Документ на казахском языке

Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидаларын, Банк операцияларының жекелеген түрлерін жүзеге асыратын ұйымдардың банк операцияларын жүргізу бойынша біліктілік талаптарын және оларға сәйкестікті растайтын құжаттардың тізбесін бекіту туралы Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2007 жылғы 25 маусымдағы N 168 Қаулысы. Қазақстан Республикасының Әділет Министрлігінде 2007 жылғы 15 тамызда Нормативтік құқықтық кесімдерді мемлекеттік тіркеудің тізіліміне N 4873 болып енгізілді.

Редакция 06.09.2022 жылы берілген өзгерістер мен толықтырулармен

Банктік операциялардың жекелеген түрлерін жүзеге асыратын ұйымдардың қызметін реттейтін нормативтік құқықтық актілерді жетілдіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:

1. Мыналар:

1) осы қаулыға 1-қосымшаға сәйкес Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидалары;

2) осы қаулыға 2-қосымшаға сәйкес Банк операцияларының жекелеген түрлерін жүзеге асыратын ұйымдардың банк операцияларын жүргізу бойынша біліктілік талаптары және оларға сәйкестікті растайтын құжаттардың тізбесі бекітілсін.

2. Мыналардың күші жойылды деп танылсын:

1) "Банк операцияларының жекелеген түрлерін жүзеге асыратын ұйымдарды құру, қызметін лицензиялау, реттеу, тоқтату ережесін бекіту туралы" Агенттік Басқармасының 2006 жылғы 25 ақпандағы N 34 қаулысы (Нормативтік құқықтық актілерді мемлекеттік тіркеу тізілімінде N 4176 тіркелген);

2) "Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Банк операцияларының жекелеген түрлерін жүзеге асыратын ұйымдарды құру, қызметін лицензиялау, реттеу, тоқтату ережесін бекіту туралы" 2006 жылғы 25 ақпандағы N 34 қаулысына өзгерістер енгізу туралы" Агенттік Басқармасының 2006 жылғы 27 мамырдағы N 118 Қаулысы (Нормативтік құқықтық актілерді мемлекеттік тіркеу тізілімінде N 4252 тіркелген).

3. Тармақ күшін жойды (ескертуді қараңыз)

4. Осы қаулы Қазақстан Республикасының Әділет министрлігінде мемлекеттік тіркеуден өткен күннен бастап он төрт күн өткеннен кейін қолданысқа енеді.

5. Банктік операциялардың жекелеген түрлерін жүзеге асыратын ұйымдар осы қаулы қолданысқа енген күннен бастап алты ай ішінде өз қызметін Ереже талаптарына сәйкестендірсін.

6. Лицензиялау басқармасы (Ә.Ж. Нәжімеденова):

1) Заң департаментімен (Байсынов М.Б.) бірлесіп, осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қолға алсын;

2) осы қаулы Қазақстан Республикасының Әділет министрлігінде мемлекеттік тіркеуден өткен күннен бастап он күндік мерзімде оны Қазақстан Республикасының Ұлттық Банкіне, Агенттіктің мүдделі бөлімшелеріне, "Қазақстан қаржыгерлер қауымдастығы" заңды тұлғалар бірлестігіне мәлімет үшін жіберсін.

7. Агенттіктің Төраға Қызметі (Заборцева Е.Н.) осы қаулыны Қазақстан Республикасының бұқаралық ақпарат құралдарында жариялау жөнінде шаралар қабылдасын.

8. Осы қаулының орындалуын бақылау Агенттік Төрағасының орынбасары Е.Л.Бахмутоваға жүктелсін.

Төраға

Қазақстан Республикасының Ұлттық Банкімен келісілді

2007 жылғы 6 шілде

____________________________ (қолы, күні, елтаңбалық мөр)

Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2007 жылғы 25 маусымдағы № 168 қаулысына 1-қосымша

Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидалары

1-тарау. Жалпы ережелер

1. Осы Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидалары (бұдан әрі – Қағидалар) «Қазақстан Республикасындағы банктер және банк қызметі туралы» 1995 жылғы 31 тамыздағы (бұдан әрі – Банктер туралы заң), «Жылжымайтын мүлік ипотекасы туралы» 1995 жылғы 23 желтоқсандағы, «Бағалы қағаздар рыногы туралы» 2003 жылғы 2 шілдедегі, «Қаржы нарығы мен қаржы ұйымдарын мемлекеттік реттеу, бақылау және қадағалау туралы» 2003 жылғы 4 шілдедегі, «Мемлекеттік көрсетілетін қызметтер туралы» 2013 жылғы 15 сәуірдегі (бұдан әрі – Мемлекеттік көрсетілетін қызметтер туралы заң), «Рұқсаттар және хабарламалар туралы» 2014 жылғы 16 мамырдағы (бұдан әрі – Рұқсаттар және хабарламалар туралы заң) Қазақстан Республикасының заңдарына сәйкес әзірленді және қаржы нарығы мен қаржы ұйымдарын мемлекеттiк реттеу, бақылау және қадағалау жөніндегі уәкілетті органның (бұдан әрі – көрсетілетін қызметті беруші) қызметінің айрықша түрі қолма-қол шетел валютасымен айырбастау операцияларын ұйымдастыру болып табылатын ұйымдарды, сондай-ақ банкноттарды, монеталарды және құндылықтарды инкассациялау бойынша қызметті жүзеге асыратын ұйымдарды қоспағанда, банк операцияларының жекелеген түрлерін жүзеге асыратын ұйымдар (бұдан әрі – көрсетілетін қызметті алушы) жүзеге асыратын банк операцияларын лицензиялау тәртібін айқындайды.

2-тарау. Банк операцияларын жүргізуге лицензия беру тәртібі

2. Көрсетілетін қызметті алушы құжаттарды Қағидаларға 1-қосымшаға сәйкес «Банк операцияларының жекелеген түрлерін жүзеге асыратын ұйымдарға банк операцияларына лицензия беру» мемлекеттік көрсетілетін қызмет стандартында (бұдан әрі – Стандарт) сәйкес қағаз тасымалдағышпен не «электрондық үкіметтің» www.egov.kz, www.elicense.kz веб-порталы (бұдан әрі – портал) арқылы электрондық түрде ұсынады.

Көрсетілетін қызметті алушы өтінішті портал арқылы жіберген кезде «жеке кабинетте» нәтижені алу күні мен уақыты көрсетіле отырып мемлекеттік қызмет көрсетуге сұратудың қабылданғаны туралы мәртебе автоматты түрде көрсетіледі.

Мемлекеттік қызмет көрсету кезеңі туралы ақпарат мемлекеттік қызметтер көрсету мониторингінің ақпараттық жүйесінде автоматты режимде жаңартылады.

