Документ на казахском языке

Асыл тұқымды мал шаруашылығы және ветеринария саласындағы мемлекеттік қызметтер стандарттарын бекіту және Қазақстан Республикасы Үкіметінің 2010 жылғы 20 шілдедегі № 745 қаулысына өзгерістер мен толықтыру енгізу туралы Қазақстан Республикасы Үкіметінің 2011 жылғы 29 сәуірдегі № 464 Қаулысы

Редакция 18.09.2013 жылы берілген өзгерістер мен толықтырулармен

Қазақстан Республикасының 2008 жылғы 4 желтоқсандағы Бюджеті кодексінің 34-бабына және «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) «Асыл тұқымды мал шаруашылығы саласындағы субъектілердің қызметін мемлекеттік аттестаттау» мемлекеттік қызмет стандарты;

2) «Орны ауыстырылатын (тасымалданатын) объектілерге Қазақстан Республикасының ішінде қолданылатын және экспортқа арналған ветеринариялық сертификат беру» мемлекеттік қызмет стандарты;

3) «Мемлекеттік ветеринариялық-санитариялық бақылау объектілеріне ветеринариялық-санитариялық қорытынды беру» мемлекеттік қызмет стандарты;

4) «Жөмшөп пен жөмшөп қоспаларына, оларды мемлекеттік тіркей отырып (қайта тіркеу) тіркеу куәлігін беру» мемлекеттік қызмет стандарты;

5) «Ветеринариялық препараттарға, оларды мемлекеттік тіркей отырып (қайта тіркеу) тіркеу куәлігін беру» мемлекеттік қызмет стандарты;

6) «Ветеринариялық анықтама беру» мемлекеттік қызмет стандарты;

7) «Жануарға ветеринариялық паспорт беру» мемлекеттік қызмет стандарты;

8) «Жануарлар өсіруді, жануарларды, жануарлардан алынатын өнімдері мен шикізаттың дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есепке алу нөмірлерін беру» мемлекеттік қызмет стандарты бекітілсін.

2. Тармақ күшін жойды (ескертуді қараңыз)

3. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының Премьер-министрі К. Мәсімов

Қазақстан Республикасы Үкіметінің 2011 жылғы 29 сәуірдегі № 464 қаулысымен бекітілген

«Асыл тұқымды мал шаруашылығы саласындағы субъектілердің қызметін мемлекеттік атестаттау» мемлекеттік қызмет стандарты

1. Жалпы ережелер

1. «Асыл тұқымды мал шаруашылығы саласындағы субъектілердің қызметін мемлекеттік аттестаттау» мемлекеттік қызметі (бұдан әрі - мемлекеттік қызмет) мекенжайлары мен байланыс деректері осы стандартына 1-қосымшада көрсетілген облыстың (республикалық маңызы бар қаланың, астананың) жергілікті атқарушы органдарының ауыл шаруашылығы басқармасына (бұдан әрі - ЖАО) ұсынылады.

2. Көрсетілетін мемлекеттік қызмет нысаны: автоматтандырылмаған.

3. Мемлекеттік қызмет «Асыл тұқымды мал шаруашылығы туралы» Қазақстан Республикасының 1998 жылғы 9 шілдедегі Заңының 10-1-бабының 3) тармақшасы және «Асыл тұқымды мал зауыты, асыл тұқымды мал шаруашылығы, мал тұқымын асылдандыру орталығы және дистрибьютерлік орталық мәртебесін беру, сондай-ақ асыл тұқымды мал шаруашылығы саласындағы субъектілердің қызметіне аттестаттау (қайта аттестаттау) өткізу ережесін бекіту туралы» Қазақстан Республикасы Үкіметінің 2002 жылғы 26 қыркүйектегі № 1061 қаулысы негізінде көрсетіледі.

4. Мемлекеттік қызметті ұсыну туралы ақпарат және мемлекеттік қызмет стандарты (бұдан әрі — стандарт) осы стандартқа 1-қосымшада көрсетілген ЖАО интернет-ресурсында, сондай-ақ осы стандартқа 1-қосымшада көрсетілген мекенжай бойынша мемлекеттік қызмет көрсету орнында ілінген стендтерде орналастырылған.

5. Көрсетілетін мемлекеттік қызметтің нәтижесі асыл тұқымды мал зауыты, асыл тұқымды мал шаруашылығы, мал тұқымын асылдандыру орталығы және дистрибьютерлік орталық мәртебесін, сондай-ақ жеке және заңды тұлғаларға мал өсімін молайту және асыл тұқымдық құндылығын, асыл тұқымды өнімді (материалды) анықтау жөнінде қызметтер көрсету мәртебесін беру туралы аттестат (бұдан әрі - Аттестат) (қағаз тасымалдағышта) не мемлекеттік қызмет көрсетуді ұсынудан бас тарту туралы дәлелді жауап болып табылады.

6. Мемлекеттік қызмет жеке және заңды тұлғаларға (бұдан әрі - тұтынушы) көрсетіледі.

