Қазақстан Республикасы Үкiметiнiң 2000 жылғы 6 мамырдағы N 683 және 2000 жылғы 27 шiлдедегi N 1140 қаулыларына өзгерiстер мен толықтырулар енгiзу туралы Қазақстан Республикасы Үкіметінің 2006 жылғы 15 қыркүйектегі N 871 Қаулысы

Қазақстан Республикасының Үкiметi ҚАУЛЫ ЕТЕДI:

1. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзілсiн:

1) "Дiни бiрлестiктермен байланыстар жөнiндегі кеңестi құру туралы" Қазақстан Республикасы Үкiметiнiң 2000 жылғы 6 мамырдағы N 683  қаулысында: 

2, 3, 4, 5, 7 және 8-тармақтар алынып тасталсын;

6-тармақ мынадай редакцияда жазылсын: 

"6. Облыстардың, Астана және Алматы қалаларының әкiмдерi әкiмдiктер жанынан дiни бiрлестiктермен байланыстар жөнiнде кеңестер құрсын, кеңестер туралы ережелер мен олардың құрамдарын бекiтсiн.";

2) "Қазақстан Республикасының Үкiметi жанындағы Дiни бiрлестiктермен байланыстар жөнiндегi кеңестiң ережесi мен құрамын бекiту туралы" Қазақстан Республикасы Үкiметiнiң 2000 жылғы 27 шiлдедегi N 1140  қаулысында  (Қазақстан Республикасының ПҮКЖ-ы, 2000 ж., N 31, 387-құжат): 

көрсетiлген қаулымен бекiтілген Қазақстан Республикасының Үкiметi жанындағы Дiни бiрлестiктермен байланыстар жөнiндегi кеңес туралы ережеде: 

6-тармақтың 5) тармақшасы алынып тасталсын;

7-тармақтың 2), 3), 5) және 8) тармақшалары алынып тасталсын;

8-тармақ мынадай редакцияда жазылсын: 

"8. Кеңестi Қазақстан Республикасы Үкiметiнiң мүшесi басқарады.";

9-тармақтағы "үш айда" деген сөздер "жарты жылда" деген сөздермен ауыстырылсын;

12-тармақта: 

2) тармақша "органдардың" деген сөзден кейiн "Кеңес құзыретiне қатысты" деген сөздермен толықтырылсын; 

3) тармақша мынадай редакцияда жазылсын: 

"3) Кеңестiң құзыретiне кiретiн мәселелер бойынша Қазақстан Республикасының мемлекеттiк органдары мен ұйымдарының өкiлдерiн Кеңестің отырыстарына шақыруға;"; 

4) тармақша "азаматтардың" деген сөздiң алдынан "заңнаманы жетiлдiру және" деген сөздермен толықтырылсын; 

6) тармақша алынып тасталсын;

13 және 14-тармақтар мынадай редакцияда жазылсын: 

"13. Кеңес төрағасы оның қызметiне басшылық жасайды, отырыстарында төрағалық етедi, жұмысын жоспарлайды, шешiмдердiң iске асырылуына жалпы бақылауды жүзеге асырады. 

Төраға болмаған кезде оның функциялары төрағаның орынбасарына жүктеледi. 

14. Кеңес жұмысын ұйымдастыруды, тиiстi құжаттарын дайындауды және отырысының хаттамаларын ресiмдеудi жүзеге асыратын Қазақстан Республикасы Әдiлет министрлiгiнiң Дiни iстер комитетi Кеңестiң жұмыс органы болып табылады. 

Отырысқа материалдар Кеңес мүшелерiне ол өткiзiлгенге дейiн кемiнде 3 күн бұрын жiберiледi.";

15-тармақ алынып тасталсын;

17-тармақ мынадай редакцияда жазылсын: 

"17. Кеңестiң құзыретiне қатысты қажеттi материалдарды әзiрлеу үшiн ұйымдар, сондай-ақ ғалымдар мен жоғары бiлiктi мамандар тартылуы мүмкiн.";

18-тармақ алынып тасталсын; 

көрсетiлген қаулымен бекiтiлген Қазақстан Республикасының Үкiметi жанындағы Дiни бiрлестiктермен байланыстар жөнiндегi кеңестiң құрамы осы қаулыға қосымшаға сәйкес жаңа редакцияда жазылсын.

2. Осы қаулы қол қойылған күнiнен бастап қолданысқа енгiзiледi.

Қазақстан Республикасының 

Премьер-Министрі

Балиева                       - Қазақстан Республикасының Әдiлет 

Зағипа Яхияқызы                 министрi, төрайым

Тоғжанов                      - Қазақстан Республикасы Әдiлет 

Ералы Лұқпанұлы                 министрлiгi Дiни iстер комитетiнiң төрағасы, төрайымның орынбасары

Төлесов                       - Қазақстан Республикасы Әдiлет 

Қайрат Бақтыбайұлы              министрлiгiнiң Дiни iстер комитетi төрағасының орынбасары, хатшы

Досжан                        - Қазақстан Республикасы Президентiнiң 

Ардақ Дүкенбайұлы               Әкiмшiлiгi Әлеуметтiк-саяси бөлiмiнiң меңгерушiсi

Бабақұмаров                   - Қазақстан Республикасының Мәдениет 

Ержан Жалбақұлы                 және ақпарат вице-министрi

Жошыбаев                      - Қазақстан Республикасының Сыртқы 

Рәпiл Сейiтханұлы               iстер министрiнiң орынбасары

Өтеулина                      - Қазақстан Республикасының Бiлiм және   
Хафиза Мұхтарқызы               ғылым вице-министрi

Шпекбаев                      - Қазақстан Республикасының Iшкi iстер 

Алик Жатқамбайұлы               вице-министрi

Байқадамов                    - Қазақстан Республикасындағы Адам 

Болат Кенжекешұлы               құқықтары жөнiндегi уәкiлеттi өкiл

Әлкенов                       - Қазақстан Республикасы Ұлттық 

Нұрлан Қаратайұлы               қауiпсiздiк комитетiнiң 

                         Департаментi бастығының орынбасары

Мұхамеджанов                  - Қазақстан Республикасының Парламент 

Төлеген Мұхамеджанұлы           Мәжiлiсiнiң депутаты

Дербiсәлi                     - Бас мүфти, Қазақстан мұсылмандары 

Әбсаттар қажы                   дiни басқармасының төрағасы

Мефодий                       - Қазақстан Республикасындағы Орыс 

 (Немцов                         православие шiркеуi Митрополиттiк 

Николай Федорович)              округiнiң басшысы, Астана және Алматы Митрополитi

Терещенко                     - Қазақстан халықтары Ассамблеясы 

Сергей Александрович            төрағасының орынбасары

Мұстафина                     - Астана қаласы әкiмiнiң орынбасары 

Сәбила Сапарқызы

Нысанбаев                     - Қазақстан Республикасы Бiлiм және   
Әбдiмәлiк Нысанбайұлы           ғылым министрлiгi "Философия және саясаттану институты" 
                                             республикалық мемлекеттік қазыналық кәсiпорнының директоры

Керiм Шамшәдин                - "Нұр-Мүбарак" Египет ислам мәдениетi университетi" 
                                         жеке мекемесiнiң проректоры

Иванов                        - Алматы қаласы әкiмiнiң дiни 

Владимир Александрович          бiрлестiктермен жұмыс мәселелерi жөнiндегi бас инспекторы