Қазақстан Республикасы Үкіметінің 2003 жылғы 28 сәуірдегі N 407 қаулысына толықтыру енгізу туралы Қазақстан Республикасы Үкіметінің 2005 жылғы 16 қыркүйектегі N 922 Қаулысы

Қазақстан Республикасының аумағында жануарлардың созылмалы аурулары бойынша эпизоотологиялық-эпидемиологиялық ахуалды тұрақтандыру мақсатында Қазақстан Республикасының Үкіметі ҚАУЛЫ ЕТЕДІ: 

1. "Ветеринария саласындағы нормативтік құқықтық кесімдерді бекіту туралы" Қазақстан Республикасы Үкіметінің 2003 жылғы 28 сәуірдегі N 407  қаулысына  (Қазақстан Республикасының ПҮКЖ-ы, 2003 ж., N 18, 185-құжат) мынадай толықтыру енгізілсін: 

көрсетілген қаулымен бекітілген Жануарларға және адамдар денсаулығына ерекше қауіп төндіретін жануарларды, жануарлардан алынатын өнімдер мен шикізаттарды міндетті түрде алып қою және жою жүргізілетін кездегі жануарлардың ерекше қауіпті ауруларының тізбесінде: 

бесінші абзацтағы "күйіс қайыратын ұсақ малдардың обасы" деген сөздерден кейін ", бруцеллез" деген сөзбен толықтырылсын.

2. Осы қаулы ресми жарияланған күнінен бастап қолданысқа енгізіледі.

Қазақстан Республикасының Премьер-Министрі