Документ на казахском языке

Мүгедектерге берілетін техникалық көмекші (орнын толтырушы) құралдар мен арнаулы жүріп-тұру құралдарының тізбесін бекіту туралы Қазақстан Республикасы Үкіметінің 2005 жылғы 20 шілдедегі N 754 Қаулысы

Редакция 06.04.2021 жылы берілген өзгерістер мен толықтырулармен

"Қазақстан Республикасында мүгедектердi әлеуметтiк қорғау туралы" Қазақстан Республикасының 2005 жылғы 13 сәуiрдегi Заңына сәйкес Қазақстан Республикасының Үкiметі ҚАУЛЫ ЕТЕДІ:

1. Қоса беріліп отырған:

1) тармақша алынып тасталды (ескертуді қараңыз)

1-1) тармақша алынып тасталды (ескертуді қараңыз)

2) тармақша алынып тасталды (ескертуді қараңыз)

3) тармақша алынып тасталды (ескертуді қараңыз)

4) Мүгедектерге берілетін техникалық көмекшi (орнын толтырушы) құралдар мен арнаулы жүрiп-тұру құралдарының тiзбесi бекiтілсiн.

2. Осы қаулы ресми жарияланған күнiнен бастап қолданысқа енгiзіледi.

Қазақстан Республикасының Премьер-Министрі

Қазақстан Республикасы Yкiметiнiң 2005 жылғы 20 шiлдедегі N 754 қаулысымен бекiтілген

Мүгедектердi протездік-ортопедиялық көмекпен және техникалық көмекшi (орнын толтырушы) құралдармен қамтамасыз ету ережесi

Қазақстан Республикасы Үкіметінің 2005 жылғы 20 шілдедегі N 754 қаулысымен бекітілген

Жеке оңалту бағдарламасына сәйкес жүріп-тұруы қиын бірінші топтағы мүгедектер үшін жеке көмекшінің және естімейтіндігі бойынша мүгедектер үшін жылына отыз сағат ымдау тілі маманының әлеуметтік қызметтерін көрсету ережесі

Қазақстан Республикасы Үкіметiнің 2005 жылғы 20 шілдедегі N 754 қаулысымен бекiтілген

Мүгедектердi арнаулы жүріп-тұру құралдарымен қамтамасыз ету ережесi

Қазақстан Республикасы Үкіметiнің 2005 жылғы 20 шілдедегі N 754 қаулысымен бекiтілген

Мүгедектерге және мүгедек балаларға санаторий-курорттық емделудi ұсыну ережесi

Қазақстан Республикасы Үкіметінің 2005 жылғы 20 шiлдедегі № 754 қаулысымен бекітілген

Мүгедектерге берілетін техникалық көмекші (орнын толтырушы) құралдар мен арнаулы жүріп-тұру құралдарының тізбесі

1. Протездiк-ортопедиялық құралдар:

1) шина-былғары қол протезi (иық протезi, білек протезi, саусақ протезi);

жаңа технология бойынша қол протезi (иық протезi, білек протезi, саусақ протезi);

2) шина-былғары жілiншiк протезi;

жаңа технология бойынша (модульдік) жіліншік протезі;

силикон қабы бар жіліншік протезі;

3) шина-былғары жамбас протезi;

жаңа технология бойынша (модульдік) жамбас протезі;

4) омырау бездерінiң протезi;

5) аппарат, тутор;

6) таяқ: бір тіреулі және көп тіреулі;

7) балдақ: бір тіреулі шынтақ, көп тіреулі шынтақ, қолтық асты;

8) жетек арба: сал ауруы бар балаларға арналған, жетек арба (қадамсыз, қадамдық, дөңгелекті), қосымша тіреуі бар жетек арбалар;

9) корсет, реклинатор, басұстағыш;

10) бандаж, емдік белбеу, балалардың профилактикалық шалбары;

11) ортопедиялық аяқкиім және қосымша құрылғылар (кебiстер, супинаторлар, ұлтарақтар);

12) аппаратқа арналған аяқкиім;

13) жейде киюге арналған құрылғы;

14) колготки киюге арналған құрылғы;

15) шұлық киюге арналған құрылғы;

16) түйме тағуға арналған құрылғы (ілмек);

17) белсенді қармауыш;

18) ыдыс-аяқты ұстауға арналған қармауыш;

19) қақпақтарды ашуға арналған қармауыш;

20) кілтке арналған қармауыш.

2. Сурдотехникалық құралдар:

1) есту аппараттары;

2) веб-камерасы бар ноутбук;

3) көп функциялы сигнал жүйелері;

4) мәтiндiк хабар беретін және хабарды қабылдайтын мобильді телефондар;

5) саңырау және нашар еститін адамдарға арналған сағаттар;

6) кохлеарлық импланттарға сөйлеу процессорлары;

7) дауыс шығаратын аппарат.

3. Тифлотехникалық құралдар:

1) тифлотаяқтар;

2) оқу машиналары;

3) сөйлеу синтезі бар экрандық қол жеткізу бағдарламасымен қамтамасыз етілген ноутбук;

4) Брайль жүйесі бойынша жазу құралы;

5) Брайль жүйесі бойынша жазу грифелi;

6) рельефті-ноқатты қаріппен жазуға арналған қағаз;

7) дыбыспен хабар беретін және диктофоны бар мобильді телефондар;

8) дыбыс жазбасын шығаруға арналған плейерлер;

9) нашар көретін адамдарға арналған сағаттар;

10) сөз шығаратын термометр;

11) сөз шығаратын тонометр;

12) тест жолақшалары бар сөз шығаратын глюкометр;

13) Брайль қарпін өз бетінше үйренуге арналған сөйлейтін құрал;

14) алмалы-салмалы Брайль әліппесі;

15) көру қабілеті нашар мүгедектерге арналған ине сабақтағыштар, тігін инелері.

4. Арнаулы жүріп-тұру құралдары:

1) қол жетегі бар бөлмеде жүріп-тұруға/серуендеуге арналған базалы кресло-арба;

2) рычагты жетегі бар серуендеуге арналған кресло-арба;

3) белсенді түрдегі әмбебап кресло-арба;

4) электр жетегі бар (әмбебап) кресло-арба;

5) көп функциялы (әмбебап) кресло-арба.

5. Міндетті гигиеналық құралдар:

1) несеп қабылдағыштар;

2) нәжіс қабылдағыштар;

3) жөргектер;

4) сіңіргіш жаймалар (жаялықтар);

5) катетер (Spina bifida диагнозы бар мүгедек балаларға арналған бір рет қолданылатын катетер);

6) стоманың айналасындағы теріні қорғауға және тегістеуге арналған паста-герметик;

7) стоманың айналасындағы теріні қорғауға және күтуге арналған қорғаныш крем;

8) стоманың айналасындағы теріні қорғауға және күтуге арналған сіңіргіш ұнтақ (опа);

9) иісті бейтараптандырғыш;

10) стоманың айналасындағы немесе шат терісін тазалауға және күтуге арналған тазартқыш;

11) санитариялық құрылғысы бар кресло-орындық;

12) дәретхана бөлмесіне арналған қайырмалы тіреуіш тұтқалар;

13) жуынатын бөлмеге арналған тұтқалар.