3. Қағаз тасымалдағышпен ұсынылған, бірнеше парақтан тұратын құжаттар нөмірленіп және соңғы парақтың сыртында тігіс түйініне желімделген жапсырма қағазда саны көрсетіле отырып тігілген күйінде ұсынылады.

Құжаттардың көшірмелері көрсетілетін қызметті алушы басшысының не оның міндетін атқарушы адамның (міндетін атқаруды жүктеу туралы растайтын құжаттың көшірмесін ұсына отырып) тегі, аты, әкесінің аты (ол бар болса) көрсетіліп қолымен, көшірмелердің дұрыстығы көрсетіле отырып расталады.

Шет мемлекеттердің құзыретті органдары немесе лауазымды тұлғалары берген құжаттар Қазақстан Республикасы заңнамасының талаптарына немесе Қазақстан Республикасы ратификациялаған халықаралық шарттарға сәйкес заңдастырылуға не апостильдеуге жатады (Қазақстан Республикасының бейрезидент жеке тұлғасының жеке басын куәландыратын құжаттарды қоспағанда). Көрсетілген құжаттар қазақ және орыс тілдеріне аударылады және Қазақстан Республикасының нотариат туралы заңнамасына сәйкес нотариат куәландырады.

Көрсетілетін қызметті беруші тиісті мемлекеттік ақпараттық жүйелерден «электрондық үкіметтің» шлюзі арқылы құжаттарда көрсетілген мынадай мәліметтерді алады:

Қазақстан Республикасының резидент жеке тұлғасының жеке басын куәландыратын;

Қазақстан Республикасының резидент жеке тұлғасында алынбаған немесе өтелмеген соттылығының болмауын растайтын;

Қазақстан Республикасының резидент заңды тұлғасын мемлекеттік тіркеу (қайта тіркеу) туралы.

4. Лицензиялық алымды төлеуді көрсетілетін қызметті алушы екінші деңгейдегі банктер немесе банк операцияларының жекелеген түрлерін жүзеге асыратын ұйымдар арқылы қолма-қол ақшамен немесе қолма-қол ақшасыз нысанда, сондай-ақ «электрондық үкіметтің» төлем шлюзі арқылы қолма-қол ақшасыз нысанда жүзеге асырады.

5. Банк операцияларын жүргізуге лицензия алу үшін көрсетілетін қызметті алушы қызмет берушіге Қағидаларға 2-қосымшаға сәйкес нысан бойынша банк операцияларын жүргізуге лицензия беру туралы өтінішті (бұдан әрі – лицензия беру туралы өтініш) және Стандарттың 8-тармағында көзделген құжаттарды ұсынады.

6. Көрсетілетін қызметті берушінің хат-хабарды қабылдауға және тіркеуге уәкілетті қызметкері банк операцияларын жүргізуге арналған лицензия беру туралы өтініш түскен күні оны қабылдауды, тіркеуді және орындау үшін мемлекеттік қызметті көрсету үшін жауапты бөлімшеге (бұдан әрі – жауапты бөлімше) жіберуді жүзеге асырады. Көрсетілетін қызметті алушының өтініші жұмыс уақыты аяқталғаннан кейін, демалыс және мереке күндері түскен кезде Қазақстан Республикасының еңбек заңнамасына сәйкес өтініштерді қабылдау келесі жұмыс күні жүзеге асырылады.

Жауапты бөлімшенің қызметкері банк операцияларын жүргізуге арналған лицензия беру туралы өтініш тіркелген күннен кейінгі 2 (екі) жұмыс күні ішінде ұсынылған құжаттардың толықтығын тексереді.

Ұсынылған құжаттар толық болмаған жағдайда, жауапты бөлімше көрсетілетін қызметті алушының құжаттарын алған күннен кейінгі 2 (екі) жұмыс күні ішінде банк операцияларын жүргізуге арналған лицензия беру туралы өтінішті одан әрі қараудан дәлелді бас тартуды дайындайды және жібереді.

7. Ұсынылған құжаттар толық болған жағдайда, жауапты бөлімшенің қызметкері мемлекеттік қызмет көрсету мерзімі ішінде құжаттардың Қазақстан Республикасы заңнамасының талаптарына сәйкес келуін қарайды.

Банк операцияларын жүргізуге лицензия беруден бас тарту үшін негіздер анықталған кезде уәкілетті орган көрсетілетін қызметті алушыға алдын ала шешім бойынша ұстанымын білдіру мүмкіндігін беру үшін мемлекеттік қызметті көрсетуден бас тарту туралы алдын ала шешім, сондай-ақ тыңдауды өткізу уақыты мен орны (тәсілі) туралы хабарлайды.

Тыңдау туралы хабарлама мемлекеттік қызмет көрсетуден бас тарту туралы шешім қабылданғанға дейін кемінде 3 (үш) жұмыс күні бұрын жіберіледі. Тыңдау көрсетілетін қызметті алушы мемлекеттік қызмет көрсетуден бас тарту туралы алдын ала шешім туралы хабарламаны алған күннен бастап 2 (екі) жұмыс күнінен кешіктірілмей жүргізіледі.

Көрсетілетін қызметті алушы ұсынған құжаттарды қарау, тыңдау нәтижелері бойынша жауапты бөлімше банк операцияларын жүргізуге лицензия беру туралы бұйрықтың жобасын не банк операцияларын жүргізуге лицензия беруден дәлелді бас тартуды көрсетілетін қызметті беруші көрсетілген құжаттарға қол қоюға уәкілеттік берген тұлғаның (бұдан әрі – уәкілетті тұлға) қарауына дайындайды және жібереді. Көрсетілетін қызметті берушінің уәкілетті тұлғасы банк операцияларын жүргізуге лицензия беру туралы бұйрықтың жобасына немесе банк операцияларын жүргізуге лицензия беруден дәлелді бас тартуға қол қояды.

Жауапты бөлімшенің қызметкері көрсетілетін қызметті берушінің уәкілетті тұлғасы тиісті шешім қабылдаған күннен кейінгі 3 (үш) жұмыс күні ішінде көрсетілетін қызметті берушінің кеңсесі арқылы көрсетілетін қызметті алушыға банк операцияларын жүргізуге арналған лицензияны қоса бере отырып банк операцияларын жүргізуге арналған лицензияны беру туралы хабарламаны не банк операцияларын жүргізуге арналған лицензияны беруден дәлелді бас тартуды жібереді.

