Аккредиттеу туралы куәлікті беру туралы Қазақстан Республикасы Әділет министрінің 2020 жылғы 8 шілдедегі № 163 бұйрығы.

Қазақстан Республикасы Үкіметінің 2015 жылғы 28 жетоқсандағы № 1089 қаулысымен бекітілген Жеке кәсіпкерлік субъектілері бірлестіктеріне аккредиттеу өткізу ережесінің 13-тармағына сәйкес, «Әділет органдары туралы» Қазақстан Республикасы Заңының 7-бабы 2-тармағының 3) тармақшасын басшылыққа ала отырып, БҰЙЫРАМЫН:

1. Әділет министрлігінің Жеке кәсіпкерлік субъектілері бірлестіктерін аккредиттеу жөніндегі комиссиясының 2020 жылғы 24 маусымдағы ұсынымы негізінде аккредиттеу туралы куәлiгі:

1) мерзімсіз негізде: 

- «Қазақстанның салық төлеушілер қауымдастығы» заңды тұлғалар бірлестігіне;

- «KAZENERGY» Қазақстан мұнай-газ және энергетика кешені ұйымдарының қауымдастығы» заңды тұлғалар бірлестігіне.

2) үш жыл мерзімге:

- «Бәсекелестікті және тауарлар нарықтарын дамыу қауымдастығы» заңды тұлғалардың бірлестігіне;

- «Қазақстан 1 Жанармай Қауымдастығы» қауымдастық нысанындағы жеке кәсіпкерлер және заңды тұлғалар бірлестігіне;

- «Қазақстан Республикасының кәсіпкерлер және қызмет берушілер қауымдастығы» заңды тұлғалар бірлестігіне;

- «Қазақстан жұмыртқа өндірушілер қауымдастығы» одағы түрінде заңды тұлғалар бірлестігіне берiлсін.

2. Осы бұйрық қол қойылған күнінен бастап қолданысқа енгізіледі.

  Министр        М. Бекетаев