Отправить по почте
Қазақстан Республикасы Президентiнiң жанындағы Кешiрiм жасау мәселелерi жөнiндегi комиссия туралы Қазақстан Республикасы Президентінің 2006 жылғы 5 шілдедегі N 140 Жарлығы
Мәтін бойынша «өтініштерді», «өтініші», «өтініш», «өтінішпен», «өтінішті», «өтініштің», «өтінішке», «өтініштері» деген сөздер тиісінше «өтінішхаттарды», «өтінішхаты», «өтінішхат», «өтінішхатпен», «өтінішхатты», «өтінішхаттың», «өтінішхатқа», «өтінішхаттары» деген сөздермен ауыстырылды ҚР 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
Қазақстан Республикасы Конституциясының 44-бабының 15) тармақшасына және "Қазақстан Республикасының Президентi туралы" 1995 жылғы 26 желтоқсандағы Қазақстан Республикасы Конституциялық заңының 33-бабы 2-тармағының 3) тармақшасына сәйкес ҚАУЛЫ ЕТЕМIН:
1. Мыналар:
1) 1-қосымшаға сәйкес Қазақстан Республикасы Президентiнiң жанындағы Кешiрiм жасау мәселелерi жөнiндегi комиссия туралы ереже;
2) 2-қосымшаға сәйкес Қазақстан Республикасы Президентiнiң жанындағы Кешiрiм жасау мәселелерi жөнiндегi комиссияның құрамы бекiтiлсiн.
2. Мыналардың күшi жойылған деп танылсын:
1) "Қазақстан Республикасы Президентiнiң азаматтарға кешiрiм жасауды жүзеге асыру тәртiбi туралы ереженi бекiту туралы" Қазақстан Республикасы Президентiнiң 1996 жылғы 7 мамырдағы N 2975 Жарлығы;
2) "Қазақстан Республикасы Президентiнiң жанындағы Кешiрiм жасау мәселелерi жөнiндегi комиссияның құрамы туралы" Қазақстан Республикасы Президентiнiң 1996 жылғы 13 қыркүйектегi N 3108 Жарлығы;
3) "Қазақстан Республикасы Президентiнiң жанындағы Кешiрiм жасау мәселелерi жөнiндегi комиссияның құрамы туралы" Қазақстан Республикасы Президентiнiң 1996 жылғы 13 қыркүйектегi N 3108 Жарлығына өзгерiстер мен толықтырулар енгiзу туралы" Қазақстан Республикасы Президентiнiң 1997 жылғы 28 қаңтардағы N 3343 Жарлығы;
4) "Қазақстан Республикасы Президентiнiң 1996 жылғы 7 мамырдағы N 2975 Жарлығына өзгерiстер мен толықтырулар енгiзу туралы" Қазақстан Республикасы Президентiнiң 1998 жылғы 18 ақпандағы М 3841 Жарлығы (Қазақстан Республикасының ПҮАЖ-ы, 1998 ж., N 4, 20-құжат);
5) "Қазақстан Республикасы Президентiнiң 1996 жылғы 13 қыркүйектегi N 3108 Жарлығына өзгерiстер енгiзу туралы" Қазақстан Республикасы Президентiнiң 1998 жылғы 1 сәуiрдегi N 3892 Жарлығы;
6) "Қазақстан Республикасы Президентiнiң 1996 жылғы 7 мамырдағы N 2975 Жарлығына өзгерiстер енгiзу туралы" Қазақстан Республикасы Президентiнiң 2001 жылғы 13 ақпандағы N 557 Жарлығы;
7) "Қазақстан Республикасы Президентiнiң 1996 жылғы 13 қыркүйектегi N 3108 және 1996 жылғы 18 маусымдағы N 3039 Жарлықтарына өзгерiстер енгiзу туралы" Қазақстан Республикасы Президентiнiң 2001 жылғы 7 қарашадағы N 719 Жарлығының 1-тармағы;
8) "Қазақстан Республикасы Президентiнiң 1996 жылғы 13 қыркүйектегi N 3108 Жарлығына өзгерiстер енгiзу туралы" Қазақстан Республикасы Президентiнiң 2002 жылғы 6 наурыздағы N 821 Жарлығы;
9) "Қазақстан Республикасы Президентiнiң 1996 жылғы 7 мамырдағы N 2975 Жарлығына өзгерiстер мен толықтырулар енгiзу туралы" Қазақстан Республикасы Президентiнiң 2004 жылғы 4 ақпандағы N 1288 Жарлығы;
10) "Қазақстан Республикасы Президентiнiң кейбiр актiлерiне өзгерiстер енгiзу туралы" Қазақстан Республикасы Президентiнiң 2004 жылғы 15 желтоқсандағы N 1504 Жарлығының 1-тармағының 2) тармақшасы;
11) "Қазақстан Республикасы Президентiнiң 1996 жылғы 7 мамырдағы N 2975 Жарлығына өзгерiстер мен толықтырулар енгiзу және Қазақстан Республикасы Президентiнiң кейбiр актiлерiнiң күшi жойылған деп тану туралы" Қазақстан Республикасы Президентiнiң 2005 жылғы 16 мамырдағы N 1573 Жарлығының 1-тармағы (Қазақстан Республикасының ПYАЖ-ы, 2005 ж., N 20, 238-құжат).
