Отправить по почте
Медицина және фармацевтика мамандықтарының номенклатурасын бекіту туралы Қазақстан Республикасы Денсаулық сақтау министрінің 2009 жылғы 24 қарашадағы N 774 Бұйрығы
Осы Бұйрық күшін жойды 2021 жылғы 15 қантардан бастап ҚР Денсаулық сақтау министрінің 21.12.2020 жылғы № ҚР ДСМ-305/2020 Бұйрығына сәйкес
"Халық денсаулығы және денсаулық сақтау жүйесі туралы" 2009 жылғы 18 қыркүйектегі Қазақстан Республикасы Кодексінің 32-бабы 3-тармағы 2-тармақшысына сәйкес және денсаулық сақтау жүйесінің қызметкерлерінің мамандықтарын есепке алу, даярлау, регламенттеуді біріздендіру мақсатында БҰЙЫРАМЫН:
1. Қоса беріліп отырған Медицина және фармацевтика мамандықтарының номенклатурасы бекітілсін.
2. Қазақстан Республикасы Денсаулық сақтау министрлігінің Ғылым және адами ресурстар департаменті (Н.Қ. Хамзина) осы бұйрықты Қазақстан Республикасы Әділет министрлігіне заңнамада белгіленген тәртіппен мемлекеттік тіркеуін қамтамасыз етсін.
3. Қазақстан Республикасы Денсаулық сақтау министрлігінің Әкімшілік-құқықтық жұмыс департаменті (Бисмильдин Ф.Б.) осы бұйрық Қазақстан Республикасы Әділет министрлігінде мемлекеттік тіркелгеннен кейін заңнамада белгіленген тәртіппен бұқаралық ақпарат құралдарында ресми жариялануын қамтамасыз етсін.
4. "Медицина және фармацевтика мамандықтары номенклатурасын бекіту туралы" Қазақстан Республикасы Денсаулық сақтау министрінің 2008 жылғы 4 шілде N 392 (Қазақстан Республикасының нормативтік құқықтық актілерін мемлекеттік тіркеу тізілімінде N 5276 тіркелген, Қазақстан Республикасының орталық атқарушы және өзге де мемлекеттік органдарының нормативтік құқықтық актілер бюллетенінде жарияланған 2008 жылғы N 8, 326 құжат) бұйрығының күші жойылды деп танылсын.
5. Осы бұйрықтың орындалуын бақылау Қазақстан Республикасының Денсаулық сақтау вице-министрі Е.А. Біртановқа жүктелсін.
6. Осы бұйрық алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.
Министр Ж. Досқалиев
Қазақстан Республикасы Денсаулық сақтау министрінің 2009 жылғы 24 қарашадағы N 774 бұйрығымен бекітілген
Медицина және фармацевтика мамандықтарының номенклатурасы
Номеклатура өзгертілді ҚР Денсаулық сақтау министрінің 06.05.2013 жылғы № 269 бұйрығымен (24.11.2009 ж. редакцияны қараңыз) (алғашқы ресми жарияланғаннан кейін 10 (он) күнтізбелік күн өткен соң қолданысқа енгізілуі тиіс) 28.11.2013 жылғы „Егемен Қазақстан„ Республикалық газетінде жарияланды Номеклатура өзгертілді ҚР Денсаулық сақтау және әлеуметтік даму министрінің 05.12.2016 жылғы № 1036 Бұйрығымен (06.05.2013 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 25.01.2017 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды Номеклатура жаңа редакцияда жазылды ҚР Денсаулық сақтау министрінің 28.08.2017 жылғы № 660 Бұйрығына сәйкес (05.12.2016 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 25.09.2017 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды
1-тарау. Жоғары медициналық білімі бар қызметкерлердің мамандықтары
1. Терапия (жасөспірімдер терапиясы, диетология);
2. Жалпы дәрігерлік практика (отбасылық медицина);
3. Кардиология (негізгі мамандық бейіні бойынша ультрадыбыстық диагностика, негізгі мамандық бейіні бойынша функционалды диагностика, интервенциялық аритмология, интервенциялық кардиология) (ересектердің);
4. Кардиология (негізгі мамандық бейіні бойынша ультрадыбыстық диагностика, негізгі мамандық бейіні бойынша функционалды диагностика, интервенциялық аритмология, интервенциялық кардиология) (балалардың);
5. Ревматология (ересектердің);
6. Ревматология (балалардың);
7. Аллергология және иммунология (ересектердің, балалардың);
8. Гастроэнтерология (негізгі мамандық бейіні бойынша эндоскопия, негізгі мамандық бейіні бойынша ультрадыбыстық диагностика) (ересектердің,);
9. Гастроэнтерология (негізгі мамандық бейіні бойынша эндоскопия, негізгі мамандық бейіні бойынша ультрадыбыстық диагностика) (балалардың);
10. Гематология (ересектер);
11. Онкология және гематология (балалар);
12. Пульмонология (негізгі мамандық бейіні бойынша эндоскопия, негізгі мамандық бейіні бойынша функционалды диагностика) (ересектердің,);
13. Пульмонология (негізгі мамандық бейіні бойынша эндоскопия, негізгі мамандық бейіні бойынша функционалды диагностика) (балалардың);
14. Эндокринология (ересектердің,);
15. Эндокринология (балалардың);
16. Нефрология (негізгі мамандық бейіні бойынша ультрадыбыстық диагностика) (ересектердің,);
17. Нефрология (негізгі мамандық бейіні бойынша ультрадыбыстық диагностика) (балалардың);
18. Фтизиатрия (ересектердің, балалардың);
19. Кәсіби патология;
20. Инфекциялық аурулар (ересектердің);
21. Инфекциялық аурулар (балалардың);
