"Заңды тұлғаларды мемлекеттік тіркеу және филиалдар мен өкілдіктерді есептік тіркеу жөніндегі нұсқаулықты бекіту туралы" Қазақстан Республикасы Әділет министрінің 2007 жылғы 12 сәуірдегі N 112 бұйрығына өзгерістер мен толықтырулар енгізу туралы Қазақстан Республикасы Әділет министрінің 2008 жылғы 13 қазандағы N 273 Бұйрығы. Қазақстан Республикасының Әділет министрлігінде 2008 жылғы 14 қазанда Нормативтік құқықтық кесімдерді мемлекеттік тіркеудің тізіліміне N 5340 болып енгізілді.

1. "Заңды тұлғаларды мемлекеттік тіркеу және филиалдар мен өкілдіктерді есептік тіркеу жөніндегі нұсқаулықты бекіту туралы" Қазақстан Республикасы Әділет министрінің 2007 жылғы 12 сәуірдегі N 112 бұйрығына (Нормативтік құқықтық кесімдерді мемлекеттік тіркеудің тізіліміне N 4625 болып енгізілген 2007 жылғы 11 шілдедегі N 104 (1133) "Заң газетінде" жарияланған) "Заңды тұлғаларды мемлекеттік тіркеу және филиалдар мен өкілдіктерді есептік тіркеу жөніндегі нұсқаулықты бекіту туралы" Қазақстан Республикасы Әділет министрінің 2007 жылғы 12 сәуірдегі N 112 бұйрығына өзгерістер мен толықтырулар енгізу туралы Қазақстан Республикасы Әділет министрінің бұйрығымен 2008 жылғы 28 шілдедегі N 235  (Нормативтік құқықтық кесімдерді мемлекеттік тіркеудің тізіліміне N 5294 болып енгізілген 2008 жылғы 3 қазанда N 151 (1551) "Заң газетінде" жарияланған) мынадай өзгерістер мен толықтырулар енгізілсін: 

4, 5-тармақтар мынадай редакцияда жазылсын: 

"4. Заңды тұлғаларды мемлекеттік тіркеу және филиалдар мен өкілдіктерді есептік тіркеу жөніндегі нұсқаулыққа 4-12, 21–32 қосымшалар 2010 жылғы 13 тамызға дейін жарамды. 

5. Заңды тұлғаларды мемлекеттік тіркеу және филиалдар мен өкілдіктерді есептік тіркеу жөніндегі нұсқаулыққа 13-20, 33–44 қосымшалар 2010 жылдың 13 тамызынан бастап күшіне енеді."; 

көрсетілген бұйрықпен бекітілген Заңды тұлғаларды мемлекеттік тіркеу және филиалдар мен өкілдіктерді есептік тіркеу жөніндегі нұсқаулықта: 

мәтін бойынша "электрондық деректер банкі", "бірыңғай электрондық деректер банкі", "электрондық деректер банкісін" сөздері "заңды тұлғаларды, филиалдар мен өкілдіктердің электрондық тіркелімі" және "заңды тұлғаларды, филиалдар мен өкілдіктердің электрондық тіркелімін" сөздерімен өзгертілсін; 

3-тармақ мынадай мазмұндағы екінші, үшінші, төртінші бөліктермен толықтырылсын: 

"Сәйкестендiру нөмiрлерiнiң ұлттық тiзiлiмдерiнде қамтылған мәлiметтер: 

уәкiлеттi органның жазбаша рұқсатының негiзiнде Сәйкестендiру нөмiрлерiнiң ұлттық тiзiлiмдерiнiң ақпараттық жүйелер деректерiн өзектiлiк жағдайда ұстау мақсатында тiркеушi органдарға; 

заңға сәйкес қылмыстық қудалауды жүзеге асыратын органдарға; 

қылмыс және өзге де құқық бұзушылық үшiн жауаптылық белгiлеу туралы iстердi қарау барысында соттарға; 

Қазақстан Республикасының заңдарында көзделген өзге де жағдайларда мәлiмет беретін жағдайларын қоспағанда, жария етуге жатпайды. 

Жеке немесе заңды тұлғаға қатысты ақпаратты Қазақстан Республикасының заңнамасында белгіленген тәртіппен жеке немесе заңды тұлғаның нотариалды куәландырылған келісімінсіз басқа тұлғаға беруге болмайды. 

