Отправить по почте
Электр энергетикасы саласындағы берешекті өтеудің кейбір мәселелері туралы Қазақстан Республикасы Үкіметінің 2007 жылғы 8 тамыздағы N 680 Қаулысы
Шет мемлекеттермен өзара қарым-қатынастарды қалыпқа келтіру және олардың заң тұлғалары алдындағы электр энергетикасы саласындағы берешекті өтеуге жағдай жасау мақсатында Қазақстан Республикасының Үкіметі ҚАУЛЫ ЕТЕДІ:
1. Жарғылық капиталына мемлекет 100 пайыз қатысатын "Достық Энерго" акционерлік қоғамы (бұдан әрі - Қоғам) құрылсын және оның қызметінің негізгі мәні қазақстандық кәсіпорындардың электр энергетикасы саласындағы берешегін реттеу және өтеу болып белгіленсін.
2. Қазақстан Республикасы Қаржы министрлігі Қазақстан Республикасы Энергетика және минералдық ресурстар министрлігімен бірлесіп, заңнамада белгіленген тәртіппен 2007 жылға арналған республикалық бюджетте көзделген 1849826000 (бір миллиард сегіз жүз қырық тоғыз миллион сегіз жүз жиырма алты мың) теңге шегінде Қоғамның орналастырылатын акцияларына ақы төлеу жөнінде шаралар қабылдасын.
3. Қазақстан Республикасы Энергетика және минералдық ресурстар министрлігіне қазақстандық кәсіпорындардың электр энергетикасы саласындағы берешегін реттеу және өтеу жөніндегі қызметтерге ақы төлеуге 2007 жылға арналған республикалық бюджетте шұғыл шығындарға көзделген Қазақстан Республикасы Үкіметінің резервінен 25000000 (жиырма бес миллион) теңге бөлінсін.
4. Қазақстан Республикасы Қаржы министрлігі бөлінген қаражаттың мақсатты пайдалануын бақылауды қамтамасыз етсін.
5. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен:
1) Қоғамның жарғысын бекітуді және оны Қазақстан Республикасының әділет органдарында мемлекеттік тіркеуді;
