Қазақстан Республикасы Үкіметінің 2006 жылғы 5 сәуірдегі № 248 қаулысына өзгерістер енгізу туралы Қазақстан Республикасы Үкіметінің 2011 жылғы 17 ақпандағы № 146 Қаулысы

Қазақстан Республикасының Үкіметі ҚАУЛЫ ЕТЕДІ: 

1. «Ауыз сумен жабдықтаудың баламасыз көзі болып табылатын сумен жабдықтаудың ерекше маңызды топтық және оқшау жүйелерінен ауыз су беру жөніндегі қызметтердің құнын субсидиялау ережесін бекіту туралы» Қазақстан Республикасы Үкіметінің 2006 жылғы 5 сәуірдегі № 248 қаулысына (Қазақстан Республикасының ПҮАЖ-ы, 2006 ж., № 12, 113-құжат) мынадай өзгерістер енгізілсін:

көрсетілген қаулымен бекітілген Ауыз сумен жабдықтаудың баламасыз көзі болып табылатын сумен жабдықтаудың ерекше маңызды топтық және оқшау жүйелерінен ауыз су беру жөніндегі қызметтердің құнын субсидиялау ережесінде:

2-тармақтың үшінші абзацындағы «және (немесе) коммерциялық мүдделерін» деген сөздер алып тасталсын;

5-тармақтағы «олар үшін белгіленген су тұтыну лимиті шегінде» деген сөздер «елді мекендердегі бір тұрғынға белгіленген орташа тәуліктік үлестік су тұтыну шегінде» деген сөздермен ауыстырылсын;

6-тармақта:

бірінші абзацта:

мемлекеттік тілдегі мәтіні өзгеріссіз қалдырылсын;

«тиісті қаржы жылына арналған бюджеттік бағдарлама әкімшісінің шығыстары құрамында» деген сөздер «тиісті қаржы жылдарына» деген сөздермен ауыстырылсын;

үшінші абзацтағы «және үйге ортақ (бірыңғай)» деген сөздер «бірыңғай» деген сөзбен ауыстырылсын.

2. Осы қаулы алғашқы ресми жарияланған күнінен бастап қолданысқа енгізіледі.

Қазақстан Республикасының 

Премьер-Министрі                           К. Мәсімов