Порталда банк операцияларын жүргізуге арналған лицензияны қоса бере отырып банк операцияларын жүргізуге арналған лицензияны беру туралы хабарлама не банк операцияларын жүргізуге арналған лицензияны беруден дәлелді бас тарту көрсетілетін қызметті алушыға «жеке кабинетке» көрсетілетін қызметті берушінің уәкілетті тұлғасының электрондық цифрлық қолтаңбасымен (бұдан әрі – ЭЦҚ) куәландырылған электрондық құжат нысанда жіберіледі.

Банк операцияларын жүргізуге арналған лицензия беруден дәлелді бас тарту үшін Банктер туралы заңның 27-бабында көзделген негіздерді қоспағанда, банк операцияларын жүргізуге арналған лицензия алу үшін көрсетілетін қызметті алушы ұсынған құжаттар Банктер туралы заңның және Қағидалардың талаптарына сәйкес келмеген жағдайда, көрсетілетін қызметті беруші оларды қараудың Банктер туралы заңның 26-бабының 5-тармағында көрсетілген мерзімі ішінде көрсетілетін қызметті алушыға оларды жоюға және Қазақстан Республикасының банктік заңнамасының талаптарына сәйкес келетін, пысықталған (түзетілген) құжаттарды ұсынуға арналған ескертулер көрсетілген хатты жібереді.

Банк операцияларын жүргізуге лицензия беруден бас тартуға негіздер болған кезде өтінішті қарау мерзімі көрсетілетін қызметті беруші басшысының немесе оның орынбасарының дәлелді шешімімен ақылға қонымды мерзімге, бірақ өтінішті дұрыс қарау үшін маңызы бар нақты мән-жайларды анықтау қажеттілігіне байланысты 2 (екі) айдан аспайтын мерзімге ұзартылуы мүмкін, бұл туралы Қазақстан Республикасы Әкімшілік рәсімдік-процестік кодексінің 76-бабының 3-тармағына сәйкес мерзім ұзартылған күннен бастап 3 (үш) жұмыс күні ішінде көрсетілетін қызметті алушыға хабарланады.

8. Көрсетілетін қызметті беруші көрсетілетін қызметті алушыға банк операцияларын жүргізуге лицензия беру туралы шешім қабылдаған жағдайда, көрсетілетін қызметті алушыға Қағидаларға 3-қосымшаға сәйкес нысан бойынша банк операцияларын жүргізуге лицензия беріледі.

3-тарау. Банк операцияларын жүргізуге лицензияны қайта ресімдеу, телнұсқасын беру, қолданылуын тоқтата тұру не тоқтату тәртібі

9. Банк операцияларын жүргізуге арналған лицензияны қайта ресімдеу Рұқсаттар және хабарламалар туралы заңда белгіленген негіздер бойынша және тәртіппен, оның ішінде:

1) көрсетілетін қызметті алушы Рұқсаттар және хабарламалар туралы заңның 34-бабында айқындалған тәртіппен қайта ұйымдастырылған;

2) көрсетілетін қызметті алушының атауы өзгерген;

3) Қазақстан Республикасының заңдарында қайта ресімдеу туралы талаптар болған жағдайларда жүргізіледі.

Көрсетілетін қызметті алушы көрсетілетін қызметті берушіге Қағидаларға 4-қосымшаға сәйкес нысан бойынша лицензияны қайта ресімдеу туралы өтінішті көрсетілетін қызметті берушінің кеңсесі арқылы қағаз тасымалдағышпен не портал арқылы электрондық түрде ұсынады.

10. Көрсетілетін қызметті берушінің хат-хабарды қабылдауға және тіркеуге уәкілетті қызметкері лицензияны қайта ресімдеу туралы өтініш түскен күні оны қабылдауды, тіркеуді және орындау үшін мемлекеттік қызметті көрсету үшін жауапты бөлімшеге жіберуді жүзеге асырады. Көрсетілетін қызметті алушының өтініші жұмыс уақыты аяқталғаннан кейін, демалыс және мереке күндері түскен кезде Қазақстан Республикасының еңбек заңнамасына сәйкес өтініштерді қабылдау келесі жұмыс күні жүзеге асырылады.

Жауапты бөлімшенің қызметкері банк операцияларын жүргізуге арналған лицензияны қайта ресімдеу туралы өтініш тіркелген күннен кейінгі 1 (бір) жұмыс күні ішінде ұсынылған құжаттардың толықтығын тексереді.

Ұсынылған құжаттар толық болмаған жағдайда, жауапты бөлімше көрсетілетін қызметті алушының құжаттарын алған күннен кейінгі 1 (бір) жұмыс күні ішінде банк операцияларын жүргізуге арналған лицензияны қайта ресімдеу туралы өтінішті одан әрі қараудан дәлелді бас тартуды дайындайды және жібереді.

11. Ұсынылған құжаттар толық болған жағдайда, жауапты бөлімшенің қызметкері мемлекеттік қызмет көрсету мерзімі ішінде құжаттарды Қазақстан Республикасы заңнамасының талаптарына сәйкес келуі тұрғысынан қарайды.

Банк операцияларын жүргізуге лицензияны қайта ресімдеуден бас тарту үшін негіздер анықталған кезде уәкілетті орган көрсетілетін қызметті алушыға лицензияны қайта ресімдеуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігін беру үшін тыңдауды өткізу уақыты мен орны (тәсілі) туралы хабарлайды.

Тыңдау туралы хабарлама мемлекеттік қызмет көрсетуден бас тарту туралы шешім қабылданғанға дейін кемінде 3 (үш) жұмыс күні бұрын жіберіледі. Тыңдау көрсетілетін қызметті алушы мемлекеттік қызмет көрсетуден бас тарту туралы алдын ала шешім туралы хабарламаны алған күннен бастап 2 (екі) жұмыс күнінен кешіктірілмей жүргізіледі.

Көрсетілетін қызметті алушы ұсынған құжаттарды қарау, тыңдау нәтижелері бойынша жауапты бөлімше банк операцияларын жүргізуге лицензияны қайта ресімдеу туралы бұйрықтың немесе банк операцияларын жүргізуге лицензия беруден дәлелді бас тарту жобасын дайындайды және көрсетілетін қызметті берушінің уәкілетті тұлғасының қарауына жібереді. Көрсетілетін қызметті берушінің уәкілетті тұлғасы банк операцияларын жүргізуге лицензияны қайта ресімдеу туралы бұйрықтың жобасына немесе банк операцияларын жүргізуге лицензияны қайта ресімдеуден дәлелді бас тартуға қол қояды.

