Туу туралы куәлікті қорғауға қойылатын талаптарды бекіту туралы Қазақстан Республикасы Әділет министрінің 2023 жылғы 29 маусымдағы № 428 бұйрығы. Қазақстан Республикасының Әділет министрлігінде 2023 жылғы 30 маусымда № 32951 болып тіркелді

«Жеке басты куәландыратын құжаттар туралы» Қазақстан Республикасы Заңының 28-бабының 1) тармақшасына және Қазақстан Республикасы Үкіметінің 2004 жылғы 28 қазандағы қаулысымен бекітілген Қазақстан Республикасының Әділет министрлігі туралы ережеге сәйкес БҰЙЫРАМЫН:

1. Қоса беріліп отырған туу туралы куәлікті қорғауға қойылатын талаптар бекітілсін.

2. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті заңнамада белгіленген тәртіппен:

1) осы бұйрықты мемлекеттік тіркеуді;

2) осы бұйрықты Қазақстан Республикасы Әділет министрлігінің ресми интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Әділет вице-министріне жүктелсін.

4. Осы бұйырық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы Әділет министрі А. Ескараев

1. Туу туралы куәлік бланкісінде Қазақстан Республикасының Мемлекеттік Елтаңбасы бейнеленген.

2. Туу туралы куәлік бланкісі қазақтың оюлары, өрнектері қолданылып жасалған (ауданның кемінде 30 %) жиекті рамкадан және тангир тордан тұрады.

3. Міндетті қорғаныш элементі ретінде биіктігі 250 микрометрден аспайтын микрошрифт, сондай-ақ гильошир элементтер пайдаланылады. Графикалық элементтерде сызықтықтан (штрихтік) басқа растрлық құрылымдар болмайды.

4. Туу туралы куәлік бланкісі түпнұсқа сутамғы белгісі, арнайы қорғаныш дақтары бар, ақтығы 94-96 %, құрамында мақта немесе зығыр талшығының мөлшері жоғары қағазда жасалады, тығыздығы - 100-120 г/м2. Мөрде кем дегенде төрт бояу пайдаланылады. Бұл ретте температураның әсерінен өзінің түсі мен қанықтығын өзгертпейтін, түрлі түсті көшірмелеуге кедергі келтіретін пастельді қоспалары бар бояулар пайдаланылуы қажет.

5. Туу туралы куәлік бланкісінде қатты мұқаба және сыртында атауы жазылған бумвинилді қаптама болуы, сондай-ақ біржақты мөрі бар қосымша парақ болуы тиіс.

6. Туу туралы куәлік бланкісінде реттік нөмірі болады.

6-тармақ жаңа редакцияда жазылды ҚР Әділет министрінің 06.11.2024 жылғы № 922 Бұйрығына сәйкес (29.06.2023 ж. редакцияны қараңыз)(өзгерту 22.11.2024 жылдан бастап қолданысқа енгізіледі)