Қазақстан Республикасының 2008 жылғы 4 желтоқсандағы Бюджет кодексінің 31-бабының 5-тармағына сәйкес Қазақстан Республикасының Үкіметі ҚАУЛЫ ЕТЕДІ:
Отправить по почте
Қазақстан Республикасының жергілікті мемлекеттік басқару үлгі құрылымын бекіту және Қазақстан Республикасы Үкіметінің кейбір шешімдерінің күші жойылды деп тану туралы Қазақстан Республикасы Үкіметінің 2009 жылғы 23 қазандағы N 1654 Қаулысы
Қазақстан Республикасының 2008 жылғы 4 желтоқсандағы Бюджет кодексінің 31-бабының 5-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасының жергілікті мемлекеттік басқару үлгі құрылымы бекітілсін.
2. Облыстардың, Астана және Алматы қалаларының әкімдері:
1) әкімшілік-аумақтық бірліктің әлеуметтік-экономикалық даму ерекшеліктерін ескере отырып, Мемлекеттік сәулет-құрылыс бақылауы басқармасын қоспағанда, осы қаулымен бекітілген Қазақстан Республикасының жергілікті мемлекеттік басқару үлгі құрылымында көзделген құрылымдық бөлімшелерді қосу, біріктіру құқығын берсін;
2) осы қаулының 2-тармағының 1) және 2) тармақшаларына сәйкес қайта ұйымдастыруды жүргізген сәттен бастап 10 жұмыс күні ішінде Қазақстан Республикасы Экономика және бюджеттік жоспарлау министрлігі мен өзге де мүдделі орталық мемлекеттік органдарды хабардар етсін.
3. Осы қаулының қосымшасына сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер министрі К. Мәсімов
Қазақстан Республикасы Үкіметінің 2009 жылғы 23 қазандағы N 1654 қаулысымен бекітілген Қазақстан Республикасының жергілікті мемлекеттік басқару үлгі құрылымы
1. Облыстық әкімдік
1. Облыс әкімінің аппараты
2. Сәулет және қала құрылысы басқармасы
3. Ішкі саясат басқармасы
4. Мемлекеттік сәулет-құрылыс бақылауы басқармасы
5. Денсаулық сақтау басқармасы
6. Жұмыспен қамтуды үйлестіру және әлеуметтік бағдарламалар басқармасы
7. Мәдениет басқармасы
8. Жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру басқармасы
9. Білім басқармасы
10. Жолаушылар көлігі және автомобиль жолдары басқармасы
11. Кәсіпкерлік және өнеркәсіп басқармасы
12. Табиғи ресурстар және табиғат пайдалануды реттеу басқармасы
13. Ауыл шаруашылығы басқармасы
14. Құрылыс басқармасы
15. Қаржы басқармасы