Жауапты бөлімшенің қызметкері көрсетілетін қызметті берушінің уәкілетті тұлғасы тиісті шешім қабылдаған күннен кейінгі 1 (бір) жұмыс күні ішінде (мемлекеттік қызмет көрсету мерзімі шегінде) көрсетілетін қызметті берушінің кеңсесі арқылы көрсетілетін қызметті алушыға банк операцияларын жүргізуге қайта ресімделген лицензияны қоса бере отырып, банк операцияларын жүргізуге лицензияны қайта ресімдеу туралы хабарламаны не банк операцияларын жүргізуге лицензияны қайта ресімдеуден дәлелді бас тартуды жібереді.

Порталда қайта ресімделген лицензияның электрондық көшірмесін қоса бере отырып, банк операцияларын жүргізуге лицензияны қайта ресімдеу туралы хабарлама не банк операцияларын жүргізуге лицензияны қайта ресімдеуден дәлелді бас тарту көрсетілетін қызметті алушының «жеке кабинетіне» көрсетілетін қызметті берушінің уәкілетті тұлғасының ЭЦҚ-мен куәландырылған электрондық құжат нысанында жіберіледі.

Қазақстан Республикасының банктік заңнамасында көзделген банктік және өзге де операцияларды жүргізуге лицензияны қайта ресімдеуден бас тарту үшін негіздер болған кезде, лицензияны қайта ресімдеу туралы өтінішті қарау мерзімі көрсетілетін қызметті беруші басшысының немесе оның орынбасарының дәлелді шешімімен тиімді мерзімге, бірақ лицензияны қайта ресімдеу туралы өтінішті дұрыс қарау үшін маңызы бар нақты жағдайларды анықтау қажеттілігіне байланысты 2 (екі) айдан аспайтын мерзімге ұзартылады, бұл туралы көрсетілетін қызметті алушыға Қазақстан Республикасы Әкімшілік рәсімдік-процестік кодексінің 76-бабының 3-тармағына сәйкес мерзімі ұзартылған күннен бастап 3 (үш) жұмыс күні ішінде хабарланады.

12. Банк операцияларын жүргізуге арналған лицензияның телнұсқасын беру туралы өтініш түскен кезде (егер бұрын берілген лицензия қағаз нысанда ресімделсе) көрсетілетін қызметті берушінің хат-хабарды қабылдауға және тіркеуге уәкілетті қызметкері лицензияның телнұсқасын беру туралы өтініш түскен күні оны қабылдауды, тіркеуді және орындау үшін жауапты бөлімшеге жіберуді жүзеге асырады.

Көрсетілетін қызметті алушының өтініші жұмыс уақыты аяқталғаннан кейін, демалыс және мереке күндері түскен кезде Қазақстан Республикасының еңбек заңнамасына сәйкес өтініштерді қабылдау келесі жұмыс күні жүзеге асырылады.

Жауапты бөлімше қызметкері 2 (екі) жұмыс күні ішінде (мемлекеттік қызметті көрсету мерзімі шегінде) ұсынылған құжаттардың Қазақстан Республикасы заңнамасының талаптарына сәйкестігін тексереді, лицензияның телнұсқасының жобасын не бас тартуды дайындайды, лицензияның телнұсқасына не бас тартуға көрсетілетін қызметті берушінің басшысының қолын қойғызады, көрсетілетін қызметті алушыға көрсетілетін қызметті берушінің кеңсесі арқылы лицензияның телнұсқасын қоса бере отырып лицензияның телнұсқасын беру туралы хабарламаны не лицензияның телнұсқасын беруден бас тартуды береді.

Порталда лицензияның телнұсқасының электрондық көшірмесін қоса бере отырып лицензияның телнұсқасын беру туралы хабарлама не лицензияның телнұсқасын беруден бас тарту көрсетілетін қызметті алушыға «жеке кабинетке» көрсетілетін қызметті берушінің уәкілетті тұлғасының ЭЦҚ куәландырылған электрондық құжат нысанда жіберіледі.

13. Банк операцияларын жүргізуге лицензияның қолданылуын тоқтата тұру не лицензиядан айыру Қазақстан Республикасының банк заңнамасында көзделген негіздер бойынша жүргізіледі.

Көрсетілетін қызметті берушінің банк операцияларын жүргізуге лицензияның қолданылуын тоқтата тұру не лицензиядан айыру туралы шешімі орындау үшін көрсетілетін қызметті алушыға көрсетілген шешім қабылданған күннен бастап 5 (бес) жұмыс күні ішінде жазбаша түрде жіберіледі. Қабылданған шешім туралы ақпарат көрсетілетін қызметті берушінің интернет-ресурсына орналастырылады.

14. Лицензиясының қолданылуы тоқтатыла тұрған көрсетілетін қызметті алушы ай сайын, әрбір айдың 10 (оныншы) күнінен кешіктірмей (лицензияның қолданылуы жаңартылған күнге не лицензияның қолданылуы тоқтатылған мерзім аяқталған күнге дейін) көрсетілетін қызметті берушіні анықталған бұзушылықтарды жою бойынша көрсетілетін қызметті алушы жүргізген іс-шаралар туралы хабардар етеді.

15. Көрсетілетін қызметті алушы банк операцияларының түрлері бойынша барлық міндеттеме орындалғаннан кейін күнтізбелік 30 (отыз) күннің ішінде, көрсетілетін қызметті алушының уәкілетті органының шешімі негізінде, Қағидаларға 5-қосымшаға сәйкес нысан бойынша көрсетілетін қызметті берушіге ерікті түрде өтініш (бұдан әрі – лицензияның қолданылуын тоқтату туралы өтініш) беруге байланысты банк операцияларын жүргізуге лицензияның қолданылуын тоқтатуды сұрап, көрсетілетін қызметті берушіге өтініш береді.

16. Көрсетілетін қызметті алушының көрсетілетін қызметті берушіге банк операциялары жүргізуге лицензияның қолданылуын тоқтату туралы ерікті түрде өтініш беруі туралы ақпараты көрсетілетін қызметті алушы Қазақстан Республикасының бүкіл аумағында таратылатын қазақ және орыс тілдерінде таратылатын мерзімдік баспа басылымдарында қазақ және орыс тілінде көрсетілетін қызметті берушіге лицензияның қолданылуын тоқтату туралы өтініш берген күнге дейін күнтізбелік 60 (алпыс) күннен кешіктірмей жарияланады.