3. Осы Жарлық қол қойылған күнiнен бастап қолданысқа енгiзiледi.
Қазақстан Республикасының Президентi
1-ҚОСЫМШA
Қазақстан Республикасы Президентiнiң 2006 жылғы 5 шiлдедегi N 140 Жарлығымен БЕКIТIЛГЕН
Қазақстан Республикасы Президентiнiң жанындағы Кешiрiм жасау мәселелерi жөнiндегi комиссия туралы ЕРЕЖЕ
1. Жалпы ережелер
1. Қазақстан Республикасы Президентінің жанындағы Кешірім жасау мәселелері жөніндегі комиссия туралы осы ереже (бұдан әрі - Ереже) Қазақстан Республикасы Конституциясының 44-бабының 15) тармақшасына, «Қазақстан Республикасының Президенті туралы» 1995 жылғы 26 желтоқсандағы Қазақстан Республикасы Конституциялық заңының 19-бабының 6) тармақшасына және 33-бабының 2-тармағының 3) тармақшасына сәйкес Қазақстан Республикасы Президентінің жанындағы Кешірім жасау мәселелері жөніндегі комиссия (бұдан әрі - Комиссия) қызметінің және кешірім жасау туралы өтінішхаттарды қараудың тәртібін белгілейді.
1-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
2. Кешірім жасауды өзіне қатысты айыптау үкімі заңды күшіне енген, сол сияқты шет мемлекет сотының үкімі бойынша тағайындалған жазаны Қазақстан Республикасының аумағында өтеп жатқан не өтеген адамның өтінішхаты негізінде Қазақстан Республикасының Президенті жүзеге асырады.
2-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
3. Қазақстан Республикасының Президентi өз қарауымен сотталған немесе жазасын өтеген адамға кешiрiм жасай алады.
3-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
4. Кешірім жасау туралы өтінішхаттар сот үкімі (қаулысы) заңды күшіне енгеннен кейін ғана берілуі мүмкін.
4-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
5. Кешiрiм жасау:
1) тармақша алып тасталды (ескертуді қараңыз)
1-тармақша өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 1-тармақша алып тасталды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
1-1) өмір бойына бас бостандығынан айыруды белгілі бір мерзімге бас бостандығынан айырумен алмастыру;
5-тармақ 1-1-тармақшамен толықтырылды ҚР Президентінің 22.04.2015 жылғы № 1036 Жарлығына сәйкес
2) жазаны одан әрi өтеуден босату не белгiлеген жазаның мерзiмiн қысқарту;
3) сот белгілеген жазаны жазаның неғұрлым жеңіл түрімен алмастыру;
3-тармақша өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
3-1) қосымша жаза түрінен босату;
5-тармақ 3-1-тармақшамен толықтырылды ҚР Президентінің 22.04.2015 жылғы № 1036 Жарлығына сәйкес
4) жазасын өтеген немесе оны одан әрі өтеуден босатылған адамдардан сотталғандықты алып тастау түрінде жүзеге асырылады.
