Документ на казахском языке

Ислам банктерінің пруденциалдық нормативтерді орындауы жөніндегі есептілігі, оны ұсыну нысандары мен мерзімдері туралы Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқарамасының 2009 жылғы 27 наурыздағы N 67 Қаулысы. Қазақстан Республикасының Әділет министрлігінде 2009 жылғы 6 мамырда Нормативтік құқықтық кесімдерді мемлекеттік тіркеудің тізіліміне N 5671 болып енгізілді.

Редакция 25.02.2013 жылы берілген өзгерістер мен толықтырулармен

"Қазақстан Республикасындағы банктер және банк қызметі туралы" Қазақстан Республикасының 1995 жылғы 31 тамыздағы Заңының 42-бабының 1-1-тармағына, "Қаржы рыногы мен қаржылық ұйымдарды мемлекеттік реттеу және қадағалау туралы" Қазақстан Республикасы 2003 жылғы 4 шілдедегі Заңының 9-бабының 1-тармағының 6) тармақшасына сәйкес Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі – Агенттік) Басқармасы ҚАУЛЫ ЕТЕДІ:

1. Ислам банктерi пруденциалдық нормативтердi орындауы жөнiндегi мынадай есептiлiктердi ұсынады:

1) осы қаулының 1-қосымшасына сәйкес нысан бойынша пруденциалдық нормативтердi орындауы жөнiндегi есеп;

2) осы қаулының 2-қосымшасына сәйкес нысан бойынша кредиттiк тәуекелдi есепке ала отырып мөлшерленген активтер талдамасы;

3) осы қаулының 3-қосымшасына сәйкес нысан бойынша кредиттiк тәуекелдi есепке ала отырып мөлшерленген шартты және ықтимал мiндеттемелер талдамасы;

4) осы қаулының 4-қосымшасына сәйкес нысан бойынша уақыт аралығы бойынша (валюталар бойынша) ашық позицияларды бөлу;

5) осы қаулының 5-қосымшасына сәйкес нысан бойынша исламдық бағалы қағаздарының жалпы нарықтық тәуекелi есебiнiң талдамасы;

6) осы қаулының 6-қосымшасына сәйкес нысан бойынша акциялардың нарықтық құнының немесе акция индексінiң өзгеруiне байланысты нарықтық тәуекелдiң талдамасы;

7) осы қаулының 7-қосымшасына сәйкес нысан бойынша шетел валюталарының айырбас бағамының (бағалы металдардың нарықтық құнының) өзгеруiне байланысты нарықтық тәуекелдiң талдамасы;

8) осы қаулының 8-қосымшасына сәйкес нысан бойынша тауар-материалдық қорларының нарықтық құнының өзгеруiне байланысты нарықтық тәуекелдiң талдамасы;

9) осы қаулының 9-қосымшасына сәйкес нысан бойынша операциялық тәуекелдiң талдамасы;

10) осы қаулының 10-қосымшасына сәйкес нысан бойынша бiр қарыз алушыға тиесілі барынша жоғары тәуекелдiң талдамасы;

10-1) осы қаулының 10-1-қосымшасына сәйкес нысан бойынша Бір қарыз алушыға келетін ең жоғарғы тәуекелді талдау (қарыз алушылар бөлігінде);

11) осы қаулының 11-қосымшасына сәйкес нысан бойынша k4 ағымдағы өтiмдiлiк коэффициентiнiң талдамасы;

12) осы қаулының 12-қосымшасына сәйкес нысан бойынша k4-1 мерзiмдi өтiмдiлiк коэффициентiнiң талдамасы;

13) осы қаулының 13-қосымшасына сәйкес нысан бойынша k4-2 мерзiмдi өтiмдiлiк коэффициентiнiң талдамасы;

14) осы қаулының 14-қосымшасына сәйкес нысан бойынша k4-3 мерзiмдi өтiмдiлiк коэффициентiнiң талдамасы;

15) осы қаулының 15-қосымшасына сәйкес нысан бойынша k4-4 мерзiмдi валюталық өтiмдiлiк коэффициентiнiң талдамасы;

16) осы қаулының 16-қосымшасына сәйкес нысан бойынша k4-5 мерзiмдi валюталық өтiмдiлiк коэффициентiнiң талдамасы;

17) осы қаулының 17-қосымшасына сәйкес нысан бойынша k4-6 мерзiмдi валюталық өтiмдiлiк коэффициентiнiң талдамасы;

18) осы қаулының 21-қосымшасына сәйкес нысан бойынша аптаның (айдың) әрбiр жұмыс күнi үшін әрбiр шетел валютасы және валюталық нетто-позициясы бойынша валюталық позициялары туралы есеп;

19) осы қаулының 22-қосымшасына сәйкес нысан бойынша негiзгi құрал-жабдықтарға және басқа қаржылық емес активтерге банк инвестицияларының ең жоғары мөлшерiнiң талдамасы;

20) осы қаулының 23-қосымшасына сәйкес нысан бойынша Қазақстан Республикасының резидент еместерi алдындағы мiндеттемелерге банктердiң капиталдандырылуы коэффициенттерiнiң талдамасы;

21) осы Қағидалардың 23-1-қосымшасына сәйкес нысан бойынша ішкі активтердің орташа айлық шамасының және ішкі активтерге салынған қаражаттың бір бөлігін орналастыру коэффициентінің талдамасы;

22) осы Қағидалардың 23-2-қосымшасына сәйкес нысан бойынша ішкі активтердің және өзге міндеттемелердің орташа айлық шамасының талдамасы;

23) осы қаулының 24-қосымшасына сәйкес нысан бойынша пруденциалдық нормативтердi есептеуге арналған қосымша мәлiметтер.