17. Көрсетілетін қызметті алушы көрсетілетін қызметті берушіге банк операцияларын жүргізуге лицензияның қолданылуын тоқтату туралы ерікті түрде өтініш берген кезде көрсетілетін қызметті алушының атқарушы органының басшысы не оның міндетін атқарушы адам (міндетін орындауды жүктеу туралы растайтын құжаттың көшірмесін ұсына отырып) қол қойған банктік емес ұйымның лицензияның қолданылуын тоқтату туралы өтінішін ұсынады. Лицензияның қолданылуын тоқтату туралы өтінішке көрсетілетін қызметті берушінің кеңсесі арқылы қағаз тасымалдағышпен не портал арқылы электрондық түрде мынадай құжаттар қоса беріледі:

1) көрсетілетін қызметті алушының уәкілетті органының көрсетілетін қызметті берушіге банк операцияларын жүргізуге лицензияның қолданылуын тоқтату туралы ерікті түрде өтініш беру туралы шешімі;

2) көрсетілетін қызметті алушының (Қазақстан Республикасы Ұлттық Банкінің және агроөнеркәсіп кешені саласындағы ұлттық басқарушы холдингтің еншілес ұйымдарын қоспағанда) банк операциялары бойынша міндеттемелердің және қолданыстағы шарттардың жоқ екені туралы кепіл хаты.

Қазақстан Республикасы Ұлттық Банкінің және агроөнеркәсіп кешені саласындағы ұлттық басқарушы холдингтің еншілес ұйымдары банк операциялары бойынша міндеттемелердің жоқ екені туралы кепіл хат береді;

3) лицензияның қолданылуын тоқтату туралы өтінішті жіберу күнінің алдындағы соңғы жұмыс күніндегі жағдай бойынша бухгалтерлік баланс және оған түсіндірме жазба. Бухгалтерлік баланстың түсіндірме жазбасында кредиторлық берешек сомаларын және оның туындау себептерін көрсете отырып, көрсетілетін қызметті алушының кредиторлары (олар болған кезде) туралы ақпараттың мәні ашып көрсетіледі;

4) Қағидалардың 16-тармағы талаптарының орындалуын растайтын ақпарат.

18. Көрсетілетін қызметті берушіге ерікті түрде өтініш беруге байланысты банк операцияларын жүргізуге лицензияның қолданылуын тоқтату туралы өтінішті көрсетілетін қызметті беруші Қағидалардың 17-тармағында көрсетілген, Қазақстан Республикасының банк заңнамасының талаптарына сәйкес келетін құжаттарды алған күннен бастап 3 (үш) айдың ішінде қарайды.

19. Көрсетілетін қызметті берушіге банк операцияларын жүргізуге лицензияның қолданылуын тоқтату туралы өтініш ерікті түрде көрсетілетін қызметті алушы мынадай талаптарды орындаған кезде беріледі:

1) Қағидалардың 17-тармағында көрсетілген құжаттардың толық топтамасын ұсыну;

2) ұсынылған құжаттардың Қазақстан Республикасының банк заңнамасының талаптарына сәйкес келуі;

3) көрсетілетін қызметті алушыда (Қазақстан Республикасы Ұлттық Банкінің және агроөнеркәсіп кешені саласындағы ұлттық басқарушы холдингтің еншілес ұйымдарын қоспағанда) банк операциялары бойынша міндеттемелердің және қолданыстағы шарттардың болмауы, ал Қазақстан Республикасы Ұлттық Банкінің және агроөнеркәсіп кешені саласындағы ұлттық басқарушы холдингтің еншілес ұйымдары бойынша – банк операциялары бойынша міндеттемелердің болмауы.

20. Көрсетілетін қызметті алушы Қағидалардың 19-тармағында көзделген талаптарды орындамаған жағдайда, көрсетілетін қызметті беруші банк операцияларын жүргізуге лицензияның қолданылуын тоқтатудан бас тартады. Көрсетілетін қызметті алушы лицензияның қолданылуын тоқтату туралы өтінішті қайта берген кезде көрсетілетін қызметті берушінің оны қарау мерзімі ол қайта берілген күннен бастап есептеледі.

Ұсынылған құжаттар бойынша ресімдеу бөлігіне ескертулер болған кезде және арифметикалық қателер болған кезде көрсетілетін қызметті беруші оларды қараудың Қағидалардың 18-тармағында көрсетілген мерзімдері ішінде банктік емес ұйым ескертулер көрсетілген, оларды жою және пысықталған (түзетілген), Қазақстан Республикасы заңнамасының талаптарына сәйкес келетін құжаттарды ұсыну үшін көрсетілетін қызметті алушыға хат жібереді.

21. Көрсетілетін қызметті алушы көрсетілетін қызметті берушінің банк операцияларын жүргізуге арналған лицензияның қолданылуын тоқтату мүмкіндігі туралы хатын алған күннен бастап 10 (он) жұмыс күнінен кешіктірмей қағаз тасымалдағышпен берілген лицензияның түпнұсқасын көрсетілетін қызметті берушіге қайтарады.

4-тарау. Көрсетілетін қызметті берушінің және (немесе) оның лауазымды тұлғаларының мемлекеттік қызмет көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

22. Көрсетілетін қызметті берушінің және (немесе) оның лауазымды тұлғаларының мемлекеттік қызмет көрсету мәселелері бойынша шешімдеріне, әрекеттеріне (әрекетсіздігіне) шағымдану көрсетілетін қызметті берушінің ресми интернет-ресурсына орналастырылған мекенжайы бойынша көрсетілетін қызметті беруші басшысының атына жазбаша түрде жүргізіледі.

Заңды тұлғаның шағымында оның атауы, пошталық мекенжайы, шығыс нөмірі мен күні көрсетіледі.

Өтінішке көрсетілетін қызметті алушы қол қояды.

Көрсетілетін қызметті берушінің кеңсесінде шағымды қабылдаған адамның тегі және аты-жөні, берілген шағымға алынатын жауаптың мерзімі мен орнын көрсете отырып тіркеу (мөртабан, кіріс нөмірі және күні) шағымның қабылданғанын растау болып табылады.

Көрсетілетін қызметті берушінің атына келіп түскен мемлекеттік қызметтер көрсету мәселелері бойынша көрсетілетін қызметті алушының шағымы оны тіркеген күнінен бастап 5 (бес) жұмыс күні ішінде қаралады.

Портал арқылы өтініш берген жағдайда шағымдану тәртібі туралы ақпаратты Бірыңғай байланыс орталығының 8-800-080-7777 немесе 1414 телефоны арқылы алуға болады.

Шағым портал арқылы жіберілген жағдайда көрсетілетін қызметті алушыға «жеке кабинеттен» шағым туралы ақпарат қолжетімді болады, ол көрсетілетін қызметті берушінің шағымды өңдеу (жеткізу, тіркеу, орындалуы туралы белгілер, қарау немесе қараудан бас тарту туралы жауап) барысында жаңартылып отырады.