Жеке және заңды тұлғалар туралы мәліметтерді қамтитын ақпараттық жүйелердің мемлекеттік дерекқорының құжаттарын немесе өзге де ақпарат жеткізгіштерді жоғалтуға, сол сияқты қызметтік іс-әрекетіне байланысты аталған ақпаратқа қол жеткізе алатын адамдарды оларды заңсыз өзгертуіне жол берілмейді."; 

6-тармақ мынадай редакцияда жазылсын: 

"6. Заңды тұлғаларды тіркеу үшін тіркеуші органға: 

осы Нұсқаулыққа 4 (14) қосымшаға сәйкес нысанда өтініші, сондай-ақ өз қызметін Үлгі жарғы негізінде жүзеге асыратын шағын, орта және ірі кәсіпкерлік субъектілері үшін 21, 25, 29 (33, 37, 41) қосымшаға сәйкес нысандағы өтініштер; 

осы Нұсқаулыққа 1 қосымшаға сәйкес құрылтай және басқа да құжаттар тізбесі; 

заңды тұлғаның басшысын және құрылтайшыларының жеке басын куәландыратын құжаттарының, олардың салық төлеуші куәліктерінің (шаруашылық серіктестіктері қатысушыларының тізілімін жүргізу бағалы қағаздар ұстаушылар тізілімі жүйесін жүргізу жөніндегі қызметті жүзеге асыруға лицензиясы бар, бағалы қағаздар рыногының кәсіби қатысушысы жүзеге асыратын шаруашылық серіктестері құрылтайшыларының құжаттарын қоспағанда) көшірмелері ұсынылады. 

Өтінішке құрылтайшы немесе құрылтайшы уәкiлдiк берген адам қол қояды. Мемлекеттің үлестік қатысуы бар мемлекеттік мекемелер, мемлекеттік кәсіпорындар, шаруашылық серіктестіктер мен акционерлік қоғамдар (бұдан әрі - мемлекеттің қатысуымен заңды тұлғалар) мемлекеттің қатысуымен мемлекеттік кәсіпорындар, мекемелер тізімін ұстаушылардың белгісі бар өтініш тапсырады. 

Құрылтай құжаттары мемлекеттік және орыс тілдерінде тапсырылады және өз қызметін Үлгі жарғы негізінде жүзеге асыратын шағын, орта және ірі кәсіпкерлік субъектісінің өтініші байланған және нөмірленген түрінде, үш данада тапсырылады және Қазақстан Республикасының заңнамасында белгіленген тәртіппен куәландырылады. 

Қызметiнiң айрықша түрі шетел валютасымен айырбастау операцияларын ұйымдастыру болып табылатын заңды тұлғаны тiркеу үшiн Қазақстан Республикасы Ұлттық Банкiнің әдiлет органдарында мемлекеттiк тiркеуге рұқсаты қосымша талап етiледi. 

Қазақстан Республикасының заңнамасында көзделген жағдайларда, қаржылық қызмет көрсету нысанасы болып табылатын заңды тұлғаны тiркеу үшін - қаржы рыногы мен қаржылық ұйымдарды реттеу және қадағалау жөнiндегi уәкiлеттi мемлекеттiк органның рұқсаты қосымша талап етiледi. 

Тиiстi тауар нарығындағы үстем (монополиялық) жағдайға ие нарық субъектiлерiн мемлекеттiк тiркеудi монополияға қарсы органның алдын ала келiсiмiмен тiркеушi орган жүзеге асырады; табиғи монополиялар субъектiлерiн мемлекеттiк тiркеудi табиғи монополиялар саласындағы қызметтi бақылауды және реттеудi жүзеге асыратын уәкiлеттi органның алдын ала келiсiмiмен тiркеушi орган жүзеге асырады. 

Заңды тұлғаның құрылтайшысы басқа заңды тұлға болып табылған жағдайда тiркеуші органға құрылтай құжаттарымен және басқа құжаттармен бiрге құрылтайшыда-заңды тұлғада салық берешегiнiң жоқ екендiгi (бар болуы) туралы салық органының анықтамасы және мемлекеттік тіркеу (қайта тіркеу) туралы куәліктің, статистикалық карточканың, салық төлеуші куәлігінің көшірмесі табыс етiледi. 

Жаңа коммерциялық емес ұйымдарды құрумен, қызметімен, қайта ұйымдастырумен және таратумен байланысты ерекшеліктер заңнамалық актілермен реттеледі."; 

7-тармақтың үшінші бөлігі мынадай редакцияда жазылсын: 

"Заңды тұлғаның орналасқан жерін растайтын құжаттар: жалдау, сатып алу-сату шарттары, қозғалмайтын мүлікке құқықтың тіркеу жүргізілгендігі туралы мөртабан басылған жылжымайтын мүлікке құқықты растайтын құжат немесе бұл құжаттардың нотариалдық куәландырылған көшірмесі және азаматтық заңнамада көзделген өзге де құжат болуы мүмкін. Егер үй-жайдың иесі жеке тұлға болған жағдайда, онда жеке тұлғаның үй-жайды заңды тұлғаның тұратын жері ретінде бергені туралы нотариалдық куәландырған келісімі табыс етіледі. Мемлекеттік кәсіпорындар, мемлекеттік мекемелер және мемлекет жүз пайыз қатысатын акционерлік қоғамдар орналасқан жерін растайтын құжат ретінде республикалық, коммуналдық меншікті басқару жөніндегі уәкілетті органның анықтамасын ұсынады."; 