7. Мемлекеттік қызмет мынадай мерзімдерде ұсынылады:

1) мемлекеттік қызметті көрсету мерзімі тұтынушы осы стандарттың 11-тармағында көрсетілген қажетті құжаттарды тапсырған сәттен бастап 3 (үш) айдан аспайды;

2) мемлекеттік қызмет орнында көрсетілетін өтініш берушінің өтініш берген күнінен (тіркеу жүргізгенде, талон алғанда, өтініш берген кезден және әрі қарай) алғанға дейінгі күтудің ең жоғарғы шекті уақыты 10 (он) минуттан аспайды;

3) мемлекеттік қызмет орнында көрсетілетін өтініш берушінің өтініш берген күнінен (тіркеу жүргізгенде, талон алғанда, өтініш берген кезден және әрі қарай) тұтынушыға қызмет көрсетудің ең жоғарғы шекті уақыты 10 (он) минуттан аспайды.

8. Мемлекеттік қызмет тегін көрсетіледі.

9. Мемлекеттік қызмет «Қазақстан Республикасындағы мерекелер туралы» Қазақстан Республикасының 2001 жылғы 13 желтоқсандағы Заңымен белгіленген демалыс және мереке күндерінен басқа, жұмыс күндері сағат 9-00-ден 18-00-ге дейін, сағат 13-00-ден 14-00-ге дейінгі түскі үзіліспен ұсынылады. Қабылдау алдын ала жазылусыз және жеделдетілген қызмет көрсетусіз кезек тәртібімен жүзеге асырылады.

10. Мемлекеттік қызметті ұсыну үшін күтуге және қажетті құжаттарды дайындауға жағдай жасалады (күтуге арналған зал, құжаттарды толтыру орындары қажетті құжаттар тізбесі және оларды толтыру үлгілері бар стендтермен жарақталады). ЖАО-ның ғимараты физикалық мүмкіндіктері шектеулі адамдардың кіруіне арналған пандусы бар кіреберіспен жабдықталған.

2. Мемлекеттік қызмет көрсету тәртібі

11. Мемлекеттік қызметті алу үшін қажетті құжаттар тізбесі мен оларға қойылатын талаптар:

асыл тұқымды мал зауыты, асыл тұқымды мал шаруашылығы, мал тұқымын асылдандыру орталығы, дистрибьютерлік орталық субъектісі мәртебесін алу үшін мынадай құжаттар ұсынылады:

1) осы стандартқа 2-қосымшаға сәйкес нысан бойынша белгіленген үлгідегі өтініш;

2) заңды тұлғаны мемлекеттік тіркеу туралы куәліктердің нотариалды расталған көшірмелері немесе жеке куәліктің көшірмесі, не салыстырып тексеруге ұсыну кезінде көшірмелері мен түпнұсқасы;

3) мынадай талаптарға сәйкестігін растайтын құжаттар:

асыл тұқымды мал зауыты немесе асыл тұқымды мал шаруашылығы; мәртебесін беру үшін:

асыл тұқымды мал зауыттары мен шаруашылықтары мамандарының-қатысуымен ғылыми ұйымдардың ғалымдары әзірлеген малдардың сынақтан өткізілген немесе жасалып жатқан тұқымдарымен селекциялық-асыл тұқымдық жұмыс жоспарының болуы;

мал өнімділігінің сан және сапа көрсеткіштерінің тиісті тұқымдарға: арналған стандарттардың талаптарына сәйкес келуі;

мыналарды:

асыл тұқымды малдың сынақтан өткен тұқымдарын, ішкі тұқымдық және зауыттық үлгілерді, зауыттық желілер мен белгілі бір тұқымдар кросстарын 1 күтіп-бағу мен пайдалануды (асыл тұқымды мал зауыттары үшін);

асыл тұқымды төлдің сынақтан өткен тұқымдарын, ішкі тұқымдық және зауыттық үлгілерді, зауыттық желілер мен белгілі бір тұқымдар кросстарын бағыттап өсіруді (асыл тұқымды мал зауыттары үшін);

малды өз өнімділігі және ұрпағының сапасы бойынша бағалау жөніндегі бақылау-сынақтан өткізу аулалары мен пункттерінің жұмыс істеуін (асыл тұқымды мал зауыттары үшін) қамтамасыз етуге мүмкіндік беретін материалдық-техникалық базаның болуы;

мыналарды:

1) асыл тұқымды өнім (материалын) өндіру мен өсіру технологиясына сәйкес асыл тұқымды малды теңдестіре азықтандыруды;

2) малға өз өнімділігі және ұрпағының сапасы бойынша нысаналы бағалау жүргізуді (асыл тұқымды мал зауыттары үшін) қамтамасыз ететін жемшөп базасының болуы;

5 (бес) жыл бойы белгіленген нысандар бойынша асыл тұқымды малдың, асыл тұқымды өнімнің (материалды) шығу тегін, өнімділігін және сапасын растайтын үздіксіз есеп жүргізу;

жыл сайын сатылатын асыл тұқымды төлге міндетті түрде сертификаттау жүргізу (сәйкестік сертификатының (асыл тұқымдық куәлігінің) болуы), сондай-ақ сатылатын асыл тұқымды өнімнің аурулардан салауатты екендігі туралы ветеринариялық сертификаттың болуы;

тиісті зоотехникалық және ветеринариялық білімі бар мамандардың болуы;