23. Шағымда:

1) көрсетілетін қызметті алушының толық атауы пошталық мекенжайы, бизнес-сәйкестендіру нөмірі;

2) көрсетілетін қызметті берушінің атауы және (немесе) шешіміне, әрекетіне (әрекетсіздігіне) шағым жасалып отырған лауазымды адамның тегі, аты, әкесінің аты (бар болса);

3) шағым беруші тұлға өзінің талаптары мен дәлелдемелерін негіздейтін мән-жайлар;

4) шағымның шығыс нөмірі мен берілген күні;

5) шағымға қоса берілетін құжаттардың тізбесі көрсетіледі.

Шағымға көрсетілетін қызметті алушы не оның өкілі болып табылатын адам қол қояды.

24. Егер заңда өзгеше көзделмесе, сотқа жүгінуге сотқа дейінгі тәртіппен шағым жасалғаннан кейін жол беріледі.

Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидаларына 1-қосымша

«Банк операцияларының жекелеген түрлерін жүзеге асыратын ұйымдарға банк операцияларына лицензия беру» мемлекеттік көрсетілетін қызмет стандарты

Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидаларына 2-қосымша

Нысан

Кімге ______________________________________ (көрсетілетін қызметті берушінің толық атауы) Кімнен ______________________________________ (көрсетілетін қызметті алушының атауы)

Банк операцияларын жүргізуге лицензия беру туралы өтініш

Мынадай банк операцияларын жүзеге асыруға лицензия беруді сұраймын (валюта түрін көрсету – ұлттық және (немесе) шетел валютасымен): __________________________________________________________________________ __________________________________________________________________________ Көрсетілетін қызметті алушы туралы мәліметтер: 1. Атауы, тұратын орны және нақты мекенжайы: ___________________________________________________________________________ ___________________________________________________________________________ (индекс, облыс, қала, аудан, көше, үйдің, офистің нөмірі, бизнес сәйкестендіру нөмірі (бар болса)) ___________________________________________________________________________ ___________________________________________________________________________ (телефон нөмірі, факс нөмірі, электрондық пошта мекенжайы, интернет-ресурс) 2. Жарияланған акциялар шығарылымын мемлекеттік тіркеу туралы куәліктің нөмірі мен күні (акционерлік қоғамның ұйымдық-құқықтық нысанында құрылған заңды тұлғалар үшін) және көрсетілетін қызметті алушының жарғылық капиталының мөлшері ___________________________________________________________________________ ___________________________________________________________________________ 3. Банк операцияларын жүргізуге бірінші рет алынған лицензия туралы деректер: __________________________________________________________________________ __________________________________________________________________________ (нөмірі, күні, лицензия берген мемлекеттік органның атауы) 4. Жіберілетін құжаттар тізбесі, олардың әр қайсысының даналары мен парақтар саны: ___________________________________________________________________________ ___________________________________________________________________________ ___________________________________________________________________________ ___________________________________________________________________________ Көрсетілетін қызметті алушы өтінішке қоса берілген құжаттардың (ақпараттың) дұрыстығын толық растайды). Көрсетілетін қызметті алушы ақпараттық жүйелердегі заңмен қорғалатын құпияны құрайтын мәліметтерді пайдалануға келісім береді. Көрсетілетін қызметті алушының атқарушы органы басшысының не өтінішті беруге уәкілетті тұлғаның тегі, аты, әкесінің аты (ол бар болса) (растайтын құжаттарды қоса бере отырып) ______________________________________ ___________ (қолы немесе электрондық цифрлық қолы) (күні)

Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидаларына 3-қосымша

Нысан

Қазақстан Республикасының Елтаңбасы Уәкілетті органның толық атауы Банк операцияларын жүргізуге лицензия

Лицензияның нөмірі _____ Берілген күні __ жылғы «___» ______________ _________________________________________________________________________ _________________________________________________________________________ (банк операцияларының жекелеген түрлерін жүзеге асыратын ұйымның атауы)

Осы лицензия: банк операцияларының (ұлттық және (немесе) шетел валютасымен) мынадай түрлерін жүргізуге құқық береді: ____________________________________________________________________ ____________________________________________________________________ Бірінші рет алынған банк операцияларын жүргізуге лицензия туралы деректер: ___________________________________________________________ ____________________________________________________________________ ____________________________________________________________________ ____________________________________________________________________ (лицензия берген мемлекеттік органның нөмірі, күні, атауы)

Төраға (Төрағаның орынбасары) _____________________________________ __________________ (қолы немесе электрондық цифрлық қолы) (аты-жөні)

Мөр орны (қағаздағы нысан үшін)

Алматы қаласы

Банк операцияларының жекелеген түрлерін жүзеге асыратын ұйымдар жүзеге асыратын банк операцияларын лицензиялау қағидаларына 4-қосымша

Нысан

Кімге ________________________________ (көрсетілетін қызметті берушінің толық атауы) Кімнен _______________________________ (көрсетілетін қызметті алушының толық атауы)

Банк операцияларын жүргізуге лицензияны қайта ресімдеу туралы өтініш

________________________________________________________________байланысты (лицензияны қайта ресімдеудің себебін көрсету) ___________________________________________________________________________ ___________________________________________________________________________ (лицензияның атауын, валюта түрін (ұлттық және (немесе) шетел) көрсету)

________________________________________ лицензиясын қайта ресімдеуді сұраймын. Көрсетілетін қызметті алушы туралы мәліметтер ___________________________________ _____________________________________________________________________________ 1. Атауы және орналасқан жері __________________________________________________ _____________________________________________________________________________ _____________________________________________________________________________ (индекс, облыс, қала, аудан, көше, үйдің, офистің нөмірі) _____________________________________________________________________________ _____________________________________________________________________________ (телефон нөмірі, факс нөмірі, электрондық поштаның мекенжайы, интернет-ресурс) 2. Банк операцияларын және (немесе) бағалы қағаздар нарығындағы қызметті жүргізуге бірінші рет алынған лицензия туралы деректер ____________________________________ _____________________________________________________________________________ _____________________________________________________________________________ (нөмірі, күні, лицензия берген мемлекеттік органның атауы) 3. Жіберілген құжаттардың тізбесі, олардың әрқайсысы бойынша даналар және парақтар саны ___________________________________________________________ _____________________________________________________________________________ _____________________________________________________________________________ _____________________________________________________________________________ Көрсетілетін қызметті алушы өтінішке қоса берілген құжаттардың (ақпараттың) дәйектілігін растайды. Көрсетілетін қызметті алушы ақпараттық жүйелердегі заңмен қорғалатын құпияны құрайтын мәліметтерді пайдалануға келісім береді. Көрсетілетін қызметті алушының атқарушы органы басшысының не өтініш беруге уәкілетті тұлғаның тегі, аты, әкесінің аты (ол бар болса) (растайтын құжаттарды қоса бере отырып).

