Қазақстан Республикасының Үкiметi   ҚАУЛЫ ЕТЕДI:  

1. Қазақстан Республикасы Денсаулық сақтау министрлiгiнiң Медициналық қызметтiң сапасын бақылау комитетi Қазақстан Республикасы Денсаулық сақтау министрлiгiнiң Медициналық қызмет көрсету саласындағы бақылау комитетi болып қайта аталсын.

2. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтырулар бекiтiлсiн.

3. Осы қаулы қол қойылған күнiнен бастап қолданысқа енгiзiледi.

Қазақстан Республикасының 

Премьер-Министрі

1. "Қазақстан Республикасы Денсаулық сақау министрлiгiнiң мәселелерi" туралы Қазақстан Республикасы Yкiметiнiң 2004 жылғы 28 қазандағы N 1117  қаулысында  (Қазақстан Республикасының ПYКЖ-ы, 2004 ж., N 41, 529-құжат): 

көрсетiлген қаулымен бекiтiлген Қазақстан Республикасы Денсаулық сақтау министрлiгi туралы ережеде:

1-тармақта: 

бiрiншi және екiншi абзацтар мынадай редакцияда жазылсын: 

"Қазақстан Республикасы Денсаулық сақтау министрлiгi (бұдан әрi - Министрлiк) азаматтардың денсаулығын сақтау, медицина және фармацевтика ғылымы, медициналық және фармацевтикалық бiлiм беру, халықтың санитарлық-эпидемиологиялық салауаттылығы, дәрiлiк заттар айналымы, медициналық қызметтiң сапасын бақылау саласында мемлекеттiк реттеудi жүзеге асыратын орталық атқарушы орган болып табылады. 

Министрлiктiң негiзгi мiндеттерi денсаулық сақтау, медицина және фармацевтика ғылымы, медициналық және фармацевтикалық бiлiм беру саласында мемлекеттiк саясатты жүргiзу, азаматтардың заңнамаға сәйкес мемлекет кепiлдiк берген көлем шегiнде тегiн медициналық көмек алуын қамтамасыз етудi ұйымдастыру, халықты және емдеу-алдын алу ұйымдарын қауiпсiз, тиiмдi және сапалы дәрiлiк заттармен қамтамасыз етудi ұйымдастыру, денсаулық сақтау, оның iшiнде медицина ғылымы мен медициналық және фармацевтикалық бiлiм беру саласында халықаралық ынтымақтастықты жүзеге асыру болып табылады."; 

үшiншi абзацта "қызметтiң сапасын" деген сөздер "қызмет көрсету саласындағы" деген сөздермен ауыстырылсын;

10-тармақта: 

1) тармақшада: 

екiншi абзацта "медицина" деген сөзден кейiн "және фармацевтика" деген сөздермен толықтырылсын; 

үшiншi абзац "құқықтық кесiмдердi" деген сөздерден кейiн "нормативтiк құжаттарды" деген сөздермен толықтырылсын; 

төртiншi абзацта: 

"тегiн" деген сөз алынып тасталсын; 

"медициналық" деген сөздiң алдынан "тегiн" деген сөзбен толықтырылсын; 

он екiншi абзацта: 

"әзiрлеу және" деген сөздер алынып тасталсын; 

"денсаулық сақтау" деген сөздер "медициналық және фармацевтикалық қызмет" деген сөздермен ауыстырылсын; 

он үшiншi абзацта "дәрiгерлiк лауазымдар мен мамандықтардың номенклатураларын" деген сөздер "медициналық және фармацевтикалық мамандықтардың номенклатуралары мен бiлiктiлiк сипаттамаларын" деген сөздермен ауыстырылсын; 

он бесiншi абзацта "азаматтарға ақылы қызмет көрсету кезiнде медициналық есепке алу-есеп беру құжаттамасын" деген сөздер "денсаулық сақтау саласында, оның iшiнде есепке алу-есеп беру құжаттамасын" деген сөздермен ауыстырылсын; 

он сегiзiншi абзацта "мамандандырылған емдiк тағам" деген сөздер "арнайы балалар және емдiк тағам өнiмдерi" деген сөздермен ауыстырылсын;  

мынадай мазмұндағы абзацтармен толықтырылсын: 

"медициналық және фармацевтикалық бiлiм берудiң мемлекеттiк жалпыға мiндеттi стандарттары мен үлгiлiк оқу бағдарламаларын бекiту; 

медициналық ұйымдардың өзара iс-қимыл жасау тәртiбiн белгiлеу; 

медициналық қызметтердi, алдын алудың, диагностиканың, емдеу мен медициналық оңалтудың жаңа әдiстерi мен құралдарын жарнамалау тәртiбiн бекiту және оларды жарнамалауға рұқсат берудiң тәртiбiн белгiлеу; 

медициналық, дәрiгерлiк қызметпен айналысу және емдiк препараттарды (жануарлардың, құрамында есiрткi құралдары мен психотроптық заттар жоқ өсiмдiктер мен шөптердiң емдiк өнiмдерiн өсiруден, жинау мен сатудан басқа) дайындау және сату бойынша лицензиялау ережелерiнiң сақталуын мемлекеттiк бақылауды жүзеге асыру; 

алдын ала медициналық тексерулерден өткiзу тәртiбiн әзiрлеу және бекiту; 

денсаулық сақтаудың мемлекеттiк емес секторында емдеуге тыйым салынатын аурулардың тiзбесiн әзiрлеу және бекiту; 

уақытша еңбекке жарамсыздық туралы парақты немесе анықтаманы беру тәртiбiн белгiлеу; 

жыныстық сәйкестiгiнде ауытқушылық бар адамдар үшiн жынысын ауыстыруды медициналық куәландыру мен жүргiзу ережесiн әзiрлеу және бекiту; 

алдын алудың, диагностиканың, емдеудiң және медициналық оңалтудың жаңа әдiстерi мен құралдарын пайдалану тәртiбiн белгiлеу; 

диагностика мен емдеудiң мерзiмдiк хаттамаларын әзiрлеу және бекiту; 

клиникаға дейiнгi зерттеулердi, медициналық-биологиялық эксперименттер мен клиникалық сынақтарды өткiзудiң тәртiбiн белгiлеу; 

тiндердi және (немесе) мүшелерді (мүшелердің бөліктерiн) алу, консервациялау, адамнан адамға, мәйіттен адамға және жануарлардан адамға трансплантациялау тәртiбi мен шарттарын әзірлеу және бекіту; 

балаларды сәбилер үйiн және білім беру ұйымдарын, жетім балалар мен ата-аналарының қамқорлығынсыз қалған балаларға арналған ұйымдарға орналастыруға медициналық қарсы айғақтардың тізбесін айқындау; 

дәстүрлi емес (халықтық) медицина мамандарының қызметін бақылау; 

әлеуметтiк маңызы бар аурулар мен айналасындағылар үшiн қауiп төндiретiн аурулар тiзбесiн әзiрлеу; 

Қазақстан Республикасының азаматтарын бюджет қаражаты есебiнен шетелге емдеуге жiберу ережесiн әзiрлеу;"; 

2) тармақшада: 

мынадай мазмұндағы екiншi абзацпен толықтырылсын: 

"денсаулық сақтау, медицина және фармацевтика ғылымы, медициналық және фармацевтикалық бiлiм беру саласындағы бағдарламалардың iске асырылуын қамтамасыз ету;";