"Білім алушылардың үлгерімін ағымдағы бақылау, аралық және қорытынды мемлекеттік аттестаттау жүргізудің үлгі ережесін бекіту туралы" Қазақстан Республикасы Білім және ғылым министрінің 2008 жылғы 18 наурыздағы N 125 бұйрығына өзгерістер мен толықтырулар енгізу туралы Қазақстан Республикасы Білім және ғылым министрінің 2009 жылғы 20 қаңтардағы N 14 Бұйрығы. Қазақстан Республикасының Әділет министрлігінде 2009 жылғы 23 қаңтарда Нормативтік құқықтық кесімдерді мемлекеттік тіркеудің тізіліміне N 5512 болып енгізілді.

1. "Білім алушылардың үлгерімін ағымдағы бақылау, аралық және қорытынды мемлекеттік аттестаттау жүргізудің үлгі ережесін бекіту туралы" Қазақстан Республикасы Білім және ғылым министрінің 2008 жылғы 18 наурыздағы N 125 бұйрығына мынадай өзгерістер мен толықтырулар енгізілсін: 

Көрсетілген бұйрықпен бекітілген, Бастауыш, негізгі орта, жалпы орта білімнің білім беретін оқу бағдарламаларын іске асыратын білім беру ұйымдарындағы білім алушылардың үлгеріміне ағымдық бақылаудың, оларды аралық және қорытынды аттестаттаудың үлгі ережесіне: 

бүкіл мәтін бойынша "білім департаментінің директоры" деген сөздер "білім басқармасының бастығы" деген сөздермен ауыстырылысын; 

41-тармақта "Білім беру мен тестілеудің мемлекеттік стандарттарының орталығы (бұдан әрі - БТМСҰО)" деген сөздер "Ұлттық тестілеу орталығы" деген сөздермен ауыстырылсын; 

59-тармақтағы "БТМСҰО" деген сөз тиісінше "ҰТО" деген сөзбен ауыстырылсын; 

12-тармақ мынадай мазмұндағы үшінші абзацпен толықтырылсын: 

"Өзбек, ұйғыр және тәжік тілдерінде оқытатын жалпы білім беретін мектептердің бітірушілері өз қалауы бойынша ҰБТ-ны мемлекеттік немесе орыс тілдерінде тапсыруы мүмкін."; 

13-тармақта "ұйғыр, өзбек және тәжік тілдерінде оқытатын мектептердің бітірушілері" деген сөздерден кейін "ҰБТ-ға қатысуға тілек білдірмеген" деген сөздермен толықтырылсын; 

15-тармақта "жалпы орта білім туралы ұздік аттестатын алуға үміткер" деген сөздерден кейін "және ҰБТ-ға қатыспаған" деген сөздермен толықтырылсын; 

34-тармақта "Мемлекеттік құпиялар туралы" Қазақстан Республикасының Заңын" деген сөздерден кейін "Сыбайлас жемқорлыққа қарсы күрес туралы" Қазақстан Республикасының Заңын," деген сөздермен толықтырылсын; 

35-тармақта "аудандық (қалалық) білім бөлімдерінің меңгерушілері" деген сөздерден кейін "балалардың құқықтарын қорғау жөніндегі облыстық департаменттің қызметкерлері," деген сөздермен толықтырылсын; 

37-тармақ мынадай мазмұндағы 4) тармақшамен толықтырылсын: 

"4) ҰБТ-ы мәселелері бойынша жұртшылық арасында ұйымдастырушылық және ақпараттық-түсіндіру жұмыстарын жүргізеді."; 

44-тармақта "3 астрономиялық сағат" деген сөз "3,5 (үш жарым) астрономиялық сағат (210 минут)" деген сөздермен ауыстырлысын: 

56-тармақ мынадай мазмұнда жариялансын: 

"Апелляцияға берілетін өтінішті тестілеуге қатысушының өзі апелляциялық комиссия төрағасының атына береді. Тест тапсырмаларының мазмұны және техникалық себептер бойынша өтініштер тестілеу нәтижесі жарияланғаннан кейін келесі күнгі сағат 13.00-ге дейін қабылданады және Нұсқаулыққа сәйкес апелляциялық комиссия тәулік бойы қарастырады. Өтініш берушінің өзімен бірге оның жеке басын куәландыратын құжаты, ҰБТ-ға жіберу рұқсаттамасы болуы керек.". 

2. Білім және ғылым саласындағы бақылау комитеті (Н.Б. Қалабаев): 

1) осы бұйрықты белгілінген тәртіппен Қазақстан Республикасы 

Әділет министрлігінде мемлекеттік тіркеуді қамтамасыз етсін; 

2) мемлекеттік тіркеуден өткеннен кейін осы бұйрықты бұқаралық   ақпарат құралдарында жарияласын. 

3. Осы бұйрықтың орындалуын бақылау вице-министр К.Н. Шәмшидиноваға жүктелсін. 

4. Осы бұйрық алғаш ресми жарияланғаннан күннен бастап он күнтізбелік күн ішінде қолданысқа енгізіледі.

Министр                                         Ж. Түймебаев