Степногор қаласында биотехнологиялық өндiрiстi дамыту туралы Қазақстан Республикасы Үкіметінің 2003 жылғы 20 наурыздағы N 277 қаулысы

"Инновациялық қызмет туралы" Қазақстан Республикасының 2002 жылғы 3 шiлдедегi Заңына, Қазақстан Республикасы Президентiнiң "Мемлекеттiк кәсiпорын туралы" 1995 жылғы 19 маусымдағы N 2335 заң күшi бар Жарлығының 16-бабына, Қазақстан Республикасы Үкiметiнiң 2001 жылғы 10 мамырдағы N 617 қаулысымен бекiтiлген Қазақстан Республикасының инновациялық даму бағдарламасына сәйкес Қазақстан Республикасының Үкiметi ҚАУЛЫ ЕТЕДІ:

1. Қоса берiлiп отырған Степногор қаласындағы "Прогресс" ғылыми-өндiрiстiк бiрлестiгiнiң техника паркi ашық акционерлiк қоғамында биотехнологиялық өндiрiстi қалыптастырудың және дамытудың 2003-2005 жылдарға арналған бағдарламасы (бұдан әрi - Бағдарлама) бекiтiлсiн.

2. "Фармацевтикалық биотехнология институты" республикалық мемлекеттiк қазыналық кәсіпорны жарғылық капиталына мемлекеттiң жүз пайыз қатысуымен "Фармацевтикалық биотехнология институты" ашық акционерлiк қоғамына (бұдан әрi - 1-Қоғам) қайта құру жолымен қайта ұйымдастырылсын.

3. "Ақмола мемлекеттiк медицина академиясы" республикалық мемлекеттiк қазыналық кәсiпорны медициналық-биологиялық факультетiнiң базасында жарғылық капиталына мемлекеттiң жүз пайыз қатысуымен "Биотехнология жөнiндегi бiлiм беру орталығы" ашық акционерлiк қоғамы (бұдан әрi - 2-Қоғам) құрылсын.

4. Жарғылық капиталына мемлекеттiң кемiнде 51% мөлшерiнде қатысуымен "Прогресс" ғылыми-өндiрiстiк бiрлестiгiнiң техника паркi" ашық акционерлiк қоғамы (бұдан әрi - 3-Қоғам) құрылсын.

5. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi Қазақстан Республикасының Бiлiм және ғылым министрлiгiмен бiрлесiп, заңнамада белгiленген тәртiппен: 

1) 1-Қоғам, 2-Қоғам және 3-Қоғам жарлықтарын бекiтсiн және олардың әдiлет органдарында мемлекеттiк тiркеудi қамтамасыз етсiн; 

2) 3-Қоғам жарғылық капиталын: 

1-Қоғам, 2-Қоғам және "Биомедпрепарат" ашық акционерлiк қоғамы акцияларының мемлекеттiк пакетiн беру; 

осы қаулыға қосымшада көрсетiлген ұйымдардың тиiстi үлестерiн беру мақсатында қажеттi iс-шараларды жүргiзу жолымен қалыптастыруды қамтамасыз етсiн; 

3) осы қаулыдан туындайтын өзге де шараларды қабылдасын.

6. Қазақстан Республикасының Бiлiм және ғылым министрлiгi заңнамада белгiленген тәртiппен Бағдарламаны iске асыруға Ғылым қоры қаражатынан Қазақстан Республикасының Ұлттық ғылым академиясы" республикалық мемлекеттiк мекемесiнiң 2003 жылы 150 000 000 (бip жүз елу миллион) теңге бөлуiн қамтамасыз етсiн.

7. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтырулар бекiтiлсiн.

8. Осы қаулы қол қойылған күнiнен бастап күшiне енедi.

Қазақстан Республикасының 

Премьер-Министрi

Атауы              - Степногор қаласындағы "Прогресс"                        ғылыми-өндiрiстiк бiрлестiгiнiң техника паркi"                        ашық акционерлiк қоғамында биотехнологиялық                        өндiрiстi қалыптастырудың және дамытудың 

              2003-2005 жылдарға арналған бағдарламасы

Негiзгi әзiрлеушi  - Қазақстан Республикасының Бiлiм және ғылым                        министрлiгi

Әзiрлеу үшін       - "Инновациялық қызмет туралы" Қазақстан   негiздеме            Республикасының 2002 жылғы 3 шiлдедегi Заңы,                        Қазақстан Республикасы Yкiметiнiң 2001 жылғы 

              10 мамырдағы N 617 қаулысымен бекiтiлген                        Қазақстан Республикасының инновациялық даму                        бағдарламасы, Қазақстан Республикасы 

              Үкiметiнiң 2001 жылғы 26 маусымдағы N 871                        қаулысымен бекiтiлген 2001-2005 жылдарға                        арналған "Қазақстан Республикасында                        биотехнологиялық өнiм өндiрудi ғылыми- 

              техникалық қамтамасыз ету және ұйымдастыру"                        республикалық ғылыми-техникалық бағдарлама,                        Қазақстан Республикасы Үкiметiнiң 2000 жылғы 

              12 шiлдедегi N 1059  қаулысымен  мақұлданған                        Қазақстан Республикасының ғылыми және                        ғылыми-техникалық саясатының тұжырымдамасы.