4-тармақша өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
2. Қазақстан Республикасы Президентiнiң жанындағы Кешiрiм жасау мәселелерi жөнiндегi комиссия
6. Кешiрiм жасау туралы материалдарды қарауды Қазақстан Республикасы Президентiнiң жанындағы консультативтiк-кеңесшi орган болып табылатын Қазақстан Республикасы Президентiнiң жанындағы Кешiрiм жасау мәселелерi жөнiндегi комиссия (бұдан әрi - Комиссия) жүзеге асырады.
7. Комиссияның құрамын Президент бекiтедi.
8. Комиссияны төраға басқарады.
8-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 8-тармақ жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі) 8-тармақ өзгертілді ҚР Президентінің 20.10.2023 жылғы № 384 Жарлығымен (09.02.2023 ж. редакцияны қараңыз)
Комиссияның құрамына лауазымы бойынша төрағаның орынбасары болып табылатын Қазақстан Республикасы Президентінің құқықтық мәселелер жөніндегі көмекшісі, Қазақстан Республикасындағы Адам құқықтары жөніндегі уәкіл, Бас Прокурордың жазаның орындалуы және азаматтарды ақтау мәселелеріне жетекшілік ететін орынбасары және Қазақстан Республикасы Ішкі істер министрлігінің Қылмыстық-атқару жүйесі комитетінің төрағасы кіреді.
Комиссияның құрамына Қазақстан Республикасы Парламентінің депутаттары, үкіметтік емес ұйымдардың өкілдері және өзге де адамдар кіруі мүмкін.
9. Комиссия отырысында төраға болмаған жағдайда оның мiндетi Комиссия төрағасының орынбасарына жүктеледi.
10. Комиссияның отырысы оның мүшелерiнiң үштен екiсi қатысқан ретте құқылы болып саналады.
11. Комиссияның отырыстарына Қазақстан Республикасы Жоғарғы Сотының Төрағасы, Жоғарғы Соттың сот алқаларының төрағалары, орталық мемлекеттік органдардың басшылары немесе олардың орынбасарлары қатысып, талқыланатын мәселелер бойынша сөз сөйлей алады.
11-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 11-тармақ жаңа редакцияда жазылды ҚР Президентінің 08.02.2016 жылғы № 191 Жарлығына сәйкес (22.04.2015 ж. редакцияны қараңыз) 11-тармақ жаңа редакцияда жазылды ҚР Президентінің 10.10.2016 жылғы № 357 Жарлығына сәйкес (09.06.2016 ж. редакцияны қараңыз) 11-тармақ жаңа редакцияда жазылды ҚР Президентінің 17.11.2020 жылғы № 450 Жарлығына сәйкес (28.10.2019 ж. редакцияны қараңыз) 11-тармақ жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
12. Комиссия өз отырыстарына оның құзыретіне жататын мәселелер бойынша қажетті ақпарат алу үшін мемлекеттік органдардың, қоғамдық бірлестіктердің өкілдерін, сондай-ақ өзге де адамдарды шақыруға құқылы.
12-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
13. Комиссияның шешiмi оның қатысып отырған мүшелерiнiң көпшiлiк даусымен қабылданады. Сотталған адам үшiн неғұрлым қолайлы мәселе дауысқа бiрiншi болып салынады. Комиссия мүшелерiнiң дауыстары тең бөлiнген жағдайда төрағалық етушiнiң дауысы шешушi болып табылады. Комиссияның шешiмi хаттамамен ресiмделiп, оған отырысқа қатысқан оның барлық мүшелерi қол қояды.
13-тармақ өзгертілді ҚР Президентінің 09.02.2023 жылғы № 126 Жарлығымен (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
Шақырылған адамдар Комиссия шешім қабылдаған кезде дауыс беруге қатыспайды.
14. Кешiрiм жасау туралы мәселе қаралған кезде:
1) жасалған қылмыстың қоғамдық қауiптiлiк сипаты мен деңгейi, сотталған адамның жеке басы, оның мiнез-құлқы, еңбекке көзқарасы, бас бостандығынан айыру орындарындағы ынталы ұйымдардың жұмысына қатысуы, өтелмеген жаза мерзiмi, отбасы жағдайы және кешiрiм жасау туралы өтiнiштi қарау кезiнде маңызы бар басқа да жағдаяттар;
2) Қазақстан Республикасы Жоғарғы Соты Төрағасының, Бас Прокурорының және Ішкі істер министрінің сотталған адамға қатысты кешірім жасауды қолданудың орындылығы туралы қорытындылары;
2-тармақша өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
3) жазаны орындайтын органдар әкімшіліктерінің, қоғамдық бірлестіктер мен еңбек ұжымдарының пікірлері (болған жағдайда);
3-тармақша өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
4) сотталған адамға кешірім жасау туралы жәбірленушінің не оның заңды өкілінің өтінішхаттары (болған жағдайда) зерделенеді және назарға алынады.