_______________________________________________ ________________ (қолы немесе электрондық цифрлық қолтаңбасы) (күні)

Банк операцияларының жекелеген түрлерін жүзеге асыратын ұйымдар жүзеге асыратын  банк операцияларын лицензиялау қағидаларына 5-қосымша

Нысан

Көрсетілетін қызметті берушіге ерікті түрде өтініш беруге байланысты банк операцияларын жүргізуге лицензияның қолданылуын тоқтату туралы өтініш

____________________________________________________________ (Көрсетілетін қызметті алушының атауы)

көрсетілетін қызметті алушының уәкілетті органының ____ жылғы «____» ___________________ № _______________________________ шешіміне сәйкес, ___________________________________________________________________ (өткізу орны) ____________________________________________________________________ (лицензияның және банк операциясы түрінің атауы) банк операцияларын жүргізуге арналған лицензияның қолданылуын тоқтатуды сұрайды. Көрсетілетін қызметті алушы өтінішке қоса берілетін құжаттардың (ақпараттың) дәйектілігін растайды. Қоса берілетін құжаттар (жіберілетін құжаттардың атаулы тізбесін, әрқайсысы бойынша дана және бет санын көрсету қажет) ____________________________ ____________________________________________________________________ ____________________________________________________________________ ____________________________________________________________________ Көрсетілетін қызметті алушы ақпарат жүйелеріндегі заңмен қорғалатын құпияны құрайтын мәліметтерді пайдалануға келісім береді. Көрсетілетін қызметті алушының атқарушы органы басшысының не өтінім беруге уәкілетті адамның тегі, аты, әкесінің аты (ол бар болса) (растайтын құжаттармен қоса) ___________________________________________ ________________ (қолы немесе электрондық цифрлық қолтаңбасы) (күні)

Қазақстан Республикасы Қаржы нарығын және қаржы ұйымдарын реттеу  мен қадағалау агенттігі Басқармасының 2007 жылғы 25 маусымдағы № 168 қаулысына 2-қосымша

Банк операцияларының жекелеген түрлерін жүзеге асыратын ұйымдардың банк операцияларын жүргізу бойынша біліктілік талаптары және оларға сәйкестікті растайтын құжаттардың тізбесі

Ескертпе:

Құжаттар қағаз тасымалдағышта немесе «электрондық үкіметтің» веб-порталы арқылы электрондық түрде ұсынылады.

Бірнеше парақтан тұратын қағаз тасымалдағышта ұсынылатын құжаттар нөмірленіп және тігіліп, соңғы парақтың артқы жағына тігістің түйініне желімделген жапсырмадағы тігілген парақтардың саны көрсетіле отырып ұсынылады.

Құжаттардың көшірмелері банк операцияларының жекелеген түрлерін жүзеге асыратын ұйымның атқарушы органы басшысының немесе оның міндетін атқарушы тұлғаның қолымен (міндеттерді атқаруды жүктеу туралы растайтын құжаттың көшірмесін ұсына отырып), тегін, атын, әкесінің атын (бар болса) көрсете отырып, көшірмесінің дұрыстығын көрсете отырып куәландырылады.

Шет мемлекеттердің құзыретті органдары немесе лауазымды тұлғалары берген құжаттар (Қазақстан Республикасының резиденті емес жеке тұлғаның жеке басын куәландыратын құжаттарды қоспағанда) Қазақстан Республикасы заңнамасының талаптарына немесе Қазақстан Республикасы ратификациялаған халықаралық шарттарға сәйкес заңдастырылуға немесе апостиль қойылуға жатады. Шет тілінде ұсынылатын құжаттар қазақ немесе орыс тілдеріне аударылады және Қазақстан Республикасының Нотариат туралы заңнамасына сәйкес нотариалды куәландырылуға жатады.

Банк операцияларының жекелеген түрлерін жүзеге асыратын ұйымдардың банк операцияларын жүргізуіне және оларға сәйкестікті растайтын құжаттардың тізбесіне қойылатын біліктілік талаптарына 1-қосымша

Заңды тұлға болып табылатын банк операцияларының жекелеген түрлерін жүзеге асыратын ұйым акционері (қатысушысы) туралы мәліметтер нысаны

_________________________________________________________________________________ (банк операцияларының жекелеген түрлерін жүзеге асыратын ұйымның толық атауы)

1. Банк операцияларының жекелеген түрлерін жүзеге асыратын ұйымның акционері (қатысушысы) (бұдан әрі - Өтініш беруші) __________________________________________

_____________________________________________________________________________

_____________________________________________________________________________ (толық атауы)

2. Орналасқан жері__және нақты мекенжайы _________________________________

_____________________________________________________________________________ (индекс, облыс, қала, аудан, көше, үй, кеңсе нөмірі)

_____________________________________________________________________________

_____________________________________________________________________________ (қала коды, телефон нөмірі, факс нөмірі, электрондық пошта мекенжайы, интернет-ресурсы)

3. Мемлекеттік тіркеу (қайта тіркеу) туралы мәліметтер _________________________

_____________________________________________________________________________ (құжаттың атауы, нөмірі және берілген күні, берген орган)

4. Бизнес сәйкестендіру нөмірі (бар болса) ___________________________________

______________________________________________________________________________

5. Қызмет түрі _____________________________________________________________

______________________________________________________________________________ (қызметтің негізгі түрлерін көрсету)

6. Қазақстан Республикасының резиденті немесе бейрезиденті _________

7. Өтініш берушінің акционерге тиесілі дауыс беретін акциялары санының өтініш берушінің дауыс беретін акцияларының жалпы санына пайыздық арақатынасы немесе өтініш берушінің жарғылық капиталына қатысу үлесі _____________________________________________________________________

_______________________________________________________________________________

8. Өтініш берушінің акцияларын төлеуге (өтініш берушінің жарғылық капиталындағы қатысу үлесіне) ақша енгізер алдындағы өтініш беруші акционерінің (қатысушысының) меншікті капиталының мөлшері және өтініш берушінің акцияларын төлеуге енгізілген сома (өтініш берушінің жарғылық капиталындағы қатысу үлесіне) ________________________________________________________________________

________________________________________________________________________________

9. Өтініш беруші акционерінің (қатысушысының) заңды тұлғалардың атаулары мен орналасқан жерін көрсете отырып, басқа заңды тұлғаларды қатысушы, акционер ретінде құруға және олардың қызметіне қатысуы туралы мәліметтер _________________________________________________________________

__________________________________________________________________________________

__________________________________________________________________________________

10. Ұйымның атауын, орналасқан жерін көрсете отырып, өтініш берушінің акционері (қатысушысы) қатысатын өнеркәсіптік, банктік, қаржылық топтар, холдингтер, концерндер, қауымдастықтар, консорциумдар туралы мәліметтер __________________________________________________________________

__________________________________________________________________________________

__________________________________________________________________________________

11. Өтініш берушінің акционерінің (қатысушысының) атқарушы органының бірінші басшысы (атқарушы органның функцияларын жеке-дара орындайтын тұлға) және басқару органы (бақылаушы кеңесі - бар болса) туралы мәліметтер ____________________________________________________

__________________________________________________________________________________

__________________________________________________________________________________ (тегі, аты, әкесінің аты (бар болса)

Дербес деректерді жинауға, өңдеуге және ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісім беремін.

