия 15 (он бес) жұмыс күні ішінде аумақтық кластерлерді конкурстық іріктеудің жеңімпаздарын анықтау бойынша хаттамамен ресімделетін шешім қабылдайды.

Конкурстық комиссия төраға, хатшы және комиссия мүшелерінен тұрады. Комиссия мүшелерінің саны кемінде 5 (бес) адамнан тұрады.

Конкурстық комиссия отырысына оның мүшелерінің жалпы санынан кемінде 3 (үш) адам қатысса, ол заңды деп есептеледі. Комиссия мүшелері отырыстарға ауыстыру құқығынсыз қатысады.

Конкурс өткізу нәтижелері бойынша шешім хатшыны қоспағанда, конкурстық комиссия мүшелерімен қабылданады. Конкурс өткізу нәтижелері бойынша конкурстық комиссия шешімдері дауыс бергендер санының қарапайым көпшілік даусымен ашық дауыс беру арқылы қабылданады. Дауыстар тең болған жағдайда комиссия төрағасының дауысы шешушi болып табылады.