4-тармақша өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
15. Комиссияның жұмыс органы Қазақстан Республикасы Президентi Әкiмшiлiгiнiң Мемлекеттік құқық бөлімі болып табылады, ол:
15-тармақ өзгертілді ҚР Президентінің 24.04.2008 жылғы № 576 Жарлығымен (28.11.2007 жылғы редакцияны қараңыз)
1) кешiрiм жасау туралы материалдарды алдын ала қарауды, Комиссия мен Қазақстан Республикасы Президентiнiң қарауы үшiн қажеттi материалдарды дайындауды;
2) Мемлекет басшысының кешiрiм жасау туралы жарлықтарының уақтылы орындалуын бақылауды;
3) кешiрiм жасауды қолданудың практикасын қорытуды;
4) Қазақстан Республикасы Президентiнiң Әкiмшiлiгi туралы ережеде және осы Ережеде көзделген өзге де өкiлеттiктердi жүзеге асырады.
3. Кешiрiм жасау туралы өтiнiштi жолдау тәртiбi
16. Сотталған адам жазбаша түрде кешірім жасау туралы өтінішхаттарымен Қазақстан Республикасы Президентінің атына жүгінеді.
16-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
17. Бас бостандығынан айыруға, қамауға алуға сотталған адамның кешірім жасау туралы өтінішхаты жазаны орындайтын мекеменің әкімшілігі арқылы беріледі.
17-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 17-тармақ жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
Гауптвахтада өтеумен қамауға алуға сотталған адамның (әскери қызметшінің) кешірім жасау туралы өтінішхаты жазасын өтеу орны бойынша әскери полиция органдары арқылы беріледі.
Бас бостандығын шектеу, түзеу жұмыстары, қоғамдық жұмыстарға тарту түріндегі жазаға сотталған, шартты түрде сотталған, жазаны өтеуі кейінге қалдырылған адамның кешірім жасау туралы өтінішхаты тұрғылықты жері бойынша пробация қызметі арқылы беріледі.
Жазаны өтеуден шартты түрде мерзімінен бұрын босатылған адамның кешірім жасау туралы өтінішхаты тұрғылықты жері бойынша ішкі істер органдары арқылы беріледі.
Айыппұлға сотталған не жазаны өтеген, не жазаны одан әрі өтеуден босатылған адам кешірім жасау туралы өтінішхатты Қазақстан Республикасы Президентінің атына өзі жолдайды.
18. Тармақ алынып тасталды (ескертуді қараңыз)
18-тармақ алынып тасталды ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
19. Тармақ алынып тасталды (ескертуді қараңыз)
19-тармақ өзгертілді ҚР Президентінің 28.11.2007 жылғы № 449 Жарлығымен (12.04.2007 жылғы редакцияны қараңыз) 19-тармақ алынып тасталды ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
19-1. Тармақ алынып тасталды (ескертуді қараңыз)
Ереже 19-1-тармақпен толықтырылды ҚР Президентінің 28.11.2007 жылғы № 449 Жарлығымен. 19-1-тармақ алынып тасталды ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
19-2. Тармақ алынып тасталды (ескертуді қараңыз)
Ереже 19-2-тармақпен толықтырылды ҚР Президентінің 28.11.2007 жылғы № 449 Жарлығымен 19-2-тармақ алынып тасталды ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
20. Тармақ алып тасталды (ескертуді қараңыз)
20-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 20-тармақ алып тасталды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
21. Тармақ алып тасталды (ескертуді қараңыз)
21-тармақ алып тасталды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
22. Тармақ алып тасталды (ескертуді қараңыз)
22-тармақ алып тасталды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
23. Тармақ алып тасталды (ескертуді қараңыз)
23-тармақ алып тасталды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
24. Мекемелердің, жазаны орындайтын органдардың әкімшілігі немесе ішкі істер органдары кешірім жасау туралы өтінішхатты тіркегеннен кейін он бес жұмыс күні ішінде оны осы Ереженің 25-тармағында көрсетілген құжаттармен бірге Қазақстан Республикасы Президентінің Әкімшілігіне жолдауы тиіс.