20 жыл «___» _____________

Өтініш беруші акционерінің (қатысушысының) немесе оның міндетін атқарушы тұлғаның атқарушы орган басшысының (атқарушы органның функцияларын жеке-дара жүзеге асыратын тұлғаның) қолы ______________________

Банк операцияларының жекелеген түрлерін жүзеге асыратын ұйымдардың банк операцияларын жүргізуіне және оларға сәйкестікті растайтын құжаттардың тізбесіне қойылатын біліктілік талаптарына 2-қосымша

Банк операцияларының жекелеген түрлерін жүзеге асыратын ұйымның атқарушы органының басшысы (банк операцияларының жекелеген түрлерін жүзеге асыратын ұйымның акционері (қатысушысы) – жеке тұлға, атқарушы органның бірінші басшысы (атқарушы органның функцияларын жеке - дара орындайтын тұлға) және банк операцияларының жекелеген түрлерін жүзеге асыратын ұйымның акционері (қатысушысы) - заңды тұлғаның басқару органы (бақылаушы кеңесі, бар болса) туралы мәліметтер нысаны

___________________________________________________________________________________________ (ұйымның атауы)

___________________________________________________________________________________________ (тегі, аты, әкесінің аты (ол бар болса), лауазымы)

1. Банк операцияларының жекелеген түрлерін жүзеге асыратын ұйымының атқарушы органының басшысы (бұдан әрі – Өтініш беруші) (өтініш берушінің акционері (қатысушысы) – жеке тұлға, атқарушы органның бірінші басшысы (атқарушы органның функцияларын жеке – дара орындайтын тұлға) және өтініш беруші-заңды тұлға акционерінің (қатысушысының) басқару органы (бақылаушы кеңесі) туралы жалпы мәліметтер:

2. Білімі:

3. Өтініш берушінің атқарушы органының басшысы (өтініш берушінің акционері (қатысушы) – атқарушы органның бірінші басшысы, жеке тұлға (атқарушы органның функцияларын жеке дара жүзеге асыратын тұлға) және өтініш беруші акционері -заңды тұлғаның (қатысушы) басқару органының (бар болса, бақылау кеңесінің) басшысы ірі акционер болып табылатын не мүлкіндегі тиісті үлеске құқығы бар заңды тұлғалар туралы мәліметтер:

Ескертпе: 4-бағанда үлесті өтініш берушінің атқарушы органы басшысының (өтініш берушінің акционері (қатысушы) – атқарушы органның бірінші басшысы, жеке тұлға (атқарушы органның функцияларын жеке дара жүзеге асыратын тұлға) және өтініш беруші акционері - заңды тұлғаның (қатысушы) басқару органының (бар болса, бақылау кеңесінің) басшысы) сенімгерлік басқаруындағы үлесті, сондай-ақ өтініш берушінің атқарушы органының басшысы (өтініш берушінің акционері (мүшесі) – атқарушы органның бірінші басшысы, жеке тұлға (атқарушы органның функцияларын жеке дара жүзеге асыратын тұлға) және өтініш беруші акционері -заңды тұлғаның (қатысушы) басқару органының (бар болса, бақылау кеңесінің) басшысы) өзге тұлғалармен бірлесіп иелену нәтижесінде ірі қатысушы болып табылатын акциялардың (үлестердің) санын ескере отырып көрсету қажет.

4. Еңбек қызметі туралы мәліметтер.

Бұл тармақта өтініш берушінің атқарушы органы басшысының (өтініш берушінің акционері (қатысушы) – атқарушы органның бірінші басшысы, жеке тұлға (атқарушы органның функцияларын жеке дара жүзеге асыратын тұлға) және өтініш беруші акционері -заңды тұлғаның (қатысушы) басқару органының (бар болса, бақылау кеңесінің) басшысы) еңбек қызметі, сондай-ақ басқару органына мүшелік туралы мәліметтер, оның ішінде жоғары оқу орнын бітірген күннен бастап, сондай-ақ өтініш берушінің атқарушы органы басшысының (өтініш берушінің акционері (қатысушы) – атқарушы органның бірінші басшысы, жеке тұлға (атқарушы органның функцияларын жеке дара жүзеге асыратын тұлға) және өтініш беруші акционері -заңды тұлғаның (қатысушы) басқару органының (бар болса, бақылау кеңесінің) басшысы) еңбек қызметі жүзеге асырылмаған кезең көрсетіледі.

Ескертпе:

1) егер ұйым Қазақстан Республикасының бейрезиденті болып табылса, Қазақстан Республикасының бейрезидент ұйымының тіркелген елі көрсетіледі;

2) қаржы ұйымдарының дербес құрылымдық бөлімшесінің (департаменттің, басқарманың, филиалдың) басшысы (бастықтың орынбасары), қаржылық, басқарушы және (немесе) атқарушы директор қызметін атқарған жағдайда осы ұйымда қаржылық қызмет көрсетуге байланысты мәселелер көрсетіледі;

3) аудиторлық қызмет саласында реттеуді жүзеге асыратын уәкілетті органда жұмыс өтілі болған жағдайда, қаржылық ұйымдарға аудит жүргізу жөніндегі қызметтерді реттеуге қатысты негізгі функционалды міндеттер көрсетіледі.

5. Өтініш берушінің атқарушы органы басшысының (өтініш берушінің акционері (қатысушы) – атқарушы органның бірінші басшысы, жеке тұлға (атқарушы органның функцияларын жеке дара жүзеге асыратын тұлға) және өтініш беруші акционері -заңды тұлғаның (қатысушы) басқару органының (бар болса, бақылау кеңесінің) басшысы) қаржы ұйымдарының аудитін жүргізуіне, салық бойынша аудитті қоса алғанда, қатысуы туралы мәліметтер:

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________