Қазақстан Республикасындағы сот-сараптама қызметін лицензиялау тәртібін және Сот сарапшыларының мемлекеттік тізілімін жүргізу тәртібін бекіту туралы Қазақстан Республикасы Үкіметінің қаулысы 1998 жылғы 9 қазан N 1021

1. Қоса беріліп отырған: 

Сот сарапшыларының мемлекеттік тізілімін жүргізу тәртібі бекітілсін. Алынып тасталды (ескертуді қараңыз)

1-тармақтың 2 абзацы алынып тасталды ҚР Үкіметінің 18.06.2007. № 504 қаулысымен (15.05.1999 жылғы редакцияны қараңыз).(2007 жылғы 9 тамыздан бастап қолданысқа енгізілуі тиіс)

2. Алынып тасталды (ескертуді қараңыз)       Қазақстан Республикасының 

алынып тасталды
 2-тармақ алынып тасталды ҚР Үкіметінің 18.06.2007. № 504 қаулысымен (15.05.1999 жылғы редакцияны қараңыз).(2007 жылғы 9 тамыздан бастап қолданысқа енгізілуі тиіс)

Премьер-Министрі                        Қазақстан Республикасындағы  
                Сот-сараптама қызметін лицензиялау  
                            ТӘРТІБІ  Алынып тасталды (ескертуді қараңыз)

                                  Қазақстан Республикасы 

                                    Үкіметінің 1998 жылғы 

                                         9 қазандағы 

                                       N 1021 қаулысымен                                                    бекітілген

1. Сот сарапшыларының мемлекеттік тізілімін (бұдан әрі - Тізілім) қалыптастыру мен пайдаланудың тәртібін белгілейтін осы тәртіп "Сот сараптамасы туралы" Қазақстан Республикасының 1997 жылғы 12 қарашадағы Заңының 18-бабына сәйкес әзірленді.

2. Тізілімге Қазақстан Республикасы сот сараптамасы органдарының қызметкерлері болып табылатын, сот-сараптама қызметін жүзеге асыратын, сондай-ақ сот-сараптама қызметін жүзеге асыруға лицензия алған адамдар енгізілуге тиіс.

3. Тізілім Қазақстан Республикасында сот-сараптама қызметін жүзеге асыруға құқығы бар адамдар туралы соттар мен анықтау және алдын-ала тергеу органдарының хабардар болуы мақсатында жасалады.

4. Соттар мен анықтау және алдын ала тергеу органдары "Сот сараптамасы туралы" Қазақстан Республикасының 1997 жылғы 12 қарашадағы Заңда  көзделген жағдайларды қоспағанда Тізілімге енгізілген мамандарға сот сараптамасы ісін жүргізуді тапсыруы керек.

4-тармақ өзгертілді ҚР Үкіметінің 15.05.1999. № 578 қаулысымен.

5. Тізілім осы Ережеде көзделген талаптарды ескере отырып ресімделген жеке тұлғалардың тізімі болып табылады.

5-тармақ өзгертілді ҚР Үкіметінің 15.05.1999. № 578 қаулысымен.

6. Тізілім сот сарапшысы туралы мынадай мәліметтерді қамтиды: 

- тегі, аты, әкесінің аты; 

- білімі, ғылыми дәрежесі мен атағы; 

- сарапшы мамандығы (мамандықтары) туралы және біліктілік куәлігінің нөмірі мен берілген күні; 

- сот-сараптама қызметін жүзеге асыруға берілген лицензияның нөмірі мен берілген күні (сот сараптама органдарының қызметкерлері болып табылмайтын адамдар үшін); 

- сот сарапшысының жұмыс орны мен лауазымы; 

- сарапшылық мамандығы (мамандықтары) бойынша сот сарапшысының стажы.

7. Тізілімді Қазақстан Республикасының Әділет министрлігі жүргізеді.

8. Сот сараптамасы органдарының қызметкерлері болып табылатын сот сарапшысы мамандығы бар адамдар туралы деректер Тізілімге олар Қазақстан Республикасы Әділет министрлігінің Аттестациялық комиссиясында аттестациядан өткеннен кейін осы Комиссияның ұсынуымен енгізіледі.

9. Сот сараптамасы органдарының қызметкерлері болып табылмайтын адамдар Тізілімге Қазақстан Республикасы Әділет министрлігі жанындағы Сот-сараптама қызметін лицензиялау жөніндегі комиссияның ұсынуы бойынша олар сот-сараптама қызметін жүзеге асыру құқығына лицензия алған кезде енгізіледі.

10. Сот сараптамасы органдарының қызметкерлері кезекті аттестациядан өтпеген жағдайда Қазақстан Республикасы Әділет министрлігінің Аттестациялық комиссиясының ұсынуы бойынша Тізілімнен шығарылуға тиіс.

11. Сот сараптамасы органдарының қызметкерлері болып табылмайтын адамдар олардың сот-сараптама қызметін жүзеге асыруға лицензиясы кері қайтарылған жағдайда Тізілімнен шығарылуға тиіс.

12. Тізілім республиканың соттарына, анықтау және алдын-ала тергеу органдарына таратылады.