2. Есептер:

1) ай сайын, есепті айдан кейiнгі айдың жетiншi жұмыс күнi Астана қаласының уақытымен 18.00 сағаттан кешiктiрмей:

осы қаулының 1, 2, 3, 6, 7, 8, 9, 10, 11, 12, 13, 14, 22, 23, 23-1, 23-2-қосымшаларына сәйкес қағаз тасымалдағышта;

осы қаулының 4, 5, 15, 16 және 17-қосымшаларына сәйкес қағаз және электрондық тасымалдағышта;

осы қаулының 21, 24-қосымшаларына сәйкес қағаз тасымалдағышта растаусыз электрондық тасымалдағышта;

2) апта сайын, есепті аптадан кейінгі аптаның бесiншi жұмыс күнi осы қаулының 21-қосымшасында көрсетiлген есеп қағаз тасымалдағышта растаусыз электрондық тасымалдағышта;

3) есепті күннен кейінгі жетiншi жұмыс күнi Астана қаласы уақыты бойынша 18.00 сағаттан кешiктiрмей – осы қаулының 24-қосымшасында көрсетiлген есеп қағаз тасымалдағышта растаусыз электрондық тасымалдағышта ұсынылады.

2-1. Пруденциалдық нормативтердің орындалуы жөніндегі есептерді қағаз тасымалдағышта белгіленген күнге жағдай бойынша ислам банкінің бірінші басшысы (ол жоқ болған кезеңде – оның орнындағы тұлға), банктің бас бухгалтері қол қойып, мөрмен куәландырылады және ислам банкіде сақталады.

Ислам банкі уәкілетті органның талап етуі бойынша сұратуды алған күннен бастап екі жұмыс күннен кешіктірмей есептілікті қағаз тасымалдағышта ұсынады.

3. Электрондық тасымалдағыштағы есептер құпиялылығын және ұсынылатын деректердің түзетілмейтіндігін қамтамасыз ететін криптографиялық қорғау құралдары бар ақпараттың жеткізілуіне кепілдік беретін көлік жүйесін пайдаланумен ұсынылады.

Электрондық тасымалдағышта ұсынылатын деректердің қағаз тасымалдағыштағы деректермен сәйкестігін ислам банкінің бірінші басшысы (ол жоқ болған кезеңде – оның орнындағы тұлға) және бас бухгалтер қамтамасыз етеді.

3-1. Есептілікке өзгерістер және (немесе) толықтырулар енгізу қажеттілігіне байланысты, банк есептілікті ұсынған күннен бастап үш жұмыс күн ішінде қаржы нарығын және қаржы ұйымдарын реттеу мен қадағалау жөніндегі уәкілетті органға (бұдан әрі – уәкілетті органға) өзгерістер және (немесе) толықтырулар енгізу қажеттілігінің себептерін түсіндіре отырып жазбаша өтініш ұсынады.

Банк ұсынған есептілікте толық емес және (немесе) шынайы емес ақпаратты анықтаған кезде уәкілетті орган ол жайында банкке хабарлайды. Банк уәкілетті орган хабарлаған күннен бастап екі жұмыс күнінен кешіктірмей уәкілетті органның лерін ескере отырып пысықталған есептілікті ұсынады.

4. Пруденциалдық нормативтерді орындауы жөніндегі есептер бойынша мәліметтер болмаған жағдайда тиісті қосымшалар көрсетілмейді.

5. Есептердегі деректер Қазақстан Республикасының ұлттық валютасы – теңгеде көрсетіледі.

6. Есепті жасаған кезде пайдаланатын өлшем бірлігі мың теңгемен белгіленеді. Бес жүз теңгеден кем сома нөлге дейін дөңгелектенеді, ал бес жүз теңгеге тең және одан жоғары сома мың теңгеге дейін дөңгелектенеді. Коэффициенттер үтірден кейін үш белгімен ұсынылады.

7. Осы қаулы Қазақстан Республикасының Әділет министрлігінде мемлекеттік тіркеуден өткен күннен бастап он төрт күн өткен соң қолданысқа енгізіледі.

8. Стратегия және талдау департаменті (Н.А. Әбдірахманов):

1) Заң департаментімен (Н.В. Сәрсенова) бірлесіп, осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қолға алсын;

2) Қазақстан Республикасының Әділет министрлігінде мемлекеттік тіркелген күннен бастап он күндік мерзімде осы қаулыны Агенттіктің мүдделі бөлімшелеріне, "Қазақстан қаржыгерлерінің қауымдастығы" заңды тұлғалар бірлестігіне мәлімет үшін жіберсін.

9. Ақпараттық технологиялар департаменті (Қ.А. Түсіпов) 2009 жылғы 1 маусым мерзіміне дейін "Екінші деңгейдегі банктерден есептік-статистикалық ақпаратты жинау және өңдеу" Автоматтандырылған ақпараттық шағын жүйені жетілдіруін қамтамасыз етсін.

10. Агенттік Төрайымының қызметі (А.Ә. Кенже) осы қаулыны Қазақстан Республикасының бұқаралық ақпарат құралдарында жариялау шараларын қолға алсын.