Iске асыру         - 2003 - 2005 жылдар   мерзiмдерi

Бағдарламаның      - Денсаулық сақтау, ауыл шаруашылығы және   мақсаты              өнеркәсiп үшiн биотехнологиялық өнiм 

              (антибиотиктер, амин қышқылдары, ферменттер,                        клейковина, этанол, инсектицидтер) шығаруды                        ұйымдастыру

Қаржыландыру       - республикалық бюджет   көздерi

Күтiлетiн          - ғылыми дәлелденген жаңа параметрлер және   нәтижелер            жасалған экологиялық таза әрi импорт алмастыру                        технологияларды бейiмдеу негiзiнде медициналық                        және ветеринарлық дәрiлiк препараттардың,                        жемшөп және азық қоспаларының, өсiмдiктер мен                        жануарларды қорғаудың микробиологиялық                        құралдары өндiрiсi, соның iшiнде: медицина                        үшiн имозимаза мен эритромициндi, ветеринарлық                        мақсатта тилозин мен монензиндi өндiру; 

              тазартылған фермент - глюкаваморин мен                        амилосубтилин өндiрiсi; микробты                        жәндiкжойылғыштар - лепидоцид, битоксибациллин,                        бактоларвицид өндipici; икемдi үлгi бойынша                        витамин қоспалары, премикстер, жемшөп                        концентраттары және белок-витамин-минерал                        қоспалары кiретiн жемшөп қоспалары өндiрiсi. 

              Микробиологиялық препараттарды, этанолды                        ферменттеу кезiнде құнарлы орталардың                        көмiрсутегi бөлiгi ретiнде қолданылатын құрғақ                        тауар клейковинаны, 39 % крахмалдық сұйықты, 

              14 % крахмалдық қоспаны ала отырып астықты                        кешендi қайта өңдеу. Отандық субстанциялары                        негiзiнде медицинаға деген фитопрепараттарды                        және басқа да дәрiлiк заттарды таблетка                        түрiнде шығару.

Биотехнология биологиялық және техникалық ғылымдар, генетикалық және клеткалық инженерия саласындағы қазiргi заманғы жетiстiктердiң негiзiнде белгiлi бiр мақсатта жасалған тiрi жүйелердiң (алдымен микроорганизмдердiң) әлеуеттi мүмкiндiктерiн өндiрiстiк-технологиялық, экологиялық және әлеуметтiк-экономикалық проблемаларды шешу негiзiнде адамдардың тұрмыс деңгейiн арттыруға алдағы перспективаға әрi стратегиялық жоспарға да барынша пайдалануға мүмкiндiк беретiн ғылыми-техникалық прогрестiң басым бағыттарының бiрi болып табылады. 

БҰҰ сарапшыларының қорытындысы бойынша биотехнология XXI ғасырда адамзаттың барлық қызмет саласында, бiрiншi кезекте, азық-түлiк, медициналық препараттарды алуда, ауыл шаруашылығында, экологияда, энергетикада дамуын айқындап отырады. 

Қазақстанда халықты медициналық, ауыл шаруашылық және өнеркәсiптiк мақсаттағы биопрепараттармен қамтамасыз етуде жеткiлiктi түрде күрделi ахуал қалыптасты. Бұрын Республикада халық шаруашылығының дәрiлiк препараттарда, биологиялық активтi заттарда, өсiмдiктердi қорғау құралдарында, тағам және жемшөп қоспаларында қажеттiлiгiн бұрынғы KCPO микробиология өнеркәсiбi қамтамасыз еткен. 

90-жылдар iшiнде ТМД елдерi экономикасын реформалау жағдайында микробиологиялық өнiмдердi өндiруге және биотехнология ғылымын дамытуға бөлiнетiн шығындар күрт қысқарды. Сонымен қатар ТМД елдерiнде, оның iшiнде Қазақстанда да, КСРО-да биотехнологияның қарқынды дамуы кезiнде құрылған едәуiр ғылыми және технологиялық әлеует осы уақытқа дейiн жинақталған және сақталған. Өндiрiстiк кешен, технологиялық желiлер, жоғары бiлiктi инженерлiк-техникалық персонал бұрынғы "Прогресс" ӨБ-де сақталған. 

Бұрынғы "Прогресс" ӨБ-нiң ғылыми-өндiрiстiк базасын жедел және тиiмдi дамыту үшiн Қазақстанның бәсекеге қабiлеттi, таза экологиялық, жоғары тиiмдi және энергия үнемдейтiн технологиялардың, тағам мен жемшөп қоспаларының, ветеринариялық және медициналық препараттардың, өсiмдiктердi қорғау мен дезинсектанттардың микробиологиялық заттарының биотехнологиялық өндiрiсiн құруға бағытталған ТМД елдерiнiң "Биотехнологияның дамуы" мемлекетаралық инновациялық ғылыми-техникалық бағдарламасына қатысуы қажет. 

Осы Бағдарлама бұрынғы жылдардың ғылыми-техникалық әзiрлемелерi негiзiнде жасалды және бұрынғы "Прогресс" ӨБ және "Биомедпрепарат" ААҚ базасында биотехнологиялық өндiрiстi дамытуға бағытталған. Оны әзiрлеудiң негiздемелерi мыналар болып табылады: 

"Инновациялық қызмет туралы" Қазақстан Республикасының 2002 жылғы 3 шiлдедегi Заңы; 

Қазақстан Республикасы Yкiметiнiң 2001 жылғы 10 мамырдағы N 617  қаулысымен  бекiтiлген Қазақстан Республикасының инновациялық даму бағдарламасы; 

Қазақстан Республикасы Үкiметiнiң 2001 жылғы 26 маусымдағы N 871  қаулысымен  бекiтiлген 2001-2005 жылдарға арналған Қазақстан Республикасында биотехнологиялық өнiм өндiрудi ғылыми-техникалық қамтамасыз ету және ұйымдастыру" республикалық ғылыми-техникалық бағдарламасы; 

Қазақстан Республикасы Yкiметiнiң 2000 жылғы 12 шiлдедегi N 1059  қаулысымен  мақұлданған Қазақстан Республикасының ғылыми және ғылыми-техникалық саясатының тұжырымдамасы.