Мемлекеттiк мекемелердегi бухгалтерлiк есеп пен қаржылық есептiлiк жүйесiн мемлекеттiк реттеудің кейбір мәселелері туралы Қазақстан Республикасы Қаржы министрінің 2011 жылғы 24 ақпандағы № 95 бұйрығы. Қазақстан Республикасының Әділет министрлігінде 2011 жылы 18 наурызда № 6829 тіркелді

«Бухгалтерлiк есеп пен қаржылық есептiлiк туралы» Қазақстан Республикасы Заңының 20-бабының 2-тармағына сәйкес БҰЙЫРАМЫН: 

1. Мыналар:

1) Осы бұйрықтың 1-қосымшасына сәйкес Мемлекеттік мекемелерде бухгалтерлік есеп пен қаржылық есептiлiк жүйесін мемлекеттік реттеудің ерекшеліктері туралы нұсқаулық;

2) Алынып тасталды (ескертуді қараңыз)

алынып тасталды ҚР Қаржы министрінің 02.08.2011 № 389 бұйрығымен (27.04.2011 жылғы редакцияны қараңыз).(01.01.2013 бастап қолданысқа енгізілуі тиіс)

3) Осы бұйрықтың 122-қосымшасына сәйкес Мемлекеттік мекемелердің ұзақ мерзімді активтері бойынша тозудың жылдық нормалары бекітілсін.

1-тармақ өзгертілді ҚР Қаржы министрінің 27.04.2011 № 219, 02 (24.02.2011 жылғы редакцияны қараңыз)(01.01.2013 бастап қолданысқа енгізіледі).08.2011 № 389 бұйрығымен.(01.01.2013 бастап қолданысқа енгізіледі)

2. Мыналардың күші жойылды деп танылсын:

1) «Қазақстан Республикасының мемлекеттік мекемелерге арналған бухгалтерлік құжат нысандарының альбомын бекіту туралы» Қазақстан Республикасы Қаржы министрлігінің Қазынашылық департаменті директорының 1998 жылғы 1 желтоқсандағы № 548 бұйрығы (Нормативтік құқықтық актілерді мемлекеттік тіркеу тізілімінде № 677 болып тіркелген);

2) «Қазақстан Республикасының мемлекеттік бюджет есебінен ұсталатын, ұйымдарға арналған бухгалтерлік нысандардың альбомына өзгерістер мен толықтырулар енгізу туралы» Қазақстан Республикасы Қаржы министрлігі Қазынашылық комитетінің 2000 жылғы 18 қыркүйектегі № 405 бұйрығы (Нормативтік құқықтық актілерді мемлекеттік тіркеу тізілімінде № 1258 болып тіркелген);

3) «Қазақстан Республикасының мемлекеттiк мекемелерге арналған бухгалтерлiк құжат нысандарының альбомын бекiту туралы» Қазақстан Республикасы Қаржы министрлiгi Қазынашылық департаментi директорының 1998 жылғы 1 желтоқсандағы № 548 бұйрығына толықтырулар мен өзгерiстер енгiзу туралы» Қазақстан Республикасы Қаржы министрлігінің қазынашылық комитеті төрағасының 2005 жылғы 17 қарашадағы № 50 бұйрығы (Нормативтік құқықтық актілерді мемлекеттік тіркеу тізілімінде № 3969 болып тіркелген, 2005 жылғы 28 желтоқсандағы № 179-180(804) «Заң газетінде» жарияланған).

3. Қазақстан Республикасы Қаржы министрлігінің Бухгалтерлік есеп және қаржылық есептілік, аудиторлық қызмет әдіснамасы департаменті (А.О. Төлеуов) осы бұйрықтың Қазақстан Республикасының Әділет министрлігінде мемлекеттік тіркелуін және оның заңнамада белгіленген тәртіппен ресми жариялануын қамтамасыз етсін.

4. Осы бұйрық 2013 жылғы 1 қаңтардан бастап қолданысқа енгізіледі.

