1. Қазақстан Республикасы Iшкi iстер министрлiгiнiң Тергеу комитетi, Криминалдық полиция комитетi, Әкiмшiлiк полиция комитетi және Жол полициясы комитетi (бұдан әрi - Комитеттер) құрылсын.

2. Қоса берiлiп отырған: 

1) Қазақстан Республикасы Iшкi iстер министрлiгiнiң Тергеу комитетi туралы ереже және оның құрылымы; 

2) Қазақстан Республикасы Iшкi iстер министрлiгiнiң Криминалдық полиция комитетi туралы ереже және оның құрылымы; 

3) Қазақстан Республикасы Iшкi iстер министрлiгiнiң Әкiмшiлiк полиция комитетi туралы ереже және оның құрылымы; 

4) Қазақстан Республикасы Iшкi iстер министрлiгiнiң Жол полициясы комитетi туралы ереже және оның құрылымы бекiтiлсiн.

3. Комитеттердiң төрағаларына екi орынбасары болуына рұқсат берiлсiн.

4. "Жол қозғалысы қауiпсiздiгiн қамтамасыз етудiң кейбiр мәселелерi туралы" Қазақстан Республикасы Үкiметiнiң 2004 жылғы 19 сәуiрдегі N 431  қаулысының  (Қазақстан Республикасының ПҮКЖ-ы, 2004 ж., N 17, 221-құжат) күшi жойылды деп танылсын.

5. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзiлсiн:

1) "Штат санының лимиттерiн бекiту туралы" Қазақстан Республикасы Үкiметiнiң 2005 жылғы 24 қаңтардағы N 47  қаулысында: 

көрсетiлген қаулымен бекiтiлген министрлiктердiң, агенттiктер мен ведомстволардың қызметкерлерi штат санының лимиттерiнде: 

реттiк нөмiрi 2-жол мынадай редакцияда жазылсын: 

"2. Қазақстан Республикасы Iшкi iстер министрлiгi:        1392         ведомстволарды қоспағанда, министрлiктiң орталық аппараты 657 

Iшкi әскерлер комитетi                                    225 

Есiрткi бизнесiне қарсы күрес және есiрткi         айналымын бақылау комитетi                                52 

Тергеу комитетi                                           125 

Криминалдық полиция комитетi                              146 

Әкiмшiлiк полиция комитетi                                139 

Жол полициясы комитетi                                    48";

2) "Қазақстан Республикасы Iшкi iстер министрлiгiнiң мәселелерi" туралы Қазақстан Республикасы Үкiметiнiң 2005 жылғы 22 маусымдағы N 607  қаулысында  (Қазақстан Республикасының ПҮКЖ-ы, 2005 ж., N 25, 311-құжат): 

көрсетiлген қаулымен бекiтiлген Қазақстан Республикасы Ішкi iстер министрлiгi туралы ережеде:

1-тармақтың екiншi абзацы мынадай редакцияда жазылсын: 

"Министрлiктiң облыстардағы, Астана және Алматы қалаларындағы, аудандардағы, қалалардағы, қалалардағы аудандардағы және көлiктегi аумақтық органдары, сондай-ақ Iшкi әскерлер комитетi, Есiрткi бизнесiне қарсы күрес және есiрткi айналымын бақылау комитетi, Тергеу комитетi, Криминалдық полиция комитетi, Әкiмшiлiк полиция комитетi және Жол полициясы комитетi ведомстволары болады.";

12-тармақта: 

1) тармақшаның он бiрiншi абзацындағы "әзiрлейдi және" деген сөздер алынып тасталсын; 

2) тармақшаның бесiншi, алтыншы, сегiзiншi, он үшiншi, он төртiншi, он бесiншi және жиырма төртiншi абзацтары алынып тасталсын; 

3) тармақшаның үшiншi, төртiншi, бесiншi, алтыншы, сегiзiншi, тоғызыншы, он бiрiншi және он екiншi абзацтары алынып тасталсын; 

4) тармақша алынып тасталсын; 

көрсетiлген қаулымен бекiтiлген Қазақстан Республикасы Iшкi iстер министрлiгiнiң аумақтық органдары - мемлекеттiк мекемелерінің тiзбесiнде: 

реттiк нөмiрi 244-жол мынадай редакцияда жазылсын: 

"244. Қазақстан Республикасы Iшкi iстер министрлiгiнiң Байқоңыр қаласындағы өкiлдiгi.".

6. Осы қаулы қол қойылған күнінен бастап қолданысқа енгiзiледi.

Қазақстан Республикасының 

Премьер-Министрі

1. Қазақстан Республикасы Iшкi iстер министрлiгiнiң Тергеу комитетi (бұдан әрi - Комитет) Iшкi iстер министрлiгiнiң құзыретi шегiнде қылмыстық сот iсiн жүргізу саласындағы мемлекеттiк саясатты жүзеге асыратын ведомство болып табылады. 

Комитеттiң негiзгi мiндеттерi қылмыстардың алдын алу, анықтау және ашу, сондай-ақ iшкi iстер органдары үшiн заңнамада белгiленген құзырет шегiнде алдын ала тергеу мен анықтауды жүзеге асыру болып табылады.

2. Комитет өз қызметiн Қазақстан Республикасының  Конституциясы  мен заңнамалық кесiмдерiне, Қазақстан Республикасы Президентiнiң, Үкiметiнiң кесiмдерiне, өзге де нормативтiк құқықтық кесiмдерге, сондай-ақ осы Ережеге сәйкес жүзеге асырады.

3. Комитет мемлекеттiк мекеменiң ұйымдық-құқықтық нысанындағы заңды тұлға болып табылады, өз атауы мемлекеттiк тiлде жазылған мөрлерi мен мөртаңбалары, белгiленген үлгідегi бланкiлерi болады, сондай-ақ заңнамаға сәйкес Қазақстан Республикасы Қаржы министрлiгiнiң  Қазынашылық  органдарында шоттары болуы мүмкiн. ( ,   ) 

Комитет өз атынан азаматтық-құқықтық қатынастарға түсуге құқылы. 

Егер Комитетке заңнамаға сәйкес уәкiлеттiк берiлсе, ол мемлекеттiң атынан азаматтық-құқықтық қатынастардың тарабы болады.

4. Комитет өз құзыретiндегi мәселелер бойынша заңнамада белгiленген тәртiппен бұйрықтар нысанында нормативтiк құқықтық кесiмдер шығарады.

5. Комитеттiң құрылымын және штат санының лимитiн Iшкi iстер министрiнiң ұсынуы бойынша Қазақстан Республикасының Үкiметi бекiтедi.

6. Комитеттiң заңды мекен-жайы: 

010010, Қазақстан Республикасы, Астана қаласы, Манас көшесi, 4.