Қазақстан Республикасы Үкiметiнiң кейбiр шешiмдерiне өзгерiстер енгiзу туралы Қазақстан Республикасының Үкіметінің 2013 жылғы 25 қаңтардағы № 32 Қаулысы

«Қазақстан Республикасы мемлекеттiк органының үлгi ережесiн бекiту туралы» Қазақстан Республикасы Президентінің 2012 жылғы 29 қазандағы № 410 Жарлығын іске асыру мақсатында Қазақстан Республикасының Yкiметі ҚАУЛЫ ЕТЕДІ: 

1. Қазақстан Республикасы Үкiметiнiң кейбiр шешiмдерiне мынадай өзгерiстер енгiзiлсiн:

• 1

1) тармақша күшін жойды (ескертуді қараңыз)

1-тармақша күшін жойды ҚР Үкіметінің 23.09.2014 жылғы № 1003 Қаулысымен (25.01.2013 ж. редакцияны қараңыз)

2) «Қазақстан Республикасы Мәдениет және ақпарат министрлiгi Тiл комитетiнiң мәселелерi» туралы Қазақстан Республикасы Үкiметiнiң 2005 жылғы 4 ақпандағы № 103 қаулысында (Қазақстан Республикасының ПҮАЖ-ы, 2005 ж., № 6, 53-құжат):

2-тармақ алынып тасталсын;

3) «Қазақстан Республикасы Мәдениет және ақпарат министрлiгiнiң кейбiр мәселелерi туралы» Қазақстан Республикасы Үкiметiнiң 2012 жылғы 12 наурыздағы № 319 қаулысында (Қазақстан Республикасының ПҮАЖ-ы, 2012 ж., № 36, 485-құжат):

2-тармақтың 1) және 2) тармақшалары алынып тасталсын.

2. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасының Премьер-Министрі                                 С. Ахметов

1. Қазақстан Республикасы Мәдениет және ақпарат министрлiгi (бұдан әрi – Министрлiк) мәдениет, ақпарат, iшкi саяси тұрақтылық, этносаралық келiсiм, тiлдердi дамыту, мұрағат iсi мен құжаттама, мемлекеттiк рәмiздер, мемлекеттiк әлеуметтiк тапсырыс салаларында басшылықты, сондай-ақ заңнамада көзделген шекте салааралық үйлестiрудi жүзеге асыратын Қазақстан Республикасының мемлекеттік органы болып табылады.

2. Министрлiктiң мынадай ведомстволары бар:

1) Қазақстан Республикасы Мәдениет және ақпарат министрлiгiнің Мәдениет комитетi;

2) Қазақстан Республикасы Мәдениет және ақпарат министрлiгiнің Ақпарат және мұрағат комитетi;

3) Қазақстан Республикасы Мәдениет және ақпарат министрлiгiнің Тiл комитетi.

3. Министрлiк өз қызметiн Қазақстан Республикасының Конституциясына және заңдарына, Қазақстан Республикасының Президентi мен Үкiметiнiң актiлерiне, өзге де нормативтiк құқықтық актiлерге, сондай-ақ осы Ережеге сәйкес жүзеге асырады.

4. Министрлiк мемлекеттiк мекеме ұйымдық-құқықтық нысанындағы заңды тұлға болып табылады, мемлекеттiк тiлде өз атауы бар мөрi мен мөртаңбалары, белгiленген үлгiдегi бланкiлерi, сондай-ақ Қазақстан Республикасының заңнамасына сәйкес қазынашылық органдарда шоттары болады.

5. Министрлiк азаматтық-құқықтық қатынастарға өз атынан түседi.

6. Министрлік егер заңнамаға сәйкес осыған уәкiлеттiк берiлген болса, мемлекеттің атынан азаматтық-құқықтық қатынастардың тарапы болуға құқығы бар.

7. Министрлiк өз құзыретiнiң мәселелерi бойынша заңнамада белгiленген тәртiппен Министрлік басшысының бұйрықтарымен және Қазақстан Республикасының заңнамасында қөзделген басқа да актілермен ресімделетін шешiмдер қабылдайды.

8. Министрлiктiң құрылымы мен штат санының лимитi қолданыстағы заңнамаға сәйкес бекітіледі.