Министр                                         Б. Жәмішев

1. Осы Мемлекеттiк мекемелердегi бухгалтерлiк есеп пен қаржылық есептiлiк жүйесiн мемлекеттiк реттеудің ерекшелiктерi туралы нұсқаулық «Бухгалтерлiк есеп пен қаржылық есептiлiк туралы» Қазақстан Республикасының Заңына, Қазақстан Республикасы Қаржы министрінің 2010 жылғы 3 тамыздағы № 393 бұйрығымен бекітілген Мемлекеттік мекемелерде бухгалтерлік есеп жүргізу ережесіне (Нормативтік құқықтық актілерді мемлекеттік тіркеу тізілімінде № 6443 болып тіркелген) сәйкес әзірленіп, республикалық және жергілікті бюджеттер есебінен ұсталатын мемлекеттік мекемелерде бухгалтерлік есеп жүргізу тәртібінің кейбір ерекшеліктерін белгілейді. 

2. Мемлекеттік мекемеде бухгалтерлік есепті оның дербес құрылымдық бөлімшесі болып табылатын мемлекеттік мекеменің бухгалтерлік қызметі немесе бас бухгалтер басқаратын орталықтандырылған бухгалтериясы жүзеге асырады.

3. Бухгалтерлік қызметі жоқ мемлекеттік мекемелерде бухгалтерлік есеп пен есептілікті мекеме басшысының жазбаша өкімімен тағайындалған тиісті маман жүзеге асырады.

4. Орталықтандырылған есепке алу бюджеттік бағдарламалар әкімшісінің бұйрығымен бекітілетін Орталықтандырылған бухгалтерия туралы ережеге сәйкес жүзеге асырылады.

5. Мемлекеттік мекемелердегі бухгалтерлік қызметтер мемлекеттік мекемелердің бухгалтерлік есеп пен қаржылық есептілігі саласындағы Қазақстан Республикасының заңнамасының сақталуын, қаржыландыру жоспарының орындалу барысын, ұйымдармен, мемлекеттік мекемелермен және тұлғалармен есеп айырысудың жағдайын, ақша қаражаты мен материалдық құндылықтардың сақталуын бақылау үшін толық және шынайы ақпаратпен мемлекеттік мекемелерді қамтамасыз етеді.

6. Бухгалтерлік есеп тіркелімдерінде жазбалар үшін негіз болып қызмет ететін құжаттар бас бухгалтер белгілеген және мемлекеттік мекеменің басшысы бекіткен мерзімде бухгалтерлік қызметке ұсынылады. 

7. Операция мен оқиғаларды жасау фактісін белгілейтін, дұрыс рәсімделген бастапқы құжаттар бухгалтерлік есептің тіркелімдерінде жазбаларды көрсетуге негіз болып табылады.

8. Есепке алынған алғашқы құжаттардағы ақпарат бухгалтерлік есептің тіркелімдерінде жинақталады және жүйелендіріледі.

9. Бухгалтерлік есеп тіркелімдеріндегі жазбалар бастапқы құжаттардан, оларды алғаннан кейін келесі күннен кешіктірмей жүргізіледі. Әр ай аяқталғаннан кейін талдамалы есеп тіркелімдерінде айналымдар қорытындысы саналады және қосалқы шоттар бойынша қалдықтар шығарылады.

10. Мемлекеттік мекеме бухгалтерлік есептің мемориалдық-ордерлік нысаны бойынша бухгалтерлік есепті жүзеге асырады.

11. Мемлекеттiк мекемелерде бухгалтерлiк есепті жүргізу кезінде бастапқы құжаттар мен бухгалтерлік есеп тіркелімдерінің рәсімделуі мемлекеттік мекемелерге арналған бухгалтерлік құжаттама нысандарының альбомына сәйкес жүзеге асырылады.

12. Мемлекеттік мекеме ұзақ мерзімді активтердің амортизациясын есептеу үшін мемлекеттік мекемелердің ұзақ мерзімді активтері бойынша тозудың жылдық нормаларын пайдаланады.

1-қосымша 12-тармақпен толықтырылды ҚР Қаржы министрінің 27.04.2011 № 219 бұйрығымен.(01.01.2013 бастап қолданысқа енгізілуі тиіс)