24-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
Кешірім жасау туралы өтінішхаттың жолданғаны туралы үш жұмыс күні ішінде өтінішхат берген адамға хабарланады.
25. Кешірім жасау туралы өтінішхатқа мынадай құжаттар қоса беріледі:
25-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 25-тармақ жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
1) жеке басын куәландыратын құжаттың куәландырылған көшірмесі;
1-1) сотталғанның өмірбаян деректері, оның отбасылық жағдайы, бұрынғы соттылығы, сотталғанға бұрын рақымшылық жасау актісін қолдану, сондай-ақ сотталғанның бұрынғы кешірім жасау туралы өтінішхаттарын қарау нәтижелері туралы мәліметтері көрсетілген сауалнама (кешірім жасау туралы өтінішхатты өзі жолдайтын адамды қоспағанда);
2) сотталған адам оларға сәйкес жазасын өтеп жатқан (өтеген) сот актілерінің куәландырылған көшірмелері;
3) мекеме, жазаны орындайтын органдар әкімшілігінің, ішкі істер органдарының пікірімен бірге кешірім жасау актісін қолданудың орындылығы туралы ұсынуы (жазаны өтеген не жазаны одан әрі өтеуден босатылған, сондай-ақ белгiлi бiр лауазымды атқару немесе белгiлi бiр қызметпен айналысу құқығынан өмір бойына айыруға сотталған адам тұрғылықты жері бойынша ішкі істер органдарының ұсынуын қоса береді);
4) мінездеме (кешірім жасау туралы өтінішхатты өзі жолдайтын адам тұрғылықты жері бойынша ішкі істер органдарының мінездемесін қоса береді);
5) денсаулық жағдайы туралы анықтама;
5-1) психологиялық мінездеме (мекеменің әкімшілігі қоса береді);
6) талап арыздары және өтелмеген берешегі туралы анықтама;
7) сотталған адамның, жазасын өтеген немесе жазаны одан әрі өтеуден босатылған адамның қалауы бойынша, сондай-ақ мекеме, жазаны орындайтын органдар әкімшілігінің, ішкі істер органдарының бастамасы бойынша кешірім жасауды қолдану туралы мәселені қарауда маңызы бар басқа да құжаттар.
Комиссияның жұмыс органы мекемелер, жазаны орындайтын органдар әкімшілігінен, ішкі істер органдарынан кешiрiм жасау туралы мәселені қарау үшін маңызы бар қосымша материалдарды сұратып ала алады.
26. Кешірім жасау туралы өтінішхатқа қоса берілген және мекемелер, ішкі істер органдары, жазаны орындайтын органдары арқылы жіберілген материалдарды тиісінше осы мекемелердің әкімшілігі, тиісті органдардың басшылығы куәландырады.
26-тармақ өзгертілді ҚР Президентінің 28.11.2007 жылғы № 449 Жарлығымен (12.04.2007 жылғы редакцияны қараңыз) 26-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 26-тармақ өзгертілді ҚР Президентінің 09.02.2023 жылғы № 126 Жарлығымен (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
Кешірім жасау туралы өтінішхатқа қоса берілген және жазаны өтеген немесе жазаны одан әрі өтеуден босатылған адам өзі жолдаған материалдарды нотариат куәландыруға тиіс.
27. Тармақ алынып тасталды (ескертуді қараңыз)
27-тармақ алынып тасталды ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
28. Қазақстан Республикасының Президенті өзінің қарауы бойынша адамға кешірім жасау туралы шешімді қабылдаған жағдайда, Комиссияның жұмыс органы мекеме, жазаны орындайтын орган әкімшілігінен, ішкі істер органдарынан, не жазаны өтеген немесе жазаны одан әрі өтеуден босатылған адамнан қажетті құжаттарды сұратады.
28-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
29. Кешiрiм жасау туралы өтiнiштi жолдаған мекеме әкiмшiлiгi немесе жазаны орындаушы орган:
1) сотталған адам қайтыс болған;
2) сотталған адам басқа мекемеге ауыстырылған;
3) кешiрiм жасау туралы мәселенi шешуге ықпал ететiн өзге де жағдаяттар пайда болған жағдайда Комиссияны хабардар етуге тиiс.
