Қазақстан Республикасы Президентінің кейбір Жарлықтарына өзгерістер енгізу туралы Қазақстан Республикасы Президентінің Жарлығы 2000 жылғы 22 мамыр N 401

1. Қазақстан Республикасы Президентінің мынадай Жарлықтарына өзгерістер енгізілсін:

1) "Мемлекеттік саяси қызметшілер лауазымдарының тізілімі мен Мемлекеттік саяси қызметшілерге тәртіптік жаза қолдану тәртібі туралы ережені бекіту туралы" 1999 жылғы 29 желтоқсандағы N 317  Жарлығына (Қазақстан Республикасының ПҮАЖ-ы 1999 ж., N 58, 559-құжат): 

жоғарыда аталған Жарлықпен бекітілген Мемлекеттік саяси қызметшілер лауазымдарының тізілімінде: 

"Қазақстан Республикасының Сыбайлас жемқорлыққа қарсы күрес жөніндегі мемлекеттік комиссиясының мүшелері (мемлекеттік қызметшілер мәртебесін иеленушілер) және мемлекеттік инспекторлары," деген сөздер алынып тасталсын; 

"Қазақстан Республикасы Президенті Әкімшілігінің Ұйымдастыру-бақылау бөлімінің мемлекеттік инспекторлары" деген жол мынадай редакцияда жазылсын: 

"Қазақстан Республикасы Президенті Әкімшілігінің құрылымдық бөлімшелерінің мемлекеттік инспекторлары"; 

2) "Қазақстан Республикасының мемлекеттік саяси қызметшілері антының мәтінін және Қазақстан Республикасы мемлекеттік саяси қызметшілерінің ант беру тәртібін бекіту туралы" 2000 жылғы 13 сәуірдегі N 372  Жарлығында:

2-тармақтың 2) тармақшасының төртінші абзацында "Сыбайлас жемқорлыққа қарсы күрес жөніндегі мемлекеттік комиссияның мемлекеттік қызметшілер мәртебесі бар мүшелері", "Сыбайлас жемқорлыққа қарсы күрес жөніндегі мемлекеттік комиссияның мемлекеттік инспекторлары" деген сөздер алынып тасталсын;

3) тармақша күшін жойды (ескертуді қараңыз)

3)-тармақша күшін жойды - ҚР Президентінің 2001.03.26. N 575 жарлығымен.

2. Осы Жарлық қол қойылған күнінен бастап күшіне енеді.

Қазақстан Республикасының Президенті