9. Министрлiктiң орналасқан жері: 010000, Астана қаласы, Орынбор көшесi, № 8 үй, «Министрлiктер үйi» ғимараты, 15-кiреберiс.

10. Министрлiктiң толық атауы: - «Қазақстан Республикасы Мәдениет және ақпарат министрлiгi» мемлекеттiк мекемесi.

11. Осы Ереже Министрлiктiң құрылтай құжаты болып табылады.

12. Министрлiктiң қызметiн қаржыландыру республикалық бюджеттен жүзеге асырылады.

13. Министрлiкке кәсiпкерлiк субъектiлерiмен Министрлiктiң функциялары болып табылатын мiндеттердi орындау тұрғысында шарттық қатынастарға түсуге тыйым салынады.

Егер Министрлiкке заңнамалық актiлермен кiрiстер әкелетiн қызметтi жүзеге асыру құқығы берiлсе, онда осындай қызметтен алынған кiрiстер республикалық бюджеттiң кiрiсiне жiберiледi.

14. Қазақстан Республикасы Мәдениет және ақпарат министрлiгiнiң миссиясы – мәдениет және ақпарат саласында сапалы және қолжетiмдi қызметтер көрсетуге, мемлекеттiк және басқа тiлдердiң қарқынды дамуына, ел бiрлiгiнiң нығаюына, мемлекет пен азаматтық сектор әрiптестiгiнiң тиiмдi жүйесiн қолдауға бағытталған мемлекеттiк саясатты әзiрлеу және тиiмдi iске асыру.

15. Мiндеттерi:

1) мәдениет, тарихи-мәдени мұра объектiлерiн қорғау және пайдалану, тiл саясаты, ақпарат, мұрағат iсi мен құжаттама саласындағы мемлекеттiк саясатты әзiрлеуге және iске асыруға қатысу;

2) мәдениет, тарихи-мәдени мұра объектiлерiн қорғау және пайдалану, тiл саясаты, ақпарат, мұрағат iсi мен құжаттама және мемлекеттiк әлеуметтiк тапсырыс саласында салааралық үйлестiрудi жүзеге асыру;

3) Министрлiкке жүктелген өзге де мiндеттер.

16. Функциялары:

1) орталық аппараттың функциялары:

мәдениет, тарихи-мәдени мұра объектiлерiн қорғау және пайдалану, тiл саясаты, ақпарат, телерадио хабарларын тарату, мұрағат iсi мен құжаттама және мемлекеттiк органдармен өзара iс-қимыл саласындағы мемлекеттiк саясатты қалыптастыру;

мәдениет, тарихи-мәдени мұра объектiлерiн қорғау және пайдалану, тiл саясаты, ақпарат, телерадио хабарларын тарату, мұрағат iсi мен құжаттама саласындағы мемлекеттiк және салалық (секторалдық) бағдарламаларды әзiрлеу;

халықаралық мәдени ынтымақтастық саласындағы қызметтi жүзеге асыру және үйлестiру, отандастармен мәдени байланыстарды дамытуға жәрдемдесу;

ақпарат, мұрағат iсi мен құжаттама саласындағы халықаралық ынтымақтастықты жүзеге асыру;

мемлекеттiк және салалық (секторалдық) бағдарламаларды iске асыру бойынша қоғамдық ұйымдармен өзара iс-қимылды жүзеге асыру;

мемлекеттiк органдардың мемлекеттiк әлеуметтiк тапсырысты қалыптастыру және iске асыру жөнiндегi қызметiн үйлестiрудi жүзеге асыру;

мемлекеттiк әлеуметтiк тапсырысты қалыптастыратын және iске асыратын мемлекеттiк органдарға ақпараттық, консультациялық, әдiстемелiк қолдау көрсету;

мемлекеттiк әлеуметтiк тапсырысты iске асыру мониторингiн жүзеге асыру;

Қазақстан Республикасының Үкiметiне мемлекеттiк әлеуметтiк тапсырысты iске асыру мониторингiнiң қорытындылары бойынша ақпарат ұсыну;

Мемлекеттiк әлеуметтiк тапсырыстың өнiм берушiлер тiзiлiмiн жүргiзудi жүзеге асыру;