22. Дерматовенерология (дерматокосметология) (ересектердің, балалардың)
23. Неврология (негізгі мамандық бейіні бойынша функционалды диагностика) (ересектердің,);
24. Неврология (негізгі мамандық бейіні бойынша функционалды диагностика) (балалардың);
25. Психиатрия (наркология, психотерапия, сексопатология, медициналық психология, сот-психиатриялық сараптама, сот-наркологиялық сараптама);
26. Медициналық реабилитология (ересектердің, балалардың);
27. Сәулелі терапия (радияциялық онкология);
28. Сәулелі диагностика (рентгенология, компьютерлік және магнитті-резонанстық томография, ультрадыбыстық диагностика, ядролық медицина);
29. Функциялық диагностика;
30. Клиникалық зертханалық диагностика;
31. Спорт медицинасы;
32. Гериатрия;
33. Клиникалық фармакология;
34. Дәстүрлі терапия (рефлексотерапия, мануальды терапия, су-джок-терапиясы, гомеопатия, гирудотерапия, фитотерапия);
35. Әуе және ғарыш медицинасы;
36. Төтенше жағдайлар және апаттар медицинасы;
37. Анестезиология және реаниматология (перфузиология, токсикология) (ересектердің);
38. Анестезиология және реаниматология (перфузиология, токсикология) (балалардың);
39. Жалпы хирургия (торакалдық хирургия, абдоминалдық хирургия, трансплантология, колопроктология, онкологиялық хирургия, негізгі мамандық бейіні бойынша ультрадыбыстық диагностика, негізгі мамандық бейіні бойынша эндоскопия);
40. Кардиохирургия (ересектердің, балалардың);
41. Ангиохирургия (рентгенохирургия, интервенциялық хирургия) (ересектердің, балалардың);
42. Нейрохирургия (ересектердің, балалардың);
43. Жақ сүйек-бет хирургиясы (ересектердің, балалардың);
44. Пластикалық хирургия;
45. Онкология (химиотерапия, маммология) (ересектер);
46. Травматология-ортопедия (камбустиология) (ересектердің, балалардың)
47. Урология және андрология (негізгі мамандық бейіні бойынша; ультрадыбыстық диагностика, негізгі мамандық бейіні бойынша эндоскопия) (ересектердің, балалардың);
48. Офтальмология (ересектердің, балалардың);
49. Оториноларингология (сурдология, негізгі мамандық бейіні бойынша эндоскопия) (ересектердің, балалардың);
50. Патологиялық анатомия (цитопатология) (ересектердің, балалардың);
51. Сот-медициналық сараптама;
52. Трансфузиология;
53. Токсикология (ересектердің, балалардың);
54. Педиатрия (неонатология);
55. Неонатология (интенсивтік терапия және неонаталдық реанимация);
56. Балалар психиатриясы (балалар наркологиясы, балалар психотерапиясы, балалар медициналық психологиясы, сот-психиатриялық сараптама, сот-наркологиялық;
57. Балалар хирургиясы (неонаталдық хирургия);
58. Акушерия және гинекология (балалар гинекологиясы, негізгі мамандық бейіні бойынша ультрадыбыстық диагностика, негізгі мамандық бейіні бойынша эндоскопия);
59. Медициналық генетика;
60. Стоматология (ересектердің, балалардың);
61. Гигиена және эпидемиология (жалпы гигиена, еңбек гигиенасы, балалар мен жасөспірімдер гигиенасы, тағам гигиенасы, коммуналдық гигиена, радиациялық гигиена, токсикология, эпидемиология, паразитология, бактериология, вирусология, микробиология);
62. Денсаулық сақтау менеджменті;
63. Қоғамдық денсаулық сақтау;
64. Мейіргер ісі;
65. Жедел және шұғыл медициналық көмек.
2-тарау. Жоғары фармацевтикалық білімі бар қызметкерлердің мамандықтары
Фармация (жалпы фармацевтикалық практика; фармацияның экономикасы және басқару (фармацевт (провизор), фармацевт-ұйымдастырушы (провизор-ұйымдастырушы), менеджер, тексеруші, хабаршы, маркетолог-тауартанушы, дәрілердің технологиясы (фармацевт (провизор), фармацевт-технолог (провизор-технолог); дәрілік заттардың сапасын бақылау және сертификаттау (фармацевт (провизор), фармацевт-талдаушы (провизор-талдаушы); талдамалы диагностика және сот-химиялық сараптама (химик-токсиколог); клиникалық фармация; фармация сапасын басқару)
3-тарау. Орта білімнен кейінгі медициналық білімі бар қызметкерлердің мамандықтары
1. Мейіргер ісі
4-тарау. Техникалық және кәсіби медициналық және фармацевтикалық білімі бар қызметкерлердің мамандықтары
1. Зертханалық диагностика (зертханашы, дәрігер-зертханашының көмекшісі).
2. Емдеу ісі (фельдшер, жалпы практика фельдшері).
3. Акушерия ісі (акушер, жалпы практика акушері).
4. Гигиена және эпидемиология (санитариялық фельдшер, санитариялық дәрігердің көмекшісі, зертханашы, эпидемиолог дәрігердің көмекшісі, энтомолог).
5. Стоматология (тіс дәрігері, дантист, стоматологтың ассистенті).
6. Ортопедиялық стоматология (тіс технигі).
7. Мейіргер ісі (мейіргер, жалпы практика мейіргері, мамандандырылған мейіргер)
8. Мейіргер ісі (күтім бойынша кіші мейіргер)
9. Мейіргер ісі (массажист)
10. Фармация (фармацевт ассистенті, фармацевт).