4. Кешiрiм жасау туралы өтiніштердi қарау бойынша iс жүргiзу
30. Кешірім жасау туралы өтінішхаты бар келіп түскен материалдарды Комиссияның жұмыс органы Қазақстан Республикасының Бас прокуратурасына, Жоғарғы Сотына және Ішкі істер министрлігіне жібереді, олар келіп түскен сәттен бір ай мерзімнен кешіктірмей қабылданған сот шешімдерінің мазмұнын, қылмыстың жасалу жағдаяттарын, сотталған адамның жеке басы туралы мәліметтерді және кешірім жасау туралы әрбір өтінішхаттың мән-жайы жөнінде өз пікірлерін көрсете отырып, қорытындыларды ұсынады.
30-тармақ өзгертілді ҚР Президентінің 24.04.2008 жылғы № 576 Жарлығымен (28.11.2007 жылғы редакцияны қараңыз) 30-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
Соттаудың негізсіздігі немесе заңдылықтың бұзылуы жөнінде тексеруді қажет ететін деректер келтірілген кешірім жасау туралы өтінішхаттарды жұмыс органы не Комиссия тексеру үшін тиісті мемлекеттік органдарға жібереді.
Кешірім жасау туралы өтінішхатпен қоса ұсынылған құжаттар тиісінше ресімделмеген жағдайда, Комиссияның жұмыс органы оларды пысықтауға қайтарады.
31. Жұмыс органы кешірім жасау туралы өтінішхаттары бар материалдарды зерделеу қорытындылары бойынша және тиісті мемлекеттік органдардың қорытындыларын алғаннан кейін Комиссияның қарауына енгізеді.
31-тармақ өзгертілді ҚР Президентінің 24.04.2008 жылғы № 576 Жарлығымен (28.11.2007 жылғы редакцияны қараңыз) 31-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
Кешірім жасау туралы өтінішхаттарды Комиссияның қарауына енгізуге негіздер болмаған жағдайда, жұмыс органы бұл туралы мекемелерге, жазаны орындайтын органдарға, ішкі істер органдарына кешірім жасау туралы өтінішхат берген адамды не осындай өтінішхаттармен өзі жүгінген адамды кейіннен хабардар ету үшін хабарлайды.
32. Комиссияның ұсыныстарын қараудың нәтижелері бойынша Қазақстан Республикасының Президенті кешірім жасау туралы жарлықтар шығарады, олар шағымдануға жатпайды.
32-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз)
Кешірім жасау туралы өтінішхаттарды қабылдамаған жағдайда, Комиссияның жұмыс органы бұл туралы кешірім жасау туралы өтінішхат берген адамды не осындай өтінішхатпен өзі жүгінген адамды кейіннен хабардар ету үшін мекемелерге, жазаны орындайтын органдарға, ішкі істер органдарына жазбаша хабарлайды.
5. Қорытынды ережелер
33. Кешірім жасау туралы жарлықтар қадағалауды жүзеге асыру үшін Қазақстан Республикасының Бас прокуратурасына, орындалу үшін – Қазақстан Республикасының Ішкі істер министрлігіне немесе жазаны орындайтын өзге органдарға жіберіледі.
33-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 33-тармақ жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
34. Қазақстан Республикасы Президентінің кешірім жасау туралы жарлықтарының орындалуы туралы ақпаратты Қазақстан Республикасы Президентінің Әкімшілігіне Қазақстан Республикасының Ішкі істер министрі немесе жазаны орындайтын өзге орталық мемлекеттік органдардың басшылары ұсынады.
