Судебная практика
Отправить по почте
Ықтимал жер сілкіністері аймақтарында құтқару және басқа да шұғыл жұмыстарды ұйымдастыру мен жүргізу тәртібі туралы Қазақстан Республикасы Премьер-Министрінің 2011 жылғы 7 сәуірдегі № 44-ө Өкімі
Осы Өкім күшін жойды 2015 жылғы 26 сәуірден бастап ҚР Үкіметінің 02.04.2015 жылғы № 173 Қаулысына сәйкес
«Азаматтық қорғаныс туралы» Қазақстан Республикасының 1997 жылғы 7 мамырдағы Заңына сәйкес және Алматы қаласында, Алматы, Шығыс Қазақстан, Жамбыл және Оңтүстік Қазақстан облыстарында ықтимал жер сілкіністерінен адам шығыны мен залалды азайту мақсатында:
1. Осы өкімге қосымшаға сәйкес ықтимал жер сілкіністерінің зардаптарын жоюға бөлінетін күштер мен құралдар құрамы бекітілсін сәйкес лауазымдар бойынша бекітілсін.
2. Қазақстан Республикасы Төтенше жағдайлар министрлігі мүдделі орталық және жергілікті атқарушы органдармен бірлесіп, алты ай мерзімде Қазақстандағы жер сілкіністерінің зардаптарын жою, Алматы қаласында, Алматы, Шығыс Қазақстан, Жамбыл және Оңтүстік Қазақстан облыстарында жойқын жер сілкіністері туындаған кезде зардап шеккен халықты және материалдық құндылықтарды көшіру жөніндегі іс-қимылдардың республикалық жоспарын әзірлесін.
3. Қазақстандағы ықтимал жойқын жер сілкіністеріне ден қоюға Қазақстан Республикасының күштері мен құралдарын басқару органдарының әзірлігі мақсатында:
1) Қазақстан Республикасының күштер мен құралдарды бөлетін орталық және жергілікті атқарушы органдары үш ай мерзімде бекітілген күштер мен құралдарға сәйкес жер сілкіністерінің зардаптарын жою жөніндегі іс-қимылдар жоспарларын әзірлеуді қамтамасыз етсін;
2) Қазақстан Республикасы Төтенше жағдайлар министрлігі:
халықты хабардар етудің республикалық жүйесінің дереу пайдалануға ұдайы әзір болуын қолдауды қамтамасыз етсін;
Қазақстан Республикасы Байланыс және ақпарат министрлігімен бірлесіп, бұқаралық ақпарат құралдары, ұялы байланыс операторлары, кәбілді телевизия, сымды радио, сондай-ақ адамдар көп болатын жерлердегі халықты терминалдық ақпараттандыру кешендерінің иелері арқылы хабарландыру сигналдарын және шұғыл ақпарат беру мәселелерін пысықтасын;
ірі ауқымды ықтимал жер сілкіністері жағдайында құтқару және басқа да шұғыл жұмыстарды ұйымдастыру мен жүргізу мәселелерін пысықтау мақсатында үш жылда бір рет оқу-жаттығу өткізсін;
3) Қазақстан Республикасы Білім және ғылым министрлігі сейсмикалық қауіпті өңірлердегі жалпы білім беру ұйымдарында жер сілкінісі жағдайындағы іс-әрекет ережелері мен тәртібін оқытуды қамтамасыз етсін және практикалық дағдыларын меңгерту бойынша тұрақты жаттығуларды өткізсін;
4) Қазақстан Республикасы Ішкі істер министрлігі ірі ауқымдағы ықтимал жер сілкіністері жағдайында құқықтық тәртіптің қорғалуын қамтамасыз ету, тонау, мемлекеттік, қоғамдық және азаматтардың жеке мүлкін талан-таражға салу фактілерінің жолын кесу жөніндегі іс-шаралар жоспарын әзірлесін;
5) Қазақстан Республикасы Көлік және коммуникация министрлігі:
ауыр инженерлік және көліктік техниканы, материалдарды, жабдықтарды жеткізу үшін ауыр жүк көтеретін ұшақтарды қабылдауды қамтамасыз ететін әуеайлақтарды белгілесін және аталған жүктерді тасымалдауды ұйымдастыру жөнінде өзара іс-қимыл жоспарын пысықтасын;