8-тармақ мынадай редакцияда жазылсын: 

"8. Заңды тұлға қайта ұйымдастырудың мынадай жағдайларында (қосу, бөлу, бөліп шығару, өзгерту) мемлекеттік тiркеуге жатады."; 

9-тармақ мынадай редакцияда жазылсын: 

"9. Заңды тұлға қосылған, біріктірілген және қайта құрылған жағдайда тіркеуші органға: 

1) заңды тұлғаның уәкілетті органының қайта ұйымдастыру туралы, заңды тұлғаның мөрімен бекітілген шешімі; 

2) қайта ұйымдастырылған заңды тұлғаның міндеттемелері бойынша мирасқорлығы туралы ережелері көрсетілген, заңды тұлға мүлкінің меншіктенушісі немесе заңды тұлғаны қайта ұйымдастыру туралы шешім қабылдаған орган бекіткен табыстау актісі және заңды тұлғаның уәкілетті органының табыстау актісін бекіту туралы шешімі; 

3) кредиторлардың заңды тұлғаны қайта ұйымдастыру туралы жазбаша хабарламасын растайтын құжаты немесе заңды тұлғаны ұйымдастыру, сондай-ақ оның несие берушілерінің талаптарын мәлімдеу тәртібі және мерзімдер туралы ақпаратты баспасөз басылымдарында жариялағанын растайтын құжат; 

4) құрылтай құжаттарының, мемлекеттік тіркеу (қайта тіркеу) туралы куәліктің және статистикалық карточканың төлнұсқалары; 

5) қайта ұйымдастырылған заңды тұлғаның қызметін тоқтатқанын мемлекеттік тіркеу үшін бюджетке төлем төлегенін растайтын түбіртегі немесе құжаты ұсынылуы тиіс."; 

мынадай редакциядағы 9-1-тармақпен толықтырылсын: 

"9-1. Заңды тұлға бөлінген, бөліп шығарылған жағдайда тіркеуші органға: 

1) заңды тұлғаның уәкілетті органынының қайта құру туралы, заңды тұлғаның мөрімен бекітілген шешімі; 

2) қайта ұйымдастырылған заңды тұлғаның міндеттемелері бойынша мирасқорлығы туралы ережелері көрсетілген, заңды тұлға мүлкінің меншіктенушісі немесе заңды тұлғаны қайта ұйымдастыру туралы шешім қабылдаған орган бекіткен бөлу актісі және заңды тұлғаның уәкілетті органының бөлу актісін бекіту туралы шешімі; 

3) кредиторлардың заңды тұлғаны қайта ұйымдастыру туралы жазбаша хабарламасын растайтын құжаты немесе заңды тұлғаны қайта ұйымдастыру, сондай-ақ оның кредиттеушілерінің талаптарын мәлімдеу тәртібі мерзімі туралы ақпаратты баспасөз басылымдарында жариялағанын растайтын құжат; 

4) құрылтай құжаттарының, мемлекеттік тіркеу (қайта тіркеу) туралы куәлігінің және статистикалық карточкасының төлнұсқалары; 

5) қайта ұйымдастырылған заңды тұлғаның қызметін тоқтатқанын мемлекеттік тіркеу үшін бюджетке алым төлегенін растайтын түбіртегі немесе құжаты ұсынылуы тиіс; 

Өз әрекетін тоқтатқан (қайта ұйымдастырылған) заңды тұлға Тіркелімнен шығарылуға тиiс (Тіркелімнен шығару оған заңды тұлға қызметінің тоқтатылғандығы туралы жазбаны енгізу жолымен жүргізіледі), ол туралы жаңадан құрылған заңды тұлғаны мемлекеттiк тiркеу туралы бұйрықта көрсетiледi. 

Акционерлік қоғам қайта құрылған, қосылған, біріктірілген және бөлінген кезде тіркеуші органға акционерлік қоғам акцияларының барлық эмиссияларының күшін жою туралы куәлігі табыс етіледі. 

Бөліп шығарылған жағдайда заңды тұлғаның қызметі тоқтатылмайды. 

Қазақстан Республикасы Азаматтық кодексінің (Жалпы бөлім) 

42-бабының 6-тармағында көзделген негіздер болған жағдайда, алғаш құрылған заңды тұлға қайта тіркелуі тиіс. Қайта ұйымдастырылған заңды тұлғаның құқықтары мен міндеттері бөлу балансына сәйкес олардың әрқайсысына ауысады.