Қазақстан Республикасы Yкiметiнiң 2002 жылғы 21 тамыздағы N 932 және 2003 жылғы 30 желтоқсандағы N 1355 қаулыларына өзгерiстер мен толықтырулар енгiзу туралы Қазақстан Республикасы Үкіметінің 2005 жылғы 18 қазандағы N 1044 Қаулысы

Қазақстан Республикасының Үкiметi ҚАУЛЫ ЕТЕДI :

1. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзiлсiн: 

1) Тармақша күшін жойды (ескертуді қараңыз)

1-тармақша күшін жойды ҚР Үкіметінің 04.10.2023 жылғы № 860 Қаулысымен (18.10.2005 ж. редакцияны қараңыз)(өзгерту 06.10.2023 жылдан бастап қолданысқа енгізіледі)

2) "Байланыс және хабар тарату ұлттық геостационарлық спутнигiн жасау және ұшырудың кейбiр мәселелерi" туралы Қазақстан Республикасы Үкiметiнiң 2003 жылғы 30 желтоқсандағы N 1355  қаулысында: 

мынадай мазмұндағы 2-1-тармақпен толықтырылсын: 

"2-1. Қоғам мыналарды ұйымдастыру жөнiндегi уәкілетті ұйым болып белгiленсiн: 

1) ұлттық ғарыштық байланыс және хабар тарату аппараттарын және олардың ұшуын жерден басқару кешенiн пайдалану; 

2) электр магниттік үйлесімділікті есептеудi жүргiзудi қоса алғанда, азаматтық мақсаттағы радиоэлектронды құралдар мен жоғары жиілікті құрылғылардың электр магниттiк үйлесiмдiлiгiн қамтамасыз ету.";

3-тармақта: 

бiрiншi абзац мынадай редакцияда жазылсын: 

"Мыналар қоғам қызметiнiң негiзгi түрлерi болып белгіленсiн" деген сөздер "Жүктелген өкiлеттiктердi iске асыру үшiн Қоғам мынадай қызметтi жүзеге асырады" деген сөздермен ауыстырылсын; 

мынадай мазмұндағы 5) тармақшамен толықтырылсын: 

"5) халықаралық шарттар негізiнде байланыс мәселелерi бойынша халықаралық қызметтi жүзеге асыруға қатысу";

8-тармақта: 

"Қазақстан Республикасының Экономика және бюджеттiк жоспарлау министрлігі" деген сөздерден кейiн ", Қазақстан Республикасы Индустрия және сауда министрлiгi" деген сөздермен толықтырылсын; 

екiншi абзацтағы "Қазақстан Республикасының Ақпарат министрлігі" деген сөздер "Қазақстан Республикасы Мәдениет, ақпарат және спорт министрлiгi" деген сөздермен ауыстырылсын; 

мынадай мазмұндағы абзацпен толықтырылсын: 

"Қазсат" акционерлiк қоғамы мен Жеткiзушi арасындағы Келiсiм-шарт бойынша мiндеттемелер аяқталғаннан кейiн ұлттық геостационарлық байланыс және хабар тарату спутнигін, бiрге жүретiн ғарыштық аппараттарды жерден басқару кешенiн және байланыс мониторингi жүйесiн иелену және пайдалану құқығын Қоғамға берудi";

10-тармақта: 

"Қазақстан Республикасының Ақпараттандыру және байланыс жөнiндегi агенттігі," деген сөздерден кейiн "Қазақстан Республикасы Индустрия және сауда министрлiгi," деген сөздермен толықтырылсын; 

"Қазақстан Республикасының Көлiк және коммуникациялар министрлiгi" деген сөздер "Қазақстан Республикасы Білiм және ғылым министрлігі" деген сөздермен ауыстырылсын.

2. Осы қаулы қол қойылған күнiнен бастап қолданысқа енгізіледi.

Қазақстан Республикасының 

Премьер-Министрі