орталық атқарушы органдармен және Алматы қаласының, Алматы, Шығыс Қазақстан, Жамбыл, Оңтүстік Қазақстан облыстарының жергілікті атқарушы органдарымен бірлесіп, темір жол көлігі, әуе кемелері техникасы мен авариялық-құтқару құралымдарының механизмдері үшін тиеу-түсіру және зардап шеккен халықты, материалдық құндылықтарды көшіру пункттерін айқындасын;
теміржол көлігінде тиеу-түсіру құрылғыларын, тиеу және түсіру пункттеріне автокөлік кіреберістерін қамтамасыз етсін;
темір жолдар мен әуеайлақтарда авариялық-қалпына келтіру жұмыстарын орындау үшін қажетті күштер мен құралдардың нормалық санын айқындасын;
6) орталық атқарушы органдар, Алматы қаласының, Алматы, Шығыс Қазақстан, Жамбыл, Оңтүстік Қазақстан облыстарының жергілікті атқарушы органдары:
жер сілкінісі жағдайындағы іс-қимылдар дайындығы мен тәртібі ережелеріне халықты, барлық деңгейдегі басшыларды оқытуды тұрақты жүзеге асырсын, оқу-жаттығуларды және машықтануларды, оның ішінде хабарлау сигналдары бойынша жүйелі түрде өткізсін, әрбір отбасыны тиісті жадынамамен немесе нұсқаулықпен қамтамасыз етсін, осы білімдерді бұқаралық ақпарат құралдарында белсенді насихаттасын;
әрбір елді мекенде, ғимаратта және құрылыста қауіпсіз бару жерлерін, тиісті көрсеткіштер орнатып, көшіру жолдарын айқындасын, жойқын жер сілкінісінің қаупі мен туындауы кезінде ғимараттар мен құрылыстардан адамдарды шығарудың практикалық амалдарын пысықтасын;
7) орталық және жергілікті атқарушы органдар жойқын жер сілкіністері туындаған кезде Азаматтық қорғаныстың авариялық-құтқару қызметі, құралымдары күштерінің іс-қимылдарға тұрақты әзірлігін қолдауды қамтамасыз етсін;
8) Алматы қаласының, Алматы, Шығыс Қазақстан, Жамбыл, Оңтүстік Қазақстан облыстарының жергілікті атқарушы органдары:
Алматы қаласындағы, Алматы, Шығыс Қазақстан, Жамбыл, Оңтүстік Қазақстан облыстарындағы ықтимал жер сілкіністері кезінде ғимараттарды, құрылыстарды паспорттау деректері және олардың сейсмикалық беріктілігін тексеру нәтижелері негізінде адам шығынын (оның ішінде қайтыс болғандардың) есебін нақтыласын;
өңірлердің ерекшелігін ескере отырып, ықтимал жер сілкіністерінен залалды азайту жөнінде шаралар кешенін әзірлесін және тиісті шешімдер қабылдасын.
4. Осы өкімнің іске асырылуын бақылау Қазақстан Республикасы Төтенше жағдайлар министрлігіне жүктелсін.
Премьер-Министр К. Мәсімов
Қазақстан Республикасы Премьер-Министрінің 2011 жылғы 7 сәуірдегі № 44-ө өкіміне қосымша
Ықтимал жер сілкінісінің салдарын жою үшін бөлінетін күштер мен құралдар құрамы
| Р/с № | Облыстың, орталық атқарушы органның атауы | Күштер мен құралдар топтамасы | |
| адам | техника | ||
| 1 | 2 | 3 | 4 |
| Алматы қаласына және Алматы облысы аудандарының бөліктеріне | |||
| 1. | Астана қаласы | 2543 | 579 |
| 2. | Ақмола облысы | 4512 | 892 |
| 3. | Ақтөбе облысы | 6477 | 1814 |
| 4. | Атырау облысы | 2852 | 383 |
| 5. | Шығыс Қазақстан облысы | 10797 | 3248 |
| 6. | Жамбыл облысы | 7440 | 1060 |
| 7. | Батыс Қазақстан облысы | 3768 | 612 |
| 8. | Қарағанды облысы | 9898 | 1943 |
| 9. | Қостанай облысы | 4657 | 919 |
| 10. | Қызылорда облысы | 4352 | 1142 |
| 11. | Маңғыстау облысы | 3169 | 1166 |
| 12. | Павлодар облысы | 2780 | 535 |
| 13. | Солтүстік Қазақстан облысы | 2134 | 347 |
| 14. | Оңтүстік Қазақстан облысы | 11053 | 1859 |
| Облыстар бойынша жиыны: | 76432 | 16449 | |