34-тармақ өзгертілді ҚР Президентінің 22.04.2015 жылғы № 1036 Жарлығымен (13.11.2012 ж. редакцияны қараңыз) 34-тармақ жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
35. Тармақ алып тасталды (ескертуді қараңыз)
35-тармақ алып тасталды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі)
2-ҚОСЫМШA
Қазақстан Республикасы Президентiнiң 2006 жылғы 5 шiлдедегi N 140 Жарлығымен БЕКIТIЛГЕН
Қазақстан Республикасы Президентiнiң жанындағы Кешiрiм жасау мәселелерi жөнiндегi комиссияның ҚҰРАМЫ
Құрам өзгертілді ҚР Президентінің 12.04.2007 жылғы № 313, 28.11.2007 жылғы № 449, 24.04.2008 жылғы № 576, 12.11.2008 жылғы № 689, 22.05.2009 жылғы № 815, 13.03.2012 жылғы № 284; 13.11.2012 жылғы № 427 Жарлықтарымен (05.07.2006 жылғы редакцияны қараңыз) Құрам өзгертілді ҚР Президентінің 08.02.2016 жылғы № 191 Жарлығымен (22.04.2015 ж. редакцияны қараңыз) Құрам өзгертілді ҚР Президентінің 09.06.2016 жылғы № 275 Жарлығымен (08.02.2016 ж. редакцияны қараңыз) Құрам өзгертілді ҚР Президентінің 10.10.2016 жылғы № 357 Жарлығымен (09.06.2016 ж. редакцияны қараңыз) Құрам өзгертілді ҚР Президентінің 20.10.2017 жылғы № 568 Жарлығымен (10.10.2016 ж. редакцияны қараңыз) Құрам өзгертілді ҚР Президентінің 21.02.2018 жылғы № 642 Жарлығымен (20.10.2017 ж. редакцияны қараңыз) Құрам өзгертілді ҚР Президентінің 13.06.2018 жылғы № 701 Жарлығымен (21.02.2018 ж. редакцияны қараңыз) Құрам өзгертілді ҚР Президентінің 06.09.2019 жылғы № 149 Жарлығымен (13.06.2018 ж. редакцияны қараңыз) Құрам өзгертілді ҚР Президентінің 28.10.2019 жылғы № 195 Жарлығымен (06.09.2019 ж. редакцияны қараңыз) Құрам өзгертілді ҚР Президентінің 17.11.2020 жылғы № 450 Жарлығымен (28.10.2019 ж. редакцияны қараңыз) Құрам өзгертілді ҚР Президентінің 29.06.2021 жылғы № 608 Жарлығымен (17.11.2020 ж. редакцияны қараңыз) Құрам өзгертілді ҚР Президентінің 27.08.2021 жылғы № 645 Жарлығымен (29.06.2021 ж. редакцияны қараңыз) Құрам өзгертілді ҚР Президентінің 02.03.2022 жылғы № 822 Жарлығымен (27.08.2021 ж. редакцияны қараңыз) Құрам жаңа редакцияда жазылды ҚР Президентінің 09.02.2023 жылғы № 126 Жарлығына сәйкес (02.03.2022 ж. редакцияны қараңыз)(өзгерту 25.02.2023 жылдан бастап қолданысқа енгізіледі) Құрам өзгертілді ҚР Президентінің 20.10.2023 жылғы № 384 Жарлығымен (09.02.2023 ж. редакцияны қараңыз) Құрам өзгертілді ҚР Президентінің 02.07.2024 жылғы № 594 Жарлығымен (20.10.2023 ж. редакцияны қараңыз)
|
Бәшімов Марат Советұлы |
– |
Қазақстан Республикасы Парламенті Мәжілісінің депутаты, төраға (келісім бойынша) |
|
|
|
Комиссия мүшелері: |
|
Асанова Жанна Бейсентайқызы |
– |
Қазақстан Республикасы Парламенті Сенатының депутаты (келісім бойынша), |
|
Борчашвили Исидор Шамилович |
– |
заң ғылымдарының докторы, профессор (келісім бойынша) |
|
Әубәкірова Индира Оралқызы |
– |
заң ғылымдарының докторы (келісім бойынша); |
|
Тұрмағамбетова Жемiс Өтегенқызы |
– |
«Адам құқығының хартиясы» қорының атқарушы директоры (келісім бойынша). |
Комиссияның құрамына лауазымы бойынша төрағаның орынбасары болып табылатын Қазақстан Республикасы Президентінің құқықтық мәселелер жөніндегі көмекшісі, Қазақстан Республикасындағы Адам құқықтары жөніндегі уәкіл, Бас Прокурордың жазаның орындалуы және азаматтарды ақтау мәселелеріне жетекшілік ететін орынбасары және Ішкі істер министрлігі Қылмыстық-атқару жүйесі комитетінің төрағасы кіреді.
