Консультации
Отправить по почте
Қазақстан Республикасы Үкіметінің 2009 жылғы 20 наурыздағы № 376 қаулысына толықтырулар енгізу туралы Қазақстан Республикасы Үкіметінің 2009 жылғы 30 желтоқсандағы № 2277 Қаулысы
Осы Қаулы күшін жойды 2018 жылғы 24 сәуірден бастап ҚР Үкіметінің 09.04.2018 жылғы № 177 Қаулысына сәйкес
«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 12-бабы 1-тармағының 11) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. «Гранттар беретін халықаралық және мемлекеттік ұйымдардың, шетелдік үкіметтік емес қоғамдық ұйымдардың және қорлардың тізбесін бекіту туралы» Қазақстан Республикасы Үкіметінің 2009 жылғы 20 наурыздағы № 376 қаулысына (Қазақстан Республикасының ПҮАЖ-ы, 2009 ж., № 17, 139-құжат) мынадай толықтырулар енгізілсін:
тақырыптағы және 1-тармақтағы «шетелдік» деген сөзден кейін «және қазақстандық» деген сөздермен толықтырылсын;
көрсетілген қаулымен бекітілген гранттар беретін халықаралық және мемлекеттік ұйымдардың, шетелдік үкіметтік емес қоғамдық ұйымдардың және қорлардың тізбесінде:
тақырыптағы «шетелдік» деген сөзден кейін «және қазақстандық» деген сөздермен толықтырылсын;
«Шетелдік үкіметтік емес қоғамдық ұйымдар және қорлар» деген бөлімде:
тақырыптағы «Шетелдік» деген сөзден кейін «және қазақстандық» деген сөздермен толықтырылсын;
мынадай мазмұндағы реттік нөмірі 163-жолмен толықтырылсын:
«163. «Бота» қоғамдык қоры».
2. Осы қаулы қол қойылған күнінен бастап қолданысқа енгізіледі және жариялануға тиіс.
Қазақстан Республикасының
Премьер-Министрі К. Мәсімов