| 15. | Қорғаныс министрлігі | 8160 | 231 |
| 16. | Ішкі істер министрлігі | 1020 | 105 |
| 17. | Ішкі істер министрлігінің Ішкі әскер комитеті | 1700 | 117 |
| 18. | Көлік және коммуникация министрлігі | 405 | 218+20 әуе кемесі |
| 19. | Төтенше жағдайлар министрлігі | 2202 | 439+4 әуе кемесі |
| Орталық атқарушы органдар бойынша жиыны: | 13487 | 1110+24 әуе кемесі | |
| Барлығы: | 89919 | 17559+24 әуе кемесі | |
| Алматы облысының Талдықорған өңіріне | |||
| 1. | Шығыс Қазақстан облысы | 2907 | 600 |
| 2. | Жамбыл облысы | 2451 | 331 |
| 3. | Қарағанды облысы | 2006 | 525 |
| 4. | Қызылорда облысы | 1494 | 471 |
| 5. | Оңтүстік Қазақстан облысы | 2414 | 395 |
| Облыстар бойынша жиыны: | 11272 | 2322 | |
| 6. | Қорғаныс министрлігі | 9160 | 261 |
| 7. | Ішкі істер министрлігі | 720 | 60 |
| 8. | Ішкі істер министрлігінің Ішкі әскер комитеті | 1371 | 99 |
| 9. | Көлік және коммуникация министрлігі | 405 | 218+20 әуе кемесі |
| 10. | Төтенше жағдайлар министрлігі | 2202 | 439+4 әуе кемесі |
| Орталық атқарушы органдар бойынша жиыны: | 13858 | 1077+24 әуе кемесі | |
| Барлығы: | 25130 | 3399+24 әуе кемесі | |
| Шығыс Қазақстан облысына | |||
| 1. | Алматы облысы | 555 | 184 |
| 2. | Павлодар облысы | 923 | 209 |
| Облыстар бойынша жиыны: | 1478 | 393 | |
| 3. | Қорғаныс министрлігі | 2570 | 85 |
| 4. | Ішкі істер министрлігі | 800 | 75 |
| 5. | Ішкі істер министрлігінің Ішкі әскер комитеті | 770 | 47 |
| 6. | Көлік және коммуникация министрлігі | 405 | 138+2 әуе кемесі |
| 7. | Төтенше жағдайлар министрлігі | 1296 | 253+4 әуе кемесі |
| Орталық атқарушы органдар бойынша жиыны: | 5841 | 598+6 әуе кемесі | |
| Барлығы: | 7319 | 991+6 әуе кемесі | |
| Жамбыл облысына | |||
| 1. | Алматы қаласы | 2933 | 676 |
| 2. | Алматы облысы | 3462 | 626 |
| 3. | Қызылорда облысы | 1494 | 471 |
| 4. | Оңтүстік Қазақстан облысы | 1141 | 158 |
| Облыстар бойынша жиыны: | 9030 | 1931 | |
| 5. | Қорғаныс министрлігі | 1955 | 61 |
| 6. | Ішкі істер министрлігі | 500 | 34 |
| 7. | Ішкі істер министрлігінің Ішкі әскер комитеті | 2141 | 157 |
| 8. | Көлік және коммуникация министрлігі | 405 | 218+25 әуе кемесі |
| 9. | Төтенше жағдайлар министрлігі | 1621 | 339+4 әуе кемесі |
| Орталық атқарушы органдар бойынша жиыны: | 6622 | 809+29 әуе кемесі | |
| Барлығы: | 15652 | 2740+29 әуе кемесі | |
| Оңтүстік Қазақстан облысына | |||
| 1. | Алматы қаласы | 2933 | 676 |
| 2. | Алматы облысы | 763 | 175 |
| 3. | Жамбыл облысы | 1773 | 291 |
| 4. | Қызылорда облысы | 2956 | 608 |
| Облыстар бойынша жиыны: | 8425 | 1750 | |
| 5. | Қорғаныс министрлігі | 1970 | 49 |
| 6. | Ішкі істер министрлігі | 750 | 72 |
| 7. | Ішкі істер министрлігінің Ішкі әскер комитеті | 1361 | 91 |
| 8. | Көлік және коммуникациялар министрлігі | 405 | 198+20 әуе кемесі |
| 9. | Төтенше жағдайлар министрлігі | 1445 | 281+4 әуе кемесі |
| Орталық атқарушы органдар бойынша жиыны: | 5931 | 691+24 әуе кемесі | |
| Барлығы: | 14356 | 2441+24 әуе кемесі | |
1. Орталық атқарушы органдар үшін: күштер мен құралдар құрамы құрылымдық бөлімшелер мен ведомстволық бағынысты ұйымдардан тұрады.
2. Облыстар, Астана және Алматы қалалары үшін: күштер мен құралдар құрамы тиісті ведомстволық бағынысты аумақта орналасқан ұйымдардың күштері мен құралдарынан тұрады.
