Өнеркәсiптiк объектінің қауiпсiздiгі декларациясын ұсынудың тәртiбiн және нысанын бекіту туралы Қазақстан Республикасы Үкіметінің 2000 жылғы 19 мамырдағы N 764 Қаулысы

"Табиғи және техногендiк сипаттағы төтенше жағдайлар туралы" Қазақстан Республикасының 1996 жылғы 5 шiлдедегі  Заңына сәйкес және төтенше жағдайлардың алдын алу және iс-қимылдарға дайындалу мақсатында Қазақстан Республикасының Үкiметi ҚАУЛЫ ЕТЕДI: 

1. Қоса берiлiп отырған: 

1) Қазақстан Республикасының өнеркәсiптiк объектiсi қауiпсiздiгiнiң декларациясын ұсынудың тәртiбi; 

2) Қазақстан Республикасының өнеркәсiптiк объектiсi қауiпсiздiгiнiң нысаны бекiтiлсiн. 

2. Қоса берiлiп отырған қызметiнiң төтенше жағдайлардың пайда болуына жоғары тәуекелi бар ұйымдардың тiзбесiне енгiзуге жататын қауiптi өнеркәсiптiк объектiлердi бiрдейлендiруге қойылатын негiзгi талаптар мақұлдансын. 

3. Қазақстан Республикасының Төтенше жағдайлар жөнiндегi агенттiгi: 

1) 2000 жылдың 1 тамызына дейiн қызметiнiң төтенше жағдайлардың пайда болуына жоғары тәуекелi бар ұйымдардың тiзбесiн Қазақстан Республикасының Үкiметiне бекiтуге ұсынсын; 

2) белгiленген тәртiппен Өнеркәсiптiк объектiлердiң қауiпсiздiгi декларациясына сараптама жүргiзудi ұйымдастырсын. 

4. Осы қаулы қол қойылған күнiнен бастап күшiне енедi.

Қазақстан Республикасының 

Премьер-Министрі

1. Қазақстан Республикасының аумағында орналасқан, қызметi өндiрiстiң жоғары қауiптiлiгімен байланысты өнеркәсiптiк объектiлердiң (бұдан әрi - өнеркәсiптiк обьектi) қауiпсiздiгін декларациялау қауiпсiздiк шараларының сақталуын бақылауды, өнеркәсiптiк объектiде төтенше жағдайлардың алдын алу және жою жөнiндегі iс-шаралардың жеткiлiктiлiгi мен тиiмдiлiгiн бағалауды қамтамасыз ету мақсатында жүзеге асырылады.

2. Пайдалануға қосылған, жұмыс iстеп тұрған және пайдаланудан шығарылған, кызметiнiң төтенше жағдайлардың пайда болуының жоғары тәуекелi бар ұйымдардың тізбесiне енгізiлген өнеркәсiптiк объектілер мiндеттi декларациялауға жатады.

3. Ұйымдар өздерiнiң қарауындағы өнеркәсiптiк объектiлердiң қауiпсiздiгі декларациясын табиғи және техногендік сипаттағы төтенше жағдайлар саласындағы уәкілетті органы мен жергiлiктi атқарушы органдарына ұсынады. 

3-тармақ өзгертілді ҚР Үкіметінің 18.11.2008 № 1068 Қаулысымен. (19.05.2000 жылғы редакцияны қараңыз)

4. Қауіпсiздiк декларациясында қамтылған мәлiметтердiң тiзбесi мен оны ресiмдеудiң тәртiбiн табиғи және техногендік сипаттағы төтенше жағдайлар саласындағы уәкілетті органы белгiлейдi. 

4-тармақ өзгертілді ҚР Үкіметінің 18.11.2008 № 1068 Қаулысымен. (19.05.2000 жылғы редакцияны қараңыз)

5. Қауiпсiздiк декларациясын өнеркәсiптiк объектi құрамына кiретiн ұйымның басшысы бекiтедi. Қауiпсiздiк декларациясын бекiткен адам, онда берiлген ақпараттардың толықтығы мен дұрыстығы үшiн жауаптылықта болады.

6. Декларацияда ұсынылған ақпараттардың нормативтерге, стандарттарға және ережелерге сәйкестiгi бөлiгiнде толықтығы мен дұрыстығын, қауiпсiздiк шараларын пайдалану кезiнде iске асырылатын iс-шаралардың толықтығы мен тиiмдiлiгiн белгiлеу үшiн декларацияларға мемлекеттік сараптама жүргізiледi.

7. Декларация үш данада жасалады. Декларацияның бiрiншi данасы декларацияны ұсынған ұйымда сақталады.

8. Декларация қолданылып жүрген нормалармен және ережелермен айқындалатын қауіпсіздік талаптары немесе декларацияда келтірілген өнеркәсіптік объекті туралы мәліметтер өзгерген жағдайда, бірақ бес жылда бір реттен сирек емес, нақтылануы тиіс.

9. Қауіпсіздік декларациясының құрылымдық элементтері мен оның сараптамасын жүргізуге қойылатын талаптар табиғи және техногендік сипаттағы төтенше жағдайлар саласындағы уәкілетті органы бекітетін "Өнеркәсіптік объектінің қауіпсіздігі декларациясын әзірлеудің тәртібімен" және "Өнеркәсіптік объектінің қауіпсіздігі декларациясына сараптама жүргізудің тәртібімен" белгіленеді. 

9-тармақ өзгертілді ҚР Үкіметінің 18.11.2008 № 1068 Қаулысымен. (19.05.2000 жылғы редакцияны қараңыз)

                            Қазақстан Республикасының Үкіметі 

                                  2000 жылғы 19 мамырдағы 

                                      N 764 қаулысымен 

                                         бекітілген

                                             Бірінші беті 

                                              Тіркеу нөмірі

                                                   Бекітемін 

                          (Ұйымның басшысы, қол қойылған күні) 

                                                 (мөрдің орны) 

                    Қауіпсіздік декларациясы 

                (Өнеркәсіптік объектінің атауы) 

                     (Елді мекеннің атауы) 

                           Мазмұны

Аннотация------------------------------------------------------------------------- 

Бөлім  1.     Жалпы ақпарат                                             5-------------------------------------------------------------------------

1.1.   Өнеркәсіптік объекті туралы жалпы мәліметтер              5 

1.1.1. Өнеркәсіптік объекті туралы қысқаша мәліметтер            5 

1.1.2. Өте қауіпті өндірістерді бірдейлендірудің негіздемесі     6 

1.1.3. Өнеркәсіптік объектінің орналасқан жерінің сипаттамасы    7 

1.1.4. Табиғи ауа-райлық жағдайлар                               8 

1.1.5. Сыртқы өртке қарсы сумен жабдықтау                        8 

1.1.6. Объектілердің өрт сөндіру сипаттамасы                    10 

1.1.7. Қызметкерлер және санитарлық-қорғау аймағының аумағында  10 

      тұратын халық туралы деректер 

1.1.8. Сақтандыру деректері                                     12 

1.2.   Қауіпсіздіктің жалпы шаралары                            12